حبيبتي المسترجلة

part 14

علي. لازم باجر اروح احاجي احمد بس شلون حفتح ويا الموضوع كلش خايف ومتردد ربي فدواتك كلشي ماريد بس ناز تصير الي نمت واني افكر ......
ثاني يوم العصر .....
احمد. الو لك وينك يمعود تاخرنة
علي. جاي والله جاي دا البس حذائي ها اها طلعت يلا .... اليوم دنروح للجم ع عادتنة كلت من نطلع مناك نكعد ب فد مكان هادئ وافتح ويا الموضوع
احمد. ترا صارلك ساعة ع هاي حطتك شلون يعني نكضيهة هيج احجي شنو عندك ولك
علي. لا رح احجي امممم.... انيي.... يعني.... هو.... اريد.....
احمد. ياااا ولك شبيك تمتمت احجي
علي. خلص رح احجي بس اريد توعدني متحجي اي كلمة الحد ما اخلص كلامي اوعدني وعد رجال
احمد. تمام وعد احجي يلا
.........
نازلي. كاعدة بغرفتي دا اشوف فلم رعب ومطفية الضوة واجواء وما احس الا الباب ندفرت بيدي ماعون بي شامية طار هو والشامية متت من الخوف خرا بيك احمد متجوز من سوالفك لو مجلوطة هسة
احمد ومعاني وجهة كلهة جدية. تعاي لج انتي شمسوية
نازلي. اني هاي شبيك شمسوية
احمد. تعاي وياي جريتهة من ايدهة ونزلت
نازلي. اخخخ ايدي علكيفك رح تخلعهة غير اعرف شمسوية شكو .... نزلني وجان اشوف علي منزل راسة وواكف بالاستقبال ربطت احداث بكيفي كلت اكيد هو ديلعب علية وراح كال ال احمد اختك تحجي وياية يمااا حيذبحوني
نازلي. احمد ووالله كلشي ممسوية
احمد. جريتهة ووكفتهة كبالة صارو واحد كبال الثاني ... رفعت عيونهة اللي تلمع بس الدمعة مو راضية تنزل
نازلي. ليش هيج سويت هااا ليشششش اني شسويتلك لان وثقت بيك وحبيتك منو اللي اجة ع منو منو اللي جان يتوسل انييي احجي متحجي منووو
احمد. نازلي وعلي هسة انتو في رهن الاعتقال وعقابكم الاسبوع الجاي ..... تنخطبون ووراهة ب اسبوعين تتزوجون رفعت الجلسة 😂😂😂
علي. واني راضي بالحكم بس يخوي مو هواي بعد اسبوعين الزواج خلي نسوي خطوبة وحنة وزفة سوة 😂😂
احمد. انجب ترا اتراجع
علي. لا عمي كلشي ولا تتراجع هذا هو راضي بحكمك احلا عقاب 😂😍
نازلي. اباوع علي يضحك واحمد يضحك شنو الموضوع احد منكم يفهمني
نرجع شوي بالاحداث ....
علي. احمد اريد اطلب ايد نازلي ع سنة الله ورسولة وانت اخوية واكيد متردني
احمد. من شوكت هذا الحجي !!!!
علي. والله من زمان احبهة وانت تعرف الحب لا حرام ولا عيب اذا جان شريف واني نيتي زواج وياهة من زمان
احمد. وهي؟
علي. هاا هي خوية متبادل الشعور بيناتنة
احمد. شلون جنتو تتواصلون ؟
علي. ما جنة نتواصل بس نضرات بس هاي اخر فترة صرنة نتراسل ع واتس بس والله اصدقاء وبس كتابة الله شاهد وسوالف عادية نحشش ونضحك
احمد. علي انت اخوية وصديقي واني واثق منك بس ياخوية اللي سويتو غلط انتو استغفلتوني واستغليتو ثقتي بهاي الحالة تدري لو لا
علي. 😔 اي والله ادري بس ياخوية والله احبهة انت بس تجرب الحب رح تعذرني وتشوف اللي سويتة صح كل قصة حب بين الطرفين حتكون صح بنضرهم بس بنضر اللي حواليهم حتكون تصرفاتهم خطأ الحياة كدامك وان شاء الله رح تحب وتشوف شلون اني مغلطان وارجع واكول حبنة شريف واني رايدهة ع سنة الله ورسولة وجاي اطلبهة منك اول شي اخذ موافقتك وتروح تستشير عائلتك ونجي نخطب رسمي
احمد. خرا ببليسك خرستني ولك شعندي غيرك انت ونازلي
علي. حضنتة قوي وضليت ابوس بي والله جنت متأكد مراح تردني حبيبي اخوية وحزام ضهري
احمد. بس رح اعاقبكم انت ونازلي لان جان المي يمشي من جواية واني مادري
علي. تمام شنو العقاب
احمد. مو هنا امشي للبيت
............
احمد. وهذا اللي صار طلعت مو هين اموري
نازلي. كمت ابجي خجل ع خوف ع فرحة ع كلشي احس نفضحت صرت ابجي اكثر شي من الخجل
علي. يروحي ليش تبجي
نازلي. ليش هيج تسوون بية وطلعتني خاينة كدام اخوية بعد ماحبك ولا احجي وياك شوف منو يكلك تصبح ع خير بعد
علي. اخخخ كلشي ولا هاي والله مانام ليلي
احمد. عيني عصافير الحب الطرطور واكف احترمو شوية
نازلي. شووووف اهئ اهئ ماماااا 😭😭
علي. احمد حباب سكتهة بعد منو يكلي تصبح ع خير اذا زعلت
احمد. هو حتة لو سكتت بعد متشوف هالكلمة عقوبة منا للخطوبة الرسمية بعد ماكو تواصل بينكم يلا اموري اصعد جيب فونك
نازلي. تمام رايحة 😓
علي. لا على بختك حمودي وين انطي وجهي هذا عقابك قوي وضالم
احمد. اكلك ليش متنجب احسلك ترا اتراجع
علي. ي ضل كل شوية مهددني الله عالضالم باجر عكبة تحب وتتعذب مثل ما دتعذبني
احمد. الله كريم يلا ولي لتلح
علي. اخخ نطردت يلا حبيبي باي وصحت بصوت عالي باي خطيبتي الحلوة ع عناد المضغوطين
احمد. لك انجب وركضت ورا راح يركض فلت مني 😂 بيني وبين نفسي كلش فرحان صديقي واثق منة ودا اشوف الحب بعيونة ال نازلي
نازلي. اخذ الفون مني صرت اخابر البنات بفون امي وسولفتلهم الصار وكلش فرحولنة وسمر تدك وتركص
نازلي. باعن ولجن قبل ١٥ يوم من عرسي انتن يمي وتضلن الحد العرس اريد اشبع منجن تمام
... تمام
خلص الاسبوع ركض واجة اليوم الموعود اللي هو يوم اللي يجون يطلبوني رسمي الشعور غريب خوف ع خجل ع فرحة ع حماس مشاعر متلخبطة سمر ومريم يمي من الصبح يحضرن ويسون عبالك الخطوبة الهن تذكرت قبل شلون مجان عندي صديقات يعني جان بهاي اللحظة محد وكفلي ولا فرحلي مثل فرحتهن الصديقات نعمة من رب العالمين نزلت دموعي
سمر. يااا ولج ليش تبجين خرب المكياج
مريم. شبيج يروحي ليش تبجين سكتي سمر انعل ابو المكياج خلنعرف ليش تبجي
نازلي. احبجن الله لا يحرمني منجن ومن صداقتجن ☹❤
سمر. يعمري ولا يحرمنة منج
مريم. ع هاي تبجين حبيبي لتبجين نبقة صديقات طول العمر ... تحاضنة تلاثتنة
سمر. يلا ولجن كافي دراما حيجون العالم خلي اسويلج مكياجج خرب
نازلي. هسة ضروري المكياج والله معاجبتني فكرتة يايوم خليت مكياج اني
مريم. حبيبي تغيير شوية هو احنة شخالين طن هو شوية لمسات خفيفة
يلا حيجون .....
نازلي. لبست فستان طويل بينسل مخصر عالجسم لونة بنفسجي فاتح وحذاء سودة وسويت شعري شديتة بكيتر عادي ليورة وخلتلي سمر ايلاينر ومسكارا وكحل وحمرة حمرة باوعت ع روحي بالمراية معرفت نفسي طلعت اجنن عيوني يخبلن يسحرن لبست تراجي يصيرن تك ع شكل قمر وتك نجم واسوار هم قمر وكلادة نازكة مثل التراجي هو طقم كامل اجوي وصار لازم اطلع اقدم العصير
سمر ومريم يدفعن بية واني مطنكرة استحي بعدين كوة طلعت قدمت العصير وسلمت ع امة
ام علي. اللهم صلي ع محمد وال محمد يمة طالعة كمر الله يحفضج ويحميج من العين تعاي حبيبة كعدي يمي تعاي
نازلي. اجيت كعدت يمهة بدو يحجون ويسولفون وروتين الخطوبات العادية هو جان جاي وي امة لابس رسمي طالع يخبل فدوة الطولة اني الخجل متملكني واذاني صوفرت صرت ما اسمع شي من اللي يحجو الحد ماكملت الخطبة وكالو نردلكم خبر ونستشير اهلهة وتوادعو العائلتين وطلعو رجعلي احمد موبايلي و ...... يتبع لاتنسون تصويت ومتابعة وتعليق يحفزني 🖤