حبيبتي المسترجلة

part 7

Part 7
علي. كعدت ثاني يوم بكل نشاط سبحت وكشخت كالعادة ورحت بس هالمرة مرحت للمدرسة لاا رحت للكلية لازم اتقرب من احمد حتة اكدر اوصل النازلي طبيت بلا ما اروح القسمي رحت كبل للمرحلة الثانية دورت ملكيتة كلت يجوز بعد مجاي ضليت انتضر والله شوي واشوفة وي جماعتة رحت بلهفة
احمد. علي هههههه شدتسوي هنا
علي. والله ضوجة وماعندي اصدقاء بقسمي وتذكرتك انت قريب كلت خلي اجي عليك خوما بيهة ازعاج
احمد. لا عادي حبيبي مابيهة اي ازعاج اصلا كلش زين من اجيت تعال اعرفك ع اصدقائي بس اوكف انت ليش ماعندك اصدقاء
علي. مو اني ما احب اكون صداقات
احمد. وشعجب كونت وياي صداقة وخلال ربع ساعة 😂
علي. مادري والله بس ارتاحيتلك 😂
احمد. تعال تعال احمد هذا ياسر وهذا حسين شباب اعرفكم صديقي علي
الكل. اهلا وسعلا تشرفنة
علي. ضلينة نسولف ومدري شنو وكذا وتعارف كال احمد خلي نضرب المحاضرة الاولى نروح للكافتيريا بمناسبة التعارف والصديق الجديد اللي هو اني ☻😂 رحنة كعدنة راح احمد يجيبلنة عصير
احمد. شباب هسة اجي
دا امشي وبيدي صينية العصاير والمي وما احس الا غركان بالعصير والمي خربببببب لج شسويتي انتي عمية متشوفين شبيجن انتن البنات بس تخابرن تنعمن وتنطرشن
باري. شنو شنو شنو الزم حدودك ولتشمر بالحجي عادي حادثة وصارت لا متت ولا فقدت احد اعضاءك بي كل اللي صار تدمرت عصير شنو يعني وين ذوقك وين تعاملك الرقيق وي الجنس اللطيف
احمد. شنووو 🤤🤤 لج ياجنس يالطيف انتي جنج اختي مسترجلة وين انوثتج شنو هالصوت استغفر الله فوك ما انتي غلطانة اكلتيني بلسانج جنة لسان دلالة
باري. استغفر الله والشكر انت شدتحجي روح من وجهي
احمد. عافتني وراحت ولا كأنو مسوية شي مشيت للحمامات اهز بايدي والله يا الله اني بوجه منو مصبح اليوم نوب ضليت امشي واتذكر التصرفات واضحك جنهة تصرفات نازلي والله ههههه عبالي بس اختي رجال طلع اكو ارجل منهة
علي. باع الوجه ابتسامتك يمعود شبيك شنو هالوضعية اللي رجعت بيهة ملابسك مدمرة العصير وين
احمد. دسكت ولك اني بوجه منو مصبح وشفت هالخلقة جنهة نازلي لو ما الشكل يختلف جان كلت هاي نازلي
علي. من جاب طاريهة فز كلبي سويت نفسي ماعرف وسالتة نازلي منو
احمد. يمعود هاي اختي مسترجلة عالعالم من الطفولة ومابيهة ذرة انوثة
علي. هههه احب هيج شخصيات اي المهم كمل ومنو اللي شبهتهة بيهة
علي. ماعرف وحدة ثولة جانت دتخابر وممنتبهة وكعت صينية العصير والمي علية وفوكاهة اني الممنون حصلتلي رزالة معدلة هجمت علية عبالك وحش مفترس شبهتهة بنازلي هي هم هيج تتهجم عالناس
الكل. 😂😂😂😂
ياسر. نيالك عايش وي هيج شخصية بالبيت تونسك وتضحك عليهة شوية
حسين. اي والله نيالك
علي. اموت ع هيج شخصية اني ماعندي لالا اخوان ولا خوات اكلك احمد اليوم معزوم عندي عالعشة شباب انتو هم تعالو
ياسر. اني ماكدر اليوم حيجونة بيت عمي وحتجي وياهم الحب 😻
حسين. اني ماعندي شي اجي لا حب ولا بطيخ حديقة وصارت نخل وخضرت
علي. وكي شباب نلتقي اليوم ها تعالو انتو متندلون بيتنة شلون 😂
احمد. نجي المنطقتكم ومن نوصل نخابرك تطلعلنة وعاشو عيشة سعيدة
علي. اي هم صدك يلا شباب حروح للمحاضرة اني باي
الكل. باي ... يلا كومو احنة هم للمحاضرة مو عجبكم الوضع
احمد. رجعنة للمحاضرة خلص وقت الكلية طلعنة وجان الكاهة كبالي اي والله هي نفسهة واكفة وي شلة بنات وتضحك بصوت عالي لا يا الله هاي صار موقفين اشوفهة بيهن وثنينهم ياكدن الي بانو هاي النسخة الاصلية من نازلي شنو هالضحكة .....
علي. رحت للمحاضرات خلصتهن شلون مجان رجعت للمدرسة انتضر يطلعون وبدو يطلعون طلعو شفتهة هي ومريم وسمر يمشن دائما هي بالنص لان اطولهن هههه فاتت من يمي ضحكتلهة كالعادة دارت وجههة وراحت عادي يكلبي اتحمل هي فترة واصير اجي للبيت واشوفج كبال عيني كلت فرص شوفتهة حتكون قليلة لو اضل بس صديق احمد لازم العائلتين يصادقون بعض رجعت للبيت نمت
احمد. راجع من الكلية هستوني ميت تعب ونعسان اريد انام واجة صوت الطوبة بأذني استغفر الله شلون يعني نهج من هالبيت ولك اميييييييير اريد انااام
نازلي. تصيحلي امير مو الا ازيد باللعب وضربتهة قوي اجة علية شايل سجينة يريد يشك الطوبة اخذت الطوبة وضليت اركض بالبيت ماريدة يشكهة احبهة
اركض واحجي
نازلي. انت شعليك ليش انت الوحيد المعترض ع لعبي بالبيت مو سامر وكرار وعلي عادي عدهم ونايمين هسة
احمد. ولج تعاي اليوم الا اشكهة اني ما اتحمل اصوات ماعرف انام
نازلي. شفت ماكو مفر وامي بالسوك وابوية بالشغل وخفت عالطوبة ركضت بيهة للشارع كلت اكيد محيركض وراية ويحط عقلة وي عقلي ضليت اركض وهو يركض ووصلت نهاية فرع بيتنة هذا حدي بعد ماكدر اطلع اكثر من هيج ممنوع علية لان عيب وناس احنة فرعنة بي كم بيت معروفين وربيت وياهم من الصغر ف عادي حتة مرات العصر اطلع العب طوبة بالباب لان شوية مساحة اكبر خلص الفرع ماكدر اتخطى حدودي بابا يموتني هو موصيني هذا حدي وكفت واستسلمت للواقع اخذ الطوبة مني كدام عيني وخلة السجينة عليهة احمد عليك الله لا حباب والله احب هاي الطوبة من الطفولة اني العب بيهة احمد والله ما اسامحك واكول ال ابوية اخلي يموتك احمد فدوة لا لتشكهة احبهة احمد لاااااا
احمد. ركضت وراهة عبالهة مثل كل مرة ما احط عقلي وياهة وارجع بس هالمرة مرجعت وصلنة راس الفرع هذا اقصي شي الهة ابوية موصيهة متتعدا استسلمت ووكفت اخذت الطوبة منهة وضلت تتوسل كلت بلكت تنفك عقدتهة وتكره سوالف الولد وتصير عدهة انوثة شوية مو قصدي ابجيهة واذي مشاعرهة شكيتهة وشمرتهة بحضنهة ورحت كلت هسة تجي وراي وتعاركني
نازلي. كعدت بالكاع وطوبتي بيدي ضليت ابجي مقهورة هاي الطوبة من وعيت للدنيا والحد هسة اني العب بيهة بابا اشترالياهة كمت وطوبتي بيدي ومقهورة ما اشوفة الا طلع كبالي بصوت مبحوح استغفر الله انتة الثاني شجابك باوع والله مابية اتعارك ومقهورة عوفني بحالي رحمة الدينك
علي. كالعادة بعد المدرسة ابقة شوي يم بيتهم يالة اروح شفتهة تركض وطوبتهة بيدهة واحمد يركض وراهة وبيدة سجينة مبين يريد يشكهة انتجيت وابتسمت اباوع عليهة شلون تركض مثل الطفلة شنو هاي خرب ههههههه وصلت راس الفرع لو عابرة شوي جان شافتني هي واحمد ختلت بس معبرت ضلت واكفة براس الفرع اجة اخذ الطوبة منهة شفتهة شلون تتوسل بي ميشكهة وان الطوبة من طفولتهة ابوهة مشتريلهيا اخذهة شكهة وشمرهة بحضنهة توقعت كالعادة حتهجم علية مثل اي كائن يتعرضلهة بس لاا كعدت بالكاع مكسورة خاطر وتبجي واخذت طوبتهة وكامت مدنكة وتبجي وتمشي طلعت بوجهة بس ماعرف ليش اريد اخفف عنهة ماعرف شلون واني اعرف هي تكرهني
علي. ردتهة نازلي القديمة المسترجلة ميلوكلهة مكسورة ف كلت خلي اعصبهة حتة تتقوة وتعاركني ضحكت بوجههة ولج زعطوطة انتي تبجين علمود طوبة حتة الزعاطيط مسووهة لا ونوب دراما وكعدتي بالكاع ومقهورة والله يا الله 😂😂
نازلي. لميت قبضة ايدي وصاكة ع اسناني ضربتة بوكس يمكن فقدتة الوعي
علي. اخخخخخخ خرب ببليسج ردتج ترجعين مثل قبل بس مو هيج تضربيني لج المفروض افقد ذاكرتي ع هالضربة بس الله يحبني مصار بية شي يلا اني كملت مهمتي هنا باي ياحلوة رحت وفرحان وخرت ضوجتهة...... يتبع صوتو وعلقو وتابعوني حتة اتحمس انزللكم اكثر 🖤