حبيبتي المسترجلة

part 15

رجعلي احمد الفون مالتي اول مرجعة رجعنة نتخابر اني وعلي كدام اهلي عادي بعد جان دائما يتغزل مرت الايام واجو الزلم انقرت فاتحتي وقررو الحاضر ٥ والغايب ١٠ بعد اسبوعين خطبتي وراهة بيوم رأسا نتزوج علي سكن بيتنة يومية جاي 😂😂
فد يوم اجة استقبلة احمد كعدو يسولفون ويشاقون
احمد. اكلك انتة ماعندك بيت يومية جاي متشبع
علي. هسة اني جاي ع راسك المربع جاي ع مريتي اريد اشوفهة
احمد. هههه لا ياناقص اني راسي مربع لعد اليوم عقابكم ما اصيحهة الك
علي. لا يخوي ع بختك انتة غير راسك يخبل
احمد. يمة الحب يمة نازليييي ولك امووري تعال اجة الصهر يريدك
نزلت نازلي سلمت وكعدت
علي. هسة غير يكوم اللزكة نريد ناخذ تصبيرة عالزواج
شطالعة اليوم لابسة تراك رياضي البدي مالتة سحابة نازل شوي وطالع من صدرهة وشايلة شعرهة كعكة بشكل مبعثر ومتناثرات خصل ع وجناتهة زايداتهة جمال علي صاح احمد وراح لك فدوة اروحلك علي بس انت تفتهم
نازلي. كاعدة وصافنة عالوضع احنة هواي نسولف بالفون بس بالواقع اني مزهرية مبتسمة اتلبك واستحي اسولف ويا
علي. شلون اموري نضل هيج شبيج خايفة مني تعاي كعدي يمي
نازلي. ادنيت يمة بس شوية
علي. ولج استعطي منج لتجين اني اجي رحت كعدت بصفهة حاوطتهة بايدي وخليت راسهة ع صدري
....افيييش هيج الكعدة تعلمي مو انتي بالشرق واني بالغرب اكلج
نازلي. همم
علي. هاي شنو ههههه نمتي هاي نيمتج ع صدري وهيج نمتي لعد اذا تنامين بحضني شلون 😉
نازلي. لتحجي هيج حباب والله اتلعثم وبعد ما اعرف احجي
علي. اي صح اتذكر شلون تلعثمتي من بستج بالحديقة
شلون طعم اخخ يخبل شنو رأيج نعيدهة 😉🙂
نازلي. لا حباب والله استحي
علي. انتي بس غمضي عيونج ومعليج
نازلي. غمضت عيني واني وجهي ينطي الوان من الخجل
علي. تقربت واسمع دكات كلبهة ونفسهة العالي ورجفة جسمهة واباوع وجههة صار دم من الخجل قربت شفتي ع شفتهة ودابوسهة جان تندفر الباب اشتعلت عشيرتك احمد رأسا غيرت وضعيتي وسويت نفسي ادغدغهة هي بلا متفهم السالفة شنو كامت تضحك
احمد. ها ولك عفتكم انتة بالشرق وهي بالغرب شبساع لكيتكم متحاضنين اخجل ولك توكم مخطوبين وانتة اموري اكعد راحة
علي. لك احمد شوف وحق اللي سماك احمد الا اخليك تتوسل ع شوفة من خطيبتك المستقبلية
احمد. كوم منا لك كوم يلا البيتكم بعد ماكو جية منا للعرس
علي. اي مو هو بكيفك ابو راس المربع مرتي وبكيفي ترا هسة اخذهة واطلع
احمد. انجب وامشي ولي يلا وانتي شمتانية صعدي الغرفتج
نازلي. انت من صغرك ناشب وياي عبالك ضرتك اني 😒 .........
مرت الايام وتحدد موعد النيشان بعد اسبوع وبعدهة الحنة بيومين ورأسا وراهة العرس خابرت سمر ومريم وجبتهم يمي قبل لا اطب البيت شفت عبدالله
عبدالله. هلا هسة نور الفرع شلون اموري ويغمز السمر وعيونة عبيهة
نازلي. لك عبدالله ترا خاف عبالك ما اسويلك شي هسة انطيك بوكس اعدل وجهك لتباوع السمر هيج
عبدالله. بس كوليلي شنو مشكلتج وياي رجال مشورب وشابع كفخات منج شنو انتي عمي
نازلي. لان انت جنت خبيث تطردني ومتخليني العب وياكم طوبة نسيت لو لا
عبدالله. شلون انسة عمي اذا انتي اخذتي حقج وركعتيني بطابوكة خليتي دمي بطولي واني اعتذر هسة بعد اكو شي
نازلي. لا ماكو 😒
عبدالله. نازلي حبابة والله معجب ببهة ساعديني
نازلي. اجيبلك رقمهة بس اشوفهة هي تقبل لو لا والله كريم
عبدالله. فدوة اروحلك اموري كفو منك شوكت تجيبي
نازلي. انت يومية من الصبح الحد العصر اوكف بالباب واني اشوف يوم مناسب واطلع انطيكيا
عبدالله. 😯😯 ع بختج شنو بواب من الصبح للضهر ودرجة الحرارة تموت المطي نطيني يوم محدد وجيبيليا شنو السالفة لتصعبيهة فدوة
نازلي. الله كريم باجر اوكف بباكم واجيبلكيا
عبدالله. بيش الساعة
نازلي. معليك ورحت طبيت وسديت الباب
عبدالله. شنو معليك خرب حضي غير اعرف حتة اطلعلج ........
سمر. لج ليش منطيتي الرقم
نازلي. رح اغلط واخرب سمعتي انجبي وثكلي خلي يتوسل بعد شوية وانطيهيا
مريم. والله داهية انتي خرب عرضج ذليتي الرجال 😂😂
نازلي. لعد شعبالكم اني اموري مو حي الله 😎
علي اخو نازلي. هلا اليوم بيتنة منور بوجود الثلاثي المرح
نازلي. علي ندري منور بمريم وبس وانت اصلا ممنتبهلنة
علي. لج انتي ليش السانج ميفوت الحلكج والله فضيحة هاي عود اني احن واحد من اخوانج عليج وشالعة كلبي
نازلي. لا عيني غير انتة الروح والرية وكل الناس عارية وخاصة احمد هو يشوفنة كاعدين اني وعلي وهو يخرب الكعدة اخر مرة طرد المسكين وبعد ما اجة 😂😂يلا تعالو عوفو السوالف وانت علي شوكت تتزوجون نريد نركص
علي. لج غير الشفية يتزوج يالة اني حضي خلاني اصغر منة
نازلي. لك الشفية وكع بالحب ومحد سمة علية روح استدرجة وقنعة يعترفلهة حتة يتزوج وتنفك الجبسة عليك
علي. صدكك ولج منو يحب
نازلي. ولك شبيك نسيت باري حب من اول شربت 😂😂
علي. اي والله شلون مخطرت ع بالي خلروح اغسل دماغة
نازلي. اي عفية يلا روح
.......
ثاني يوم
علي نشيط وكاعد من الصبح ينتضر خروج معشوقتة من غرفة اختة ويكحل عينة بشوفتهة والثاني عبدالله اوووف عبدالله خطية من وجه الصبح كاعد بباب بيتهم كتلة الحر واصار طرشي عالشمس البرا ينتضر امل من نازلي وسمر تراقبة من شباك غرفة نازلي وتتوسل بنازلي تروحلة اما نازلي غركانة بالحب والليل كلة منامتة تحجي وي الحب قررت نازلي تروح تنطي الرقم ال عبدالله نزلت للشارع وعبدالله ركضلهة متلهف والفرحة بعيونة
نازلي. اووي سودة علية لك هاي شصاير بيك محموس حمس خطية قهرتني
عبدالله. لو قهرتج جان اجيتي من وكت وجبتي صلبتيني بالشمس احتركت لج ياضالمة درجة الحرارة ٤٤
نازلي. السانك ترا اتراجع
عبدالله. لا عمي كلشي ولا تتراجعين راضي بكلشي وين الرقم
نازلي. هاك بس باوع الك مدة تتعرف عليهة الحد عرسي وراهة عبدالله احسب امك مجابتك للدنيا اذا تضحك عليهة ومتخطبهة
عبدالله. لا عمي مرايد نفسي اعوفهة غير اقرة الفاتحة ع روحي
نازلي. اي عفية يلا روح
عبدالله. تمام باي
باي
... طبيت للبيت مخبوصين ديعزلون ومدري شيسوون بعد ٣ ايام النيشان رحنة اني وسمر ومريم وعلي نتسوك كضيناهة من الضهر لليل مخلينة مكان مفرينا ترسنة السيارة ملابس واكسسوارات ومكياج وافترينا وتعشينة برا ورجعنة .....
مر النيشان ع خير واستراحتي وبقائي يم اهلي يومين وبس علاقة عبدالله وسمر حلوة متفاهمين كلش وثنينهم مخابيل علي غسل دماغ احمد وخلا يعترف الباري ورا عرسي حيخطبهة يعني حتصير خطوبتين ورا عرسي خطوبة سمر وخطوبة احمد اجة يوم الحنة رحت الصبح للصالون اني وسمر ومريم كملنة كلشي وخابرت علي
نازلي. حبيبي وين صرت مو معنة من الحر واللبخ راح
علي. لج هياتني وصلت حبيبي وصلت خوما لعبتي بلون شعرج
نازلي. لا ابد
علي. اي عفية يلا وصلت طلعو
اخذنة علي للبيت وصلنة وراح طبينة وبدة الركص والهلاهل والاجواء الحلوة جنت لابسة بدلة سمائي فاتح لونهة متدرج من فوك لون غامق وكل ماننزل شوية نلكة اللون متفتح وبيهة لمع تبين من بعيد كانها سماء وبيهة نجوم ضهرهة مفتوح جان مكياجي اسود مكياج العيون لان من زماان مقررة مكياج خطوبتي اسود وشعري ع طولة وع لونة مقبل علي العب بي بس سوتة كيرلي ورفعتة تسريحة بسيطة وسمر لبست فستان طويل مخصر عالجسم ومن جوة مثل ذيل السمجة لونة اسود وسوت شعرهة سترايت ومكياج خفيف طلعت صاكة ومريم لبست فستان وردي فاتح قصير ومنفوش وسوت شعرهة كيرلي ومكياج وردي وهي ناعمة طلعت مثل الاميرات كملنة وشبعنة ركص ..........
يتبع تأخرت هووواي اعرف ومقصرة وماكو نضام بالقصة بس والله ضروف وروتيني مو عدل رح احاول اسرع بالاحداث حتة اخلص القصة بسرعة والقصص الجاية ان شاء الله اكتبهة كلهة يالة ابدي انشر حتة ما اتاخر عليكم لتنسون تصويت ومتابعة وتعليق يشجعني اكمل 🖤