حبيبتي المسترجلة

part 17

علي. بدلت ملابسي وطلعت لكيت ناز كاعدة عالجرباية وعيونهة مغوركة دموع
.. ناز شبيج حبيبي ليش تبجي
نازلي. شنو هاي غير ليلة كشرة مو يكولون هاي ليلة من العمر لعد وين الحلو بيهة من الزفة ليهسة ارجف البدلة مو راضية تنفتح سحابتهة الملابس جايبيهن مشلتحان هنة نستر نفسنة بيهن لو العكس و..
علي. خليت ايدي ع حلكهة اششش مدتجمعين بالكلام فهمتج ام كرش جوعانة مو
نازلي. كمزت اييي والله متت من الجوع ع الكيك مال الحفلة بطني تزقزق بيهة العصافير
علي. هههههه شوفي شلون اعرفج اول شي تعاي افتحلج السحابة حتة تبدلين واروح اجيبلج عشة واجي الكاج مبدلة تمام ...
.... تمام
علي. فتحت السحاب وطلعت يلا حبيبي رايح بدلي ع ما اجي
نازلي. اي يلا حباب عالسريع والله ميتة جووع باوع ماريد مثل عشا العرسان العادي دجاج جيبلي بيتزااا ووياهة بطل ببسي جبير
..... هو فاتحلي السحاب كامشة بدلتي واحجي بس اهدهة توكع  😂
علي. اعرف موصي اني هسة اجيبهم واجي ما اتأخر ٥ دقايق
نازلي. راح علي واني نازعة البدلة وحايرة البس السيت المشلتح لو لا كلت خلص رح البسة والبس فوكا الروب مالتة ما انزعة ابد نوب الروب بي فتحات من الجوانب واصلة جوة الخصر يعني هم ماسوينة شي بس استر عالاقل 😂
علي. اني اجيت وينج
نازلي. اني هنا اكلك هاي شنو شو الملابس مشلتحة منين ما اغطي يطلع جزء من جسمي
علي. اي لعد شتريدين تلبسي عباية 😂😂
نازلي. شنوو
علي. هسة عوفينة من هالحجي تعااي كعدتهة عالجرباية وجبت الاكل خليتة بحضنهة وكعدنة ناكل هي نست الاول والتالي تربعت وداست عالاكل بالعشرة 😂😂
ناز. احجي وحلكي مليان اكل اممممم طيبب يخبل وين الببسي نطيني
علي. هاج وانتي ولا هامج تعلفين اليوم اطلع حركة الوقت الفات كلةة
ناز. هاي شبيك غير جوعانة
علي. اكلي حبيبي اكلي عوافي
ناز. هممم هسة ملينة الكرش وكمت اطبطب ع بطني
يلا كوم لم الاكل
علي. اي مو خدام مال خلفوج اني كومي غسلي حلكج كلة كاتشب
ناز. اي مو بتك اني وتعلمني 😒
علي. اذا مابيج حيل انضف حلكج من الكاتشب بطريقي
ناز. لالا رايحة اغسل بايي
علي. 😂😂 وين تشردين اليوم
........
مرت ربع ساعة ونازلي ماكو ولج يمعودة يا ام الغيرة وينج هاي بس انتي تغسلين ربع ساعة
ناز. ما اطلع اليوم انام بالحمام كروشتي وشبعتة
علي. لا والله شنو هاي شغلة جديدة اطلعي لج ترا عندي مفتاح للحمام افتحة بي
واذا فتحتة يصير العقاب عقابين وانتي اختاري بعد
نازلي. زين خلي نتفق اوكف
علي. رح احسب لل ٥
نازلي. بس خل نتفق شبيك
علي. واحد
نازلي. هففف شيخلص هالليلة
علي. ٣
نازلي. شنو هاي غشااااش مكلت ٢
علي. بكيفي وهسة رح اطفر لل ٥ جايج
نازلي. لالا حباب طلعت والله
علي. تعاااي كمشتهة من اذانهة وجريتهة وكعدتهة عالجرباية
نازلي. اكلك اني شو نعست عزاا كمت اشوفك ثنين من النعس خلي انام احسن لفيت راسي وتغطيت واباوعلة من جوة اللحاف بتك عين وهو يضحك
راح اي والله راح هاي شنو راح للميز جاب كرزات وشعل التلفزيون واجة
علي. يلا كومي دنتابع فلم شتريدين تشوفين رعب
نازلي. افتهم خبثك عبالك اخاف من الرعب والزك بيك مثل الافلام مووو😂😂
علي. الا اطلع رعب لعد
نازلي. طلع عادي ماخاف
يلا بدا اسكتي هاج اكلي
..... تعاي بحضني حتة تصير اجواء
نازلي. مااا
علي. مو هو بكيفج دتعااي شلعتي كلبي حتة افتحلج تسريحتج موجعج راسج منهة شثكلهة ع راسج
نازلي. كعدني بحضنة وبدة يفتح بالتسريحة واباوع عالفلم
علي. هاي شنو شكد حاطة ماشات جدرية ماشات صدك جذب
نازلي. اي غير هي ٣ ساعات يالة ثبتت شعري تسوي خصلة توكع خصلة كتلك خل اكصة حتة يصير اسهل
علي. انجبي غير اكص راسج ورا
نازلي. 😒😒 خرب ببليسك رح انام 😂
علي. ليش
نازلي. مو اني نقطة ضعفي شعري من احد يلعب بي انعس واغفى 😂😂
علي. هااا خوش شغلة تفيد وخاصة اليوم  😂😂
وهايي شلنة كل الماشات واخيرااا
نازلي. اي 😂😂
علي. يلا تعاي نكمل الفلم
نازلي. اكلك هاي غرفة الفندق باردة
علي. اي مو سبلت مشعول تعاي تكرفصي بحضني خلي اغطيج
نازلي. نمت بحضنة وجاب غطا غطاني واني بحضنة
اي هسة تمام
علي. يلا باوعي طيرتي الفلم
نازلي. مو كتلك الفيلم ميخوف
علي. نازلي غمضي عينج
نازلي. ش..ششكو
علي. بس غمضي دا اكلج ع شغلة
نازلي. تمام غمضت
علي. نازلي
نازلي. همممم
علي. احبج ...... 
كعدنة الصبح
علي. صباح العسل مريتي
نازلي. صباح النور جوعانة
علي. بعدنة تونة فتحنة عيونة وجوعانة شكد تاكلين وين يروح اكلج
نازلي. متشوفني شطلولني يضيع بطولي
علي. بس انتي بالنسبة الية كصيرة
نازلي. غير انتة دنكة 😒😂😂
علي. لا انتي قزمة
نازلي. لاا انتة دنكة
علي. امشي امشي بدلي يلا حتة نرجع للبيت اهلج ع جية يجيبون الريوك 
نازلي. اي تمام
......
رحنة للبيت استقبلتنة عمتي ام علي كلش حبابة تدخل للكلب وسوالفهة حلوة مينشبع منهة
صعدنة للغرفة سبحنة وبدلنة ونزلنة واجو اهلي جابو الريوك واجواء حلوة وسوالف وضحك كملنة كلشي وراحو اهلي فرغ البيت رحت ال علي
ناز. حبيبي وينك
علي. اخخخ يروح حبيبج هنا اني تعالي
نازلي. شنو اسوي غدة
علي. انتي عروس ماكو غدة اني اجيب من برة كلشي لتسوين
نازلي. واذا عروسة ولك رايحة اسوي ...
لحضة لحضة تعال
علي. ها
نازلي. اني ماعرف اسوي اكل 😐
علي. 😂😂😂 عادي تعلمي عالنت وامي وياج تعلمج بس هسة انتي ارتاحي اروح اجيب من برا
نازلي. تمام اكلك اني نعسانة عادي انام
علي. نامي حبيبي منو كامشج
نازلي. ماشي
باي
... باي
...................
بيت محمد
وجدان. البيت فارغ بلا نازلي
محمد. اي والله هادئ ومابي روح
احمد. لعد احنة وين رحنة 😒
وجدان. انتو عواميد البيت بس هي الشمعة
احمد. اي بعد حمدي بيهة هو احنة شنو مستفادين منهة جنة شو خسارة مو ربح تكسر الكلوبات الطبلات  والمزهريات وبس هوسة بالبيت
محمد. انجب لتحجي ع اختك هي البنية روح البيت
احمد. اي تمام تمام هسة احنة نريد نكلكم شغلة اني وعلي
وجدان. ياستار احجو
علي. يلا احجي
احمد. اني شعلية انتة اقدم مني بالسالفة انتة احجي
علي. مو انت اكبر  مني انتة احجي
محمد. ولكم شبيكم احجو
احمد. يابة احنة نريد شسمة يعني كبرنة واستحقينة وكذا ف شنو نريد يعني
علي. صدك جذب د كولهة عاد ماما بابا احنة نريد نتزوج
محمد. اثنينكم
علي. اي
وجدان. وسوا
احمد. اي
وجدان. اي بيهة الخير اكيد بعد هالاصرار العرايس موجودات ماكو داعي ادور مو
علي/احمد. ايييي
محمد. ماشاء اله منو تعيسات الحظ
احمد. اني وياي بالكلية متعرفوهة
علي. اممم اني تعرفوهة
محمد. منو
علي. مريم
وجدان. مريممم بت يوسف
علي. ايي
وجدان. ماشاء الله احلى اختيار مو مثل بعض الناس  يجيبون من الكليات يمة احمد اني حاطة عيني ع سمر تخبل ونعرف اخلاقهة
احمد. لا يمة سمر مثل اختي مافد يوم نضرتلهة هيج نضرة وثانيا باري اني احبهة وانتي هم حتحبيهة نازلي الثانية نسخة منهة بالشخصية وثانيا هي اجتي بالعرس بس ماصارت فرصة تتعارفون
........... يتبع لاتنسون تصويت ومتابعة وتعليق يحفزني ❤