حبيبتي المسترجلة

part 13

علي. روحو للسيارة انتو هسة اجي اني ...
رحت اشتريت موطة وكيك وكريب واخذتة النازلي ورحت للسيارة
انطيتهة الموطة وانطيتهة العلاكة
احمد. احترم شوية لك مو اخوهة كاعد
علي. اكلك ليش متنجب هو اني شمسوي خاطفهة غير وعدتهة اجيبلهة ووفيت بوعدي 😒
احمد. نجب ويلا امشو دنرجع تأخرنة اوكف وين رح نحطك انت 😂
علي. لا رح ارجع تكسي
احمد. تعال تعال شكل نفسك ويانة شلون مجان
علي اخو نازلي. اكلك ترا اكو مكان يم البنات هنة هالكدوتهن ضعيفات روح يمهن
علي. فتحت الباب ادنة اموري خل اكعد
نازلي. ماااا اني اريد من الجامة روح من ذيج الجهة
ولج زعطوطة ادني ياجامة
نازلي. نننن 😜 تفضل اكعد 😒
مشينة والطريق كلة تدردم شضخماتك سديت الجامة جعصتنة ولج كافي ماكلة باجة شفت اسواق جبيرة اوكف اوكف احمد
احمد. ولك شكو
علي. ماكو شي دا اشتري
نازلي. ويكلي زعطوطة وهو يشتري من الاسواق نساتل 😒 جيبلنة ويااك
علي. ههههه مو يدلل اموري
... طبيت هو اني وكفت حتة اشتريلهة حتة ما اخليهم يشكون اشتريت للبنات هم سمر ومريم
اخذت كل وحدة علاكتهة واخذت ورقة وقلم من الكاشير كتبت بيهة عليج الله راسليني اليوم كلشي ماريد بس كوليلي تصبح ع خير ورسمت هيج ☺  وخليتهة بعلاكتهة حاسبت وطلعت صعدت بالسيارة ووزعت العلاليك هاي ال اموري وهاي المريومة وهاي السمورة
الكل. شكرا
علي. يدللن الاميرات
احمد. واحنة هنا رجل كرسي اني وعلي بجيس حب مذكرتنة
علي. ههههه يمعود شتسوي بالنساتل انت هاك جبت كرزات اكل هاك علي
احمد. نعم الله عليك احسن من ماكو 😂
.......
رجعنة وكلمن راح البيتة الكل تعبانين باستثناء علي ينتضر الحب يمسي علية حتة ينام مرتاح
نازلي. طبينة صعدت الغرفتي فتحت العلاكة طلعت الببسي خليتة بالثلاجة ودا اشوف شنو جايب هم فرغتهة بالكاع طلعت وياهة ورقة شمرتهة كلت هذا الكاشير اثول يجوز خالهة بالغلط بعدين رجعت فتحتهة وجان الكة بيهة رسالة قريت الرسالة ضحكت رحت طلعت كتاب الاحياء لان اتذكر خليت الرقم بي فتحتة وكع الرقم طلعت فوني سجلتة عالواتس جان خال صورتة لابس بدي ابيض نص ردن وبنطرون اسود جسمة معضل يجنن ومناضر سودة ومسوي شعرة كفشة ومبتسم وخال ايدة ورا شعرة اخذ كلبي يااا اني شبية هههه بس ابتسامتة تخطف الكلب لا ارادي والله صفنت شوية كلت اكيد عندة معجبات ع جمالة واناقتة يجوز بالكلية هواي عندة صرت افكر اشتعلت نار زين اني شعلية شلت الافكار من راسي وراسلتة كتبت تصبح ع خير وسديت فوني ورحت اريد انام اجتني رسالة فتحتهة كاتب وانت من اهل الخير اموري
نازلي. هسة ليش تصيحلي اموري
علي. ابطل اصيحلج اموري بشرط
نازلي. شنو
علي. اصيحلج حبيبي
نازلي. 😒 خلينة ع اموري احسن
علي. هههه يلا حبيبي نامي تعبتي اليوم بالدياحة
نازلي. شكلنة شنو جان اتفاقنة
علي. اي والله ما اكلج حبيبي بس قبل النوم حتة انام مرتاح
نازلي. يلا تصبح ع خير
علي. وانتي من اهلو
نازلي. باي
علي. بايات
......
نازلي. طرت من الفرحة ماعرف ليش نمت وايدي ع شفايفي تذكرت البوسة اووف ربي شجابهة ع بالي هسة مو صارلهة كومة والمفروض انساهة كوة نمت من التفكير بس جنت فرحانة ماعرف ليش
علي. نمت مرتاااح دتتقدم علاقتنة واني متأكد هي معجبة بية والا اخليهة تحبني
......
نازلي. كعدت الصبح سبحت وتريكت ولعبت بالفون شوية نوب راجعت شوية حتة العصر نروح يم سمر اليوم عليهة واني اليوم متحلفة المريم سالفتهة مو خالية هي وعلي عدهم شي متأكدة اني
رحنة البيت سمر اول ساعتين مثل متفقنة بلا حجي ولا سلام ولا شي نهكنة نفسنة بالدراسة كملنة وكعدنة استراحينة بلا كلام شربنة مي ع عصير نوب لزمت مريم من ياختهة تعاي اجاك الموت ياتارك الصلاة هسة تحجيلي شنو بينج وبين علي
مريم. هاااا شنو شعلية بعلي اني ماكو شي بينة
سمر. اكلج مريوم وصلت حدهة شكو الخجل بعد احجيلهة هي صديقتج واختة اكيد حتفرحلكم
نازلي. هلا هلا نوب حتة سمر تدري شوكت ناوية تكوليلي بعد بيتي بعد متتزوجون وتخلفون
مريم. بخجل والله استحي منج لان اللي احبة اخوج مو غريب تملكني الخجل واستحي اكلج
نازلي. يلا هسة سولفيلي شوكت بدت علاقتكم وكلشي من الابرة للكنتور
مريم. من جان عمري ٦ سنين الحد هسة احبة بس بدت علاقتنة من صرت بالاول متوسط هو اعترفلي واني وافقت وانتي مجنتي تقبلين تصادقيني ومبتعدة عني ف ما كتلج واحنة متفقين بس يتزوج احمد يفتح موضوعنة وي اهلج ويتقدملي واكمل دراستي يمة
نازلي. الله يعني حتعيشين يمنة ونعيش سوة هلاا 😻😻
سمر. نازلي انتي حتتزوجين قبلهة وهي حتتزوج واني ابقة سنكل 🤦‍♀️
نازلي. منو كلج اتزوج قبلهة ومنو كلج تبقين سنكل وعبدالله وين راح
سمر. خايبة سكتي هو اني شايفتة شايفني مرتين واختفة بعدهة .....
نازلي. كملنة دراسة ومرت الايام ع نفس الوضع صرت اسهر الليل كلة نسولف اني وعلي جان يتغزل واسكتة بس مليت منة صرت اسكت ما احجي من يتغزل بديت اتعود علية واذا يوم ما احاجي احس بفراغ جبير وما اكدر انام اذا ما نمسي ع بعض وصرت افرح بغزلة وما اعارضة مثل قبل ما اعرف اذا هذا حب لو لا بس هذا اللي ديصير وياي قربت امتحاناتي ووجان يشجعني ادرس وانجح وامتحنة واجت النتائج ونجحت ونجحن سمر ومريم فديوم بالليل دنسولف و ..
علي. نازلي خلي اتصل اريد اسمع صوتج
نازلي. لاا
علي. حبابة بداعتي زين حتة لو متحجين صوت نفسج كلش كافي
نازلي. تمام اتصل
علي. الو
نازلي......
علي. يعني ناوية تجلطيني وتشلعين كلبي حيصير سنة صابر واركض وراج
نازلي.....
علي. ناز
نازلي. اول مرة يدلعني هيج كلة اموري جاوبت بهمس ها
علي. احبج
نازلي. صرت حمرة اممم
علي. مناوية تكوليهة
نازلي.....
علي. والله ادري تحبيني حبابة لتشلعين كلبي كوليهة   وفرحيني قبل لا اموت وما اسمعهة منج
نازلي. اششش اسم الله ليش تموت لتحجي هيج عفية
علي. ليش انتي متدرين اني اصلا هاي ايامي الاخيرة فرحيني وكوليهة قبل ما اموت
نازلي. كمت ابجي لا حباب شدتحجي انت اكيد تشاقة مابيك شي والله تشاقة كمت اشهك انكطع نفسي
علي. يعني هسة انتي متحبيني
نازلي. شلون ما احبك والله احبك بس حباب كول جذب اكيد دتشاقة
علي. افييييش واخيرا طلعت لج اشاقة حبيبي لتبجين
نازلي. شنو لا ياحقير ليش هيج تسوي زدت بالبجي
علي. اخخ توبة بعد ما اسويهة يروحي لتبجين المهم طلعت الكلمة منج يلا هسة شوكت نخطب
نازلي. ياخطوبة بعد وكت توني صرت رابع
علي. اي كملي يمي واني ادرسج 😉
نازلي. الله كريم
علي. يلا بلا حجي زايد الاسبوع الجاي احنة يمكم
نازلي. تمام بس اني معلية ما اكول ال اهلي انت كللهم اني استحي
علي. اخخخ من شوكت طلعت تستحي اموري
نازلي. ها بدينة
علي. اسف اسف يلا اني احاجيهم طر الفجر روحي نامي حبيبي
نازلي. تمام تصبح ع خير
علي. انتي شكد جلفية ترا الكلام بلاش مو بفلوس
نازلي. يعني شتريد شكلك تصبح ع خير يا حبيبي الجميل الحلو
علي. ايي شيصير يعني نقصتي شوية 😂😂 يلا حبيبي وانتي من اهلو
................. يتبع
البارت سريع كتبتة وبلا ما اراجعة يعني لتركزون عالاخطاء الاملائية هذا تعويض عن تأخيري لتنسون تصويت ومتابعة وتعليق يحفزني 🖤