رحت الوجدان لكيتهة نايمة صفح وخالة الطفلة بحضنهة وتباوعلهة وتبتسم شافتني
وجدان. بصالة الولادة جنت اطلك والدكتورة جيبتني كالت الف مبروك بنية اني هنا انصدمت دكتورة يابنية يمعودة احنة منتضرين ولد
الدكتورة. ماما بنية والله وهاي شوفيهة كدام عينج انتي كاعدة وجيبناج حتة ماتكدرين تكولين تبدلت
وجدان بدموع ممزوجة بضحكة زين دكتورة تأكدي فدوة خاف منتبهتي زين عبالج بنية هو ولد وسمينا امير
الدكتورة. هههههه لا عيوني متأكدة مية بالمية اميرة مو امير وهسة رح اجيبلجياهة وشوفيهة
وجدان. جابو بنتي واني بعدني بصدمة شفتهة تشبه محمد فدوة تجنن ما ماخذة اي ملامح مني بس الشعر سرح وطويل محمد شعرة كيرلي اخذتهة كمت ابوس بيهة وابجي واضحك اجة محمد باوعتلة وعيوني كلهة دموع محمد صارت عدنة بنية شوف تشبهك محمد تحققت امنيتي اجتنة اميرة بدال امير باوع باوع تخبل يمة فدوة اروحلج اني وعشيرتي
محمد. شلتهة بين ايدية كلش فرحان احساس يخبل بعد اربع ولد تجيني بنية وجنة تسع شهور منتضريهة عبالنة ولد وكلشي تهيأ الهة للولد ملابس ولد سرير ولد وحتة الاسم 😂
وجدان. شوف ملابس الولد شلون حلوات عليهة فدوة 😻
محمد. اي يخبلن اكلج وين نور
نور. اي طبعا نسيتوني وبدت مسلسلتكم الدرامية اني هنا من زمان بس وين ياحسرة محد معبرني الاضواء كلهة ع اميرة 💔😂
محمد. ههههه لا ولج هسة مو سئلت عليج
نورة. اي بعد وكت الحمدلله منسيتوني بالمستشفى وطلعتو انتو واميرة طايرين 😒
وجدان. هههههههه انجبي لج شلون ننساج
نورة. عوفو الدراما هسة خابرني يوسف وطمنتة وكتلة جابت بس مكتلة جنس الجنين كلت هلي نفاجئة مثل ما احنة كلنة تفاجئنة
محمد/وجدان اي خوش فكرة
محمد. رحت كملت اجراءات المستشفى ومدري شنو وكملت الخروجية وطلعنة وصلنة للبيت
يوسف.هلا هلا شرفتو الحمدلله ع سلامتج جودة
وجدان بضحكة شاكة الحلك الله يسلمك يوسف رح تصير عند مريم صديقة
يوسف. منين ياحسرة اخوانهة كلهم ولد وجهالج كلهم ولد
محمد. اكلك انجب وامشي خلي نطب ونشوفك امير اقصد اميرة
يوسف. شنو الموضوع😐
دتعال تعال كعدنة كلنة عالتخم راحت نور جابتلنة مي شربنة وكتلة
محمد. يوسف صار عدنة اميرة مو امير لك اللي ببطن وجدان جانت بنية مو ولد
يوسف. 😲😲😲
نورة. يمة حينجلط رجلي ولك يوسف سد حلكك شبيك
يوسف.😲😲😲
محمد. اني اعرف شلون اسدة الك اجة وضربة ع حلكة صحا من صفنتة
يوسف. اخخخخ شبيك دخليني استوعب كفختني راسا بالخبر شلون وشوكت وشنو ومنو هي مو بيهة ولد وحضرتو غراض ولد يااااا مصخم ولك خاف بدلو بالمستشفى
محمد. رح اكوم انعنع (اكسر) ضلوعك ولك لابدلو ولاشي كل ما في القصة السونار جان غلط
يوسف. هاااااا وهسة سميتوهة اميرة
محمد. بما انو ردنة امير لان عبالنة ولد وطلعت بنية نسميهة اميرة شتكولين جودي
وجدان بتردد هااا اميرة اممم اي عادي
نورة. بس مو شوية قديم الاسم واحسة محيلوكلهة شنو رأيكم تسموهة نازلي بما انو هي ع اربع ولد وعانيتو يالة اجت وقصتهة قصة هندية وحتدللوهة رح يناسبهة نازلي اسم تركي معنا مدللة
وجدان. اي والله لج نور انتي رهيبة فكرتج تجنن
محمد. بس خلو لقبهة اميرة لان رح يكون ذكرى حلوة ونسولفلهة قصتهة وشلون اجت للدنيا
وجدان. اي صح يلا تم اسمهة نازلي ولقبهة اميرة
وجدان طشينة يوسف ومرتة راحو البيتهم الجهال كلهم نايمين واني صعدني محمد اني وانازلي فوك نيمتهة اجة محمد
محمد. اخخخ تعبان كلش يمكن رح انام نومة اهل الكهف
وجدان. محمد
محمد.ها يروح محمد
وجدان. سبحان الله نازلي الله مقدرلهة لازم تعيش شكد مردتهة اني وانقهرت وصجت وحاولت انتحر ومصارلهة شي ربك يريدهة تعيش
محمد. اي ونعم بالله شفتي شلون عالصبر الله نطاج ومخلاج تصبرين شهور مثل الحمل العادي انطاجياهة فجأة يعني تخيلي لو كايلتلج الدكتورة بنية رح تضلين تنتضرين هواي وتحسين الوقت طويل بس وين هسة بلحظة ولادتج عرفتي انو انتي صرتي ام البنت مو ولد
وجدان. اي والله الف الحمدلله والشكر
محمد. يلا حبيبي نامي تعبانة انتي
محمد. نمنة كعدت ب ٧ كعدت الجهال للمدرسة كرار احمد يلا كومو للمدرسة
احمد بعيون ناعسة بابا لعد وين ماما مو هي يومية تكعدنة
محمد. اي بابا ماما نايمة تعبانة نورت البيت اختكم البارحة
كرار كمز هيييييي ماما جابت ماما جابت
احمد. بابا بس ماما بيهة ولد مو بنية شنو تكول اختكم
محمد. لا حبيبي ماما طلع بيهة بنية مو ولد غلطانين بالسونار
احمد. بابا شنو سونار
محمد. ههههههه تلفزيون يشوفون بي اختك من جانت ببطن امهة من تكبر تعرفة هسة يلا كومو عالمدرسة تاخرتو
احمد. بابا بداعت اختي مو اجت للدنيا اليوم خلي اليوم منروح للمدرسة اجازة النة
كرار. اييي بابا حباب نريد نرجع ننام
محمد. هاي شلون ورطة يلا نامو الخاطر نازلي اليوم اوف الكم
كرار واحمد. هييييي وصلو يكمزون عالجرباية
احمد. بابا منو نازلي
محمد. هههههه حبيبي نازلي اختكم سميناهة نازلي ولقبهة اميرة
يلا رجعو نامو هسة
محمد. مرت الايام والسنين وصار عمر نازلي ٥ سنين واحمد ١٤ سنة وكرار ١٢ سنة وعلي عمرة ٩ سنين وسامر ٨ سنين
وجدان. كاعدة دا الف الدولمة واجت نازلي تبجي
وجدان. يمة يمة منو مزعل اميرتي
نازلي. ماما سامل (سامر) ميخليني العب وياهم توبة يدول(يكول) انتي بنية لوحي لعبي وي البنات ماما اني ما احب العب وي البنات لعبهم مو حلو اني اليد العب توبة 😭
وجدان. بس حبيبتي لعب البنات شكد حلو لعابات تسويلهن تسريحات وتطبخين وتلعبون بيت بيوت بهدوء انتي بنية وهذا لعبج
نازلي. ما ما اهئ اليد العب توبة مال العب وي البنات
علي. نازلي نونة وينجج تعاي يلا لعبي ويانة طوبة قبل سامر
نازلي بفرحة هيييييي اي اجيت
وجدان. راحت تركض هي ولبسهة اللي شبه ولادي لابسة شورت جينز وبدي نص ردن مرسوم علية المحقق كونان وحذاء رياضي هاي البنية خبلتني الله انطاني بنية بهيئة ولد تصرفاتهة لبسهة مثل الولد حتة متلعب العاب البنات ومن تجي مريم بت نورة تكلهة تعاي لعبي ويانة متقبل لان العاب بنات كلة تلعب وي الولد طوبة وبالمسدسات وسيارات
يلا بلكت من تكبر تعقل هسة هي صغيرة
صار العصر اجة محمد من الشغل وركضت علية نازلي بابااااااا وين السيارة
محمد. عضيت شفتي اخخخ شرح يخلصني اليوم نسيت اجيب جبت لعابة اأأ حبيبتي وصيتلج ع سيارة جبيرة وبيهة ريمونت بس متوصل بنفس اليوم باجر توصل
وبدالهة اليوم جبتلج لعابة عروسة تخبل وبيهة شسوار ومشط وملابس تبدليلهة
نازلي. ايييع لعابة شنو ما ما اليد سيالة ماليد لعابة اهئ اهئ
محمد. يلا بلا اللعابة لتاخذيهة السيارة باجر توصل شلون ب امير احنة احنة ولج انتي امير يلوكلج مو اميرة عبارة عن ولد خرب حضي
نازلي. لا بابا اني بنية بس ما احب اللعابة اليد سيارة امشيهة بالليمونت
محمد. اي ماشي حبيبي يجرالج باجر اجيبلجياهة يلا هسة روحي لعبي
وجدان. اي دللهة بعد رح تسترجل علينة
محمد. هههههه يمعودة هاي طفلة والطفل بكلشي ينعجب هي تحب العاب الولد وميعجبهة العاب البنات مو معناهة مسترجله
كعدت يم وجدان دنسولف اجة احمد يركض ويصيح
بابا ماما شنو هاي ترة ميصير هيج فصعونة هالكدوتهة مو كادريلهة يعني البلي جبتة النة لو الهة كاعدة مجلبة بي ليل ونهار تلعب طوبة والشفية علي مأيدهة ويلعب وياهة
محمد. اي بابا خلوهة تلعب وياكم شكو بيهة
احمد. بابا هاي مدتلعب ويانة متسلطة عالبلي ولا عبالك رجال مشورب كدامهة اني اكلهة كومي كافي لعب تطلعلي السانهة وتعاندني
وجدان/احمد 😂😂😂😂😂😂😂😂😂😂
احمد.😐 شبيكم
محمد. ولك هستوك طلعلك شعرايتين يم شفتك سويت روحك مشورب والله يا الله😂😂😂
احمد. اهووو ماريد حتة البلي ماريدة
وجدان. ولك احمد تعال دنشاقة وياك ياااا هذا راح
........ يتبع
أنت تقرأ
حبيبتي المسترجلة
General Fictionاموري اجة اميرة بس بقة اموري.... وياكم ناز ومغامراتهة.... 🤍🤍
