حبيبتي المسترجلة

part 9

سمر. لميت كتبي وكمت نفضت ملابسي ورحت وهو بعدة صافن اني امشي واتلفت كلت بس ابتعد شوية رح يركعني بطابوكة يمااااا كمت اركض وصلت فرعنة ارتاحيت وطبيت للبيت سديت الباب وكعدت ورا اخذ نفس اجتي امي
ام سمر. يا اسم الله الرحمن يمة شبيج
سمر. يمة شحجيلج مخبل بالشارع راد يركعني طابوكة يخلي دمي بطولي همزين فلتت
ام سمر. دتعاي تعاي فوتي غسلي باعي حالتج وجهج اصفر من الخرعة ملابسج كلهن تراب .....

نازلي. اجة الوقت الموعود حضرنة نفسنة العائلة كلهة ورحنة ع بيت علي طبينة كعدنة وسلمنة استقبلتنة امة بس هي بالبيت كلش حبابة وحبيتهة كعدنة تعشينة وضلينة ندك سوالف ومدري شنو وعلي عيونة مشالهة مني ابد واجت اللحضة اللي لازم نلعب بيهة كام علي وكف وصفك حتة ينتبهولة
علي. ياجماعة الخير صارت اللحظة وصار لازم اسحلك يا اموري
نازلي. هلو هلو تسحلني شنو واثق من نفسك كلش
هسة نشوف
علي. هسة نشوف يلا هسة تصنفو ك جمهور منو وي اموري ومنو وياي
احمد. والله اني وي اموري اريدة يفوز ويرفع راسي
علي اخو نازلي. والله اني هم وي نازلي من الطفولة وياهة وياهة
ام علي. اني وي علي عيني
وجدان. اني هم وي علي
نازلي. عزااا ماما انتي وي علي لعد اني شنو رجل كرسي هنا
وجدان. ماما عندج هواي جمهور هو خطية بطرك امة
محمد.اني هم وي علي
سامر. اني هم وي علي لعد
نازلي. بكلبي خطفت كلب العائلة خلال كم ساعة واني صارلي كومة اعرفك وما احبك يمكن الخلل بية
كرار. اني وي نازلي
يلا لعد امشو للحديقة جبت كراسي وخليت جهتين كعدو ام نازلي وابو نازلي وسامر وامي بجهتي وعلي واحمد وكرار
نازلي بزعل. برطمت ماما شوفي جمهورة اكثر انتو اربعة واحنة ٣ ليش ☹
علي. اشتعلت عشيرتي شلون اخطفهة هسة من اهلهة اول مرة اشوفهة تسوي حركات انثوية كتلهة لك اموري مو تدلل هسة سامر روح وي اموري خطية رح يبجي
نازلي. ع شنو ابجي 😒 ماريد بطلت العندي يكفون ويوفون
سامر. اني هم اجيت يمج صرنة اربعة
يلا ابدو كل شوط ١٠ دقايق
نازلي. بدينة نلعب جنت اراوغة وهو ولا يمة يلعب عبالك طفل خلصت اول ٥ دقايق واني مكولة ٣
احمد. لك هااا مو كتلك
علي. استهزأت وخليتهة تغلب اصلا مجنت العب كلش فرحان بقربي منهة واحب الشعور من الطوبة عندي وتجي تريد تاخذهة تكمش ب ايدي وتحاول تاخذهة تدوخني وتاخذهة 😂
خلص الشوط الاول واني ٤ وهو صفر
نازلي. كعدنة استراحة شربنة مي ومدري شنو بدة الشوط الثاني اول ٣ دقايق هم سحلتة ٢ صرت ٦ وهو صفر كلششش فرحت رح اتغلب علية مستحيييل يكدر يكول علية ويفوزني اني ٦ وهو صفر وباقي ٧ دقايق بس ضليت اراوغ ويا حسيتة انسان ثاني دا العب ويا تغير لعبة ١٨٠ درجة كلش صار قوي شنو الموضوع اكلت كولين بدقيقة ونص
قرب يخلص الشوط صرنة تعادل ٦_٦ كلش تنرفزت عرفت انو جان يستهزء بية بس شنو لعبة كلشش قوي راحت رجوليتي انسحلت اي نسحلت خلص الشوط وهو كول صار ٧_٦ فريقة فرحان لان فاز واني كلش ضجت احمد كل شوية يكلي خابصتنة بالبيت بطوبتج شو انسحلتي
علي. لك ها اموري وين ثقتك ووين وعدك شو مسحلتني
نازلي. اتهمتة والله انت غشاش مفزت هيج انت غشاش
علي. شلون غشيت بلة كشفيني
نازلي. ااا ممم مادري بس المهم غشيت
الكل. 😂😂😂😂
راحو يرتاحون جوة ويكملون سوالفهم ضجت ضليت بالحديقة العب بالطوبة وشوية ولكيتة وراية ها شكو شتريد
علي. اريد اميرتي
نازلي. اميرتك شتسوي هنا ووينهة شو ماكو احد بس اني والطوبة يااا بس لا اميرتك الطوبة
علي. لا اميرتي انتي
نازلي. شنووو شدتحجي انت استحي شوية
علي. لك اموري من اول يوم شفتك واني حال الضيم حالي بكل وقت افكر بيك
نازلي. جان يحجي بهمس وبعيون ذبلانة ويتقرب واني بيدي الطوبة وارجع ليورة الحديقة شبه ضلمة
علي. ولج والقرآن احبج لو بس اخذ موافقتج هسة اخطبج بهاللحظة والله صار يتقرب اكثر متأكد انتي هم معجبة بية واتقربت اكثر ومتأكد حتحبيني وهم تقربت وصارت عالحايط واني كدامهة بيناتنة مسافة سم واحد سكتت وسكتت هي تباوعلي بدهشة واحسهة متبنجة من كلشي انفاسنة اختلطت واسمع نبضهة وصدرهة اللي يصعد وينزل بسبب نفسهة اللي مو منتظم تقربت وصلت الشفتهة بستهة وهي احس رح توكع بحضني ضليت تقريبا دقيقة الا شوية واجاني راجدي 😂🙈
نازلي. بصوت متلعثم وخدران انت شلون تتجرأ تتقرب مني رجعت ضربتة بوكس ها كلي شلون متستحي تستغل ابنات الناس متخجل رجعت ضربتة بصدرة ضليت اضربة
علي. شبعت كتل بس فرحان بلمستهة هي تضرب واني اباوع وابتسم خدران دتحجي بعد وتضرب لزمت ايدهة وسكتتهة ببوسة ثانية ضلت تضرب بية تريد تفك نفسهة فكيتهة رجعت ضربتني
نازلي. اكرهك اكرهك
علي. احبج واموت عليج
نازلي. عفتة ورحت ركض للحمام الخارجي مطبيت للداخلي لان رح امر من الاستقبال اللي كاعدين بي وانفضح من ملامحي المخربطة فتت غسلت وجهي وجسمي كلة يرجف ووجهي اصفر باوعت بالمراية ولزمت شفايفي شلون خليتة هيج يسوي وشنو السحر اللي ذبة علية وخلاني اسكت بعد ما باسني مرتين وليش خدرت بايدة ضليت هواي مدة بالحمام احجي وي روحي بالمراية اني ما احبة شلون خليتة هيج يسوي زين شنو هالاحساس الغريب اللي اني بي ليش حبيت هالتجربة وبداخلي اريد اعيدهة ياربي شديصير مسحت وجهي حيل ورجعت غسلت دا اطلع لكيت اهلي بالباب ديتسالمون ضليت متلبكة وواكفة بمكاني
وجدان. يلا ماما خلنروح يااا شبيج وجهج اصفر وجنج مخروعة
نازلي. باوعت علية بغضب ورجعت باوعت لامي ماعرف شجاوبهة نط هو
علي. خالة اني خرعتهة اجيت بالضلمة وصرخت من ضهرهة عبالي رجال ومتخاف طلعت فارغة اصلا ماعت بيدي وغمزتلهة بس كتلهة روحي غسلي والضاهر بعدهة الخرعة بيهة شتكولين تعيدون الجية حتة نعيد الخرعة ورجعت غمزتلهة
نازلي. كمت ابجي رحت حضنت امي ما ما بعد منجي معلية والله اذا اجيتو ما اجي وياكم
احمد. ولك شسويت ال اموري مو جنتو تلعبون طوبة شحلاتكم رجال ب رجال وضربتة دفرة خفيفة بالشقة وضحكت
علي. يلا اموري تكبر وتنسة انت رجال المفروض متخاف
نازلي. طلعت الساني وصرت اعيب عليهم اننننن ولو يلا امشي ماما خلنروح للبيت
علي. راحو وراحت روحي وياهة الليل كلة منايم وافكر بيهة واتذكر البوسة اخخخ شوكت تحبيني وتصيرين تنامين بحضني
نازلي. رجنة للبيت والليل كلة اتكلب مدري شبية اريد امحي هالحظة من ذاكرتي ماكو لازكة ببالي ومتروح والزم شفتي واتذكر شنو ديصير كمت ابجي كوة الفجر يالة نمت كعدتني امي بالدفرات للدوام
نازلي. ما ما ماروح اليوم تعبانة عوفيني ماما
وجدان. ولج كومي اليوم ينطوج البطاقة يلا هو بس اليوم وباجر كومي عاد
نازلي. كايمة كايمة كمت غسلت وبدلت واني متحمسة احجيلهم ال سمر ومريم شنو صار البارحة رحت عليهم و ......... يتبع
صوتو وعلقو وتابعوني