حبيبتي المسترجلة

part 11

نازلي. رجعت للبيت مر اليوم بملل وتفكير حتة طوبة ملعبت كضيتهة نايمة بغرفتي لازم من باجر نبدي نراجع عالجدول اللي سولنيا بالمدرسة بس اني ما احب امشي ع جدول المدرسة اقرة ع مزاجي اني شاطرة بس اقرة ع كد النجاح ما اهتم بالمعدل ولا اجهد نفسي لان اكول وراية سادس هسة اجمع طاقتي واذبهة كلهة بالسادس باجر اول اجتماع النة يم مريم رح نبدي بالمواد الصعبة واول شي نخلص الاحياء لان ماحبة كلش معقد وصعب احياء الثالث نمت بعد تفكير طويل واكيد مر ع بالي علي واتذكر مريم شلون جانت تحجي عن الحب واربط احداث .....
وجدان. نازليييي ولج شلعتي الكلبي بدت العطلة وبدت نومتج للضهاري كومي عاد شوكت تدرسين لعد اذا يومج كلة كاضيتة نوم استغفر الله هسة غير من اصيحهة تسمع ولك احمد مابية اصعد يمة روح اصعد كعدهة
احمد. اي رايح
نازلي. نايمة وما احس الا الباب اندفرت راسا صرخت يماااااا عصابةةة الحكولي
احمد. اشش سكتي فضحتينا ياعصابة لك اموري انت بالبيت وتطبلنة عصابة الا اذا امهم داعية عليهم 😂😂
نازلي. كعدت بالكاع تربعت وكفشتي مغطية وجهي وكوة فاتحة عيوني ومنفوخات من النعس واباوعلة صفح فاتحة تك عين .... هسة من اكوم اكضي بيك التوبة احد يكلي ليش
احمد. اني معلية امي كالت روح خرعهة حتة تكعد متكعد الا هيج
نازلي. ماشي خلنشوف هاي وحدة وياك احمد اذا ما اردلكياهة مايطلع اسمي نازلي
احمد. هو انتي اسمج امير مو نازلي 😂
نازلي. انجبببب نزلت ع امي مامااا
وجدان. واخيرا منين طلعت الشمس
نازلي. ماما انتي كلتي ال احمد يخرعني حتة اكعد من النوم
وجدان. دزيتة يكعدج بس مكتلة يخرعج وبعدين شنو هاي كفشتج جنج جنية روحي لمي شعرج وغسلي وتعاي تريكي يلا
نازلي. هففف تمام رايحة بس والله ما اعديلكياهة احمد رحت غسلت لميت شعري هفف شكد اكره الشعر الطويل وامي متقبل اكصة هو تقريبا يوصل لحد اركبي تريكت وكعدت ضايجة ماعندي شي اسوي حتة الفون ملل خلي اشوف بلكت نطلع
نازلي. ماما خلنطلع
وجدان. مو عندج دراسة والعصر تريدين تروحين المريم شلون تطلعين
نازلي. اي اروحلهة المغرب عادي
وجدان. لا روحي العصر والمغرب خلي احمد ياخذج تفترون شوي ويعشيج برا ويجيبج تمام
نازلي. تمام صار العصر حضرت نفسي هية فرق فرع بيناتنة لبست تراك رصاصي ورفعت شعري ولبست فوكا بشت (تصير جبة عريضة وما اسدهة من كدام تبقة مفتوحة) طبعا ما احط مكياج ابد ما احبة اخذت كتبي كلت هم افتح الباب وهم اروح فتحت الباب وجان اشوف علي ردت اوكع من طولي ماعرف ليش خجل ع اشتياق تلخبط كلشي كمت امتمت
علي. ها ياحلو وين رايح وكل هالشياكة
نازلي. الصديقتي وبعدين انت شعليك واني ليش دا اكلك وخر
علي. اوكف حب عالاقل صيح احمد وروح
نازلي. روح انتة صيحة مو خدامتك اني
علي. ههههه لعد خلنعوف احمد واوصلج وبعدين ارجع
نازلي. اعرف الطريق مو عمية شكو جاي وياي
علي. اخاف عليج حبيبي يخطفوج وين انطي وجهي
نازلي. تهي بهي خاف عالناس مني مو تخاف علية متشوف اهلي محد يجي وياي يعرفون قدراتي وابسط شي مارست جزء منهن عليك 😎
علي. اموع عالمغرور اني مارسي حبيبي براحتج بس نزوج اطلع الاول والتالي 😉
نازلي. 😂😂
علي. عليج الله خل نتخابر
نازلي. شو انت زدت بالموضوع مو شاقيتك وانطيتك عين لتخليني اندم
علي. والله صداقة والنبي بس صداقة نسولف تحجي البعضنة عن يومنة نتعرف ع بعض اكثر
نازلي. الله كريم
علي. كمت اكمز من الفرحة بسرعة طلعي ورقة وقلم
نازلي. شنو
علي. دا اكتبلج رقي راسليني واتس
نازلي. هاك 😒 صداقة وبس ومتتعدى حدودك ترة اموتك
علي. تمام والله ما اتعدى وعد كتبت الرقم واخذتة خلتة بجنطتهة وراحت وصلت البيت مريم رجعت ع احمد دكيت الباب
احمد. ولك وين صرت صارلي ساعة منتضرك وجاهز
علي. يمعود انت ليش تخلي اموري يطلع وحدة
احمد. بالمنطقة مو بعيد وبعدين خاف ع نفسك لتخاف عليهة ولك ذيبة نازلي والله 😂😂
علي. اكلك خويي ترا وصلتهة اني خاف ازعجتك بس مردت اخليهة وحدهة تروح
احمد. لا حبيبي ثقة انت لوما اثق بيك ما اجيبهة البيتك واخليكم تلعبون طوبة سوة
علي. زين اكلك انت ليش متحجبهة
احمد. ياخوي هاي تدلل وابوية يكول عوفوهة ع راحتهة وهي مدرستهة قريبة ف ماكو داعي ممكن من تروح للكلية تتحجب
علي. تمام يلا امشي اليوم حيغير تمريناتك الكابتن
.......
نازلي. اجتمعت يم البنات نقرة خمس دقايق ونسولف ساعة ماطلعت دراسة هاي بنات بنااات باعو خلي نقرة جرة وحدة ساعتين وبعدين الوقت الزايد نكضي سوالف مو احسن خلي نخلص اليوم فصلين
سمر. اي هم صدك
مريم. تمام بدينة نقرة ساعتين جرة وحدة كملنة دراسة كلنة انبطحنة من التعب
نازلي. بناات تدرون رح اديح اليوم
سمر. بختتت
نازلي. شنو رأيكم نديح سوة احمد حيطلعنة والله فكرة بشدة
سمر. اني جاهزة بس نبع الحنان شيقنعهة
نازلي. نسيتي شلون عندي تأثير ع امج بسحري الخاص اقنعهة اني اموري مو حي الله
مريم. اني هم اجي وماكو داعي تقنعين احد اهلي من كاعهم موافقين 😂
سمر. اي مو حظج كاعد انتي
نازلي. يلا يلا كافي مريم انتي بس اخابرج الكاج جاهزة كومي سمر خلنروح هم اوصلج وهم نمر ع امج اقنعهة
سمر. يلا رحنة عالبيت ورحبت امي بنازلي ترحيب يخبل تموت عليهة لان فقيرة ومحبوبة وسوالفهة تضحك
نازلي. اخخخخ خالة كلبي خيانة انخانيت خالة انخانيت
ام سمر. يروحي منو خانج الا اموتة
نازلي. خالة انتي خنتيني يعني دا اشم ريحة الكيك منا وانتي متجيبيلي اخخخ
سمر. ام بطنن 😂😂
ام سمر. يابعد خالتج بعدة الكيك بالفرن متشوفين ريحتة طلعت هسة دقايق وتكمل وجنج ع كيك فوتي كعدي فوتي شلون درستو اليوم ٤ ساعات كافية عليكم لو لا
نازلي. باوعت السمر وهي باوعتلي وطكيناهة بضحكة خفيفة ونفكر نفس التفكير انو احنة دندرس بس ساعتين والباقي سوالف ولعب
سمر. اي ماما كافي اصلا حتة استراحة مناخذ كلة دراسة كلش زين دندرس
نازلي. 😂😂 اي خالة وداعتج واني ما احلف بداعتج جذب ولا نستراح من الهز 💃 اقصد يعني الدراسة 😂😂
ام سمر. اي مبين من ضحكجن دخلي ترسب وحدة بيجن الا اشلع اذانجن
نازلي. لا خالة منرسب ننجح لن شاء الله وهسة اني اريد اخطف منج سمر المغرب تعرفين خالاتي دراسة وضغوطات وتعب نحتاج شوية ترفيه ف احمد اخوية تبرع انو يفرنة بالسيارة ونتعشى برا ونجي اني ومريم وسمر
ام سمر. دهر صابجن هو اليوم بديتو تدرسون ياضغوطات ياتعب
نازلي. اخخ نكبسنة ... لا خالة اقصد يعني شوية حماس وطاقة ناخذ للدراسة فدوة خالة انتي مو تحبيني
ام سمر. تمام تمام بس مو تتاخرون وتخلون بالي عليكم
نازلي. كمزت عليهة حضنتهة وعضيتهة من خدهة يمة فدوة الهالخدديدات جنهن تفاح احبجج
ام سمر. هههه مصلحجية يلا تعاي كملت الكيكة
سمر / نازلي. هييييي يلا اجينة ........ يتبع لاتنسون التصويت والمتابعة وشمرولكم تعليق سريع حتة لو ايموجي 😘