حبيبتي المسترجلة

part 10

نازلي. رحت ع مريم ورحنة سوة ع سمر
مريم. شبيج شو مو ع بعضج
نازلي. هااااا لا ماكو شي خل نروح السمر واحجيلكم
رحنة ع سمر ودنمشي للمدرسة
مريم. سمر اليوم اكو اجتماع ونازلي عدهة خطاب تريد تحجي
سمر. يا الله شكو اموري بلكت اخبار حلوة
نازلي. ممكن تسكتن شوي صرعتني من الصبح
.......
وصلنة عالمدرسة اخذنة البطايق اخر يوم ف مجان اكو دراسة احنة حتة كتب ما اخذنة ويانة اشترينة من ام الحانوت وكعدنة بالساحة كالعادة
مريم. يلا اموري احجي شعندك
نازلي. رح احجي بس والله العضيم اللي تقاطعني او تنطي اي رياكشن اسكت وما اكمل
سمر. السالفة مبينة جبيرة خطبج الصاك مو
مريم. هلا هلا ورح يصير عرس ونركص ونحط مكياج ونلبس فساتين شددد 💃🏼💃🏼
نازلي. خطبتوني وزوجتوني واني كاعدة بعد جيبوني هم
سمر. لك تدلل اموري بس خلنفكر باسم الزعاطيطك
نازلي. ما احجي مو صوجكم صوجي والله
مريم. لالا حبابة والله بعد منحجي لج سمر سدي حلكج
نازلي. رحنة البيتهم
سمر. اي وخطبج مناك كدام الكل وركع وانطاج خاتم وورد يااااي شكد حلو
نازلي. 😒😒
مريم. خرا بيج ليش تنطنطين
نازلي. لو تموتن بعد ما احجي
سمر. اسفة والله بعد ماعيدهة احجي احجي حبابة حبابة حبابة
نازلي. خلص سدي حلكج بالعة مسجل من الصبح
... اي رحنة ع بيتهم ولعبنة التحدي وخسرت وووو......... سولفتلهن كلشي من رحنة الحد مرجعنة
سمر. خالة ايدي ع حلكي اريد اكوم اكمز بس اذا انطيت اي رياكشن رح تسكت ومتكمل وتخليني بحسرتي
مريم. لج عزااااا شلون خليتي هو صح مبين يحبج بس يبقة غريب ومنعرف شنو مصيرج ويا حتة يبوسج
سمر. اكلج مريم تنجبين لو اضربج ع حلكج اسكتج يامصير ياصخام الولد غركان بيهة وهي هم تحبة بس تكابر لج بابا نازلي روحي وافقي خل يجي يخطبج وعاشو عيشة سعيدة
نازلي. ولجن كافي تتعاركن وانتي سمر لتعيشين الدور زيادة عن اللزوم احنة مو بمسلسل تركي ترا كلام مريم صح صار اللي صار بس اللي بقة مدوخني شلون خليتة وما منعتة بلحظتهة
سمر. لانج تحبي
نازلي. هاااا
سمر. باعي نازلي والله تحبي والولد يحبج ورايدج انطي الموافقة خل يخطبج وتتعرفون ع بعض اكثر والله سمعي كلامي ترا بنات هالوكت ملعبات وكلتي هو بالكلية وي احمد يعني تجي وحدة تلف علية وتاخذة وتضلين تعضين اصابيع الندم وتجين تدكين وتنوحين يمي ترا مناقصتج اني علية نصحتج
نازلي بفهاوة. زين اني مو ميصير احب يعني البنات اللي سولفنة وياهن بالخامس يالة حبن اني حتة الثالث ممخلصتة يعني المفروض كلبي ميشتغل هسة
سمر. مريم كومي اخذي هاي الثولة من يمي لا ابتلي بيهة هسة ولج الحب شعلية بالمرحلة الدراسية والعمر يابت الناس الحب يجي فجأة لا يعرف عمر ولا يعرف اي شي ثاني
نازلي. يااا يعني يصير احب
سمر. اخليج تتأكدين انو انتي تحبيي
نازلي. اي
سمر. مريم سولفيلهة اعراض الحب
مريم. واني شعلية سولفيلهة انتي
سمر. ياخرا رح يطلع وياج اضبط وتعرفين السبب ماكو داعي احجي
مريم . تمام تمام بس اسكتي
باعي نازلي من تشوفي نبضات كلبج تسرع وتحسين نفسج يريد ينكطع وفحطانة ومن متشوفي ع عادتة رح يصير تناقض بداخلج مرة تكولين خل يولي همزين راح ومرة تكولين ليش ما شفتة اليوم من يكون قريب منج تحسين نفسج طايرة ولو جانو ملايين الناس يمج رح تشوفين بس وجهة وتسمعين بس صوتة وتركزين بس بي لا اراديا اسولفلج شعور البوسة
نازلي. اني بس صافنة هاي شلون كدرت تفسر كل اللي احس بي معقولة كلامهن صح واني احبة .. اي سولفي
مريم. رح يتخربط الاول والتالي ومراح تحسين بشي حتكونين متبنجة وكانما نايمة ومن يوخر تكعدين من يروح رح تتذكريهة بس متتذكرين طعمهة ف تريدين تجربيهة مرة ثانية حتة تحسين بطعمهة
سمر. لج هاي شنو مريم والله كفو شرحج يخبل وخاصة عالبوسة 😉
نازلي. اي مريم صح كل اللي كلتي صار وياية بس تعاي انتي شمعرفج بهالاحساس خاف تحبين ولج
مريم. اني للااا لا ما احب اني قابل منو احب هه بتلبك يلا بنات سدو الموضوع تعالو نودع باقي الصف اليوم اخر يوم
.........
سمر. خلص اليوم وطلعنة من المدرسة دنمشي وجان اشوف المخبل من بعيد جمدت بمكاني
نازلي. شبيج ولج انخطف لونج جنج شفتي جني
سمر. بصدمة وفاتحة عيونهة وحلكهة وصافنة علية لا مو جني مخبل
مريم. شنو ولج شبيج
سمر. نازليييييي عفية خل نشرد هذا مخبل خل نشرد ليركعنة بطابوكة يخلي دمنة بطولنة
نازلي. 😂😂😂😂😂😂😂😂😂
سمر. اكلهة امشي نشرد تضحك لج شبيج
نازلي. ولج منو مخبل هذا عبدالله ابن جيرانة لج كلشي ما بي انتي اللي مخبلة اصحة منج شكد جنت اكفخ بي لان خبيث ميخليني العب طوبة مرة ضربتة بطابوكة خليت دمة بطولة واجة ابو ع ابوية يشتكي 😂😂
سمر. اي باعي مثل مضربتي يريد ينتقم اجة حيضربنة مثل ذاك اليوم
نازلي. ليش شصار ذاك اليوم
سمر. ذاك اليوم...... وسولفتلهم كلشي
مربم. 😂😂😂 ولج وانتي بلا ماتحجين ويا او شي رأسا استنتجتي انو هو مخبل
سمر. شمدريني غير هو ضل صافن بوجهي مثل المخبل
فتنة من يمة ابتسم ابتسامة عريضة ويباوع السمر
نازلي. رحت علية عبدالله باوع والله العضيم لا عبالك كبرت واستحي اضربك بالشارع ترة والله هنا انيمك بالكاع واسحلك البيتكم
عبدالله. لج القطة الشرسة هسة اني يمج عيني عالغزالة الوياج منية هاي
نازلي. استغفر الله لك هو لان عينك عليهة اجيت دا ارزلك تريد اعيد الطابوكة مال الطفولة خوش انيشن اني ترة قبل اجتك ضربة حظ وماعميت عينك ترة مو كل مرة يصيبك حظ حلو هالمرة اعمي عينك والله
عبدالله. خرا ببليسج لسان لو كلاشنكوف هسة اني شحاجي ابن منطقتكم وعيني عليجن انتن بنات وحدجن واخاف عليجن
نازلي. اكلك هي مال ككاو روح البيتكم اخر تحذير
عبدالله. 😒 رايح كافي شكد حجيتي ......
مريم عزاا ولج شسويتي بالولد انتي متتوبين
سمر. عزا واني عبالي مخبل طلع زاحف لو باقي بنضري مخبل مو احسن عيشني برعب بيومهة ما اتمنا ال عدوي
مريم. هو انتي منيلج عدو 😂
سمر. ها اي هم صدك بس تدرون المخبل حلو 😻
نازلي. ها هسة منو الزاحف
سمر. يمعودة هسة شحجيت كلت حلو
مريم. شكلهة حتبدي قصة حب جديدة 😂😂
سمر. اي والله ادعولي تصير قصة حبنة اني والمخبل حلوة وتنتهي بزواج سعيد
نازلي. ياااا ولج ياسعيد سعيد مات قبل ٥٠ سنة وصلتيهة للزواج هاي ثاني مرة تشوفي ووصلتي للزواج
سمر. يا ثولة هذا اسمة الحب من اول نضرة واني اكول شبي صافن علية عبالي مخبل اني اعرف بكل سوالف الحب شلون مفسرتهة بوقتهة 😂
مريم. لان انتي ثولة يلا وصلنة فرعكم روحي لتجين ويانة مثل ذيج المرة
سمر. اي صح يلا بايي ......... يتبع
تصويت ومتابعة باليييز والله دا اتعب