شمس بغداد

الفصل عشرون {بداية النهاية}

محمد " هاي طريقة ترحيب ؟

جون " ماريدك تقترب منهة ، كل ماتتقرب تأذيهة .

اشرتلة يجي ، أتقرب مني

بصعوبة حركت ايدي وسحبتة من اذانة

شمس " صير مؤدب ياولد ، هاي طريقة كلامك غلط .

جون أبتسم وباس ايدي

وألتفت على محمد سحبة من ايدة وطلع برة

كانو واكفين كدام الشباك

حاولت اركز على حركة شفايفهم
حتة افهم ، بس مافاد

دقايق ودخل جون وحدة

شمس " محمد وين ؟

ألتفت وراه

جون " ما أدري توة كان وراي

شمس " شنو كتلة .

جون " ماكلت شي مهم ، مجرد كلام بين رجل لرجل .

هل عبارة اكرهة دائماً يكررونهة
حتة محد يدخل

كعد يمي جون وبيدة كتابه
أنتبهت ع الكتاب معجم للغة العربية

وين لكة هل نسخة

شمس " منين جبت هل كتاب ؟

جون " خالتي ليار هدتني ياه .

ابتسمتلة ورجع يقرة بالكتاب

ثواني ورفع راسه

جون " حفضت بعض الكلمات ، الأرز .

شمس " هاي ارض .

جون " أنا أسمي جون ، أنا من بلجيك

شمس " اا ، بلجيكاا

جون " بلجيكا ، أمي ، أبي ، مرحباً ، شكراً ، وداعاً ، أسكت ، مدرسة .

شمس " حلوو تعرف تكون جمل ؟

جون" قليل ، عمري عشرة سنة ، أنا في صف خمسة من مرحلة أبتدائيا .

شمس " الصف الخامس .

جون " شنو الفرق بين لغتج ولغت ابوي

شمس " فرق قليل .

جون " اذا ردت اتكلم اي لغة استخدمهة ، ولغتي هاي منو راح يفهمهة ؟

شمس " تكلم بنفس اللغة وراح يفهمونهة العراقيين والسوريين ، هاي اللغة يسمونهة اللغة البيضاء كل العرب يفهمونهة ، نفس اللغة الأجنبية مو نكدر نستخدمهة بأكثر الدول الأجنبية ؟

جون " صح نستخدمهة بفرنسا ، وأميريكا ، ولندن ، وبلجيكا ، وهواي بعد دول .

شمس " بالظبط ، هاي اللهجة البيضاء نستخدمهة بكل الدول العربية .

جون " اهاا فهمت .

دخل محمد بس نظرلي ابتسم

محمد " جبت الغدة يلا جون أسحب المنضدة ، صارلك ساعة تحكي على صحتهة ، بس تركتك كعدت تمتحن بيهة
جون ضحك ، ومحمد نظرلي " بعد ماكو اكل مستشفى ، من اليوم راح نغير كلشي .