قفلت الباب ترست الحوض
اسمعة واقف يدك بالباب
ويحكي همس
سايمون " اكو وحدة تسبح بهل ليل
حتة ما متقربلج خاطر تسبحين
افتحي الباب
اني ماهتميت وفتحت الأدوية كلهن خلطتهن وشربتهن ،، بعدهة كعدت بالحوض بعد ماجرحت أيدي
بوقتهة كان سايمون بعدة واقف يم الباب وماعرف شنو كان يحكي
اني حسيت نفسي دخت
نزلت راسي داخل الحوض
وحسيت بأخر أنفاسي
...................
فتحت عيوني الغرفة كانت هادئة
محد موجود ، شفت الكانونة بأيدي جسمي ماأكدر احركة حسبالك مشلولة
شوية وشفت بنية فتحت باب الغرفة
ودخلت ، مانتبهتلي أبد
راحت للحمام ثواني ودخل ساي
وراهة ،، اني تضاهرت بالنوم
بس فاتحة عيوني قليل ليركز عليّ ينتبهلي
سايمون من دخل أبد ولا ألتفتلي مباشرتاً راح للحمام
ساي " اتركي اني اجهزة تكدرين
ترحين لأن بعد ماعندي طلعة ، من اريد اطلع اني اتصل عليج
طلعت البنية من الغرفة
وساي قفل الباب
اني قررت أتظاهر بالنوم
وابد ما أتحرك
هوَ تقرب مني وجردني من ملابسي كلهة وشالني ،، ثواني وحسيت بالماي يغطي جسمي ،، كلش استغربت من تصرفة
كان كاعد بنص الحوض ومكعدني بحضنة ،، راسي على كتفة وأديه محوطة خصري
ساي " شمسي
هل كلمة حسيتهة غصة بقلبي
لأن ماسمعتهة من احد غير محمد
ردت أنام حتة ما اتحرك ويحس بية
بس ماكدرت لأن توني كاعدة
باس رأسي بكل رقة
ساي " ياريت عافيتي تكون ألج
مرضج كسرني واني السبب بي
شوكت يرجعلي صوتج ، شوكت
اشوف طولج ، وحق الرب بس
ترجعيلي بعد ما أظايقج ولا أزعجج انتِ تعرفين وجع الخسارة ، ليش قلبج قاسي وتجرعيني من نفس الكأس ، ليش ترديني اخسرج
بقة يحكي اكثر من ساعة
واحنة كاعدين على هل حالة
دموعه كانت دافية تنزل على كتفي
فرغ ماي الحوض ورجع شالني
غسل جسمي كله ، وطلعني من
الحمام ، رجعني للجرباية ولبسني المنشفة
كنت أمثل دور الميتة مو النايمة
بس صدك أجيت أضحك على شلعان قلبه
رجع للحمام لبس ملابسة ورجعلي
نشف جسمي ولبسني ملابسي ، بعدين حركني للجهة اليمنة وكعد يشسور بشعري
كلش خفت من نفسي ، حسبالك ديجهز بوحدة ميتة حتة ياخذهة لقبرهة شايفتهم شلون يجهزون أمواتهم
أنت تقرأ
شمس بغداد
Romantizmمن أغرب مايكون أنو الأنسان يعيش 3 حياة ويكون عندة عائلتين ويعيش الموت ألف مرة منو اني . منو أهلي أسمي شنو ؟؟ شوكت تنتهي دوامة حياتي
