شمس بغداد

الفصل السابع عشر{أنكسار}

شمس " كافي محمد (كوة طلع صوتي
من كثر البجي) كافي منو ليسمع
قبلك حجيت كلهم طرشان (رفعت راسي وبتسمت) اليوم ميلاد بنتي لا تخربة

تقرب وكعد كدامي لزمني
من كتفي وكومني

أخذني للغرفة كعدني ع الجرباية
ثنة رجليه وكعد كدامي

ما إلي جرئة أباوع بعيونة
درت وجهي

محمد " إلي بعيونج وجع لو ندم

شمس " إلي بيهن ضياع

محمد " شمس فهميني

شمس " مو هسة ياروحي ،، راح أفهمك كلشي بس مو اليوم

محمد " شوكت 

عفتة وكمت للمراية
شفت عيوني حمر من كثر البجي
لهل سبب ماكان يلتفتلي من يحجي

ألتفتت عليه

شمس " راح ينحل كل هذا بس مو هسة (كعدت بمكاني وثنيت رجلية)
كل هاي غلطتي دأئماً أتهرب من مشاكلي ماعرفت أحلهة ( بقيت كاعدة شوية ومسحت دموعي وكمت ) أقترب موعد الحفلة وراح يوصلون الضيوف يلا نكمل

تقربت منه وسحبتة من أيدة
بأصابعي رسمت على شفتة أبتسامة

أبتسم وطلعنة برة الغرفة

خلصنة التجهيزات

الكل غير ملابسة

أخذت مي للغرفة لبستهة فستانهة

ولبست فستاني
طلع ساي من الحمام

كمت لبستة سترتة

ساي " ربطة العنق تزعجني ما أريدهة

شمس " لا ، تكمل أناقتك

تقربت منه سويتهة إله

بأبهامة مسح الحمرة

ساي " غيري هل لون

شمس " ليش

ساي " ما حبيتة

شمس " ههه أوك

مسحت الزهري خليت لون أحمر

عدلت فستاني

ساي فرحان لأن الفستان أسود

اجوي تينا وجون

محمد واكف يم الباب

جون ما أنتبهلة طلب من ساي
يسويلة ربطة العنق

محمد أنزعج

وكفت كدامة وبتسمت

شمس " عرفت الطقم الأزرق راح يناسبك ظهر لون عيونك

تقرب وسحبني من أيدي

دخل للغرفة ووكف يم المراية

أخذ الكحل وحطاه لعيوني

ساي واكف يباوع عليه

لزم أيدي وفراني

شمس " هههه ولك على كيفك راح أوكع
(حجيتهة عربي)