فرحانه حيل برجعتك صدكني
لاكن شكلك يالفراكك ذلني
صرت ام جهال فلان عكبك يهواي
ويمه من اذكرك يحجي ويجاملني
ويكلي مات الجنتي بي تتكشخين
واسمك الكل ماينذكر يخنكني
وهسه ارجعت وبرجعتك تاه الراي
شكدر اسوي الزمن شو حيرني
شكدر اعوف الدلل اطفالي سنين
واليمه عشت سنين مازعلني
لو ارجع الاول بشر يمه ارتاح
البي جنت اني مدللة ويهجرني
بس يلا شفت الحل الي يريح البال
ابقة ويه التحمل همومي وحزني
لشاعر : مصطفى شغاتي
................................
دار وجهة وراح للغرفة
سايمون واكف يم الباب
شكلة على صوت بجي شمس
ماكدر يدخل
محمد راد يدخل ساي وكف بوجهة
دفع ساي ودخل وغلق الباب وراه
شكلة ساي اليوم شبع دفعات
................
* شمس *
رغم الخنكة بس ثنيت رجلية
وحظنتهن
فكرة تاخذني وفكرة تردني
مافكر اذا رجع وبعدني مامتزوجة
شنو موقفة
أو لا عادي وأذا تزوج قابل أني راح أتطلك وأرجعلة
بس يدري بية روحي معلكة بحرف منه
أمشي وراه واني مغمضة مايمنعني زواج ولا أطفال
صوت الباب أنفتح
رفعت راسي شفتة محمد
أجة كعد يمي ،، درت وجهي
محمد " أسف كذبت ردت أتأكد بعدج
شمسي لو صرتي شمس غيري
رجعت باوعتلة
شمس " تتأكد ؟
محمد " أهمم ماتزوجت ، أنخلقت
لشمس وحدة مستحيل أغيرهة
تقرب ومسح دموعي
شمس " يعني مافقدت ذاكرتك؟؟
محمد " لا فقدتهة بس ماتزوجت ، طول هل سنين كنت ضايع ، نسيت نفسي
بس مانسيتج ، حاولت مرة أتقرب
لبنية ، بس شفتج أنتِ كاعدة ونفسهة ضحكتج ،برغم عقلي نساج بس قلبي عرفج
شمس " والبنية
محمد " هههه طردتهة
تقربت منه وفتحت قميصة
بست صدرة مكان قلبه
شمس " شنو من وجع شايل قلبك
من رجعت لهل لحظة شكد متحمل
محمد " عادي يتحمل (يقصد قلبه)
موطنج هذا
رجعت حضنتة
محمد " كافي تبجين دموعج توجع روحي
شمس " أسكن ذنبي بهل دموع
ماأكدر أمنعهن
أنت تقرأ
شمس بغداد
Roman d'amourمن أغرب مايكون أنو الأنسان يعيش 3 حياة ويكون عندة عائلتين ويعيش الموت ألف مرة منو اني . منو أهلي أسمي شنو ؟؟ شوكت تنتهي دوامة حياتي
