محمد " يلا
صفنت بوجهة انتظر يقولي منو الي اتصلت
قبل كان يحكي بس هل مرة ولا نطق حرف
مشيت وياه وركبنا بالسيارة
طول الطريق كان ساكت ولا نطق كلمة
نزلني يم الباب ونزل وياي
دار وجهة راد يرجع للسيارة
اني مشيت خطوتين ورجعتلة
شمس " محمد ، رايح للبيت ؟
محمد " لا ، ليش ياروحي ؟
شمس " اكو غراض بالبيت يمكن العصر اروح اخذهن .
محمد " أوك ، تعالي وقت مابدك
دار وجهة وكمل طريقة
ركب سيارتة ومشة
بقيت واكفة بمكاني رفعت راسي
للسمة ،، دائماً مغيمة الجو هنا بارد
حتة الصيف بي برودة
فطبيعي هيج جو وأحنة بمنتصف الصيف ،، ماحبيت ادخل
كعدت بالحديقة
مرت ساعتين تقريباً
دك فوني ، المتصل ليار
جاوبتهة
شمس " هاا ليار
ليار " اكولج شمس محمد اجاج
شمس " لا قبل ساعتين وصلني للبيت وراح .
ليار " جان يمي بس قبل شوية طلع معصب .
شمس " ليش شبي ؟
ليار " سالفة طويلة ، المهم هسة اريد اطلع عادي اجيب ابني يمج .
شمس " شنو اليوم ما مداومة ؟
ليار " لا اخذت اجازة
شمس " اهاا عادي حبي جيبي .
غلقت الأتصال
وكمت دخلت للبيت
ڤيولين بالغرفة مشغولة وي الأطفال
مرت ربع ساعة واجت ليار
أبنهة كان نايم ، راحت حطتة بالغرفة واجت كعدت يمي
شمس " شبي محمد شصاير
ليار " اتصلت عليه كالي ربع ساعة واجي ، من اجة شايل خشمة كوة
قنعتة يدخل للبيت ، كعد تقريباً ساعة
سولفتلة كلشي ، من اول ما خططنة لزواجج لحد ما نفذنة
يعني الي كان يحجي وياهة هيَ ليار
شمس " عادي اني هم سولفتلة كلشي قبل كم يوم .
ليار " اعرف ، بس انتِ حجيتي على لصار كدامج ، واني سولفت على الماتدرين بي .
شمس " على شنو سولفيلي هسة ؟
ليار " هسة لا عيني اريد اروح وراي شغل وكلش مستعجلة ، من ارجع اسولفلج .
بوستني وطلعت تركض
أنت تقرأ
شمس بغداد
Romanceمن أغرب مايكون أنو الأنسان يعيش 3 حياة ويكون عندة عائلتين ويعيش الموت ألف مرة منو اني . منو أهلي أسمي شنو ؟؟ شوكت تنتهي دوامة حياتي
