شمس ، صرخت عليه " أمانة محمد
تركنة عندك أمانة وهيج تصرف ، شنو من حقارة عندك ، من يرجع محمد شنو راح تقولة ، هااا ، ماتحكي
الصدمة كانت كلش واضحة على وجه ساي بس رغم هذا ماكدر يخفي فرحتة
أما عصام فبقة واقف يم الباب
ما مستوعب شي ، بعدين طلع من الغرفة
سايمون "ماراح يرجع ، محمد مات لو عايش كان رجع من زمان أو سمعنة عنه
اي خبر ،اقنعي بهل شي كافي صارلة 4 سنين غايب ،، محمد مات صار ماضي
حكيت بصوت مخنوك ، مو بعصبية
شمس "ما ميت بعدة عايش ، وراح يرجع ساعتهة كلنة راح نكون مذنبين كدامه ، إلي ردتة أخذتة خل ننهي هذا الزواج .
بعدة ما حاكي كلمة ونفتحت الباب
دخلت ليار تركض طفرت علي ّ حضنتني وبوستني وهيَ تبكي وتتحمدلي ع السلامة وتينا و جون واقفين يم الباب
ماشفتهم أطفالي شفتة محمد
إلي خاتل ورة الباب ومبين نص طوله
أبتسمت ألهم وفتحت أدي
أجة جون يركض ، حضني
وتينا دخلت بهدوء ورة أخوهة
وأجت تقربت مني ،، جريتهة بحضني وحضنتهم كل قوتي ،، وأبوس بيهم
خليتهم بحضني وبقت عيني ع الباب
بعقلي مقتنعة أنو محمد بعدة عايش وراح يجي ويدخل وراهم
ليار أول وحدة فهمت شنو منتظرة
قاطعت صفنتي بسؤالهة " احجيلي ولج شنو شفتي ووين جنتي ليش طولتي بغيبوبتج .
صفنت بوجهة أدور على جواب
جون" أمي تدرين انتِ نمتي هواي أيام وأشهر أربعة .
جريتة لحضني ورجعت بستة
شمس " وأنتَ شنو سويت بهل أيام إلي كنت نايمة بيهن
جون "رحت مدرسة وكبرت
شمس "مدرسة؟
ليار عاطت " ولك روضة من أروح لشغلي أخذهم وياي
شمس " اهاا وشنو تسوون هناك
جون" ندرس ، تعلمت أكتب وأقرء وعندي أصدقاء
شمس " عفية بالشاطر ، وتينا شنو سويتي هناك
تينا ساكتة ، باوعت ل ليار
رفعتلي أكتافهة و عوجت حلكهة قصدهة ماتدري بشي
رجعت ليار حضنتني قبل لا تسأل
" جنتي تحسين بينة من نكون يمج جنتي تسمعين شنو نحجي
شمس " لا ماحسيت بشي ولا سمعت شي ، حسبالك نايمة ونومي ثقيل
أول مرة أنام هيج
ليار " يمعودة انتِ طحتي بغيبوبة
4 شهور وتكولين ماشفت شي ، يلا نعتبر نايمة ، شنو حلمتي ؟؟
" ماذكر كلش ، أذكر حلمت بس مشوش بعقلي ، يمكن شفت أمي ، اي أمي شفتهة بنفس بيتنة وأبوي هم شفتة
بس مو مريض كان كاعد على حيله وبعافيتة ، وأمي كانت كاعدة وتسفط خبز ، كانت تحكي بس ما أسمعهة شنو تقول
أنت تقرأ
شمس بغداد
Romansaمن أغرب مايكون أنو الأنسان يعيش 3 حياة ويكون عندة عائلتين ويعيش الموت ألف مرة منو اني . منو أهلي أسمي شنو ؟؟ شوكت تنتهي دوامة حياتي
