شمس بغداد

الفصل الثالث { وداع }

سايمون "اذا مازعجتج شفقة الناس اكدر اتركج طول النهار هنا ، بس مليت من الوكفة يلا كومي ياعروس

كمت وكفت كدامه واني اعصابي
فايرة ،، شنو اسويلة واكسر خشمة وبرودة

مسوي روحة متأسف على زواجنة
وهوَ فرحه مبين من وجهة
شنو سويت بحياتي وأبتليت بهل
عذاب

تقربت منه ، هوَ تفاجئ
بكل قوتي دست على رجلة بالكعب مالتي ،، ورفعت بدلتي ومشيت

كعدت بالسيارة وهوَ صعد وراي
يضحك

سايمون " سمعت عن المرأة العربية
لبوة صعب واحد يتقرب منهة
وفرس أصيلة ماتتروض بسهولة

شمس " راسي يوجعني لا تلغي
لبوة وفرس لاتحسب نفسك اسد لو حصان لأن انتَ ثعلب لا انتَ الحيونات الخسيسة كلهة جامعهة هذا اقل شي اوصفك بي

هوَ ضحك قبل لا يحكي " زوجتي عصبية كلش ..

بعدة ما مكمل كلامة والتفتت عليه

حكيت من بين سنوني "لا تقول
زوجتي

رفع حاجبة ويحكيهة بفخر " زوجتي وشريكة حياتي ووو عوفي شفايفج إلي ، لاتعضيهن هيج .

وتقرب عليّ راد يطخ شفتي

تفلت بوجهة ، وعلى وجهة صارت قطرات دم

درت وجهي للجهة الثاني ومسحت
دم شفتي ، هل فترة كلش هواي اعض شفتي من اعصب دمهة ينزل واني ما احس بيهة

وصلنة لباب القاعة

نزل فتحلي الباب ومد أيدة

اني درت وجهي وضغطت على
بدلتي بقوة ،، ومانزلت

تكلم بهدوء " ما نطول داخل القاعة شوية ونطلع .

ألتفتت عليه كان يتكلم بهدوء ومنزل راسة ،، حسبالك ديطلب ومتمني انو
ما احرجة

نزلت من السيارة ومشيت بصفة
من وصلنة باب القاعة هوَ تقرب بهدوء
وحوط ايدة على خصري

نترت بي " أيدك وخرهة .

هوَ بكل هدوء سحب ايدة

دخلنة للقاعة كنت شايلة بدلتي
ومنزلة راسي ،، الموسيقى عالية
وكل شوية جاي احد مسلم علينة

اختنكت من المكان كله كوة كمت اتنفس والدنية كلهة كامت تفتر بية

كمت من مكاني بعدني ما متحركة خطوة وهوَ لزمني من ايدي

سايمون " وين ؟

شمس " للحمام

سحبت ايدي منه ورحت للحمامات
ثواني واجت ليار تركض

اني دخلت غسلت وجهي
وتقيئت رغم ما ماكلة شي

رفعت راسي للمراية وصفنت عليهة
تردد صوت محمد براسي وهوَ يصيح بأسمي ،، بس ما تذكرت صوتة الى من كان عصبي