حب وسط الجرائم

4

اخيرا وصلنا للطيارة..الشعور بالأمان كان كفيل بأنه يخليني ارتاح لا اراديا. .خصوصا أنه رجالي حولي..واخواني قاسم وسامي ..وعمي عز وخليل..وأبني قيصر...
ناولني قيصر كاسة قهوة سخنة أمي...دفي عروقك..
* تعال اقعد جنبي عشان ادفى. .بعدين صحيح..يا شقي ليش غامرت بروحك...يعني خوالك قاسم وسامي لو صرلهم شي بنجن. .ف ما بالك إذا صرلك شي انت؟  بدبح حالي وراك..
لف ايده حول كتافي وصار يضحك هو وقاسم وسامي..
أي اختي ما صرله شي...هيو متل الأسد..
* قاسم..ترا جد بنجن إذا واحد فيكم صرله شي...
حكت سهيلة زعيم...شكرا الك انك طلعتيني من هون...
هز سيزر وفيروز رؤوسهم موافقين على كلام سهيلة
ما في داعي تشكري. ..هاد أبسط شي ممكن اعمله...خصوصا بعد التطوع اللي عملتيه يا سهيلة..وهاد الكلام الك كمان يا فيروز...أما انت يا سيزر..ف الك شكر كبير...انك كنت أحد رجالي..وحارسي المخلص وقت كنت بالزنزانة. .
خجل سيزر وقال كنت طول الوقت أفكر كيف بقدر اخليك بأمان طول م انتي بالزنزانة. .وكنت متأكد أنه كل شي إله خطة عندك
علق خليل الزعيم دوما عندها خطة...حتى لو ما في..بتطلع بخطط من تحت الأرض...
* أخ منكم...المهم هلأ..اسمعوني منيح...خلصنا من الهدف..كرستينا...هلأ ضل ليا والرجال خفيف الدم اللي معها...بس نرجع ...بدي اخد استراحة كم يوم..وأرجع أسافر ع روسيا...بدي اضرب بقوة
- اسمحيلي زعيم...بس هلأ روسيا بتكون ضدك علق عمي عز
ما أظن...بتعرف ليش...لأنه زعيم روسيا لصالحي...عصابته من اقوى العصابات..وبعدين..ليا واللي معها مجرد مبتدئين...ما رح يعرفوا يتصرفوا..ومع الوقت رح يكتشفوا سلطتي المنتشرة بكل مكان حول العالم...ومن ثم. ..رح يركعوا تحت رجلي...قررت اني اقصيهم. .اقضي عليهم وعلى كل شخص واقف معهم...وبعدين...بدي اتخلص من رفعت..
طأطأ خليل راسه وحكا بخوف هو اللي كان السبب
* بعرف..ساعد ليا..وساعد كرستينا. ..والله أعلم بكرا مين رح يساعد...بس هو شخص أعمى...ما رح يعرف مع مين يتعامل...ليا معتمدة عليه كل الاعتماد..
- يعني ماما..في عندك خطة صح؟؟ تساءل قيصر
طبعا...مابمشي خطوة إلا وبكون حاسبة حسابها...المهم هلأ نوصل..وبعديها نبلش...عز
* نعم سارة؟؟
- بدياك انت تتولى أمر تجميع رجالي بروسيا..مفهوم؟
* حاضر..
- خليل وسامي ؟
ردوا سوا نعم؟
* عليكم الأسلحة...وبدي قنابل...قنابل كتيرة
- امرك...
تنهدت تنهيدة طويلة وسرحت بالنافذة اللي جنبي. .وشعرت بحنين ل زين...
اتطلعت بقيصر صحيح..شو أخبار العيلة؟؟
- آخر مرة تركتهم فيها كان عندي بيت خالتي رزان...كانوا بأمان..
* عندهم حراسة؟؟
- المفروض أمي...حراسة مشددة...
* بس ليش مش متطمنة؟؟ جواتي شعور مخيف
مسك أيدي وطمني ما تقلقي. ..اكيد هاد نتيجة الإرهاق...ارتاحي ونامي يا أمي..
* هو هيك...صحيني قبل م نوصل..
- حاضر ست الكل..حاضر.
......
دخلنا البيت..خلفي عز وخليل وسامي وقاسم وقيصر..ووراهم سهيلة وفيروز وسيزر برفقة الأربعة فرسان اللي هم فارس ومازن وسيف وحمد..
مازن...خود معك سيزر..قعدوا معكم...وسهيلة وفيروز خليهم يروحوا عالمقر. .هناك أمن..
* حاضر زعيم...
استقبلني عز وهو عم يبكي..ماما
* خير شو في؟ سأله جده عز
- اخدوا كاتي وماما
اتطلعت فيه...وشعرت بغضب...بعد عني الكل عشان لحظة الغضب هاي..
سأله قيصر كيف كان شكلهم؟؟
* خف عالولد شوي نكزه قاسم
علق خليل المفترض أنه في حراسة مشددة
وبلش كل الحاضرين يتناقشوا وارتفعت أصواتهم. .
ومن شدة غضبي وتوتري صرخت بأعلى صوت اسكتوا
وعم الهدوء أرجاء المكان...بكون الواحد عم يفكر بحل...بلاقي فجأة صار في مسخرة بالمكان...اكيد هاد رفعت وليا...استغلوا فرصة سفري..مازن
* نعم زعيم؟؟
- اعمل شغلك وشوف وينهم..هم هون ولا صاروا بروسيا؟
سألني قاسم بحيرة بس سارة...كيف بدنا نعرف وين هم؟
* لكل مشكلة في الها حل...بعيد ميلادنا انا وزين..اهديتها قلادة...فيها GPS...خود مازن الكود..سجله عندك...وبالجهاز اللاسلكي اللي رح اعطيك ياه...لحالها الإشارة رح توصلك.
....
وبعد م عرفنا مكان زين وكاتي..طلبت من الشباب أنهم يجهزوا الرجال والسيارات المدرعة...
سارة
* أي عز...
-جمعنا الرجال بالمقر...عم نستنى أمر منك بس..
* ممتاز....يلا نتوجه عالمقر..
دورت بعيوني على سامي لحد م تلاقت أبصارنا ..رفع حاجبه بمعنى أنه شو بدي...وغمزته وفهم أنه يجي لعندي
نعم سارة؟؟
* تتذكر الأسلحة اللي طلبتهم منك قبل م نوصل؟؟
- اي..
* جاهزين؟؟؟
-يعني...عندي بالمستودع في يمكن شي 12 سلاح ار بي جي...و30 قنبلة...وسبع رشاشات..وطبعا المسدسات..
* كتير ممتاز...روح هلأ بسرعة عالمستودع تبعك وحملهم
- حاضر سارة.
....
ركبت السيارة وتوجهنا للمقر. ..الكل وقف أول م دخلت...ومشيت للقاعة الكبيرة..أشبه بمسرح المدارس...كان عدد الرجال كبير.
وقف عز قدامهم وحكا تم اختطاف شخصين مهمين بالنسبة للزعيم...واليوم الزعيم قررت أنها تنتقم لانهم خطفوا..ولأنهم أرسلوا إخبارية للسلطات الفيدرالية بمكانها. ...مهمتكم اليوم بسيطة جدا..
نهجم عالمقر...نخلص الشخصين المهمين...ونرجع للمقر...بدنا نطلع بخسائر أقل...مفهوم؟
ردوا عليه بصوت واحد جماعي مفهوم...
وبحركة سريعة توجه الكل للسيارات المدرعة..قربت ع حمد وقلتله انت حاليا خد عز لعند رزان وابتسام...مكانهم أمن جدا...وبدي تأمن حراسة مشددة هناك..وع بيوت كل فرد من أفراد العائلة مفهوم؟
*حاضر زعيم..
قربت ع قيصر وقاسم م بدياكم..
* ليش ماما؟؟
- عشان هيك....كنت معصبة
قلي قاسم سارة...انا اخوكي...لازم أحمي ضهرك...
* عشان هيك ما بدياك تروح...أمشي قاسم...أمشي وخد معك قيصر...حالا
- ماما ما بدي أروح..
صرخت ..وصراخي خلى المكان يصير هادي من الخوف لاء يعني لاء...
- بدي روح...عشان أكون معك...
* قيصر...قاسم أمشي وخد معك قيصر
قرب قاسم مني وقال شكلي مش بس لحالي اللي هون..شوفي مين معنا
التفتت لمطرح م التفت قاسم بعيونه وشفت خالد
قربت عليه بسرعة ..عيوني رح يطلعوا من محلهم. .وجهي أحمر من الغضب شو عم تعمل هون؟؟ بدكم تجلطوني..خالد أمشي..
رد علي بهدوء لاء طبعا...وقت وصلني الخبر ...فكرت أنه لازم أكون معك...
التفتت ع قاسم وعيوني بدت تدمع قاسم من شأن الله خد خالد وقيصر واطلعوا
وقفوا التلاتة جنب بعض دليل على أنهم رافضين يتركوني..
استسلمت للواقع ومشيت بيأس للسيارة...
توجهت سياراتنا نحو الموقع اللي فيه ليا ورفعت..
ولما وصلنا ركنا السيارات بشكل عشوائي قدام سياراتهم عشان ما حدا يفكر يهرب..
الواضح زعيم أنه ما في مراقبة علق خليل..
ناديت ع سامي.. وبس وصل حكا زي زمان؟
ضحكت رغما عني أي..عنصر المفاجئة..خليهم يتربوا ويعرفوا مين انا
عم الهدوء أرجاء المكان...قناصين المنظمة انزرعوا أماكنهم.
عن طريق اللاسلكي حكا واحد من القناصين
الرؤية عندي واضحة...في ست أشخاص جوا...رفعت مبين...بس ليا مش موجودة. ..في وحدة وبحضنها طفلة..الهدف واضح زعيم
* ممتاز..اسمع...قنص واحد واحد...
وصوت وقعة الأجساد بدوي دوي..دفشنا الباب ركل بقوة ودخلت عناصري مستهدفين بس الأشخاص الستة وتركوا رفعت بحاله..
دخلت انا بكل جدية وعيوني جاحرة رفعت
نزل ع ركبه وصار يبكي ويرجف زعيم ارجوكي. ..ارجوك سامحيني..
* لاء...ما في سماح..
قرب علي سامي وقال بقلق  سارة
* نعم؟
- بحب اقولك أنه هدول مش زين وكاتي
* شو عم تقول انت؟؟
التفتت للمكان اللي من المفترض أنه زين وكاتي فيه..
بس ...الموقع..
وسمعنا صوت رفعت منفجر من الضحك
احلى شي...أنه الدون الأول...وقع بالفخ..
قربت عليه كأني مفترس ينقض على فريسته..وبكل وحشية مسكت رأسه ولفيت رقبته ...
لحد م انطق عنقه ومات..
صرخت بالكل
حالا بتلاقولي زين وكاتي...تحركوا فورا...