زادت الأمور سوء بعد آخر تهديد من الحكومة الكوبية الي...المشكلة أنهم مش عارفين يلقوا القبض علي او حتى أنهم يعرفوا مكاني...
لحد بعد يومين رجع ظهر رئيس أمريكا من جديد وألقى خطاب حماسي ضد الإرهاب وضد تجار المخدرات وضد العصابات...
وهددني مباشرة على الهواء...كانت الحكومة الكوبية خايفة مني...خايفة اني اعمل اي شي آخر...
استنفرت القوات بكل مكان..و خطة الطوارئ تم تنفيذها..والسلاح الجوي ساد السماء..كله بحثا عني...
* زعيم؟
-نعم سيزر
* برا الوضع كتير متأزم. ..وحضرتك بخطر...شو رح تعملي؟
- بدي أفكر..سيزر.
* طب...برأيك...رح رئيس أمريكا رح ينفذ تهديداته؟
- حتى لو نفذها...مش رح يقدر يمسك طرف الخيط...كلامه كله يعني أنه هو مش عارف مين انا ووين انا...
سكت سيزر وسرح بالافق. .نظرت لجماعتي وقلت
رح يتم قتل النائب...تحذير للحكومة...هاي أولا...ثانيا رح يتم اغتيال الوزير
* عفوا بس..أي وزير؟ سأل سيف
- وزير الداخلية ..رديت ببرود
......
اتصل علي المسا عز ..وكان متوتر وخايف..لأول مرة بحس بنبرة عز الخوف
سارة...الحكومة مش رح تتنازل عن قراراتها...لازم نلاقي حل
* لاء عز...الحل الوحيد اني أضل احاربهم لحد م حضرتهم يتراجعوا
- شو رح تعملي يعني؟؟
* رح أضل ادمر منشآتهم. ..ورح اعمل عمليات اغتيال لحد م أخلص على كل حدا بالحكومات. ...يعني رح أكون إرهابية رسمي بنظرهم
- سارة...ليش عم تعملي كل هاد؟؟
سكتت للحظة..بعرف الجواب...بعرف السبب اللي عم يخليني انتقم من كل الناس...مش لانهم حاربوني بالدرجة الأولى..ولا لانهم ضدي..ولا لانهم حرقوا مخازني وصادروا من شحناتي وحبسوا موظفين معملي. .لا لاء...
بس هاد الانتقام اجا نتيجة فعلة زين...حب عمري وعشقي الوحيد...صحيح اني خنتها..صحيح اني اذنبت. .واني لما بدي أهرب منها بروح لحضن وحدة غيرها...لكن عمري ما تخليت عنها وتركتها...
رغم أنها هجرتني مرة واكتشفت وقتها أنها انخطفت وصارت عند عصابة اليابان. .وضحيت بحياتي وتوجهت لهناك وانقذتها..
بس هاي المرة غير..هاي المرة هي الغلطانة بعلاقتنا..وأنا مش رح اسامح نفسي إذا سامحتها. .
سمعت صوت عز بنادي علي من التلفون وين سرحتي؟ ما جاوبتي سؤالي...ليش عم تعملي هيك؟؟ صحيح أنه الك بالعادة تنتقمي. ..بس مش بهالقسوة والاجرام...معناته في وجع يا سارة بقلبك صح؟
* أنت الوحيد اللي بتعرف كل اسبابي وبتكشفني من تصرفاتي. .
- سارة...انا عرفت اللي صار بينك وبين زين..زين هلأ أخدت بيت قريب مني وقاعدة فيه هي وابنها عز..بس ما بعرف ليش طردتيها؟؟ شو عملت!
ضحكت بشكل هستيري وقلتله بانفعال خفيف
صحيح اني خنتها...صحيح اني غلطت...بس عالاقل..مش ارجع عالبيت وانا حامل...ولا اخونها مع رجل يا عز.
* نعم؟؟ سارة بتحكي جد!
- طبعا ..عمري كذبت عليك...زين حامل يا عز...وما فكرت فيني للحظة وهي بين ايديه..
* سااارة...شو عم تحكي انتي؟
- متل ما سمعت يا عز...زين ما عاد إلها رجعة لحياتي...
* بس..بس..هي بنتي..كيف هيك !
- بدون بس يا عز..بدك تكمل معي أهلا وسهلا...بدك تاخد موقف مني وتبطل ...كمان عادي..ما عاد فارقة معي مين يضل معي ومين لاء...
سكت عز لأنه مش عارف ايش يحكي...سمعت تنهيداته الخافتة...انتهينا من المكالمة بدون اي كلمة أخرى...
قربت مني جود..حسيت اني مو شايفة شي..
حطت يدها على رأسي وبدت تعبث بشعري القصير.
رح نطول هون ب كوبا؟
- ليش عم تسألي ؟؟
* ما في شي...بس أنه يعني الواحد بحن لبلده
- اها. .
التفتت بسرعة وقت سمعت صوت تلفونها برن لكنها تجاهلته. ..حكت رح اخد شاور...بتحبي تشاركيني
* امممم. .بس شوي وبلحقك
- تمام رح استناك.
دخلت جود عالحمام وضليت انا لحالي عم بفكر ب زين ..وجود..وليا...
رجع تلفونها يرن اكتر من مرة...مسكت التلفون وقرأت الاسم...وانصدمت. .
فجأة سكت التلفون...وعدة رسائل صارت تتخبط بالتلفون..رسائل متواصلة..
فتحت تلفونها بحكم اني بعرف الباسوورد. ..
وقرأت رسالة ورا رسالة
حبيبتي ردي علي.
جود...وينك
اشتقتلك..
معقول في حدا جنبك وما بتقدري تردي علي؟
طب بحبك...
يلا ردي
متى بدكم ترجعوا
رميت الهاتف على السرير...ونزلت تاركة جود لحالها بالغرفة...
وطلعت من المقر ومشيت بالشارع بدون اهتداء..
ما كنت بعرف لوين وجهتي...
وخطرت ع بالي جود...صحيح أنها مش الي..بس من أول يوم عرفتها وهي إلها مكان بقلبي...
وقصدا خليتها قريبة مني عشان أقدر اتملكها بهدوء.
بس أنه يطلع قلبها لحدا تاني! كنت متفاجئة مذهولة. ..
بس...كان لازم اني أتخلى عنها لهداك الشخص...سرت وحدي لعدة ساعات..ووقت صارت الساعة 11 بالليل ..كنت قاعدة على الرصيف..بشرب قهوة وبدخن سيجار كوبي...واضعة سماعات الهاتف وبسمع اغاني متل كأني مراهقة..
وقفت سيارة سوداء أمامي..وخرج منها فرساني
زعيم...بسرعة اركبي
* ايش في مازن؟
وركبت السيارة بسرعة...وتوجهنا لمكان أمن غير المقر
زعيم..قدروا يعرفوا وين المقر.. وصلنا الخبر بكير...قدرنا نطلع كل شي بخصك من المقر حتى الأسلحة...بس للاسف...ضل النائب هناك
* و جوان؟؟
- قدرنا نهربها زعيم مع باقي الاغراض...
ضربت المقعد بقبضة يدي
كيف عرفوا؟ كييف
* زعيم...ما حدا بيعرف فينا كيف قدروا يوصلوا للمقر.. رد علي فارس
- خير..شكلهم ناويين على شر...والله ما أتركهم بحالهم.
وصلنا على البيت الأمن...دخلت معصبة...لقيت مخزن البيت مليان أغراض...اللي كانوا ب المقر..وإحدى الغرف ممتلئة بالأسلحة اللي كانت موجودة
فارس مازن سيف ناديت عليهم ت يجوني بسرعة
بتجهزولي كل شخص عندي بالجماعة ...هاي مهمتك سيف...أما فارس ...جمع شو في عنا قنابل...أي أسلحة كبيرة...مازن...اجمعلي معلومات بسرعة عن الوضع...لازم بظرف يومين أكون ضربت ضربتي
أنت تقرأ
حب وسط الجرائم
Romanceرغم اني اقوى واشجع شخص ..وأصغر زعيم مافيا والدون الأول حول العالم..والكل يهابني ويعتقد بأني وحش ما او سفاح.. لكن...انا أظل إنسانة...فيني مشاعر.. اعتقدت أنه قصتي انتهت..ومشاكلي كلها انحلت..لكن مقولة أنه العمر بيخلص بس المشاكل ما بتنتهي. .صحيحة...
