حب وسط الجرائم

مقدمة.

كل شي في السنوات اللي فاتت كان سريع .ما عدا كم قصة بس...كانوا ابطئ من دقات الساعة وعقاربها..
بكل دقة كان قلبي يموت شوي شوي..ولولا تخطيط كنعان بقصة نتخلص فيها من حاق. .كنت لهلأ بعاني من الحجر وآثاره بجسمي.
لكن..ما متت من الحجر..اللي قتلني كان حاق. .ولكن بعدني على قيد الحياة..
بالنسبة للجميع..علاقتي بسامي وخليل صارت اقوى..لكن كل اللي صار كان مجرد لعبة..خططنا إلها عشان نتخلص كمان من حاق.
أما انا وزين...فحياتنا ماشية..أحسن م قبل.وعلاقتنا اقوى من قبل..خاصة أنه في بينا قيصر وعز وكاتي. .
أما بالنسبة لعمي عز..كبير العيلة..فهو عم يشتغل بإسبانيا...عم بدير اموري هناك..
لكن..كل شيء ماشي...
وبالنسبة للمشكلة الجديدة اللي طلعت هاي بدها حل...حل مناسب يرضيني و يرضي جميع الأطراف..
وقفت على الشرفة وحدقت بالسما الذهبية..الشمس بدت تغيب..والغيوم خفيفة..وساحة الفيلا إلي انا فيها كبيرة وواسعة وفيها ما يقارب خمس سيارات من نوع رانج روفر..
حسيت بقدوم زين من ورا...ضمتني بايديها وسندت راسها ع عنقي..أنفاسها بدت تضرب رقبتي من الخلف..وحاوطت خصري ب ايديها.
شعور السعادة غمرني من الداخل..وحسيت بأني مالكة الكون بوجودها. .
لفيت لعندها وطبعت قبلة ع جبينها.
سارة
* روحها
- خليني أسافر معك
* لاء طبعا.
بعدت عني وناظرتني بعمق ليش طيب؟
*لأنه رايحة احل مشكلة كبيرة...بس برجع بنروح سوا.
-طب بليز ما تروحي..يا بروح معك يا بلاها
تأفأفت عدة مرات وقلتلها زين..حبيبتي..ما بدي يصرلك شي هناك..لأني رح أضل مشغولة ومش رح أفضى..مش ناقصني يصرلك شي وانا مش موجودة.
لفت وجهها بعيد عني وقالت بحزم ما رح يصرلي شي..بعدين هناك في جماعتك. ..بتعيني حدا معي وخلص
قلتلها بنفاذ صبر زين..ارجوك..ارجوك..ما في روحة معي.
* طيب ماشي...متل م بدك...رايحة اتحمم
وتركتني لحالي بحاول اخفف توتري شوي...أبعد عنها لفترة..بحس أنه في شي ناقص لو بعدت عني ولو شوي..
دخلت للغرفة وحملت حقيبة السفر.ووقت بدي اطلع من الغرفة لقيت كاتي عالباب
مامي..
* نعم ؟
-عنجد بدك تسافري؟!
* اي حبي..بدي اسافر
-طب...رح تطولي!؟
نزلت ع ركبي ومسكت كتافها ورسمت ابتسامة تطمئن فيها لاء..رح احاول اني ما أطول.
* توعديني؟
-وعد.. بس بدي توعديني بشي..تسمعي كلمة قيصر..هاد أخوك الكبير..وتسمعي كلام زين ماشي ماما؟
*حاضر..طب بحبك
-طب وانا بحبك. وعانقتها عناق طويل ونزلت انا وياها للطابق السفلي...
قيصر
* نعم أمي...
-ما بدي اوصيك. .أختك كاتي واخوك عز وزين..
* ما توصي حريص ي أمي...توصلي بالسلامة..وإذا تصلح الوضع هناك خبريني...
-أن شاء الله..
واستنيت زين تخلص بس ما خلصت...رجعت طلعت لفوق عشان أودعها...
حبيبي
- نعم؟
* بدي اودعك
-بس انا ما بدي...
انفعلت وحكيت ليش كل مرة بتعملي فيني نفس العمل؟؟ خليني أسافر وانا قلبي متطمن ومرتاح.
سكتت بس ما فتحت باب الحمام..
بدك تخليني اسافر بدون م اضمك؟
*هاد كان قرارك انك تروحي بدوني...مش رح اعمل شي
-براحتك يا زين..براحتك...بس اعرفي اني
وسكتت..اكتفيت بالصمت ونزلت..ودعت الاولاد وطلعت..كانوا الشباب بانتظاري. ..ركبت السيارة وتوجهنا للمطار حيث تقع الطيارة الخاصة .
زعيم؟
*نعم سيف!
- عرفت أنه حفيد اسكوبار....عرف بموضوع قدومك..وجمع رجاله وعم يستنوا...وصولك
* نعم؟؟؟ وطبعا انا كالعادة...آخر من يعلم
-لا العفو منك زعيم...بس الصبح وصلتني الاخبارية..
وسكت سيف..وبعد لحظات سأل مازن زعيم..شو ناوية تسوي ؟؟
* مازن...اتصل على جماعتنا هناك..خليهم يستقبلوني بالمطار..وخلي رجال ايهم يحوطوا كل شي بالمطار..ويخلوا عينهم على الرايح والجاي. .هدول ناويين ع شر.
- أمرك زعيم...بس ..ناويين ع شر؟
*اي نعم...ناويين يغتالوني
وعم السكوت فجأة بالسيارة..حسيت اني عم بودع كل شي..خاصة انه صار اللعب حامي..خلصت من عصابة الياكوزا اليابانية...وعلقت بحفيد اسكوبار وبروسيا.
بابلو اسكوبار كان معروف زمان ومشهور. .وقدر أنه يغلب حكومات العالم. .وكان المطلوب رقم واحد حول العالم..وبعد وفاته...صرت انا المطلوب الأول حول العالم..مع انه جرائمي قديمة..وما كانت كبيرة متل جرائم اسكوبار...
مسكت جهازي وبحثت عن بابلو اسكوبار. .رغم معرفتي فيه..بتذكر معلمي الأول حسين الكويتي لما قالي أنه تعرف مرة على بابلو..لكن ما كنت اصدقه غير لما كان يحكيلي عن عدة جرائم لبابلو بالتفصيل..
كان يقولي عنه أنه إله نظرة مستقبلية..أنه مهما تطور هالعالم رح تضل قضية الممنوعات وتجارة المخدرات والاسلحة اهم من أي قضية أخرى...