حب وسط الجرائم

13.بعيدا عن الحب..تصبحين على خير 1

فتحت باب الشركة..متل اللي صرلي زمان مش داخلة عالشركة. .استقبلتني السكرتيرة وقالت
الآنسة ورد عم تستنى حضرتك بالمكتب
* شكرا أماني..
- اه صحيح..في أربع أشخاص اجوا من ساعة وسألوا عنك..وقلتلهم حضرتك مش موجودة...عم يستنوا برضه بالصالة
* صرلهم ساعة بستنوا. ..طيب خليهم يدخلوا
- حاضر
قربت عباب المكتب والتفتت لاماني
أي صح...عطيني ملفات الأسبوع هاد كله...وجهزيلي تقرير الأسبوع إلي فات
* بس لسة ما في تقارير جاهزة
بنبرة جدية جد؟؟ طب جمعيهم وجهزي كل شي..هاد شغلك انتي...وخبريلي رزان وابتسام..وقوليلهم ضروري
* حاضر.
دخلت المكتب وسلمت ع ورد
اسفة إذا جيت بوقت غلط..بس سارة مشاكل المطعم مش عم تخلص
* مش اتفقنا أنه نعمل تغييرات بالمنيو؟
- بلا..وعملت..
* طيب شو التغيير؟
- كان عبارة عن بوفيه مفتوح..ومأكولات بحرية...بس صار في خسارة لما الناس عرفوا أنه لازم يدفعوا 12 دينار عشان البوفيه
* طيب؟
- سارة انا تعبت... رفعت شعرها وجلست قعدتها وكملت
برأيك...شو لازم يصير اكتر..
* ما بعرف ورد..هاد مسؤوليتك. .أعطيني حلول بأسرع وقت..بدي المطعم يصير مليان
- يعني..أغير اكتر
* نعم...واحكيلي شو بصير معك
- طيب ماشي..برجعلك بعد كم يوم ..وبخبرك بالجديد..
* ممتاز..
طلعت ورد ودخلوا أربع شباب..
مرحبا ست سارة حكا واحد منهم...كان اشقر وطويل..ولابس طاقية مكتوب عليها JAVA
ست سارة...احنا مبرمجين وقدرنا نوصل لحضرتك عن طريق الأخبار.
* حلو...خير؟
حكا واحد تاني..كان شعره بني واسمر وقصير
نحن مبرمجين وعنا شركة صغيرة سميناها JAVA..وبدنا نتناقش مع حضرتك شوي..بركي وصلنا لاتفاق نقنعك فيه أنه تمولي مشروعنا
* اها. .طب فيكم تحكولي شوي عن مشروعكم
سكتوا شوي وجهزوا أجهزتهم ت يحكي شخص تالت
حضرتي فيلم تامر حسني؟
*ايا واحد؟
- تصبح ع خير؟
*طبعا.
- اخدنا فكرة مشروعنا من الفكرة اللي معمول ع أساسها الفيلم..جهاز مخصص للأحلام
*بتحكوا جد؟
حكا أول واحد ست سارة..احنا عارفين مع مين عم نحكي. .وعارفين شو عم نحكي...يعني إذا الموضوع كان فيه مزح...حضرتك بحركة من إيدك بتعدمينا
حكيت جبيني وتذكرت كل تفاصيل الفيلم...كيف بكتشف بالاخير أنه مرته والمبرمجة طلعوا عم يضحكوا عليه عشان الفلوس...
بس هدول أربع أشخاص...وما بعرف ولا واحد فيهم.
فجأة الشب الرابع قال طبعا مش رح تصدقي لأنك ما بتعرفينا. .بحب أعرفك علينا...الأشقر اسمه كامل.والاسمر اسمه رامي..والتالت اسمه أيمن وانا علي
* تشرفت بمعرفتكم. ..طب سؤال..انتوا بتعرفوا مين انا؟
- طبعا ست سارة...الأخبار كلها بتحكي عنك..واسمك بسوق الأسهم منتشر..و سمعتك واصلة للغرب..
* ممتاز..اشرحولي اكتر عن برنامجكم...عشان أقدر أقرر ..أساعدكم ولا لاء...
- تمام ست سارة.
طلع علي من جيبه سماعة صغيرة جدا وخلا أيمن يطلع جهازه الابتوب.
ضغط أيمن عدة ازرار علة اللابتوب بينما كان الباقي عم ينتظروا
قطع رامي هالصمت وقال متل تفاصيل الفيلم تقريبا..
لكن باختلافات بسيطة...هاي السماعة تبعتنا فيها شريحة صغيرة..بشكل معين بتوصل موجات معينة متل موجات النوم ..بتجذب الاحلام اللي بدنياها للعقل...يعني أي شي ناقصك بتقدري تعوضيه بالحلم وبتقدري تملكيه. .ووقت تصحي من هالتجربة ما رح يكون معك أي شي من الحلم...ممكن بس تأثير الحلم متل صدمة او شرود مؤقت وهاي آثار جانبية ممكن أنها تحصل...أيضا ممكن يصيبك صداع او حتة غثيان لأنه الجسم والعقل بدخلوا بموجات دلتا...بحيث أنه الجسم بصير تقيل والعضلات بترتخي. ..
* طب في سؤال غريب شوي... بالفيلم كانت حاكية أنها مبرمجة شخصيات معينة...وعأساسها بتمشي القصة او الحلم...هل انتوا برمجتوا هيك شي!
- هلأ حاليا مشروعنا تحت الانشاء..لسة بنجرب فيه..
سكتنا للحظة وسألت يعني...انا فأر التجارب اليوم!
*لاء ست سارة رد كامل وكمل
تم تجربة المشروع لعدة مرات...وكل تلك المرات كانت تجارب فاشلة لحد م لقينا الخلل بالبرنامج واكتشفنا أنه الخلل كان أنه العقل بدخل بمرحلة الفا. .بينما احنا كنا بدنا دلتا...لذا صححنا الموجات لحد م وصل البرنامج للذبذبات الصحيحة المطلوبة..
* بدي اقتنع اكتر..
- ست سارة..لازم تجربيه بنفسك...احنا الأربعة..انا وكامل وأيمن ورامي جربناه على أنفسنا..وبصراحة كانت تجربة حلوة وغريبة بذات الوقت..إذ أنه فعليا كان حلم واقع...
* يعني يا علي...فينا نقول عنه متل الواقع الافتراضي Vr؟
- تقريبا...هاد المشروع ناتج عن دراسة موسعة لفكرة الVR...ووقت درسنا الواقع الافتراضي فكرنا احنا الأربعة بشيء يشبهه..يعني بالVR بتقدري تحاربي وتلعبي وتعزفي موسيقى و في تكنولوجيا جديدة بتقدري من خلالها أنه تحكي مع أي شخص وهو بمكان بعيد عنك ...لكن فكرتنا مختلفة...لأنك رح تعيشي جد الحلم...رح تلمسي الأشياء وتحسي فيها...
رح اعطيك هلأ سترة..هاي السترة حساسة جدا..بحيث أنه أي شي بصير معك بالحلم رح تحسي فيه بالواقع..يعني بالحلم إذا ضربتي شي رح تتوجعي جد
* حلو حلو...رح اجربه حاليا..إذا عجبتني الفكرة وقتها رح نتناقش اكتر..
- تمام..
قرب أيمن ورامي ولبسوني السترة وحسيت بكهربا بتمشي بعروقي كلها..بعديها قرب علي وحط السماعة الصغيرة بإذني. .وضغط ع زر باللابتوب. .وقتها حسيت بوجع شديد..
في شي اخترق راسي..عيوني لحالها تسكرت وحسيت جسمي عم يتكهرب..وكأنه انتقلت من بعد لبعد آخر وانا ما زلت في مكاني...
ولم أعد أشعر بشيء..
لكني فتحت عيوني..وكنت بمكان فارغ...وتذكرت كلام علي أنه حلم....بس ما حكالي كيف أطلع منه.
وفجأة تحول الفراغ لشارع معتم..وفي إنارة خفيفة من بعيد..مشيت نحوها ببطء لكني أسرعت فجأة...وبديت اركض باتجاه الضو لكنه عماله ببعد اكتر..وبديت أشعر بتعب وارهاق وتصبب جسمي عرق..وفجأة فتحت عيوني مرة تانية لأجد نفسي بالمكتب..عم يتنفس بسرعة
ست سارة..انتي منيحة؟ سأل رامي
*لاء لاء.... رفعت سماعة التلفون وطلبت من أماني كاسة ليمون
عالاقل احكولي كيف أطلع من الحلم.
تبادلوا اربعتهم نظرة غير مفهومة..زم أيمن شفافه وحكا هاي هي إحدى المشكلات اللي ما قدرنا نلاقي حل...الإنسان الطبيعي وقت ينام ويحلم بكابوس كل حواسه بتخليه يصحى وقت يرتعب. .او حتى وقت يكون الشخص نايم لكنه جاع وهو نايم..ف جسده بصحيه عشان يعرف ينام....لكن بمشروعنا هاد عم نحاول نلاقي طريقة بيقدر فيا الشخص يطلع من الحلم...لكن حاليا الحل الوحيد أنه واحد فينا يكون موجود عشان يقدر يخلص الشخص من الحلم أيا كان..
رفعت شعري وشربت كاسة الليمون دفعة وحدة.
انتوا هلأ عم تنتظروا موافقتي صح؟؟ اني امول مشروعكم؟
*بالضبط ست سارة..انتي الشخص الوحيد الاي قبل يستقبلنا ويجرب هاد المشروع..رد رامي
- شو دارسين؟
* انا درست هندسة مدنية ..أما علي ميكاترونكس. أيمن دارس برمجة..اما كامل ف درس برمجيات واخد كمان برمجة ودرس دورات بالكمبيوتر وعلوم فيزيائية.وكتير أشياء...يعني كامل كان صاحب الفكرة...
- ممتاز...اسمعوني. ..لليوم عرفت بما فيه الكفاية..تعالوا بعد يومين...بكون فكرت..ولعلنا نلاقي حل سوا تمام! وإذا وافقت...إلي شروط
* شروط؟ شو هي حضرتك؟ سأل كامل بتوتر