حب وسط الجرائم

تالا

انا تالا..القصة غير المحكية..فرد من أفراد عائلة الوريث..اللي حظها أقل حظ من بين الأحفاد..
جدي الطيب أنجب ثلاثة اولاد وبنت...
عمي ماهر له ماركوس وماري سيدرا..
ووالدي رأفت..وعمي كامل ومن ثم عمتي فاتن..
المهم..والدي تزوج أمي سماهر وانجباني ومن ثم ياسين..وبعدها تزوج سها وانجب منها خالد وليان. ..
انا وسارة كنا كتير صحبة في طفولتنا..بل وكنا متل الشلة انا وسارة وسامي وياسين. .وصديقة الطفولة لوسي
نطلع سوا ونروح سوا وننام مع بعض...
كانت طفولة مليئة المغامرات. .والأيام الحلوة والمشاكسات..وكنا لا نفترق...
لحد م صرنا بالثانوي خمستنا. .وقتها اكتشفت اني معجبة بلوسي. ..شعرت بأنه الكون كله ضدي..ولست أعرف السبب بصراحة...
وبس خلصنا الثانوي..سافرت مع الشلة ع بريطانيا...ودخلنا الجامعة سوا...
بكل المحاضرات كان لازم دوما اتقاتل مع زميل اسمه سيباستيان..كنا نتناقر ع أشياء تافهة...لحد م مرة عزمني ع قهوة. .بالأول رفضت ولكن سارة شجعتني. .وعلقنا ببعض انا وياه...ودخلنا بعلاقة افلاطونية..أي علاقة حب قائمة على حب العقل...الحب الطاهر اللي ما فيه لمسات او حركات مشاكسة. .ولا حتى قرب علي...حتى وقت يشرب كان شبه واعي..
وبمرة اعترفلي بحبه..لكن انا قلبي وقتها كان بين ايدين لوسي..
ووقت اشتغلت مدير الشغل عماد كان شخص قريب مني كتير...اهتم فيني..وكان يعاملني بحب بريء...لحد م حكالي مرة أنه عازمني على العشا..كنت بالفترة هاي متخانقة مع لوسي و سيباستيان...فاغتنم عماد الفرصة وحبني. .
يعني علقت بين مثلث حب...
بس تعبت من هالعلاقات. .أغلب الناس كانوا يفكروني عاهرة لكني لم أكن...
سباستيان عمره ما قرب علي..لوسي بس قبلات مسروقة وعماد ما قرب كمان علي لأني كنت رافضة لأي حركة أولى...
لحد م هربت مرة لعند سارة..وخبرتها بقضيتي. .
فاقترحت علي اني أهرب..واللي ببذل مجهود للبحث عني هو اللي بيستحق حبي..
وقبل م أهرب..دخلت لعند جدي الطيب ..
توتو
* جدي...ممكن احكي معك شوي
- طبعا..تعالي ت نقعد بالمكتبة
كان ببيت جدو عارف..البيت الكبير..في مكتبة بالطابق الاخير..وكان ممنوع اي حدا يفوت فيها..
سألته سؤال جدو...ماركوس عنده قرين اسمه مارس..ماري عندها تميم...ياسين عنده هزوت..خالد وليان عندهم الاخين أمين وأمان...و سامي عنده شام..و سارة عندها كنعان...ليش انا الوحيدة اللي ما عندي؟؟
ضحك جدو بخفة وحط ايده ع كتفي وقلي لأنه أسطورة الوريث بتحكي عن تلات حفيدات. .الأولى رح تملك أعظم جني..رح يكون مارد وعفريت وشيطان بذات الوقت..هاي رح تملك قوة روحانية هائلة...التانية رح تملك قرين قوي روحانيا. .ورح يرتبطوا سوا بالدم..أما التالتة ف قرينها رح يكون الحب..وبس تلاقي الحب رح يظهرلها القرين...
* طبعا حتما انا التالتة
أبتسم جدو وهز رأسه نعم..بعرف قصتك يا تالا...وأنا متأكد بأنك رح تلاقي الحل...لانه كل أفراد العيلة الهم قرين..حتى جدك عارف وستك الحسناء..حتى انا قريني الحج...بس انتي قرينك مختلف..لانه وليد حب...واسمه حب ع فكرة..بس تستقري على شخص...رح يطلع حب...
زميت شفافي..حيرة سادتني طب شو العمل؟
* ردي ع كلام سارة صفنت فيه..كيف عرف أنه سارة عطتني حل..
علق بسرعة حب صرله بستناك من طفولتك
* لاحظت..لأني انا الوحيدة اللي عالقة متل الناس
- بس يا تالا...احنا مختلفين عن الناس العاديين..عمرك شفتي عيلة غرقانة مع العالم الاخر؟ لاء...بس احنا...ع كل حال...رح اتركك لحالك بالمكتبة..بركي لقيتي حل...واختاري بس اللي قلبك بدق معه بقوة...ساعيتها رح يظهر قرينك..ورح ترتبطي بشريكك مدى الحياة...مدى الحياة
وطلع..تركني غرقانة بالتفكير بثلاثة أشخاص..كل واحد فيهم الي معه ذكريات حلوة...
خلصت تأمل بالكتب البعيدة عن متناول يدي..عمري ما حبيت القراءة غير مع سباستيان...
وعمري م شربت قهوة بشكل كبير غير مع لوسي..وعمري ما تعشيت غير مع عماد..
لذا قررت الهرب ..ومشيت ع خطة سارة المحكمة...
وهربت...لمدة أسبوعين اختفيت عن كل الناس..حتى اهلي عصبوا وما كانوا بيعرفوا وين انا...حتى سارة..حتى ياسين..
لكن جدو طمنهم. ..وبوقتها عرفوا ثلاثتهم بأني غايبة عنهم...عماد أعتقد اني مع سباستيان...ف قرر أنه يتركني ورجع لطليقته واولاده...سباستيان صار يبكي..واعتقد اني اخترت لوسي..اما لوسي..الوحيدة اللي اعتقدت اني مفقودة..وصارت تدور علي..لحد م التجأت لعند ماري..وبمساعدة تميم عرفوا مكاني..
وسمعت بنفس اليوم دق الباب..ووقت فتحته قلبي نقز..صار بس بده يطلع من محله..وقبل م انطق شدتني لعندها وغمرتني بحضنها الدافئ. .
وعرفت وقتها أنه هي مصيري..
يومها رجعت لعند سارة ..وبالصدفة كان عندها ياسين واخوي خالد من زوجة بابا..ولما شافتنا سوا..حكت
واو..جد واو
* شو أول مرة بتشوفينا سوا؟؟
- لاء..أول مرة بشوف حب معكم
وضلت سرحانة بالفراغ اللي سببه المسافة القليلة بيني وبين لوسي..
ووقتها ظهر ورانا حب...كان جميل جدا..كأنه عارض ازياء..لا لا شو عارض؟؟ كان متل الملاك..بشرته البيضا شعره المصفف بعناية.وطوله وهندامه. .ولأول مرة أشعر اني  وقعت بالحب. .
فجأة نفخ بوجهي ومن ثم بوجه لوسي ونطق أخيرا بصوته الناعم اخيرا قابلتك يا تالا
* وين كنت عني من زمان؟
- هربان. .لانه كنتي بوضع متأزم..بعيدا عن أسطورة الوريث..بحب اعرفك ع حالي..شقيق هزوت..وابن عم تميم..وصديق أمين وأمان..وصحبة مع شام ومارس..وبعرف كنعان من زمان..يعني انا فرد من العائلة..
* يعني ما بتظهر غير وقت تتحقق الأسطورة ؟
- نعم..وهيني ظهرت..ع فكرة..لازم تعرفي اني طول حياتك كنت بحميك. .كنت معك..بس النبوءة بتضل نبؤة..وهيني
* كيف بقدر استحضرك؟
- بالحب..
وتلاشى من قدامي متل الدخان..علقت سارة شبه هزوت..بس هو احلى من هزوت..رح تتعودي كتير ع اختفاءه. .
وفجأة صحيت من النوم ع صوت تلفوني برن..جنبي نايمة لوسي بدون حراك..تأملت بشرتها السمراء وطلعت من الغرفة عشان ما تصحى..واجاني صوت جود
تالا...بعتذر إذا كنت بزعجك بهيك وقت؟
- لا لا عادي...امري؟
* فيني اشوفك؟
- هلأ؟
* امم إذا ما عندك شي طبعا؟
- لا لا عادي...عطيني بس ربع ساعة وبشوفك بالمطعم
* تمام..
بدلت ملابسي وتوجهت للمطعم. .وأنا بسوق السيارة لمحت شي مرعب جنبي..التفتت بسرعة وكادت السيارة أنها تنحرف عن طريقها
حب...فزعتني
* أسف اسف...بس الموضوع لحاله خلاني أظهر..والله مش ب أيدي..
- الموضوع؟؟ أي موضوع؟؟ بعدين لازم استحضرك عشان تظهرلي
* بعرف..بس انا مختلف عن الباقي...فهمتي!! بظهر أحيانا لا إرادي كأن الكون بيطلبني لمهمة
علقت بسخرية الكون بيطلبك؟؟ حضرتك كنت رح تخلي قلبي يوقف من الرعب..
- موضوع مهم بدها تحكي فيه جود
* أي وأنت سيد العارفين...تفضل شو هو الموضوع؟
- عن الحب يا ستي..عن الحب.
وصلنا عالمطعم..التفتت ت احكي مع حب..لكنه كان متلاشي اخ منك بس..عطيني خبر
* انا معك والله سمعته حكا بعقلي..اتجهت نحو جود..كانت محبطة وعينها عم تبكي
ليش البكا؟
*لأني جد مش عارفة شو اعمل ؟
- لساتك عالقة صح؟؟
* نعم...بسارة وقيصر وخالد
- يا حبيبي..المشكلة انك عالقة بين سارة وابنها واخوها
* شفتي كيف بالله..أقسم بالله تعبانة
- معلش..رح تتعبي ع بين م تلاقي حل.
* والمشكلة اني صرت مرافقة سارة..وخالد رح يدربني. .وقيصر صاير عم يضغط علي كتير..بده يشوفني
- مشكلتك عويصة...رخ استدعي شخص مهم..وهو رح يحلها معك..
* اي شي..بس تنحل المشكلة.هاي...ارجوك
- اتطمني...
ودخل من الباب ملاك..لا لا هو حب اللي دخل..قعد جنبي وعرف عن نفسه.وحكتله مشكلته
انا..فهمت قصتك...رح أسألك سؤال وفكري فيه منيح وعأساسه قرري مع مين تضلي. .
* تفضل
- مين اكتر حدا فيهم بتحسي معه انك انتي على طبيعتك. ..
ما بدي هلأ تردي...شوفي التلاتة..اتصرفي مع كل واحد فيهم على طبيعتك...وقرري بعدين..لسة معك وقت طويل اسمعي مني...شوفي مين فيهم رح يتقبل طبيعتك..اللي رح يتحملك هو اللي بيستحق حبك..
حكينا كتير بعدة مواضيع احنا التلاتة..بس اغلب الوقت كانت شاردة..بتفكر مشكلتها...متل م انا علقت هي علقت..
وفكر حب بعقلي كيف سارة مستحملة هالجمال؟
نكزته وقلتله بعقلي حب..اهدا. .ماشي حبيبي؟
* ماشي حبيبتي وضحك..ت تضحك وراه جود لا اراديا