آدم √

الفصل الأول.

الرواية دِي كتباها من وأنا في سنة تالتة أعدادي، ف بقبل الإنتقادات💙💙♥.

••••••••••

الفصل الاول ..
(1)- البداية
" بتنادينى تـانى ليه،أنتى عايزة منى أيـه،مـا خلاص حبيبتى غيرى،ما خلاص حبيبتى غيرى، روحى للى حبيبتيه.."

أستيقظ آدم على صوت منبه هاتفه،أطفئه بانزعاج لم يضع هذه الأغنية على هاتفه،قرر أن يذهب الى دورة المياه ثم يرى ماذا سـوف يفعله بأخته،، فهى الوحيدة التى تتلاعب بالهاتف الخاص به،غسل وجهه بعناية وتوضأ وصلى الظهر،، لأنه فاته اليوم لقد كان مشغولاً أمس بالعمل الذى يقوم به،فعليه تصليح بعض المعدات للشركة التـى يعمل بها،عندما أنتهى أتجهى ناحية المطبخ،فوجد أخته"ليلى" أمسك بها قائلاً بغضب:
- بلبلة مش قولنا بلاش نلعب بتلفونى ولا مقولناش؟؟
ليلى بتوتر: هو أنا لمسته يا أبيه
آدم ساخرًا: معلش بقى أصل الجيران جم عندنا نزلوا أغنية وحطوهالى رنة المنبه
ليلى: أهو انتَ قولتَ بنفسك الجيران مش أنا
آدم محذراً: بلبلة ده تحذيرى الأخير لو لقيتك مغيرة حاجة فى الموبايل ،هتشوفى منى أسلوب وحش  هااه مفهوم؟
ليلى بخوف: مفهوم
قالت بهمس: محسسنى أنه ماركة حلو ده نوكية معفن
آدم: مدام هو معفن بتستخدميه ليه؟؟
نظرت اليه بتعجب،كَيف لـه ان يسمع عقلها،، دائمًا آدم يفاجأها بأفعاله
آدم: بتبصيلى كده ليه؟؟،صوتك كان عالى مش ذنبى !
ليلى: طيب
ثم أكملت متسائلة: انتَ نازل فين؟؟
آدم: هنزل أقعد على القهوة شوية
ليلى بصوت عالى:
- هتنزل تقعد على القهوة
آدم متعجبًا:
- صوتك عالى ليه مش فاهم!!
وهنا جائت أمه"سمـاح" قائلة بصوت عالى:
- رايح القهوة يا آدم ؟؟
- أيون فيها أيـه!!
- يـا أبنى ده انتَ متداين وعارف ربنا وعايز تنزل القهوة!
- طيب،انتى شوفتينى مرة بشرب سجاير؟
- الصراحة لأ
- بشرب شيشة
- لأ برضوا
آدم بغضب:
- طيب مدام انا مبعملش كل ده ايه لازمة انى حرام انزل دى
قالت"سماح" لتهدئ من روعه:
- طيب قولى بتنزل ليه بس؟؟
- للمرة المليون انا بنزل بس علشان كوباية الشاى اللى بيعملها محمود
- اذا كان كده آه انزل براحتك
- طيب
نزل آدم الى الأسفل، فقالت "ليلى" ساخرة:
- أهو انتى أول ما زعق فَصِيتى منه
- طيب انا اعمل ايه اذا كان هو بيحب يقعد تَحت
- ماشى انا مالى
***
جـلس آدم على احدى الطاولات ثم قام بمناداة "محمود"،فجأء بسرعة قائلاً:
- تؤمر بأيه يا أُستاذ آدم؟؟
- اولاً كوباية شاى من أيدك،ثانياً بلاش أستاذ ده أحنا ولاد تسعة يا راجل
- تؤمر يا آدم
ابتسم آدم ابتسامة رضا ،آتى محمود  بكوب شاى،فقال آدم بعد أن أرتشف من الكوب:
- تصدق وتؤمن بالله
- لا اله الا الله
- انا أمى مش بتعرف تعمل كوباية شاى حلوة زى بتاعتك دى
- تسلم يا آدم
- طيب،روح كَمل شغلك قبل ما الحاج"صبحى" يجى يلاقيك بتكلمنى وسايب شغلك
- حاضر
***
" بتَ انتِى لو لقيتك بطولى لسانك عليا  هوريكى اللى عمرك ما شوفتيه"
قالتها "أميرة" وهى ممسكة بالمدعوة"نانسى" بعنف،،فقالت نانسى بغضب:
- أبعدى أيدك عنى أحسنلك،أبويا جزار فمتخلهوش يقلبها مجزرة فى الشارع
- أنا هسيبك  بس لو نطقتى بكلمة مش عجبانى انا بقى اللى هقلبها جزارة
- طب لو مسكتش هتنفذى اللى فى دماغك برضوا يا جاهلة ...
رنت هذه الكلمة"جاهلة" على مسمع "أميرة" ،،أمسكت أميرة بشعر"نانسى" قائلة بتوعد:
- لو عايزة تشوفى الجاهلة الأصح فأنا هوريهالك
***
سمع"آدم" صوت شجار وعلى مايبدوا من الصوت أنه بين نساء
فقال آدم متسائلةً:
-مين اللى بيتخانقوا هناك؟؟
- والله انا مش عارف بس ثوانٍ وانا هروح أشوف مين
ذهب مسرعًا وعندما علم أسرع الى آدم قائلاً بتوتر:
- اللى  بيتخانقوا
آدم مقاطعًا:
- ماتنطق يابنى
محمود مستستلمًا: الست أميرة بتتخانق مع نانسى
آدم من بين أنفاسه: أستغفرالله العظيم
أكمل قائلاً لـمحمود: مـاشـى
ذهب آدم بأتجاه المشاجرة، فصل أميرة عن نانسى قائلاً بغضب:
- ممكن تهدوا وتبطلوا شغل العيال ده
أميرة بضيق: شغل عيال أيه يا آدم،البت دى مش متربية
آدم بهمس لها: بس انتى مش هتيجى تربيها بالضرب
نانسى بحزن مصطنع: ضربتنى اوى يا مستر آدم
آدم لنفسه: مستر أيه انتى كمان!!
قال آدم موجهاً حديثه لـ"أميرة":
- نفسى تقوليلى ايه اللى خلاكى تعملى كده فيها؟؟
- قلت آدبها معايا وقالت كلام مايصحش
آدم بصرامة: كل واحدة فيكم  غلطانة ولازم تعتذر لتانية
-" ومين قالك انى بنتى هتعتذر لحد"
كان صوتًا خشناً ليس مرغوب بسماعه وكان والد"نانسى" الحاج"عبد الصمد"
فقال آدم : نانسى برضوا غلطانة يا حاج يبقى برضوا لازم تعتذر
عبد الصمد بصوتًا عالى:
- وبنتى عمرها ما هتعتذر لواحدة جربوعة زى دى
آدم بغضب:
- بس أميرة مش جربوعة وبنتك برضوا غلطانة ياحاج فهتعتذر
عبد الصمد: بقولك ايه مش علشان مُتعلِم،عايز تعلمنى الآدب
آدم: بس انا مقولتش حاجة علشان تعلمك الآدب بس انا اللى قولته بنتك تعتذر لـأميرة
عبد الصمد بفارغ الصبر:
- يلع** أبو أميرة ورحمة أبويا بنتى ماهتعتذر لبنت الـ****
شعر آدم بأن هذا الرجل لن ينفع معه تفاوض،،فقال لنفسه بعد ان سمع شتائمه:
- أستغفر الله العظيم
قالت أميرة:
- لمِ نفسك ياراجل انتَ ولو مسكتش هضربك انتَ وبنتك
عبد الصمد: الله الله
فرفع يديه وكاد ان يصفع أميرة على جبينها ولكن يدا آدم أمسكت به،فقال آدم:
- هى مش بنتك علشان تضربها
خفض عبد الصمد يداه ،،فقال آدم:
- مدام انتَ مش راضى تخلى بنتك تعتذر فبلاش النقاش ده اللى ملهوش غير قلة القيمة
أمسك "آدم" بيد "أميرة" قائلاً بضيق:
- أطلعى أقعدى مع ماما وليلى وانا هحصلك
- حاضر
فقال عبد الصمد بصوت عالى ليسمعه كل من فى الحارة:
- ما انتَ لو راجل كنت خلتها تحت معانا مش طلعتها بيتها
آدم بهدوء:
- انا عارف نفسى وعارف انى راجل،،فـعلشان كده طلعتها  مش خلتها واقفة اللى ماشى واللى جاى بيتفرح عليها
- قصدك أيـه!!!
- ولا قصدى ولا مقصديش انا هسيبك مع نفسك
صعد"آدم" الى شقته،فقام "عبد الصمد" باجراء مكالمة قائلاً:
- ولا روح جمع الرجالة وهاتهم عن قهوة صبحى يالا مستنيكم
***
عندما دخل شقته أسرعت اليه"سـمـاح" قائلة بقلق:
- يا أبنى مكانش لازم اللى عملته تحت ده
- يعنى كنت أسيبه يمد أيده عليها
- لأ بس انتَ عارف عبد الصمد راجل شرانى وانا خايفة عليك منه
ضحك قائلاً:
- خايفة، خايفة ليه ياقطة؟؟
- مش وقته هزارك البايخ ده ياآدم
أميرة: انا أسفة يا آدم بس
آدم مقاطعاً: منغير بس انا عايز اعرف بالظبط ايه اللى حصل مابينكم؟؟
***
آدم بغضب:
- علشان كده مسكتى فيها يا أميرة
- ما انا قولت أسفى يا آدم
- هيفيدنى أسفك فى ايه دلوقتى
صمتت وعند الصمت يحدث مالايتوقع له العقل،،سمعوا صوت الباب يدق،،فأسرعت "ليلى" بفتحه وعندما فتحته أسرع "اسلام" (أخو أميرة) قائلاً بزعر:
- الحاج عبد الصمد جمع رجالته ومستنينك يا أبيه تحت
آدم مشيراً لنفسه:
- أنا!!
هز أسلام رأسه بـ"نعم"،فأبتلع آدم ريقه بتوتر قائلاً لـ أمه:
- حضريلى الكفن يا أمى
- هتنزله يا آدم
- يعنى هسيبه تحت يستنانى مثلاً
نزل آدم الى الأسفل وجد رجاله كثيرة من منهم يحمل أسلحة بيضاء ومن منهم يحمل مسدس،،قرأ آدم بعض الآيات من كتاب الله،فهدأ قليلاً ثم قال عبد الصمد له:
- مالك يا آدم القطة بلعت لسانك ولا أيه؟؟
قال آدم بهدوء تام:
- لأ خالص بس فكرت شوية بالناس اللى معاك أزاى هتجاوزهم بس لاحظت أن أحنا مش فى فيلم هندى وعلشان أطير فوقيهم ولا حتى عندى عضلات سوبر مان علشان أضرب واحد أطيره ولا جناحات باتمان علشان أهرب بيهم بس برضوا محدش هيلمسنى لانى مش بلطجى علشان أقولك اللى هيلمسنى هوريه اللى عمره ماشافه لأ خالص بــس
عبد الصمد مقاطعًا بغضب:
- بس أيه انتَ؟
- بس انا هتكلم بالعقل كده
ثم أكمل ناظراً الى الرجال:
- والمنطق أهم حاجة المنطق يعنى انتوا سبتوا عيالكم علشان تضربوا واحد غلبان زى ده انا حتى ...
قاطعه صوت عم مرقس قائلاً:
- بلاش محضراتك يا آدم هتصدعنا والله
نظر آدم الى سلم العمارة وجد(عم مرقس) ينزل اليه قائلاً:
- بسببك انتَ وعبد الصمد مانمتش
عبد الصمد: مفيش لزوم نزولك ياعم مرقس،آدم انا كنت هعرف آدبه
عم مرقس: أسكت انتَ كمان بصوتك ده
آدم بهمس: عايز أيه ياعم مرقس؟
عم مرقس: عايز أصالحك انتَ وعبد الصمد علشان أعرف أنام
عم مرقس موجهاً حديثه لعبد الصمد:
- ماتنزل السلاح هوانا عدوك ولا هو
- حاضر
أعط عبد الصمد السلاح الذى كان معه لرجل من رجالته قائلاً:
- أرتحت
- لا ما أرتحتش تعال ورايا انا وآدم على قهوة محمود، مفهوم ولا أجيبك من ودنك  دول
- لأ انا جاى وراكم أهو
أسرع بالجلوس بجانب(عم مرقس) فنادى على محمود قائلاً:
- تلات كوبايات شاى على حساب الحاج عبد الصمد
عبد الصمد: خليها أتنين يا محمود
محمود: حاضر يا معلم
عبد الصمد:ايه اللى عايز تعمله ياعم مرقس
عم مرقس: عايز أصالحكم علشان أعرف أنام
عبد الصمد:طيب،،روح نام وانا لما أضرب آدم مش هعملك صوت
عم مرقس ضاحكاً بسخرية:
- تضرب مين!!،آدم !،ده حتى آدم بيحبك
عبد الصمد بتعجب:
- بيحبنى!!
- آه مش مصدقنى،مش صح يا آدم
آدم بابتسامة مزيفة:
- طبعاً ده انا بعشقك يا حاج
عم مرقس: خلاص بقى ياعبد الصمد أمسحها فيا
عبد الصمد بصوته الخشن:
- أصل الموضوع مش هيخلص بكده ده غلط فيا
عم مرقس: لأ تصدق صدقت،،يعنى أنا سامع الخناقة كلها وجاى تألف وتقول أنه شتمك،أستهدى بالله كده وقوله مسامحك
- يـاعـم مرقس!!
- لو ليـا خـاطر عندك
- مـاشى بس علشان خاطرك
ثم أكمل لـ"آدم":مسامحك ياآدم
عم مرقس هامسًا لـآدم: وانتَ أعتذرله
- نعم!!،ليه؟؟
- ولا بطل لماضه اعتذرله لسيبه يضربك وهروح أنـام
آدم مستسلماً: ماشى
فقال آدم لـ عبد الصمد: وانا أسف على اللى عملته يا حاج عبد الصمد
- وانا يا سيدى قابل الاعتذار
عم مرقس:كده بقى الموضوع خلص وهعرف أروح أنام
قال عم مرقس مكملاً لـ عبد الصمد:
- النـاس عايزة تنـام يـا عبد الصمد صوتك خشن وصوتك لوحده يصحى الميتين
- حاضر ياعم مرقس المرة الجاية هقفل الصوت أرتحت
ضحك عم مرقس بخفة قائلاً بمزاح:
- المرة الجاية أبقى أدينى أنا الرمود،، علشان أقفله بنفسى
عبد الصمد: ما خلاص ياعم مرقس كفاية بهدلة قدام رجالتى
عم مرقس: خلاص ياسيدى هبطل علشان متزعلش
آدم بهمس لـ"عم مرقس": أومـال صحيح فين الشاى؟
عم مرقس(بصياح): واد يا محمود فين الشاى ولا عبد الصمد مش عايزك تجيبه،علشان مايدفعش الحساب
محمود بتوتر: أبـداً،بس البراد الشاى هو اللى بطئ شويتين
عم مرقس: طيب،أحنا هنستنى عموماً يعنى
عبد الصمد: وانا بقى همشى
عم مرقس: والحساب مين اللى هيدفعه؟؟
عبد الصمد بصوت عالى:
- الحساب عندى يا محمود،، مردى كده ياعم مرقس!
عم مرقس بانزعاج: صوتك يا بنى آدم انا جمبك حتى،، بس ماشى انا كده مردى
عبد الصمد وهو يَهم بالنهوض:
- طيب، السـلام عليكم
آدم وعم مرقس فى نفس واحدة:
- وعليكم السلام ورحمة الله وبركاته
بعد أن رحل عبد الصمد ،قال عم مرقس لـ محمود:
- سكـ على الشاى يامحمود،أنا هطلع أنام
- حاضر يا عم مرقس
- وانتَ يا آدم أسندنى علشان تطلعنى شقتى
- انتَ تؤمر ياعم مرقس