#آدم
لـ أماني طارق.
صلوا على الحبيب♥.
الفصل الثالثـ..
(3)- "الرزق بتاع ربنا" ..
***
أستيقظ آدم على صوت خناقة أمـه وأخته "ليلى"،فأتجه نحوهما بقلق قائلاً:
- فى أيـه يـا أمى؟؟
قالت "سماح"بصراخ:
- فى ان أختك بتقول مش عايزة تكمل تعلمها
نظر آدم الى أخته بعد فهم،،فقالت ليلى بوضوح:
- قولت انى مش عايزة آخد دروس،مقولتش انى مش عايزة أكمل تعليمى
آدم لـأمه:
- طيب،هى دى محتاجة كل الزعيق ده
- انتَ مش فاهم ،لو مخدتش دروس ههتبقى عاملة زى الدكـة اللى بتقعد فيها ملهاش ستين لازمة
آدم: ما انا مخدتش فى عمرى دروس وكُنت بذاكر وجبت مجموع عالى
سمـاح: زمان كان المدرسين عندهم ضمير دلوقتى مفيش
آدم: طب ممكن أقعد انا وليلى لوحدينا يا أمى واهو أحنا فى أول الترم،لو مجبتش مجموع اللى يعجبك،،أبقى أضربيها قلمين،ماشى؟؟
سمـاح بعدم رضا:
- بس ..
آدم مقاطعاً:
- من غير بس ماتنسيش انى باخد اجازة يوم الخميس والجمعة والسبت هقدر أذاكرلها براحتها
سماح بأستسلام:
- ماشى
***
- قوليلى بقى،ليه مش عايزة تاخدى دروس؟
- انتَ عارف يا آدم انى شاطرة فهقدرأذاكر لواحدى و..
قاطعها:
- قولى السبب الحقيقى
فركت يداها بتوتر ،فقالت بلهجة ضعيفة:
- علشان المصاريف هتبقى كبيرة وعلشان كمان عارفة ان بابا مش عند خالو،وعارفة انه بيشتغل فى القاهرة علشان يقدر يدفع المصاريف ..
آدم مقاطعاً:
- بس انتى ..
قاطعته قائلة بحزن:
- وعارفة كمان انك بتشتغل كتير حتى فى وقت اجازاتك علشان تعمل شركتك الخاصة بيك اللى بتحلم بيها
نظر اليها نظرة تعنى أنه لا داعى لـما تقوله،فأكملت:
- فعلشان كده، انا هذاكر لوحدى وهروح المدرسة ول فى حاجة معرفتهاش هسألك عنها،ماشى؟؟
- بس يا ليلى
قاطعته بحده:
- ماشى!!
أبتسم لها رغماً عنه قائلاً:
- ماشى ياست بلبلة،هفضل وراكى لغاية لما نشوف
***
كان آدم قد أغلف باب الشقة،نزل الأسـفل،رن هاتفه وجد ان المتصل زميله فى العمل "راغب"،فقال آدم:
- السـلام عـلـيـكم ياعم راغب
- وعليكم السلام،فى حاجة حصلت لازم تعرفها
آدم بقلق: فى أيـه؟؟
- فـاكـر الشغل اللى عملته لـ رجل الاعمال"هانى السباعى"
- اه فاكر، وفاكر كمان ان هم وعدونى هيزودوا مرتبى
- للأسف مش هـيزودواه
آدم بصدمة: ليه؟؟
راغب: فى الشركة معدات باظت وأطروا ياخدوا الفلوس اللى خدوها من هانى السباعى وأشترواا بيها المعدات الجديدة
آدم بسخرية: وانتَ جاى تقولى ليه الكلام ده؟؟
راغب: فى الشركة محتاجة فلوس،وفى احتمال هيطردوا ناس كتير،فانا أتصلت بيك علشان تعمل حسابك فى شغل،علشان لو اطردت او حد فينا .
آدم: طيب،تشكر ياعم راغب ،مع السلامة
قالها "آدم" بغضب،أٌقفل الهاتف نهائياً ثم زفر بخنق،، لا يعلم لـمن يشكى له حاله حتى جاء الى فكره"عم مرقس"،وصل الى شقته ثم دق الباب، فتح "عم مرقس" وهو ينظر الى آدم الذى يبدوا عليه االغضب، فقال "عم مرقس" وهو يفسح المجال لـ آدم لـ يدخل:
- آدخل،أدخل
دخل آدم وهو يقول بغضب:
- انا مالى هاااه،أنا مالى
جلس عم مرقس أمامه قائلاً:
- أستهدى كده، وقولى ايه اللى معصبكـ للدرجاتى
- شركة بنت الجزمة
- مالها الشركة اللى بتشتغل فيها؟؟
- كان لازم يدونى مكافأة علشان شغل عملته لرجل أعمال أسمه"هانى السباعى" وهو طبعاً الراجل أداهم فلوسى،أنا كان لازم أخد نسبه، دلوقتى مش هاخد نسبة و بعيد كمان يطردونى ..
عم مرقس وهو ينظرالى آدم:
- طيب ينفع أحكيلك قصة وبعدها تحكم عليها ..
نظر آدم الى عم مرقس بغضب قائلاً:
- هو ده وقته قصص ياعم مرقس!!
أنت تقرأ
آدم √
Romanceالنبذة لكل شخص حُب إن أكتمل، أكتملت الحياة، وإن لم يكتمل فأعلم بأنه لم يكن حب من الأساس
