فـصـل الحادى عشـر
(11)- نبض لقلوب بعضنا هو الآلم
قرأة ممتعة ،،...
كان آدم قد سمَع صوت بكـاء،فزع خوفًا بأن يكون شئ قد جرى لأهله،نهض مسرعًا للصالون فرأى أن البكاء مصدره"هُيـام" ،،جـلس وعندما جلس بكت بحرقة قائلة له:
- طـلقنى يا آدم،الحيـوان طلقنى
ثم أكملت : طلعت مش غـازيـة ولا حاجة ،ده هو جابها علشان أتجوزها علشان أتذل
آدم بحزن: طيب،أهـدى
قالت "هُيـام" صـارخـة فى آدم:
- عـايزينى أهـدى أزاى؟؟ بقولك طلقنى ..
- مش أنتى اللى أصريتى عليه
نظرت"أميـرة" له بمعنى أنـه لا داعٍ لذالك الكلام لـها ...
فـأكمـل آدم: وأنتـى هتبقى مـرتـاحة من غيـره ،،أميـرة هتاخدك وتروحى شقة والدك
نظرت لـه قائلة بقهر:
- أنتَ شبه فى الـفكر ما أنتوا كلكم رجالـة شـبـة بعض
غضب آدم لـما قـالته فقال ناهضًا بحزم:
- أولاً مفيش راجل هيطلق واحدة كان مابينهم قصة حب إلا وأنها هى اللى طلبت وأنـا متأكد أنك طلبتى منه كده،،أنـا مش فى صفه أنا مش فى صف حد أنـا بقول باللى شـايفه ومتنسيش أنـها لما جت عـرفت نفسها للحـارة أنـها رقاصة يعنى رديت الأهانة علـشان ترضى ،، وهو مقالش علشان ميجرحكيش ،،أنتـى برضوا مظلومة وبرضوا ظالمة ،لأنك مفهمتيش هو عمـل كده ليـه !!
أكـمـل وهو ذاهب لغرفته:
- أسـأليه ولو طـلع غلطان وأنتـى اللى علـى حق ،تـعالى أضربينى بالقلم ..
دخـل غـرفته ليبدل ملابسه ليذهب للعـمـل وجد أن اليـوم الجمعة ..
أرتـاح لأنه لن يكُن قـادر على الذهاب ..
لم يهتم لهم بل نزل للأسـفل ،ليجلس مع "عـم مرقس" ،فَتحَ "حسـان" الباب قائلاً:
- أفـنـدم!
- أفندم؟،عدينا أمـا أخش
فتحَ "حسان " الباب قائلاً:
- خُش ياعم الحاج
- طيب
دخـل ووجد الكثير من الدفاتر ،عقد حاجيباه بتعجب قائلاً:
- أيـه ده كـله؟؟
ورأى أيضـاً أن "عـم مـرقـس" يرتدى نضاراة قرأة ،فأكمل بتساؤل:
- لأيـه ده كله ياعم مرقس؟؟
- أصـل حسان كان عـايـز يتعلم القرأة والكتابة وانا بحـاول معاه
جلس "آدم" وشـعر أن"عـم مرقس" يـريـد النوم،فقال هامسًا له:
- أخد أنا حسان وانتَ تروح تنام؟
أومأ "عم مرقس" قائلاً:
- آآه،أصـلى مانمتش من إمبـارح من بُكا هُيـام
- صحيح هى هتعمل أيـه؟؟
- ولا حاجة ،،هتروح بيت أبوها تطلب منه السماح مش هو كان قايلها أنـه متأكد أنه هيطلقها فى يوم من الأيـام واهو اليوم جيـه
- بس هى اللى غلطانة
- نعم؟!!،أزاى ياعم الفكيك؟؟
- ياعم مرقس متنساش أنـها مش بتخلف وهو مرداش يقولها من الأول أنه عايز عيل
- برضوا مش سبب
- لأ سبب،فى رجالة بتستحمل أنها ميكنش عندها أطفال وفى رجـالة لأ،الله أعـلم هو عمل ليـه كده ،بس أنا متأكد أنه لسبب
- طيب،خد "حسـان" وانا هخش أنـام ولما تلاقى السبب ده أبقى قولى
ضحكـ"آدم" بخفة على مظهره "عم مرقس"،فنهض ممسكًا بـ"حسان" قائلاً:
- تـعالا ننزل ونسيب "عم مرقس" ينام
- ماشى
****
كـانت "ليلى" تراقب الاوضاع،،كانت هيام تبكى بحسرة وتعاتب على ما قـاله آدم لها،و"سـماح" تحاول محو ماحصل ببعض الكلمات ..
أفـاقت "ليلى" من شرودها على صـوت"إسلام" قائلاً:
- ليلى !
أستدارات له قائلة بتساؤل:
- نـعم؟؟
- كنت عـايزك فى حاجة..
- أتفضل
وبدأ يسألها فى بعض مسأل الرياضيات ،،ظلت تفهم بيه ولكن ليس كل من لا يعرف القرأة والكتابة سيستطيع فهم المعادلات ..
عندما ملِّت منه قالت:
- أنـا زهقت يا إسـلام دى خـامس مرة أفهمك وأنتَ مش فـاهم
أبتلع ريقه بحرج قائلاً:
- أسف
جَرحت مشاعره،وهوذاهب ليجرب حظه مع البكاء والحزن فتى لم يعلم كَيفية القرأة والكتابة هل هو خطأه أمـ لا ..
أنت تقرأ
آدم √
Romanceالنبذة لكل شخص حُب إن أكتمل، أكتملت الحياة، وإن لم يكتمل فأعلم بأنه لم يكن حب من الأساس
