وصل الحاج كمال بصحبة زوجته و أبنته الى أخاه هاني ، وكان الحاج كمال قد رأى اخاه وزوجة اخاه وأبنته في الصباح فهو من رافقهم من المطار حتى منزلهم الجديد ، أما ريم فأخر مرة رأت فيها عمها وأبنته وزوجت عمها كانت من أربع سنوات .
---------------------------------------------------------
هاني لزوجته هالة: جرى ايه يا هالة أخويا زمانه على وصول هتخلصي امتى وفين بنتك كل دة بتلبس هي كمان.
هالة: لا يا هاني انا خلصت كل حاجة خلاص وبعدين الشغالة الي تبع صاحبك يوسف دي مريحاني أوي بصراحة أحسن من الي كانت عندنا في london طبقت الهدوم بتعتنا كلها في الدواليب و حاجتنا الي كانت معانا دخلتها اوضنا ومظبطة البيت على الاخر فا بصراحة كدة مبشراني خير اوي.
هاني: طب الحمد لله ياستي انها عجبك شغلها لحسن انتي بتعبيني عقبال مابنلاقي شغالة شغلها يرديكي.
وبعدها دق جرس باب الفيلا فقام هاني بفتح الباب بنفسه.
هاني: دة اكيد اخويا كمال انا هقوم افتحله
هالة: طب خليك انا هنادي على الشغالة تفتح
هاني: لا ملهوش لزوم خليني افتحلهم انا.
هالة: الي يريحك.
فتح هاني الباب لأخاه وتفاجأ من شكل ريم فلقد اصبحت فتاة كبيرة ذو ملامح انثوية فا ريم لم تعد ريم الطفلة التي كان عمها يأتي لزيارتها ، الان أصبحت أنسه ذو ملامح جذابة هادئة:-
هاني بذهول: مش ممكن انتي ريم يااا كبرتي اوي يا حبيبتي دة انا معرفتكيش
ريم مبتسمة: مرسي يا عمو حضرتك وحشنه اوي والله.
هاني وهو يصافحها : وانتي يا بنتي والله وحشانة اوي خلاص اهو الحمد لله ربنا اذن اننا نشوف بعض من تاني.
كمال: الله يخليك يا هاني وربنا ميحرمنا من بعض ابدا.
هالة ولقد اتت للتو : اهلا اهلا ببنتي حبيبتي ريم و اختي وحبيبتي ثنية نورتونا والله.
ثنية وهي تحتضن هالة: حبيبتي وحشاني اوي والله .
ريم بابتسامة هادئة: ازي حضرتك يا طنط.
هالة وهي تحتضنها: ازيك يا ريم يا بنتي ماشاء الله بقيتي عروسة زي القمر.
ريم في خجل: مرسي لحضرتك.
هاني: طب ايه ميصحش تفضلوا على الباب كدة اتفضلوا على الرسيبشن.
-------------------------------------------------
كان من بعد باب الفيلا طرقة طويلة في اولها سلم للدور العلوي وباخرها الرسيبشن وكان الريسبشن واسع جدا وبه أثاث فخم ذو قيمة عالية و يوجد في الطابق السفلي الريسبشن و غرفة المكتب وغرفة الرياضة وغرفة السفرة والمطبخ الامريكاني المفتوح على غرفة السفرة وفي الطابق العلوي غرفة هالة وهاني وغرفة جنا وثلاث غرف اخرى مغلقة واحدة لمازن وواحدة ل أحمد و واحدة للضيوف و بكل غرفة حمام خاص وايضا يوجد بالطابق العلوي مثل شرفة تطل على حديقة الفيلا التي يملأها الخضرة والزرع الأخضر اللامع والمسبح ذو اللون السماوي.
أنت تقرأ
لو كنت حرة
Random♡نعم انا هي الفتاة التي ولدت بلا حرية... ولدت لتعيش في سجن ابيها.... عاشت تريد ان ترى العالم.... ولكن لا فائدة من المحاولات فلا حياة لمن تنادي...... حتى تبدأ في خوض حياتها من سن الثامنة عشر بدلا من خوضها منذ الطفولة.... فهل سأكون حرة يوم ما؟؟! واذا...
