CHAPTER 7
STRAIGHT
By Joemar Ancheta
Note from the Author:
Sa susunod na dalawang kabanata ay
atin namang mababasa ang mga
niloloob ni Xian… dito ay mas lalo
niyong maintindihan ang sakit ng
kaniyang mga pinagdadaanan…
madami ang sa kaniya ay maaawa
ngunit hindi maiwasang kainisan
din siya ng iba…. ipagpatuloy po
sana ninyo ang makibahagi!
Masaya na din akong mabasa ang
inyong mga komento lalo na yung
hanggang ngayon piniling
manahimik.
CHAPTER VII
XIAN’S POINT OF VIEW
Ang pagkakamali kong iyon
nang nalasing si James ang siyang naging
susi para lalo kong maintindihan ang
palasak ng sinasabi ng karamihan na ang
straight ay straight… dapat silang
hinahayaang mapunta sa babae. Kung
ang bakla nagmahal ng straight hindi
lang yaman ang aagos mula sa kanila
kundi kasama na ang tone-toneladang
luha. Kung nagmahal ka ng straight
kailangan mong panindigan na hinding-
hindi ka magseselos sa babae dahil kahit
anong mangyari, sa babae parin ang
kahahantungan ng isang tunay na lalaki.
Iwasan ding papiliin ang straight sa
pagitan ng babae at ng isang bakla dahil
baka mas masakit sa’yong tanggapin na
hindi ikaw na bakla ang pipiliin. Maaring
kailangan ka ng tunay na lalaki ngunit
hindi ikaw ang nakapagbibigay sa kaniya
ng tunay na ligaya. Ngunit sa katulad
kong nagmahal, hindi ko alintana ang
pagod, hindi ako basta-basta sumusuko
kahit pa ilang beses akong masaktan at
lumuha… ang pag-iyak kong iyon lang
ang alam kong paraan para maibsan ang
sakit na halos hindi ko na nakakayanan.
Hindi madaling magpagod para
sa wala. Hindi din madaling tanggapin na
parang ang lahat ng ginagawa mo ay
nababale-wala. Sige. Tanggap kong tanga
ako. Alam ko namang tanga ako o kaya
martir ngunit anong magagawa ko kung
ang tanging alam kong dapat gawin ay
ang paglingkuran, alagaan at mahalin ang
