نصيبك تحب مجنونه (زواج ام دراسه الجزء الثاني)

البارت الثاني والعشرون

نصيبك تحب مجنونه
(زواج ام دراسه الجزء الثاني)
الحلقه الثانيه العشرون
****************
دخل الامن عليهم جوا بسرعه وهو بيهتف : الحقوا بسرعه اللي بيحصل برا ف مصيبه
فارس وادم وهما بيجروا : اكيد شهد
جريوا كل اللي ف القاعه برا بفزع ووقفوا وهما بيسمعوا صوت الاغاني وفتحوا عينهم كلهم من الصدمه وهما بيبصوا عاللي بيحصل قدامهم
هاشم ومهاب وصالح وابراهيم ف نفس واحد : يانهااااااااااااراسوح
ادم بصدمه ودهشه مفرطه : يا سنه سودا عليا وع سنين 
فارس بصدمه وعدم استياعب : لا لا مستحيل .. يا بنت المجانين .. حسبي الله ونعم الوكيل فيكي يا بنت ام شهد
خليني احاول اوصف المنظر اي عروسه ممكن تيجي الفرح بعربيه او موتوسيكل او حتي توك توك انما شهد خلفت التوقعات تماما لانها دخلت بونش !! ولكم ان تتخيلوا المنظر هي واقفه ف الجنب فوق وجنه واقفه ف الجنب التاني وبيرقصوا والونش داخل ع القاعه وقدامهم موتوسيكلات واحد راكب عليه جيداء ووراها جودي وانجي ع واحد ووراها تسنيم وبيخمسوا بالموتوسيكلات قدام الونش وشباب اصحاب مهاب معاهم موتسيكلات وتكاتك وراهم وعربيات وعربيه ميكروباص صغيره وراهم تقريبا كل الدخلات بتاعت الافراح كانوا متجمعين ف فرح شهد!!
نزلت شهد وهي بتضحك ع منظر الموجودين وراحت لجنه وساعدتها فالنزول ونزلت جيداء وانجي وجودي وتسنيم معاهم وبدأوا يرقصوا ودوا الشباب اللي لسه مش متسوعبين اللي حصل ده وشهد بتضحك ع منظر فارس وبعدين سكتوا ووقفوا
فارس : اي اللي انتي عملتيه ده
شهد : قعدت افكر ان ده فرح مره واحده ف العمر زي ما انت قولت قبل كده وفكرت ادخل دخله غير تقليديه زي اللي ع النت ملقتش احسن من دي ومحصلتش قبل كده لا ومسكتش وجبتلك بقيت الدخلات كلها عشان متحسش بملل
ادم : بس يا شهد انتي مجنونه اه بس دي بردو مش دماغك لوحدك مين ساعدك يا شهد
ضحكت شهد وهي بتشاور براسها وراهم : اللي بيحاول يهرب
بصوا وراهم وشافوا مهاب اللي كان بيحاول يهرب ومسكه فارس من قفاه وادم مسك دراعه ولوه ورا ضهره وصالح حاصره من قدام
ابراهيم : انت الي لعبت بدماغها
مهاب : صلوا ع النبي
فارس : انت اللي جننت البت اكتر مهي مجنونه
شهد بضيق مصطنع : حافظ ع كلامك لو سمحت
ادم : اتلهي وانتي ليكي روقه
كان كلامه ع جنه اللي بتضحك ع شكلهم وهم محاصرين مهاب ووقفوا البنات حوالين بعض وسبوهم منهم لبعض ودخلوا جوا وهم سابوا مهاب وجريوا وراهم والمعازيم بيضحكوا مسك فارس شهد من ايدها وادم مسك جنه
فارس وادم : اتحركوا من غير ولا كلمه
فارس بضيق : ونش يا شهد ونش اتحركي قدامي
كتمت شهد ضحكه كانت هتطلع منها وبصت لجنه وغمزتلها واول ما دخلوا اشتغلت الاغنيه اللي كانت باجماع من البنات كلهم وسط صدمة الشباب

(غنو وبلو الشربات وافرحوا دا العمر ساعات .. زغرطوا وارقصوا يالا عقبال عندكو يا بنات .. عشنا بنتمنا الفرحة وحلمنا سنين وسنين .. ياما بفستان وبطرحة ودعينا وقولنا امين .. واهو ربنا عوض صبرنا خير والدور جة علينا يا بنات .. بعد ما كنا هنتجنن م الوقفة قدام المرايات .. ويارب يعدلهالكو تفرحوا فرحتى يا بنات .. مبروك عليا كدا مية مية .. عريسى خلاص جمبى فى عش الزوجية .. عيلتة بقت عيلتى مامتة بقت مامت ..سمعونى زغروطة رقصونى شوية .. هنجيب ولد حلو وبنتين او بنت امورة وولدين .. كدا او كدا نعمة وراضين اهم حاجة نكون مع بعض .. على كل حاجة هقولة امين خلاص يا روحي متفقين .. هشيلة جوة فى نن العين واقف معاة بقى وقت الجد .. هيلاقى دايما كل جديد هعيشة هارون الرشيد .. هخلى حبى فى قلبة يزيد يشوفنى يبقى مزاجة عال .. هنقضى كل حياتنا هزار وحب دايما ليل ونهار ..وهدلعة وهخلية على نار من حقى مهو جوزى حلالى .. مبروك عليا كدا مية مية .. عريسى خلاص جمبى فى عش الزوجية .. عيلتة بقت عيلتى مامتة بقت مامتى ..  ياخواتى زغرطولى شوية .. غنو وبلو الشربات وافرحوا دا العمر ساعات .. زغرطوا وارقصوا يالا عقبال عندكو يا بنات .. عشنا بنتمنا الفرحة وحلمنا سنين وسنين .. ياما بفستان وبطرحة ودعينا وقولنا امين .. واهو ربنا عوض صربنا خير والدور جة علينا يا بنات .. بعد ما كنا هنتجنن م الوقفة قدام المرايات .. ويارب يعدلهالكو تفرحوا فرحتى يا بنات .. مبروك عليا)