نصيبك تحب مجنونه (زواج ام دراسه الجزء الثاني)

الخاتمه🙈❤

*الخــــــــاتــــمـــــــه*
*****************
دخل الفيلا زي ما اتعود يرجع من شغله ف وقت البريك عشان ياكل معاها وبعدين يرجع تاني .. دخل الاوضه بهدوء ولقاها قاعده ساكته ع الكرسي ضمه شفتها بشكل طفولي وهو اتعود ع حركاتها دي خصوصا بعد ما بقت ف الشهر الخامس قرب منها وقعد جنبها وحط ايده ع كتفها وهي اتنهدت بضيق ابتسم بهدوء
فارس : مالك يا حبيبتي
شهد بهدوء : مليش
فارس: يا بنتي مالك
شهد : مدايقه
فارس : من اي
شهد : انت مبتقوليش انك بتحبني خالص
فارس : ده إللي مزعلك
شهد : اتريق اتريق
فارس : لا يا ستي إحنا نقدر
شهد : اممم
فارس : بحبك
شهد بصتله بفرحه بس هو مدهاش الفرصه وكمل
فارس مكمل : بحبك حب الجرجير لطبق السلطه....بحبك حب الليمون لطبق السلطه
شهد : لا والله
فارس : بحبك حب الخيار لطبق السلطة
شهد رفعت حاجبها : أنت نفسك ف سلطه
فارس بضحك : الصراحه اه
شهد : اممم ماشي بس قبل ما اعملهالك هقولك حاجه
فارس : قولي
شهد وهي بتقلده : انا كمان بحبك حب الطماطم لطبق السلطه......بحبك حب البصل لطبق السلطه....بحبك حب الملح لطبق السلطه
فارس : طب ما تيجي ناكل سلطه
شهد بضحك : أنا بقول كده بردو
ونزلوا تحت وهما ايدهم ف ايد بعد وهو حاطط ايده وبيداعب بطنها بمشاغبه وبعدين قطب حواجبه بتساؤل
فارس : هتشوفيه ولد ولا بنت
شهد : لا كل اللي يجيبه ربنا حلو
فارس : حبيبي عقل يا نااااس
شهد بتوجس : قصدك  اي
فارس : مقصدش يا روحي تعالي نعمل السلطه تعالي ربنا يهديكي
شهد : لي انا مجنونه
فارس : حبيبتي انا اللي مجنون .. متاخديش ف بالك تعالي يا شوشو تعالي
واخدها ف حضنه بضحك وهي ضحكت وحضنته وراحوا للمطبخ عشان يعملوا السلطه
&&&&&&&&&&&&&&&&&&&&&&&&
كانت قاعده ورافعه رجلها ع المكتب وسانده راسها ع الكرسي وبتاكل ف التين باستمتاع دخلت عليها جنه وهي بتبص ع المنظر بضيق وقرف
جنه : جودي حرام عليكي كفايه كده
جودي : انتي مالك يا بنتي انا واحده حامل معايا روح زياده لازم اكل
جنه : ماانا حامل اهو ومعملتش كده
جودي : انتي ف الشهر الثاني انا داخله ف السابع
جنه بدهشه : لا والله فرقت
جودي : اه جدا .. مشوفتيش برشومي
جنه : برشومك ده نوع التين اللي ف ايدك
جودي بتأفف : انتي جايه تقطميني يا جنه
جنه : طب ده منظر دكتوره قاعده ف مستشفي محترمه
دخل عليهم هاشم وادم معاه وجودي اتعدلت لما شافت ادم وهاشم اتصدم من الكرتونه اللي ع المكتب
هاشم : اي ده
جنه : ده تين يا برشومها
هاشم بصدمه : بر .. اي
جودي بابتسامه مرتبكه : هشومي حبيبي .. مقولتش انك جاي لي كنت ظبطت نفسي
ادم : ايوه صح كانت هتخفي الكرتونه بتاعت التين .. انتي دخلتي كرتونه التين دي ف المستشفي ازاي
جودي بضيق : عامل زي مراتك.. خد مراتك وامشي من هنا
ادم وهو بيشد جنه : من غير ما تقولي .. انا هاخدها فعلا اخاف تاكليها
جودي بحزن : شايف يا هشومي
قرب عليها هاشم ومسك ثمره تين وحطها ف بوقها فجأه وهي اتصدمت وهو ابتسم ببراءه : كلي يا جوتي كلي .. حاكم انتي خاسه النهارده
ضحك ادم وجنه عليهم وطلعوا برا وجودي ضربت هاشم ف كتفه جامد وهو اتأوه بألم وحرك ايده ع كتفه بوجه
هاشم : عملتلك اي يا مفتريه
بلعت الثمره اللي كانت ف بوقها واتكلمت بعصبيه : دي حركه تعملها فيا قدامهم
هاشم بضحك : انتي زعلتي  يا غوحي
جودي : غوحك تطلع
هاشم : طب والواد يعيش يتيم
جودي : لا وجهه نظر .. اقولك طلقني يا هاشم
هاشم : عايزه تطلقي امتي
جودي بصدمه : انتي هتطلقني
هاشم بزهول : مش انتي اللي طلبتي
جودي : ايوه بس المفروض تتمسك فيا اكتر من كده
هاشم : حاضر مش هطلقك
جودي بدموع : انت بتاخدني ع قد عقلي يا هاشم
هاشم : يا حبيبتي ابدا .. طب بتعيطي لي دلوقتي
جودي : لانك مبقتش تحبني وبقي سهل عليك فراقي اهئ
قرب منها وضمها واتكلم بقله حيله : والله ما حصل .. انتي عارفه اني مقدرش استغني عنك يا روحي .. انا كنت بهزر معاكي
جودي : لا ده مش هزار
هاشم : اي سامعه الصوت ده .. بيوقولوا ف حاله
جودي بغيظ : والله
هاشم وهو بيجري بهرب : جايلك يا حااااااله
وطلع برا بسرعه وهو بيبعتلها بوسه ع الهوا وهي قعدت ع المكتب تاني ومسكت ثمره تين وقطمت منها حته واتكلمت بوعيد : ماشي يا ابن ام هاشم لما نرجع بيتنا ليك روقه
&&&&&&&&&&&&&&&&&&&&&&&&
دخل مكتبها وقعدوا مع بعض ع الكرسي وهو ابتسم : وحشتيني
جنه بابتسامه خجوله : وانت كمان .. انت جيت لي
ادم وهو بيلف دراعه حوالين وسطها وبيقربها منه : ابدا يا ستي اصله معاد البريك بتاع شغلي زي ما انتي عارفه .. وف واحده وحشتني اوي اوي اوي .. قولت بقي يا واد يا ادم روح اقعد معاها وكلوا سوا ومنها تشبع منها بس طلعت غلطان
جنه باستغراب : لي
ادم وهو بيمسك ايدها وبيبوسها : لانه مبيتشبعش منك يا جنتي .. ولما اطلع من المكتب ده بس هتوحشيني تاني
اتكسفت جنه جامد وهو ضحك ع شكلها وشدها من ايدها ووقفوا
ادم : يلا بينا
جنه باستغراب : ع فين
ادم بايجاز : ع الدكتوره مارينا
جنه : لي ما انا كويسه وكنت عندها واطمنت ع البيبي
ادم : حبيبتي انتي اتطمنتي انا لا
جنه : ادم حبيبي ملوش داعي
ادم : ممكن تسكتي انا هطمن ع ابني ع فكره يلا
وهي حاولت تعترض بس مسمعش منها وراح للدكتوره اللي اتفجأت
مارينا : د.جنه ف حاجه .. انتي كويسه
ادم : احم .. اسف ع الدخله دي بس عايز اطمن ع صحه جنه وصحه البيبي
مارينا بابتسامه : انا لسه كاشفه عليها من شويه بس مش مشكله اتفضلي معايا
هزت جنه راسها وهي بتبتسم لـ د.مارينا باحراج وهي ابتسمت بمجامله وكشفت عليها وادم واقف متوتر برا وبعد شويه خرجت د.مارينا وقعدت ع المكتب وطلعت جنه وراها وقعدت قصادها وادم قعد وبصلها
ادم : خير يا دكتور
مارينا : اطمن يا بشمهندس .. د. جنه صحتها كويسه جدا وهي ماشيه بالتعليمات ومهتمه بنفسها وصحه البيبي وده شئ كويس جدا
ادم بابتسامه : يعني مفيش عليها قلقل
مارينا : اطلاقا
ادم : تمام شكرا يا دكتور واسف ع الازعاج
مارينا : مفيش مشاكل جنه اختي الصغيره
وطلعوا برا وجنه وقفت قصاد ادم : ارتحت دلوقتي
ادم : فوق ما تتصوري .. انتي عارفه ان صحتك تهمني يا جنتي
جنه : مممم .. طب مش هناكل
ادم : اه طبعا تحبي تاكلي فين
جنه : كشري
ادم بدهشه : نعم
جنه بلامبالاه : نفسي رايحه لكشري يا ادددم مليش دعوه
ادم : كشري كشري
جنه : هي ليها معاني كتير يا ادم مفيش ف الدنيا غير الكشري اي صعبه
ادم : لا بس مستغرب لانك مبتحبيش الكشري
جنه : ابنك السبب .. هنقعد نرغي ولا هنروح ناكل قبل ما وقتك يخلص
ادم : لا طبعا .. اتفضلي يا سمو الاميره
ضحكت جنه بخفوت وهو ابتسم ومشيوا مع بعض لبرا عشان يروحوا ياكلوا الكشري!
&&&&&&&&&&&&&&&&&&
قعدوا السته مع بعض جيداء وتسنيم وانجي وقصاد كل واحده منهم نصها الثاني ابراهيم وصالح ونجم
تسنيم : القعده دي كانت ناقصه بقيت البنات وكانت هتكمل
جيداء : فعلا كانت ناقصه جودي وشهد وجنه
نجم : بس باستثناء فارس
ضحكت انجي جامد وهو بص ليها بغيظ ومردش عليها
ابراهيم باستغراب : اشمعنا فارس يعني
نجم : يعني مش عارف
ضحك الموجودين وهما بيبصوا ع نجم باستمتاع
صالح : لا بس ما شاء الله الواد كفي وزياده معاك
نجم : والله لولا صله الرحم اللي بينا والدم كنت قتلته ده شلني
انجي : هههههههههههههههه
نجم : اضحكي اضحكيمهو اخوكي
تسنيم بضحك : لا ومنظرك يا نجم بجد كان يوم رائع
جيداء وهي بتقلد فارس : ازاي يابني هي مش اختك ههههههههه
ضحكوا كلهم ونجم بص ليهم بغيظ وبعدين ضحك معاهم والكل بيبص عليهم باستغراب من طريقه الضحك الهيستيري اللي بقوا فيه
#فلاش
ف فيلا شريف الشرقاوي الكل متجمع وقاعدين والابتسامه الصافيه مرسومه ع وشهم من غير اي مجاملات
نجم : احم كنت عايز اقول حاجه بمناسبه تجمعنا كلنا هنا
شريف باستغراب : خير يابني .. حصل اي
نجم : بشمهندس شريف .. انا طالب ايد انجي
اتصدمت انجي من الجمله ورفعت راسها بسرعه ناحيته وهي بتبص عليه بدهشه وهو بيبصلها باتسامه خبيثه
فارس : ازاي يابني هي مش اختك .. ازاي حد يتجوز اخته؟!
نجم بضيق : اختي منين يا عم انت الثاني
فارس : مش دي اختي وانت اخويا تبقي اختك .. اي الصعب ف كده
نجم بغضب : لا كده كتير كتير اوي .. مش انت وهي عليا
شهد : فارس انت بتقول اي
فارس : انا جبت حاجه من عندي مش ده الواقع
ادم وهو بيغمز لفارس بسرعه : ايوه فعلا .. حرام انك تتقدم لاختك
نجم بعصبيه : اختي دي من اني زاويه انتوا هتجننوني
هاشم : اهدي بس .. مهي دي الحقيقه
كاريمان : ازاي يا ولاد بس وحقيقه اي
راح نجم ناحيه انجي ومسك درعها جامد وهي اتخت وبص للموجودين : بصوا بقي بم ان الكلام لا هيودي ولا هيجيب وانتوا مقتنعين انها اختي .. فاانا هتجوز اختي وابقي واحد ملحد عشان ترتاحوا كده كويس
فارس بهدوء مصطنع : يابني ملوش داعي تكفر عشانها ف احسن منها بكتير
شهد : هو انت حرارتك عاليه يا فارس انت مالك النهارده ماسك دور غباوه لي
نجم : انا مش سامع كلمه زياده وانتي وافقتي ولا لا هتجوزك مش بعد ما اقعد شهرين عشان حضرتك تبقي ف السن القانوني للجواز واقدر اكتب كتابي عند مأذون ويبقي ع سنه الله ورسوله يجي واحد زي اخوكي وانتي تقولولي انك اختي والله اولع فيكم وفيا عشان اخلص
اتنفس جامد بحده وفجأه انفجر الشباب ف الضحك والبنات ضحكوا معاهم ع منظر نجم المتعصب جامد وشريف وقف وبص لانجي : اي رايك يا عروسه
انجي بارتباك : بس انا بعتبره زي فارس
نجم : ورحمه ابويا هنفخك ع الكلمه دي لو قولتيها تاني وربنا انا مش اخوكي يا ست
ابراهيم : اهدي يا عم النجم المنير
نجم : اسكت انت بقي لاني مبقاش فيا عقل .. قولتي اي يا قلب اخوكي لو ده اللي نافع معاكي
اتكسفت انجي جامد من الكلمه والبنات ابتسموا بسعاده وبصوا لانجي اللي هزت راسها بخجل وحضنت جودي ونجم اتنفس بارتياح
فارس بغلاسه : بس ده ميمنعش انك اخوها بردو
جري نجم ناحيته وهو بيصرخ : والله لاقتلك يا فارس واحرم امك منك للمره الثانيه والمره دي هتبقي ابديه
#باك
مسحت انجي دمعه نزلت من عينها من كتر الضحك وهديت وهي بتبص لنجم اللي بص ليها بابتسامه
تسنيم : لا بجد ومش ناسيه منظركوانت بتمسك اي حاجه بتقابلك وبتحدفها ع فارس
ابراهيم : ولا وانت ماسك الفازه وبتلف حوالين التربيزه وانت عايز تحدفها ف فارس
صالح : وف الاخر جت ف ادم الغلبان هههههههههههه
ضحكوا كلهم من تاني لانه كان يوم مش هيتنسي من ذاكرتهم واتمنوا انهم يفضلوا كده للأبد!
&&&&&&&&&&&&&&&&&&
قعدت ع الاريكه وبطنها قدامها وماسكه السكينه في ايدها وبتقطع ف الفاكهه بدون وجه سبب حتي ملهاش نفس تاكلها .. رجع فارس من الشغل ولقاها قاعده بالمنظر ده
فارس باستغراب : إنتي بتعملي اي
شهد : زي ما انت شايف بقطع الفاكهه
فارس : ايوه ما انا شايف بس لي هتاكليها
شهد باعتراض : لا بس بتسلي
فارس بصدمه : بتتسلي ع فاكهه البيت كله با مفتريه. بصت ليه وعيونها وسعت من الغضب
شهد : مين دي اللي مفتريه؟؟انا مفتريه؟!!!
فارس : ها.... لا ولا حاجه ده انتي نسمه.   رمت الطبق إللي متعرفش هو ف اي من كتر ما كله داخل ف بعضه جامد ومسكت السكينه ووجهتها ف وش فارس
شهد : بقي أنا مفتريه يا ظالم
فارس: اهدي يا مجنونه السلاح يطول
شهد بصدمه : وكمان بتقولي يا مجنونه
أكملت بغضب : وديني لاقتلك يا فارس.  وجريت وراه وهو بيجري منها
فارس: عبو هرمونات الحمل ع سنينها السودا اهدي يا شهد
شهد وهي لسه بتجري وراه ف الاوضه : هقتلك يا فاااارس هقتلك
فارس وهو بيحاول يهديها وف نفس الوقت بيجري : طب وابننا اللي ملهوش ذنب
شهد : هقوله ابوك مات ف ٧٣
وقف ثانيه وهي وقفت كمان ورفع حاجبه ليها
فارس باستغراب : ٧٣ ده إحنا ف ٢٠١9 تقوليلي ٧٣ لي كنتي حامل ف غول ولا كنتي كل سنه تحملي ف جزء ويا تري انتي حطاه اي ع وشك يبينك شباب واضحك عليا
استشاطت غضب : انت بتتريق عليا طب المره دي بقي مش هتعدي من تحت ايدي يا فارس وهنطلع احنا الاثنين ف صفحات الجرائد بكره الصبح الست إللي قتلت جوزها لسبب مجهول
فارس بصدمه : يخربيتك انا اتجوزت واحده مجنونه ولا اي .. اعقلي يا مجنونه
شهد بصراخ : هقتلااااااااك
&&&&&&&&&&&&&&&&&&
*النـــــهــــــايـــــــه*
#Nemo