نصيبك تحب مجنونه
(زواج ام دراسه الجزء الثاني)
الحلقه السابعه
★★★★★★
جنه : ده ادم خطيبي واخو شهد ودي شهد شهد دي جودي
شهد لجودي وماخدتش بالها من هاشم اللي وقف بظهره بيبص ع حاجه تانيه
شهد : انتي بقي جودي جنه دايما بتتكلم عليكي بس واضح كده اني انا كمان هحبك
جودي بابتسامة : وانا كمان ده هاشم جوزي. هاشم لف وشه وبصلها واتصدم وشهد شافته صرخت لدرجه انهم اتفزعوا
شهد بصراخ هيستيري : ااااااااااااااااااااه
الكل اتفاجئ من صريخ شهد واتصدموا وهاشم واقف مصدوم هو منسهاش دي ق..قد.. قدامه و
ادم وجنه بفزع : مالك يا شهد
شهد اترمت ف حضن ادم وصرخت : ابعده عني ابعده عني
جودي باستغراب : ف اي مين ده
شهد :: هو يا ادم ..هو ااااااااااه راسها وجعتها جامد ووقعت من طولها
ادم وجنه بصراخ: شاااااهد
جنه : مايه يا جودي
جودي بقلق ممزوج باستغراب : حاضر. وجريت بسرعه جابت مايه ورجعت كل ده وهاشم واقف مصدوم القدر رماها ف وشه من تاني لا وهو إللي اصر يشوفها
ادم فوق شهد وابتدت تفوق ببطء شافت هاشم قدامها عينها اتحولت للون الدم ونطت فوقه وقعدت تضرب فيه مستحملش توازنه اختل ووقع ع الارض والكل قرب منهم
جودي : ابعدي ابعدي
جنه : اهدي يا شهد ابعدي ف اي
ادم وهو بيحوشها : ف اي يا شهد ابعدي
شهد بصراخ ودموع : لييييييييييي لييييييييييي تعمل فيا كده لييييييييييي انا معرفكش ليييي
آدم شد شهد بالعافيه وبعدها عن هاشم إللي علامات الضرب ظاهره ع هاشم إللي مقدرش يدافع عن نفسه وهي زي النسر الجريح
ادم : ف اي يا شهد وعملك اي ده
شهد بصراخ : ده هو هو نفسه يا ادم هو إللي اتفق مع هدي وتسنيم
شهقت جنه بصدمه وادم برق من الصدمه وعروق رقبته بانت وجودي مش فاهمه حاجه
جنه : يمكن انتي بس بتشبهي
شهد : انا مستحيل انسي شكله يا جنه
آدم بدون مقدمات هجم ع هاشم وهاشم بيدافع عن نفسه بالعافيه وجودي وجنه بيصرخوا وشهد بتعيط وبس لي جروحها كلها بتتفتح تاني والجيران جت وحاشوا ادم عن هاشم بالعافيه وطلبوا البوليس واخدوهم كلهم ع القسم
&&&&&&&&&&
سعديه اتنفضت من ع سريرها : استر يارب ف اي ... يارب احمي ولادي من كل شر
دخلت عليها هدي وع وشها ابتسامه صفرا
هدي : ازيك يا سلفتي
سعديه : عايزه اي يا هدي
هدي : عايزه روحك يا سعديه
سعديه : يبقي هتموتي قبل ما تاخديها يا هدي
هدي : لا يا سعديه انا اخدت نصها منك لما فضحت بنتك أو بنت هند
سعديه : وروحي رجعت ليا تاني انتي عايزه اي منها لم انتي مش عايزه شهد خلتيها تتجوز ابنك لي
هدي : لنفس السبب اللي وافقتي عليه
سعديه : لا انسي مش اللي ف دماغك ولا يمكن يحصل أصلا انا وافقت لان شهد كانت بتحبه
هدي : وانتي عارفه اني يكرهها
سعديه : شهد ملهاش ذنب يا هدي
هدي بغضب : ملكيش دعوه انتي
سعديه : لازم ترجعي عن اللي بتعمليه يا هدي
هدي : انتي اللي دخلتيها ف دايره الحرب من تاني صدقيني يا هدي انا هقضي عليها وقربت من ودنها واكملت بهمس زي ما خلصت من امها وبعدت تصبحي ع شر
وسابتها ومشيت وسعديه بتبص ليها بصدمه هتاذي شهد لا لا دي بنتي مش مني بس انا اللي ربتها مش هخليها تاذيها لازم اخلي شهد تبعد عن هنا حتي لو ووقفت عند الجزء ده وغمضت عينها بالم
&&&&&&&&&
خلصت جيداء كلامها كله
جيداء : وبس كده انا حاسه اني مذبذبه
انجي : حرفيا انتي وفارس كل واحد ف دنيا تانيه
جيداء : فارس فارس اخوكي هيجنني مش عارف يتقبل انه من حقه يتجوز
انجي : اخويا حاسس انه كده هيكون بيظلمها
جيداء : ممكن يقولها وساعتها يشوف رد فعلها
انجي ؛ وده اللي فارس خايف منه خايف ترفضه عشان كده واخد جنب وساكت
جيداء باستغراب : ده انتي بتفكري احسن مني
انجي : طبعا يا بنتي بس بخاف من الحسد بس
جيداء : هتقوليلي ما انا عارفه
انجي : انا هطلع لفارس شويه
جيداء : ماشي وانا هدخل اوضتي وابقي تعالي احكيلي عامل إزاي عشان متخانقه معاه
انجي بغباء : يعني اي عامل ازاي
جيداء بصبر : يعني كويس مدايق كده
انجي : اه ماشي يلا. وقامت من مكانها وطلعت لفارس اللي ف دنيا تانيه خالص
#فلاش
بيت كبير فيلا بالاخص قاعد فارس ومعاه والده وانجي وجيداء منتظرين تحت
شريف : انشف يلا
جيداء : ده طاير من السعاده يا انكل
انجي : هييييه أنت هتتجوز صح صح
فارس : شايفه الموضوع تم يعني
جيداء : مين ميوافقش عليك ده أنت عسل الله يسامحها خالتي رضعتنا سوا
فارس : ده من نعمه ربنا يا حبيبتي
نزل علام بيه من فوق ومعاه مراته ورغد وبنتهم الصغيره وقام وقف هو وعائلته وبعد السلامات والتحيات قعدوا
علام : اهلا بيك يا فارس
فارس : اهلا بحضرتك يا عمي
شريف : إحنا جايين النهارده نطلب ايد بنتك لابننا
علام : وماله ... كلمني عن نفسك يا فارس
فارس : انا فارس الشرقاوي وده والدي شريف الشرقاوي صاحب شركات الشرقاوي للديكورات انا عندي ٢٢ سنه مع بنت حضرتك ف نفس الكليه بشتغل مع والدي ف شركته ودول أخواتي
نهي : وعرفت بنتي منين
جيداء بنبره سخريه هي مرتحتش للعائله دي : ما قال لحضرتك زميلته ف الجامعه
فارس خبط جيداء بخفه ف كتفها
علام : ماشي يا فارس بس احنا لينا طلبات ولا اي يابو فارس
شريف : اه طبعا واحنا جاهزين
نهي : بس ف حاجه يابو رغد
علام : خير يا نهي
نهي : انا عايزه اطمن ع مستقبل بنتي
رغد باستغراب : قصدك اي ا ماما
نهي : يعني عايزه فارس يعمل تحاليل نشوف يقدر يخلف ولا لا
الكل اندهش من كلام نهي
شريف : اي إللي بتقوليه ده يا مدام
نهي : من حقي اطمن ع بنتي
رغد : وانا كمان هعمل تحاليل مع فارس
جيداء : لو كده مفيش مشاكل
فارس بهدوء: ولو طلع اني مقدرش اخلف
علام : يبقي كل واحد ف طريق
رغد بصدمه : بابا
علام : انا عارف انا بقول اي
شريف : ماشي وكده مش لازم الجوازه من الاول
فارس : بابا
شريف : اي انت لعبه مثلا خلي بنتهم يشبعوا بيها مش لازم تفضل ع اعصابك يا عالم هيوفقوا ولا لا
جيداء : بابا بيتكلم صح
علام : خلاص نفضها سيره
فارس بهدوء : هعمل التحاليل كويس كده
نهي : ماشي بكره نعملها
فارس : تمام. وبص لرغد نظره مقدرتش تفهمها ومشي مع عائلته اللي مصدومين
ووصلوا ع البيت
فارس : بابا انا
شريف شاور ليه بايده أنه يسكت : انت كسرت كلمتي وانت حر ف حياتك يا فارس
وسابه وطلع وجيداء طلعت انجي تنام ودخلت هي كمان من غير ما تكلم فارس
#باك
فاق ع صوت اخته
فارس : ادخلي يا انجي
انجي دخلت وقعدت جنبه ع السرير : مالك يا حبيبي
فارس بابتسامة : مفيش يا حبيبتي عادي
انجي : لي بتجرح نفسك يا فارس
فارس بهدوء : انا حابب كده
انجي ؛ يا فارس دي مكنتش تستاهلك
فارس : وانا مستاهلش حد
انجي : مين قال كده انت فارس الشرقاوي إللي الناس بتعمل الف حساب لم يعرفوا اسمك
فارس : واسمي كان خلنا لبعض قبل كده اسمي ده معملش حاجه
انجي : فارس انسي الماضي وبلاش تضيع شهد من ايدك انا شوفتها مره واحده بس بجد هي كويسه
فارس : انجي انتي لسه صغيره
انجي : انا مش صغيره يا فارس انت إللي بتصرفاتك دي بتعمل زي العيال الصغيرين فوق يا فارس قبل ما تضيع كل حاجه من ايدك ع ماضي ملوش لازمه
وسابته وخرجت وهي زعلانه ع اخوها وهو رجع لوضعه تاني بيفكر ف كلام اخته بس لا لازم يوقف القلب ده عند حده مبيجيش غير الوجع من وراه
فارس بصوت هامس : انا بكرهك لانك السبب ف كل حاجه وضرب نفسه ناحيه قلبه جامد وغمض عينه بوجع ودمع
&&&&&&
ف القسم
الظابط : ممكن افهم ف اي
هاشم : مفيش حاجه يا حضره الظابط دي مشاكل بين القرايب
الظابط بعصبية : واحنا خدامين لاهاليكم وفاضيين ليكم
ادم وهو بيحاول يتمالك اعصابه : معلش يا باشا حصل خير
الظابط : ماشي أمضوا هنا مره كمان ومش هيحصل طيب
مضوا ع المحضر وطلعوا برا وكانوا البنات واقفين وشهد واقفه مش باين عليها اي حاجه شافت هاشم بصتله كتير
شهد بعد صمت: هسالك سؤال واحد بس جاوبني عليه .. لي عملت فيا كده
هاشم ساكت مش عارف يقول اي مراته موجوده ممكن تكرهه وهو مش عايز كده
شهد : رد عليا عارف انا بسببك اتعذبت قد اي ... عارف يعني اي افضل هربانه من شئ انا معملتوش... عارف يعني اي خايف تمشي ف الشوارع من نظرات الناس ... عارف أنت الوجع اللي انت اتسببت ليا فيه ... لي عملت معايا كده... انا ماذتكش ... انا معرفكش اصلا
جودي بصتله : رد يا هاشم قولها انه مش انت وانها غلطانه قولها انك برئ
هاشم : دي الحقيقه يا جودي. جودي سكتت بصدمه وجنه واقفه وعايزه تلمس شهد بس هي عارفه أن شهد دلوقتي محدش ينفع يلمسها لانها هتبقي زي النسر وممكن تاذي اي حد بكلامها أو أفعالها ففضلت السكوت
ادم : انت واحد .... عشان تعمل ف بنت كده استحاله تكون راجل
جودي : هاشم انت بتهزر صح انت بتهزر ... هزارك بايخ يا هاشم ... انت مش كده
هاشم : انا مبهزرش يا جودي مبهزرش .. دي الحقيقه وبص لشهد انا مفيش بيني وبينك اي عداوه ولا كنت اعرفك اصلا .. بس أنا كنت ف كليه طب وامي ست ارمله غلبانه .... كنت محتاج فلوس عشان اقدر اكمل والقدر وقع ف طريقي واحد اسمه مهاب
شهد بصدمه : مهاب. وبصت لادم إللي بصلها ونزل راسه ف الارض من أفعال صاحبه
هاشم : ايوه هو كان جارنا وعرف موضوعي وطلب مني أن اساعده والمقابل هياخد فلوس ... انا ف الأول موفقتش بس الظروف جبرتني
جنه : ظروف .. حجه الظروف دي حجه بايظه ... الظروف مش شماعه تعلق عليها اخطأك
هاشم : ايوه بعترف اني غلط .. وكنت بدور عليكي عشان اعتزر منك.... بس اختفيتي ... مكنتش اعرف انك مرات ابنها ... هي كانت عايزه تنتقم منك .... وفهمتني أن مش عارفه اسمه اي ده هي مربياه ... مش ابنها الحقيقي
شهد : تصدق أنا كرهتك اكتر من الأول ... اللي زيك دول محتاجين القتل .. اتفو ع اشكالك ... حسبي الله ونعم الوكيل فيكوا كلكم.
وسابتهم ومشيت بسرعه وادم قرب منه وضربه بالبوكس جامد وبعدين اخد جنه ومشي وهاشم قام من ع الارض لقي جودي بتبصله نظره استحقار نظره هو مش عايز يشوفها ف عينها هي بالذات نظره بتقتله
هاشم: جودي
جودي : هشششش .. مش عايزه اسمع حاجه خالص رجعني البيت
هاشم : جودي اسمعيني
جودي بوجع وصوت ضعيف : ارجوك اسكت ورجعني البيت كفايه كده
بصلها جامد واخدها ومشيوا للبيت وهي طلعت بهدوء ودخلت اوضه وقفلت الباب عليها وانهارت ف البكاء وهو دخل اوضته وعيط كل حاجه عملها بتضيع منه الحاجه الوحيده الحلوه ف حياته هي وجود جودي وهي كمان بتضيع منه ااااااه صرخه مكتومه اطلقها بوجع وضعف
&&&&&&&&
وصل ادم جنه ع البيت
ادم : انت كنتي عارفه
جنه بصدمه : نعم
ادم : كنتي عارفه أن ده هاشم
جنه : هعرفه منين بس وبعدين لو كنت عارفه هعرف شهد عليه لي ... اي يخليني افتح ليها ذكريات قديمه
ادم : يعني إنتي عايزه تقنعيني انه مقلش اي حاجه ولا إنتي تعرفي اي حاجه عنه
جنه : ادم انت اتجننت .. انت واعي للي انت بتقوله
ادم بتوهان : انا تايه مش عارف حاجه حاسس اني ضعيف
جنه : فوق يا ادم انت إللي واهم نفسك بالضعف.. أنت إللي مختار الطريق السهل
ادم : مش عارف مش عارف ... مش عارف اداوي جروحها .. كل ما جروحها تبتدي تروح تحصل حاجه ترجعها لنقطه الصفر... مش عارف هي لي الدنيا جايه علينا كده .... لي مش مكتوب لينا نفرح شويه بس .. لي
وعيط بدون وعي بدون قيود عيط هي كمان دموعها نزلت هي عارفه أن كلهم اتعذبوا وعذابهم كان جامد وماباليد حيله ومتقدرش تلمسه هو مش من حقها لحد ما سكت وقام من عالارض بصلها بوجع ومشي وهي فضلت تبص عليه لحد ما اختفي ودخلت الفيلا
&&&&&&&&
إنتي عاهره .... عشان كده مكنوش عايزني اتجوزك عشان متبنش حقيقتك الوسخه ... انا ميشرفنيش تكوني بنت عمي .... إنتي واحده عاهره عاهره
كلمات بتترد ف ودانها كتير متعرفش إزاي وصلت للمكان ده كل إللي ف عقلها كلمات بتتردد وتتردد وقفت وبكل وجعها وجروحها والمها صرخت
شهد بوجع وجرح : ااااااااااااااااه ااااااااااااااااااااااااااه كل مره كانت اقوي من الثانيه واتحولت بدموع وقعت ع الارض رجلها مبقتش قادره تشيلها
شهد بدموع وصراخ : مااااااااااااااااااااماااااااااااااااااااا وفضلت تعيط جامد عياط بوجع والم
&&&&&&
اتنفض من مكانه ومسك قلبه وهمس بخفه : شهد
وقام وقف وطلع البلكونه واتنفس جامد يمكن الشئ الغريب إللي ف قلبه ده يروح بس مفيش اي فايده حاسس انه مخنوق فضل واقف ف البلكونه
&&&&&&
تاني يوم الصبح دخلت البيت وهي عيونها حمرا زي الدم
هدي : كنتي فين؟؟ولا صحيح ازاي اسال السؤال ده ما إنتي واحده مش متربيه ودايره ع حل شعرك
شهد بصتلها جامد شكلها كله لا يوحي ع الخير قربت منها جامد
شهد بصوت قاتل : أنا وانتي عارفين مين متربي ومين لا يا هدي
هدي : قصدك اي ها
شهد بضحكه خبيثه : هاشم بيسلم عليكي ... اممم لا ممكن تكوني ناسيه افكرك انا ... وقربت منها بهمس عشيقي اللي عرفته ع جوزي عرفتيه
اتفتحت عيون هدي بصدمه نعم بتقول اي دي
هدي : اااا...اي
شهد : اي مش مصدقاني يارب تولعي يا شيخه لو كنت بكدب
هدي : بعد الشر عليا ان شاء الله إنتي يا بعيده .. ربنا مبيستجبش لدعوات ناس وسخه زيك
شهد قربت منها ومسكتها من دراعها اوي : انا سكت ليكي كتير وده عكس طبيعتي
هدي صرخت من الالم لدرجه ان الكل طلع وادم وابراهيم جريوا عليهم
ابراهيم : ماما
ادم : شهد سبيها
بس شهد كانت ف دنيا تانيه خالص
ابراهيم : ابعدي عنها يا شهد انتي اتجننتي
ادم : شهد. وزقها جامد وهي بعدت عن هدي
شهد : قول لامك تبعد بعيد عني لاني مش عارفه المره الجايه هعمل فيها اي.
سعديه : تعالي يا حبيبتي تعالي. واخدتها معاها جوا وقعدوا
سعديه : كنتي فين يا شهد
شهد : كنت مخنوقه فكنت بتمشي
سعديه : وكنتي بتعيطي لي
شهد : انا لا ابدا
سعديه : شهد عيونك باين عليها الوجع وحمرا زي الدم احكيلي يا حبيبتي
شهد اترمت ف حضن سعديه : تعبانه اوي يا امي
سعدي: احكيلي يا قلب امك
شهد : مش قادره عايزه افضل كده وبس
سعديه سكتت وشهد فضلت ف حضنها وخل عليهم ادم وبص ع شهد بحزن وبعدين بص لامه اللي اترجعت عن قرارها ف اللحظه دي شهد مش هتقوي غير لم ترجع زي ما كانت لازم تتوجع شويه
ام برا ف ابراهيم واقف مع هدي
ابراهيم : ف اي يا ماما مالك بشهد
هدي بغضب : مالي بشهد انت مشوفتش يعني دي هي اللي كانت مسكاني
ابراهيم : أنا عارف شهد مش بتتنرفز كده غير لو حد إللي نرفزها
هدي : يعني انا كدابه
ابراهيم : انا مقولتش كده
هدي بغضب : امال اي اي إللي حصلك يابن بطني من ساعه ما البت دي رجعت تاني
ابراهيم : يوووه لازم الحوار ينتهي بمشكله انا هلبس ونازل
وسابها ودخل اوضته وهي واقفة خلاص مش عارفه اوصفلكم ازاي عارفين شعور اكن حد بيحرقك ده شعورها ف الوقت ده ويمكن أشد كمان
دخلت اوضتها ورزعت الباب جامد
هدي : ااااه ... ماشي يا شهد ماشي ... يانا يانتي يا بنت هند ... ورحمه امي لمورياكي مين هي هدي ع اصوله
&&&&&
ف الفيلا عند فارس اللي معرفش ينام طول الليل دخل الحمام اخد شاور واتوضي وخرج ادي فرضه وبعدين نزل ع تحت وكان الكل ع السفره
فارس بابتسامة : صباح الخير
الكل : صباح الخير
شريف : تعالي أفطر يا فارس
فارس : من غير ما تقول يا حج انا واقع من الجوع. وقعد ع السفره وفضل ياكل والكل بيبص عليه وهو لاحظ
فارس : اي ف اي
جيداء : انت كويس
فارس رفع حاجه : ايوه لي
انجي : يعني كنت متنرفز امبارح وكده
فارس : وامبارح غير النهارده
شريف : سيبوه يا جماعه خليه ياكل
فارس قام : لا الحمدلله شبعت يا بابا هروح أنا الشغل ومتنساش تاخد ادويتك يا بابا اهتمي ب بابا يا انجي
انجي : متخافش يا فارس انا جنبه ت طول ولا اي يا شريف افندي
شريف : طبعا يا عمر شريف افندي
فارس لجيداء : تتصلي بشهد تخليها ترجع شغلها مش عايز شغل يتعطل ف شركتي. وسابهم ومشي
جيداء : حد حاسس باللي انا حاسه بيه
انجي : اوعي يكون إللي ف دماغي
كلهم ف صوت واحد : شراره الحب
شريف : غريبه فارس رجع يحب تاني
جيداء : ما غريب الا الشيطان يا بابا
انجي : فارس من حقه يعيش حياته
شريف : انا مش معترض بالعكس فرحان ليه بس خايف
انجي : خايف من اي يا بابا
شريف : ها...ولا حاجه انا طالع انام. وسابهم وطلع
جيداء : هو ف اي
انجي : ولا اعرف
جيداء : طيب همشي انا
انجي : مش هتتصلي بشهد
جيداء : لم اوصل
انجي : لا لا وحياتي اتصلي هنا
جيداء : امري لله. وطلعت الفون بتاعها وجابت رقم شهد
&&&&
اتعدلت من حضن مامتها ورجعت شعرها لورا واتنفست بعمق
ادم : ارتحتي عن امبارح
فهمت أن مش عايز مامتها تعرف : ايوه
سعديه : مالك يا شهد
شهد : ابدا يا ماما بطني كانت وجعاني شويه
سعديه بعدم تصديق : لا الف سلامه يا حبيبتي
شهد : الله يسلمك. وقطع كلامهم فون شهد جبته وبصت فيه
شهد باستغراب : جيداء
سعديه : مين يا شهد
شهد : جيداء سكرتيره المدير وصاحبتي
ادم : طب ردي عليها
شهد: ماشي... الوو
جيداء : السلام عليكم
شهد : وعليكم السلام ازيك يا جيداء
انجي شاورت ليها تفتح الاسبيكر : ازيك يا شهد وحشاني
شهد : وأنتي كمان
جيداء : اي يا بنتي مختفيه لي
شهد : ولا مختفيه ولا حاجه
جيداء : امال مبتجيش الشغل لي
شهد : ما انا استقلت
جيداء باستغراب : قدمتي ورقه
شهد : لا بس انا قولتله
جيداء : لمين
شهد : احم..لمستر فارس
جيداء : بس مدام مفيش ورقه استقاله يبقي استقالتك غير مقبوله
شهد : يعمل اللي عايز يعمله انا مش هرجع ولا داخله الشركه دي تاني ابدا
جيداء.: اممم مكنتش اعرف انك واحده بتخافي كده ... اينعم احنا نعرف بعض من فتره صغيره بس كان واضح عليكي غير كده خالص
شهد باستفزاز : انا مبتاثرش ده مش هيخليني اغير رايي
جيداء ببرود : انا مبعملش كده عشان ياثر فيكي.. انا بقولك ليكي إنتي ... فارس فعلا كان معاه حق لم قال انك اضعف من انك تواجههي .. ماشي سلام يا جبانه اقصد يا شهد. وقفلت وابتسمت بنصر
انجي : لي عملتي كده
جيداء : ع حسب ما عرفت شهد ف هي بتتنرفز بسرعه وخصوصا لو شككتي فيها
انجي : وبكده هي هتروح الشركه
جيداء : وهتقابل فارس .
ف الناحيه الثانيه اتعصبت من كلامها مين دي إللي ضعيفه انا مش ضعيفه نهائي ماااااشي. وقامت من مكانها
سعديه : رايحه فين يا شهد
شهد بغضب : رايحه الشركه. وطلعت برا غيرت هدومها بسرعه وانطلقت ع الشركه
سعديه لادم : تفتكر
ادم : افتكر ونص
سعديه : ربنا يهديكي يا شهد
&&&&&&&
ف البيت عند جودي قامت من مكانها وطلعت سمعت صوت الحمام عرفت انه جوا اخدت هدومها بسرعه وطلعت ع الاوضه تاني غيرت هدومها وسمعت تخبيط ودخل
هاشم : ممكن اتكلم معاكي
جودي : مفيش كلام ياا هاشم
هاشم : جودي اسمعيني
جودي بنرفزه : اسمع اي ها ... اسمع انك خربت بيت ... اسمع انك شوهت سمعت بنت .. أسمع اي يا هاشم
هاشم : جودي ... انا كنت مراهق .. مكنتش بفكر ف حاجه ... مكنتش بفكر ف عواقب أو اي اللي ممكن يحصل .. كنت محتاج لفلوس
جودي : مش ع حساب بيت تاني يا هاشم تبني حياتك ع حساب بيت تاني ده حرام
هاشم : انتي بتعاتبيني لي ها .. دي حاجه قبل ما تكوني ف حياتي اصلا ... انا من ساعه ما عرفتك واتغيرت يا جودي
جودي : انت صح .. دي حاجه قبل ما اكون موجوده .. بس اديها اهو بتخرب بيتنا
هاشم : قصدك اي يا جودي
جودي : قصدي تطلقني يا هاشم
هاشم : نعم
جودي : إللي سمعته يا هاشم.. مبقولش دلوقتي لأن مش عايزه ماما وبابا يحسوا بحاجه .. هنكمل سنه مع بعض زي الإخوات وبس وبعدين كل واحد ف طريق
هاشم بعصبية : جودي انتي اتجننتي
جودي : بالعكس يا هاشم ده عين العقل .. وكفايه اوي اني هعيش معاك المده دي عن اذنك .. وعشان متسالش رايحه المستشفي
وسابته ونزلت وهو واقف عقله مش قادر يترجم إللي هي قالته هتبعد عنه لا لا لا مستحيل مستحيل شكل كده هدوق نفس الوجع اللي حست بيه شهد بس ع اشد اتنفس بعمق ونزل هو كمان
&&&&&&&
تسنيم بزهق : يابني اتهد بقي
صالح : ف اي يا تسنيم بتزعقي لي
تسنيم : اتخنقت منه
صالح بسخريه : تقريبا ابنك يعني
تسنيم : انت بتتريق
صالح : ده طبيعي انتي مش ام مثلا
تسنيم : بقولك اي يا صالح فكك مني
صالح : فكك مني!! انا نازل سيبهالك. وسبها ونزل
تسنيم بغضب : اووووف الله يحرق دي عيشه
ابنها : ماما ف فار وراكي
تسنيم : اعااا واتتفضت من مكانها وملقتش حاجه وراها
تسنيم : يابن الجزمه وديني ما انا سيباك. وطلعت تجري وراه
&&&&&&
وصلت الشركه وهي متعصبه ودخلت جوا مهتمتش للي بيبصوا عليها وكملت طريقها
جيداء : شه...
بس شهد مردتش ودخلت ع طول وفارس اتنفض من مكانه وبصلها جامد بس النظرات مختلفه دي نظرات توهان وشوق ودي نظرات غضب وعصبية
&&&
تفتكروا هيحصل اي
شريف مخبي حاجه ؟!
جودي معاها حق ف اللي عملته
توقعاتكم
#Nemo
أنت تقرأ
نصيبك تحب مجنونه (زواج ام دراسه الجزء الثاني)
Misterio / Suspensoزواج ام دراسه الجزء الثاني بقلمي / Nemo
