نصيبك تحب مجنونه (زواج ام دراسه الجزء الثاني)

البارت الثالث

نصيبك تحب مجنونه
(زواج ام دراسه الجزء الثاني)
الحلقه الثالثه
$--------------$
تاني يوم الصبح صحيت شهد من نومها بنشاط ودخلت اخدت سريع وطلعت لبست وسرحت شعرها ع شكل ديل حصان وطلعت برا كانت سعديه وادم ع السفره
آدم : يا صباح القلق
شهد : صباح الفل يا عسليه. وقربت منها وباستها من خدها
سعديه بابتسامه : صباح الخير يا حبيبتي
شهد لادم : صباح الخير اندومي
ادم : اي اندومي دي
شهد : لانك شخص بتجيب المرض فسميتك اندومي
ادم : ماشي يا شوك.  نظروا لبعض بغيظ
سعديه : خناق ع الصبح مش عايزه
ادم وشهد : حاضر.  وفطروا بهدوء وسلموا ع سعديه ونزلوا
شهد: وصلني يا دومي
ادم : مش كنت اندومي
شهد : ده انت دومي حبيبي وصلني شالله يخليك
ادم : هتشحتي اركبي ياختي
شهد : حبك انا 😘
ادم : طفله وركبوا سوا ووصلها للشركه
شهد : هتوحشني يا حوبي
ادم : يا بنتي احترميني ده انا اخوكي الكبير مش حبيبك انا
شهد : انت روحي وانت بابا وانت ماما
ادم : وانت انور وجدي
شهد : ههههههههه اشطا باي
ادم ؛ باي يا حبيبتي    ونزلت وطلعت ع شركتها وراحت ع مكتبها وطلعت الفون بتاعهت لقت اكتر من ٥ اتصالات من جنه اتصلت بيها
جنه : اي يا جزمه يا حقيره يا
شهد مقاطعه : بس وداني باظت اي راديو
جنه: مبترديش لي ع طول انتي عارفه كنت حسه باي
شهد بخبث : كنت مع ادم وأنا عارفه انك مبتحبيش تسمعي صوته وغير كده كان بيكلم حد ف الفون بيني وبينك مردتش اقطع عليه
جنه بغيظ : وبيكلم مين بقي
شهد: بيكلم م. وانتي مالك اي الحشريه دي
جنه : شااااهد 😠
شهد بصوت مضحك : جننننه
جنه : كان بيكلم مين يا شوشو
شهد : شهقول عيب افتن
جنه : عبوشكلك يا شيخه
شهد : ثانكس ياروحي
جنه ؛ شهد يا روحي ارجعي الاكتئاب
شهد : تؤ تؤ كده احسن عايزه حاجه انا ف الشوووغل
جنه : ف الشوووغل ماشي ياختي بس متنسيش تقولي لي كان بيكلم مين هاااا
شهد بتصنع عدم السماع : الو الو
جنه ؛ اطرشيتي يا روحي يلا ف داهيه
شهد : تاخدك يا حب باااي. وقفلت معاها وهي بتضحك دخل عليها زميلها نادر
نادر : بقالنا زمن مشوفناش ضحكتك دي
شهد بابتسامة : اهلا يا نادر
نادر : ازيك يا شهد عامله اي
شهد : تمام وازي خطيبتك
نادر : ياااختي دي امبارح كانت عامله اي جنازه
ضحكت شهد : لي كده
نادر : عشان جبتلها شيكولاته بابلي بدل جلاكسي بقيت مش مهتم ومعرفش هي بتحب اي وموااال
شهد : هههههههههههههه لا كلنا كده متخافش
نادر : ههههههههه لا خايف يا شهد والله.  كان ده تحت انظار فارس اللي بيطلع نار وقرب منهم بغضب مش عارف سببه
فارس : اظن ده مكان شغل مش مكان تعارف
نادر : مستر فارس انا بس كنت بقول لشهد
فارس مقاطع : اسمها الانسه شهد واتفضل شوف شغلك. 
شهد ف نفسها : انسه يااارب وبصتله
شهد : حضرتك بتتكلم بعصبيه كده لي مش موضوع هو
فارس وهو يضغط ع اسنانه : اتعدلي يا شهد ومتجننيش
شهد : وأنت مالك انت كنت ولي امري وبعدين اي شهد دي مش انت قولت أن اسمي الانسه شهد ولا اي
فارس ضغط ع ايده وعروقه بانت وشهد خافت نوعا ما
فارس : أنا حر اناديكي زي ما انا عايز
شهد : حر ع نفسك
فارس بعصبية : شااااهد مسمعش صوتك نهاااائي. سكتت شهد نهائي من نبره صوته وهو بصلها جامد وبعدين مشي وهي قعدت ع كرسيها
شهد : ماله ده غريب اني وبعدين انا سكتله لي لم اتعصب عليا ويتعصب عليا باماره اي اووووف   وقعدت تركز ف شغلها ام ف المكتب ف دخل فارس وقعد ع الكرسي قصاد والده بغضب
شريف : ف اي يا فارس
فارس : مفيش يا بابا
شريف : مين اللي عصبك كده
فارس بدون وعي : شهد
انجي وهي داخله : شهد مين
فارس فاق لنفسه : ها لا دي موظفه
انجي بخبث : ايوووه شهد إللي حكتلي عنها
شريف : الله الله وانا معرفش
فارس بص لانجي بمعني ماااشي وبص لوالده
فارس : لا والله يا حج الحكايه مش كده
شريف : امال اي بقي
فارس : عادي يعني
شريف : امممم طب انا عايز اشوف البنت دي
انجي : وانا كمان يا فارس بليييز
فارس : لي يا بابا
شريف : عادي عايز اشوفها
فارس : حاضر يا حج. وطلب جيداء
جيداء : نعم
فارس : ابعتي الانسه شهد هنا
جيداء : لي ف حاجه
انجي : بابا عايز يشوفها
جيداء باستغراب : حاضر ثواني وتكون هنا
___________________&
ف المستشفى كانت قاعده جنه زهقانه مفيش حاجه تعملها وقعده تقلب ف الفون
جودي من وراها ؛ جوجووو
جنه بفرحه : جودي. وجريوا ع بعض وحضنوا بعض
جنه : حمدلله ع السلامه
جودي : الله يسلمك عامله اي ف الشغل من غيري
جنه : حزين من غيرك يا حب والله
جودي : طبعا يا بنتي هو انا اي حد
جنه : يا واثق انتي
جودي : طبعا اي أخبار صاحبتك
جنه بفرحه : فاقت ورجعت زي الاول
جودي : ايوه بقي
هاشم : جنه اخبارك
جنه : تمام وبعدين اي إللي انت عملته ده
هاشم : عملت اي والمصحف بريء يا بيه
جنه : البت رفعت اوي انت كنت حابسها
هاشم : مع أني مكنتش مجوعها ولا اي. جودي ضربته جامد ف صدره وضحك هو وجنه
جنه : ربنا يسعدكم
جودي بغمز : عقبالك يا جميل
جنه : ههههههههه يا مسهل
هاشم : بنتنا كبرت وعايزه تتجوز يا نااااس
جنه : انا سكتالك عشان جودي بس
جودي : اصيل يابو رحاب
هاشم : عايزينك تيجي تزروينا بقي هاااا
جودي : وقبل منك شهد لاني عايزه اتعرف عليها اوي
جنه : يعني المهم من الزياره دي شهد
هاشم وجودي : بالظبط
جنه : يبقي مش جايه هيه
هاشم : يبقي هتاجر باعضائك
جنه : لا يا هاشم لااا 😁✋
هاشم : لازم نخلص من العار
جودي : طخه بس متموتوش يا بوووي
الثلاثه : هههههههههههههه
جنه : احلي فريق عمل ولا اي
هاشم : عشان انا موجود بس
جنه لجودي : جوزك واخد مقلب ف نفسه اوي
جودي : حظي يا حبيبتي
هاشم : بتقولي حاجه يا روحي
جودي : ابدا يا حبيبي
جنه : يا مسيطر
جودي وهاشم : عيب عليكي
جنه : طب نشوف شغلنا بقي
جودي وهاشم : تمام.  وقعدوا يشوفوا الشغل
____________________&
وقفت هدي بغضب وهي بتتكلم ف الموب بتاعها
هدي : يعني اي مش هشوف حفيدي
المتصل :
هدي : اي اللي جرالك يا بنت بطني
المتصل :
هدي : متاكده
المتصل :
هدي : ماشي يا تسنيم ماااشي بس ابقي سلمي ليا عليه
المتصل :
هدي : ماشي سلام.  وقفلت معاها
هدي : اه يا صالح الكلب بقي لنا تمنعني من اني اشوف بنتي وحفيدي ماشي ليك روقه يا صالح المهم دلوقتي الزفته إللي اسمها شهد دي أكيد هتحاول تقول الحقيقة لابني بس هتستفيد اي لا هتستفيد انها تبعدني عن ابني وتخليني افقده وده اللي استحاله اقبل بيه مش هقبل أن واحده زي دي تبعدني عنه مش هسمح ليها انها تاخدك مني ولا عمري هقبل انها ترجع بيتي من تاني ابدا استحاله اقبل ببنت هند وتربيه سعديه ف بيتي لازم اخلص منها لازم.
وقربت من صوره متعلقه ع الحيطه لشخص وهي واقفه جنبه بفستان الفرح
هدي بغل : انت واهلي السبب انتوا إللي بسببكم انا هنا وسعديه عايشه حياه سعيده ..... بسببكم مقدرتش اعيش حياتي زيي زي اي بنت انا بكرهكم من قلبي ..... انتوا السبب أني بعدت عن حبيبي ...... وانت وشاورت ع جوزها انت كنت سبب ف دماري ...... بس الحاجه الوحيده اللي طلعت ييها هي تسنيم وابراهيم...... أنا عمري ما هغصب ولادي ع اي قرار ف حياتهم بس كله الا بنت اخوك ...... مستحيل اشوف دي ف بيتي.  وبعدت عن الصوره وقعدت تفكر في اللي هتعمله
_________________&
قفلت تسنيم مع امها وبصت لصالح إللي خرج من الحمام
تسنيم : نعيما
صالح : تسلمي يا قمري
تسنيم : قولتلها زي ما قولت ليا
صالح : مراتي شطوره وبتسمع الكلام يا نااس
تسنيم : يلا اي خدمه متتعودش ع الدلع ده كتير ها
صالح : طبعا الولد عامل اي
تسنيم : نايم دلوقتي
صالح : طب مش تقولي كده من الصبح
تسنيم : انت عايز اي
صالح : يعني انا راجل وعاطل النهارده عن الشغل ومش عايزه تدلعيني
تسنيم بغلاسه : ماانا تعبانه يا صالح الله
صالح قربها عليه : انا هنسيكي التعب كله يا عيون صالح وووو.   (عيب يا جماعه الله ميصحش كده )
___________________&
دخلت جيداء ع شهد
جيداء : صباح الخير يا شوشو
شهد : صباح الفل ع عيونك
جيداء : عامله اي
شهد : ميت فل
جيداء : بقولك مستر شريف عايزك
شهد باستغراب : مين مستر شريف
جيداء : ده والد مستر فارس
شهد : وعايزني انا لي
جيداء : علمي علمك
شهد : اممم طيب يلا بينا
جيداء : يلا. ومشيوا لمكتب فارس وجيداء خبطت ع الباب وسمعت اذن الدخول ودخلوا
جيداء : مستر شريف دي شهد
شهد بابتسامة : اهلا بحضرتك يا انكل شريف
شريف بابتسامة : شهد عامله اي
شهد: تمام حضرتك صاحب الشركه
شريف : اي رايك بقي
شهد : لا ده أنا كده ف توصيه جامده بقي.  طبعا ده تحت دهشه انجي وفارس وجيداء
فارس باستغراب : انت تعرفوا بعض
شريف : شهد دي بنتي الثانيه
انجي : وتعرفها منين يا بابي
شريف : عارفين استاذ محمود المحامي
فارس : ايوه صاحب حضرتك
شريف : بالظبط اهو بقي والد شهد كان صاحبي انا ومحمود وشهد كانت بتيجي معاه كتير
جيداء لشهد: يعني انتي كده مش غريبه
شهد : صدف 😂
انجي قربت منها بابتسامه : انا انجي
شهد : عسل يا جوجو
شريف : اي أخبار اخوكي
شهد : تمام ده هيفرح جدا لم يعرف اني شوفت حضرتك
شريف : ده أنا إللي فرحان اني جيت الشركه عشان اشوفك
انجي : حيث كده بقي يا بابا شهد تبقي تيجي معانا يوم ع الغدا واهو حتي نتعرف ع بعض
شريف : والله معنديش مانع
جيداء : اشطا وانا دايسه معاكم
شريف لفارس : مالك يا فارس مبتتكلمش لي
فارس : لا اعملوا إللي تشوفه
شريف : فارس مش عايزك تدايق شهد ها
شهد : حنن قلبه يا انكل
فارس : لا والله ع اساس اني بكلمك
شهد : للاحتياط مش اكتر
شريف : ماشي يا شوشو عايزك تبقي تشوفي اخوكي ومامتك وتبلغي فارس برايهم
شهد : ماشي يا انكل بجد انا فرحانه جدا اني شوفت حضرتك
شريف : انا اكتر
انجي : تعالي نقعد سوا
شهد ليهم : عن اذنكم.  وراحت هي وانجي بعيد
جيداء : ولا الروايات
فارس : بنت صاحبك بتشتغل ف شركتك بس هي كئيبه اوي
شريف : مين اللي كئيبه شهد انت متعرفهاش
فارس : ده ازاي
شريف بخبث : وانت مالك انت هتتجوزها
فارس : بابا
جيداء : اطلع انا ليقولوا بتدلع ع حساب جوز خالتها وابنه
شريف بضحك : ماشي يا حبيبتي روحي وانت يا استاذ شوف شغلك يلا
فارس : حاضر. وقعدوا ف شغلهم بس فارس مشغول بامر شهد ازاي مش كئيبه امال إللي هي بتعمله ده اي انا دلوقتي متاكد ان وراها حاجه
___________________&
عدا الوقت بسرعه وكل واحد رجع ع بيته وجنه راحت لشهد إللي كانت لسه موصلتش
جنه : يا قلبي الصغير سعديه هانم بنفسها إللي بتفتحلي لا
سعديه بضحك : ادخلي يا حبيبتي ادخلي
جنه : عامله اي يا قمر
سعديه : تمام يا حبيبتي انتي عامله اي
جنه : تمام امال فين هدهد
سعديه : لسه مجتش. خرج ادم من اوضته
ادم : جنه ازيك
جنه بكسوف : تمام وانت
ادم : تمام وازي عمو محمود
جنه : كويس
سعديه : طيب اقعدي يا حبيبتي عقبال  ما شهد تيجي
جنه : تمام وقعدت ع الكرسي وسعديه دخلت المطبخ وادم قعد جنبها
ادم : احم عامله اي
جنه : الحمدلله
ادم : وحشتيني
جنه بصتله : ميرسي
ادم : ميرسي إنتي بارده يا بنتي
جنه بصدمه : انا
ادم : بقولك وحشتيني تقولي ميرسي
جنه : امممم خلاص روح قولها لغيري انا جاهله
ادم : إنتي زعلتي
جنه : وازعل منك لي عادي. قطع كلامهم دخول شهد
شهد : جوجو عامله اي وراحت عليها حضنتها
جنه : تمام يا قلبي عامله اي انتي
شهد : تمام وبصت ف عينها اوي مالك
جنه : مفيش همشي انا بقي ماشي
شهد باستغراب : إنتي لحقتي تقعدي
جنه : كنت عايزه اطمن عليكي بس سلام. وقفلت الباب ومشيت
شهد : مالها يا ادم
ادم بكذب : مش عارف
شهد : والله
ادم : اها. خرجت سعديه من المطبخ
سعديه : الله جنه فين
شهد بصت لادم بغيظ : مشيت
ادم : مالك بتبصي كده لي
شهد : عادي
سعديه : طب يلا عشان تاكلوا
ادم : مش عاوز. وسابهم ودخل جوا
شهد : ولا انا هروح اشوف الواد ده
سعديه : ماشي ربنا يهديكم يا ولادي
دخلت شهد ع اوضه ادم لقيته قاعد ساكت
شهد : مش متعوده ع سكوتك انا
ادم : اوف انا غبي
شهد : لي
ادم : عشان زعلتها
شهد : ايوووووه عملتلها اي
ادم : بقولها وحشتيني تقولي ميرسي
شهد : وفيها اي
ادم : انتي هتجننيني
شهد : انت عايزها تقولك اي يعني وانا كمان باي حق ها كنت خطيبها جوزها
آدم : صح معاكي حق
شهد : روح كلمها بقي ها
ادم : ماشي
شهد : اه وقربت منه وقالت حاجه ليه بهدوء
ادم بدهشه : النهارده
شهد : ايووون
ادم : ماااشي بس انتي هتقدري
شهد : عيب عليك ده أنا شهد
ادم : اشطا يلا روحي بقي
شهد : اوووكي.  ودخلت اوضتها تاخد شاور
________________&
وصل شريف وفارس وانجي ع الفيلا
انجي : انا تعبت أوي
شريف : فعلا ربنا يكون في عونك انت وجيداء يابني
فارس : تشكر يا حج
انجي باست باباها من خده : هطلع انام انا بقي عشان تعبانه مووووت
شريف : ماشي يا حبيبتي وانا كمان طالع تصبح ع خير يا فارس
فارس : وانت من اهله يا بابا وطلعوا كل واحد ع اوضته
فارس : يا تري اي السر إللي مخبياه يا شهد ومش عايزه حد يعرف وبسببه متغيره
شريف : لازم اسعي عشان احقق جزء بسيط من واجبي
انجي : يا تري هيحصل مع فارس وشهد وهل ليهم مستقبل مع بعض.  كان ده اللي بيدور ف دماغ كل واحد فيهم
_____________&
وصل ابراهيم ع البيت ودخل غير هدومه وطلع قعد مع امه ع السفره ياكلوا بهدوء
هدي : عملت اي ف شغلك
ابراهيم : تمام
هدي : طيب مش ناوي تتجوز بقي
ابراهيم : ده قراري مش قرار حد
هدي : لحد أمتي يعني هتفضل كده
ابراهيم : ماما لو سمحت خلينا ناكل واحنا ساكتين
هدي بغيظ : ماشي يا ابراهيم ماشي.  وخلصوا اكل وقعدوا قدام التلفزيون لحد ما سكتوا بسبب صوت الجرس
هدي : مين ده
ابراهيم : ثواني هشوف.  وراح نحايه الباب وفتح واتفاجئ
ابراهيم بدهشه كبيرة : شاااااهد
__________&
بااااااس كفايه لحد هنا
تفتكروا شهد راحت هناك لي
اي هي خططتها
هدي هتعمل اي لم تشوفها
فارس هيقدر يعرف سر شهد
جنه وادم هيكونوا لبعض
ياتري هاشم وراه حاجه
توقعاتكم
#Nemo