نصيبك تحب مجنونه (زواج ام دراسه الجزء الثاني)

البارت الثامن

نصيبك تحب مجنونه
(زواج ام دراسه الجزء الثاني)
الحلقه الثامنه
★----------★
وصلت الشركه وهي متعصبه ودخلت جوا مهتمتش للي بيبصوا عليها وكملت طريقها
جيداء : شه...
بس شهد مردتش ودخلت ع طول وفارس اتنفض من مكانه وبصلها جامد بس النظرات مختلفه دي نظرات توهان وشوق ودي نظرات غضب وعصبية
شهد : انت مين انت عشان تقول جبانه ولا ضعيفه ولا اي زفت
فارس بعدم فهم : نعم
شهد بعصبية : ايوه اعمل عبيط
فارس بغضب : اتعدلي ف كلامك أنا ساكت بس لانك بنت صاحب بابا غير كده كنت وريتك مكانتك كويس
شهد : انت عايز اي مني مش انت قولتلي ابعدي وبعدت اعمل اي تاني
فارس : انا امتي قولتلك ابعدي
شهد : واضح انك بتنسي
فارس : الواضح أن انتي اللي بترجمي الكلام غلط
شهد : دي مشكلتي انا
فارس : لا يا هانم دي مشكله الشركه وانا مسمحش اني شركتي تقف
شهد : انا استقلت
فارس : وانا مش قابل استقالتك وما دام مش موافق يبقي إنتي لسه ف شغلك
شهد : وانا مش هشتغل ف شركتك
فارس بهدوء : شهد لو سمحت
شهد بعد تفكير : اااا... ماشي
فارس بسعاده داخليه : يعني هتشتغلي
شهد : بس ينفع مش دلوقتي
فارس : ماشي تقدري تيجي بكره
شهد : شكرا مستر فارس
فارس : ممكن اطلب طلب
شهد باستغراب : اتفضل
فارس : نبقي أصحاب وبلاش مستر دي.  ومد ايده وهي بصتله باستغراب وبعدين رفعت ايدها وضحكت وبعدين نزلتها
شهد بمشاكسه : افكر.  وسابته ومشيت وهو لسه ايده زي ما هي ومصدوم
فارس بغيظ : ماااشي يا شهد
طلعت برا وهي مبسوطه شعور من جواها وهي نوعا ما مبسوطه بالشعور ده وقابلت جيداء
جيداء : شهد انتي كويسه
شهد بصتلها : اه تمام
جيداء بتردد : وفارس عملك حاجه
شهد رفعت حاجبها : لا ..اشمعنا
جيداء اتنهدت : اوف الحمدلله
شهد : امممم
جيداء : مالك
شهد وهي ع نفس الوضع : ولا حاجه حاسه ان اتلعب عليا لعبه بس
جيداء بارتباك : ها لي بتقولي كده
شهد : لا ابدا بس عايزه اقولك حاجه انا لو مش عايزه اجي مكنتش جيت حتي لو كنتي عملتي اي باي يا جيدا.  وسابتها ومشيت وجيداء دخلت ع فارس لقته مبتسم ابتسامه بلهاء
جيداء بخبث : اي ده كله
فارس : جيداء ادخلي
جيداء : دي شهد ليها تأثير جامد بقي
فارس بغضب : جيداء
جيداء : خلاص يا عم انا اسفه
فارس : ماشي
جيداء : ماشي انا همشي بدري النهارده
فارس باستغراب : لي
جيداء رفعت ايدها اليمين قصاده وشاورت ع الخاتم : ده اي يا فارس
فارس ضحك : خلاص روحي ياختي روحي
جيداء ضحكت : سلام.  وسابته وطلعت تخلص شغلها وهو قعد مكانه وضحك بدون مبرر وكمل شغله
&&&&&&&&&
رجعت تاني على البيت ومعاها شنط كتير دخلت كانت هدي لسه ف اوضتها وسعديه كذلك دخلت اوضتها وسابت الشنط واخدت هدوم ودخلت الحمام اخدت شاور ولبست هدومها وعملت شعرها كحكه ونزلت بعد الخصلات ع وشها وطلعت تطمن ع مامتها كانت نامت باستها ع جبينها وطلعت عملت فشار وقعدت ع الكنبه وماسكه الفون وبتقلب فيه دخل ابراهيم البيت وهي متحركتش
ابراهيم بابتسامة : ازيك يا شهد
شهد بالامبالاه : اهلا
ابراهيم : احم امال ماما فين
شهد بصتله : ما دام مش هنا يبقي ف اوضتها أو مشيت معرفش
ابراهيم بضيق : إنتي بتتكلمي كده لي
شهد : دي طريقتي لو مش عاجبك متكلمنيش يااخي الله
ابراهيم وعلامات الغضب ابتدت تظهر عليه : شهد اتعدلي ف الكلام
شهد وقفت : ولو متعدلتش
ابراهيم : شهد
شهد ببرود : يا نعمين
ابراهيم : متعصبنيش عليكي
شهد : هههههههههههههه هتعمل اي.  ابراهيم هنا وصل لاقصي مراحل غضبه ومسكها من ايدها جامد ولوها ورا ضهرها وقربها منه جامد بس هي ف ثانيه ضربته تحت الحزام سابها وبعد وهو بيتالم
شهد : هو انت مقولتلكش مش انا معايا الحزام الاسود في الكارتيه
ابراهيم بوجع : لي تعملي معايا كده ؟؛
شهد : انت إللي اتخطيت حدودك
ابراهيم : شهد انا لسه بحبك
شهد : ههههههههه ضحكتني
ابراهيم : شهد متعمليش كده انتي اضعف من كده
شهد بصتله بالامبالاه : الفضل ليكم بقي خلتوني قويه
ابراهيم : شهد انا جوزك
شهد : لا لا كنت وحط تحتيها مليون خط لانها بتفرق
ابراهيم : خلينا نرجع لبعض يا شهد وصدقيني هعوضك عن اللي حصل
شهد : انت اهبل ولا بتستهبل
ابراهيم : شهد انا..
قاطعته : بقولك اي يابن عم.. ولا لا ما انت ميشرفكش اني اكون بنت عمك
ابراهيم بندم : شهد انا عرفت الحقيقة وافتكرت كل حاجه
شهد بذهول : عرفت .. ومعلمتش حاجه !! محاولتش تصلح صورتي خلتني نفس الصوره ف عيون الناس
ابراهيم : محدش هيصدق يا شهد
شهد ضحكت بوجع : صح .. ما انت ربنا يخليكي فضحتني ف كل مكان ولا يمكن نسيت لم رمتني بهدومي وطلعتني برا البيت وهزقتني وفضحتني
ابراهيم : وندمت يا شهد
شهد : هههههههههههه بطل استعباط بقي
ابراهيم : شهد
شهد بغضب : شهد شهد شهد .. انا كرهت اسمي بسببك ابعد عني احسنلك يا ابراهيم
هدي طلعت من اوضتها وف نفس الوقت جيه ادم
هدي : في اي ... انت بتعمل اي مع البت دي
ابراهيم بغضب : ماما متقوليش ع مراتي كده
هدي بصدمه : نعم مرا..اي
شهد بعصبية : مرات مين انت اتجننت
ادم : اعدل كلامك
بصله بتوعد : هترجعي مراتي يا شهد بارادتك غصب عنك هرجعك ليا
ادم ضربه بالبوكس جامد لدرجه ان هدي صرخت : يالهوووي انت اتجننت
ادم : شكلك اخدت عليها أوي بس مش مشكله انا هفوقك يا ابراهيم وبص لشهد خشي اوضتك
شهد دخلت جوا وجواها بركان ثائر
شهد : إنسان بارد مستفز .. شبه امه بن امه معرفش اي إللي خلاني اتجوز البني ادم ده .. بس معلش الواحد مبيتعلمش بالساهل ولازم يتقرص ... ورحمه ابويا لاوريكم كلكم يا عائله هدي
وقعدت تعض ف ضوافرها
ام برا ف ابراهيم وقف وبص لادم
ادم بنبره محذره : ابعد عنها احسنلك يا ابراهيم ياقسما بالله هنسي انك قريبي وهتشوف مني وش مش هيعجبك
وسابه ودخل ع شهد ورزع الباب جامد وشهد جامده مكانها
برا اخدت ابنها ودخلته اوضتها
هدي : ممكن اعرف أي لازمه القرف إللي أنت عملته برا ده .. واي الكلام السم اللي انت قولته ده
ابراهيم : مقولتش حاجه غلط وهرجعها يا امي
هدي بغضب : ترجع مين انت اهبل
ابراهيم بغضب : ماما دي حاجه خاصه بيا انا
هدي : مش هسمحلك تدخل الحربايه دي بيتي من تاني انت فاهم
ابراهيم : وازاي بقي هتحطيلي مخدر زي المره إللي فاتت وتجوزيني ع حد تاني ولا اي
بصتله بصدمه وتحدثت بتلعثم : ا..نت قصدك اي
ابراهيم : مش عايزنا نتكلم يبقي نتكلم .. ايوه انا عرفت أن الزفت ده ملمسش شهد .. وان انا اللي لمستها .. مراتي ولمستها .. بس طبعا كنا مغيبين عن الوعي .. محدش داري بحاجه مش كده
هدي بغضب : ابراهيم انت اتجننت انت بتتهم امك
ابراهيم بسخريه : امي .. اني ام ها امي إللي ع طول كانت في خناق مع ابويا .. امي إللي مكنتش بتهتم بينا مره ... امي اللي كانت ممكن تسيبنا بالاسابيع لي عشان متخانقه مع ابويا .. والحاجه الوحيده إللي كانت صح وحلوه ف حياتي انتي دمرتيها ليا .. مش كده
هدي بصتله بصدمه وقعدت ع الكرسي رجلها مقدرتش تشيلها
هدي بوجع : يااااا..ده انت شايل مني اوي .. مكنتش أعرف أني ام سيئه للدرجه دي .. بس انا عملت كده عشان مصلحتكم
ابراهيم بصلها : أني مصلحه دي ها .. مصلحتنا اي مصلحتنا ف اننا كل يوم نسمع خناق وزعيق .. مصلحتنا اننا كل يوم نقوم ع صوت الناس وهم بيفضوا بينكم انتوا وبابا .. دي حتي تسنيم بقت شبهك .. مبتشوفيش معاملتها لجوزها وابنها .. حرام عليكي .. دمرتينا كلنا
وسابها ومشي وهي بصت مكان ما مشي بفراغ وتوهان ودموعها ع خدها
هدي : كله منك يا شهد الكلب .. انا لازم اخلص عليكي بقي .. زي ما نهيت ع امك .. ولازم بسرعه.  وقعدت تخطط وتتوعد لشهد
ف اوضه شهد واقفه وادم واقف معاها قرب منها
ادم : ممكن افهم اتكلمتي مع الحيوان ده لي
شهد : ع اساس انا هموت واكلمه ياادم انت كمان
ادم : قالك اي الحيوان ده
شهد : بيستهبل عايزني ارجعله بس اديته اللي فيه النصيب
ادم باتسغراب : عملتي اي
شهد بابتسامة : ضيعت مستقبله
ادم بصلها وبعدين ابتسم  : اختي حبيبتي ..وتحولت ملامحه لجد شهد خلينا نمشي من هنا مش ناقصين
شهد بشر : لا يا ادم مش همشي من هنا .. أنا هرجع حقي منهم كلهم
ادم : شهد بس كل ده هيجي فوق دماغنا ف الاخر
شهد : متخفش عليا يا ادم وبعدين انت معايا وجنه وماما هخاف من اي
ادم حضنها : انا خايف عليكي يا شهد .. مش مستعد اضحي بيكي
شهد حضنته : ما دام انت معايا يبقي انا ف امان
بعدت عنه
شهد : الكلام خدنا واللي حصل وكده .. احضرلك عشا
ادم : لا اكلت برا.. واه جنه بتقولك رضي عليها
شهد اتنفست الصعداء : ربنا يسهل ان شاء الله
ادم باصها ع جبينها : تصبحي ع خير
شهد : وانت من اهل الخير يا حبيبي
سابها ودخل وهي قعدت شويه ومسكت فونها ورنت ع جنه
&&&&&
كانت قاعده ف اوضتها وبتكلم باباها
جنه : بس والله يا بابا أنا مكنتش اقصد
محمود بحنيه : عارف يا حبيبتي انتي مكنتيش تعرفي حاجه
جنه : انا بس عايزها ترد عليا عشان افهمها ان انا  مكنتش اقصد
محمود : معلش يا حبيبتي روحي نامي دلوقتي كلها يومين وارجعلك
جنه بابتسامة : ماشي يا بابا خلي بالك من نفسك ومتلبسش لبس حلو مش عايزه انك ترجع بعروسه
محمود ضحك : أمشي يابت يلا سلام
جنه ضحكت: سلام.  وقفلت معاه وف نفس الوقت اتصلت شهد ردت عليها بسرعه
جنه باسف : شهد إنتي كويسه .. انا أسفه والله العظيم مكنت اعرف انه هو.. انا اسفه والله
شهد : بس بس اي حنفيه واتكسرت اهدي شويه
جنه : انتي كويسه مدايقه مني
شهد : لا مش مدايقه منك خالص ..  إنتي ملكيش ذنب ف اللي حصل
جنه : صدقيني لو كنت اعرف مكنتش سمحت انه يقرب ليكي ابدا
شهد : عارفه يا حبيبتي عارفه
جنه بغضب : ولم انتي عارفه مكنتيش بتردي عليا لي يا عجل البحر
شهد : عادي كنت مخنوقه شويه وحصلت معاياااا شويه حوارات كده
جنه : اي اللي حصل
حكتلها إللي حصل معاها
جنه بقلق : وانتي عامله اي كويسه
شهد : ايوه كويسه متخافيش
جنه : فكك من الانتقام ده بقي أنا قلقانه منه اوي
شهد : إنتي عامله زي ادم بس متخافوش .. بقولك اي عايزه عنوان صاحبتك دي
جنه بغباء معهود : صاحبه مين
شهد: اللي معاكي ف الشغل اللي روحنا عندها
جنه : مين جودي
شهد : لا امها لا امها يا جنه
جنه : يعني إنتي عايزه ليه
شهد : ملكيش دعوه ابعتيلي العنوان ف مسدج بااااااي.  وقفلت معاها
جنه : يا تري عايزه العنوان لي يا شهد يا خوفي من المجهول.  وبعتتلها العنوان ونامت وشهد كذالك
&&&&&&
تاني يوم قامت شهد من نومها ع غير العاده واخدت شاور سريع ولبست بدله عشان الشغل وطلعت برا كانت سعديه عامله الفطار وادم قاعد
شهد بابتسامة : صباح الخير يا سوسو يا عسل. وباستها ف خدها
سعديه بابتسامة : صباح النور يا حبيبتي عامله اي دلوقتي كويسه
شهد : بكتيييير
آدم بصلها باستغراب : رايحه فين كده يا شهد
شهد وهي بتاكل : الشغل
سعديه : انتي لقيتي شغل تاني
شهد بتوتر : لا .. احم .. أنا رجعت نفس الشركه
ادم بخبث: لي مش دي بردو اللي مكنتيش عايزه تشتغلي بيها
سعديه : عادي يا ادم سيبها براحتها
شهد : بااارد.  وقامت من ع الاكل وقربت من اوضه هدي بهدوء وفتحت الباب براحه كانت هدي نايمه دخلت بهدوء وطلعت من شنطتها ازازه زيت ورمتها حوالين السرير وشويه قدام الحمام وطلعت ع برا بسرعه كان ادم وسعديه بيتفرجوا عليها
سعديه بلوم : لي كده يا شهد حرام عليكي
شهد وادم : خلينا نستمتع ياماما. وضحكوا
سعديه : ماشي يا ولاد يلا روحوا ع شغلكم ربنا معاكم.  نزلوا وكل واحد راح ع شغله
&&&&&
ف الفيلا عند فارس صحي مبسوط ع غير العادي واخد شاور ونزل تحت كانت انجي قاعده وجيداء وشريف وايمان
فارس بابتسامة : صباح الخير
الكل : صباح النور
انجي : اي الحلاوه دي يا فارس
فارس : انا ع طول حلو اساسا
جيداء : ابتدينا بالغرور إللي بالنسبة ليكم ثقه دي
فارس : عادي يعني
إيمان : ما شاء الله عليك يا فارس
فارس بابتسامة باهته : شكرا يا إيمان
جيداء : فارس هو انا ينفع مش اجي النهارده
شريف باستغراب : لي يا حبيبتي مالك
جيداء : حاسه أني تعبانه شويه
فارس بقلق : مالك .. روحتي لدكتور طيب
جيداء بابتسامة : اهدي يا فارس انا كويسه اهو ملوش داعي الدكتور
فارس : ماشي بس خدي بالك من نفسك ومش مهم الشغل
جيداء : شكرا يا فارس
فارس وقف : انا همشي بقي يا جماعه باي
وسابهم ومشي وانجي وقفت ووقفت ايمان
انجي : واحنا هنمشي عشان نلحق نروح الدرس
شريف : ماشي يا حبيبتي خلي بالكم من نفسكم
إيمان : متخفش علينا يا انكل احنا رجاله أوي يلا باي والف سلامه يا جيداء
جيداء : الله يسلمك يا ايمي   ومشيوا البنات وجيداء طلعت شريف اوضته ودخلت اوضتها وقعدت ع السرير وبصت ع دبلتها بالم
جيداء : ياتري هتفضلي ف أيدي ولا هيجي يوم وهقلعك فيه. وقلعتها وفضلت مسكها ف ايدها وهي بتفكر ف مستقبلها
&&&&&&
ف المستشفي
دخلت جنه المكتب بتاعها وقعدت لقت جودي دخلت عليها
جودي : جنه انا اسفه .. اسفه حقيقي انا إللي قعدت اذن ع ودانك عشان تعرفيني عليها.. بس والله العظيم والله العظيم ما كنت اعرف ان هاشم يعرفها .. والله العظيم ولا كنت اعرف ان ف حاجه زي دي. وعيطت
جنه حنت وقربت منها وحضنتها : هششش انا مصدقاكي .. عارفه أنك ملكيش ذنب ف إللي حصل ده
جودي : أنا مستعده اعتذر رسمي لشهد والله
جنه ابتسمت : لا مفيش حاجه تستدعي لده وع فكره شهد اخدت عنوانك
جودي باستغراب : لي
جنه مصمصت شفتيها : مش عارفه والله بس اكيد هنعرف
جودي : ربنا يستر .. بالنسبه لها..
قاطعتها : لو سمحت يا جودي مش عايزه اسمع اسمه نهائي كفايه ان هو السبب ف تعب صاحبتي طول السنين اللي فاتت دي انا مكنتش متخيله انه كده انا كنت فاكره راجل جدع وكنت بعتبره اخويا
جودي بحزن : انا نفسي اتصدمت فيه صدقيني بس انا اسفه مره تانيه ع إللي حصل بعد اذنك.  وسابتها وطلعت وجنه قعدت ومسكت فونها وقعدت تلعب فيه
&&&&&&
وصلت شهد الشركه وراحت ع مكتبها وسلمت ع أصحابها وجيه زميلها اشرف
أشرف بابتسامة : الشركه كلها نورت
شهد بابتسامة مجامله : ميرسي استاذ أشرف
أشرف : لا أستاذ اي خلينا عادي
شهد : ماشي يا اشرف
أشرف : كنتي غايبه لي من الشركه لو مفهاش تطفل يعني
شهد : لا عادي ف شويه مشاكل كده بس رجعت عادي
عدا فارس من قدام القسم بتاعها عشان يشوفها جت ولا لا بس شاف اشرف ونوعا ما اضايق
فارس بصوت جمهوري : اي اللي بيحصل ده
أشرف بارتباك : استاذ فارس .. اهلا وسهلا
فارس : اعتقد استاذه شهد وراها شغل كتير محتاجه تخلصه
أشرف باندهاش : بس هي متكلمتش
فارس بحزم : وانا صاحب الشغل واعرف الشغل اكتر منك ولو عايز تفضل ف شغلك اتفضل أمشي ع القسم بتاعك ومشفوكش هن خالص
أشرف بص لشهد بس ملاقاش اي رد فعل فمشي بهدوء ام شهد فاتكلمت
شهد بهدوء عكس العاصفة إللي جواها : ممكن افهم اي اللي حضرتك عملته ده
فارس بجديه : اظن ان ده مكان شغل مش مكان للكلام والتعارف
شهد: وحضرتك انا مش محتاجه حد يوجهني انا اعمل اي او معملش اي وانا مردتش ع كلام حضرتك مش عشان خوف منك ابدا بس احتراما ليك مش اكتر لكن بعزه جلاله الله لو اتكررت تاني انا مش هقدر امنع لساني وبعد اذنك بقي ورايا شغل
وقعدت ع مكتبها ولا اكنه واقف وهو بيبصلها  بصدمه محدش اتجرأ يرد عليه كده سابها ومشي وهي ابتسمت شعور جواها فرحها ان مرضاش حد يكلمها بس شعور قلق ف نفس الوقت قلق وخوف من المجهول خوف من شيء هي مش عايزاه يحصل
&&&&
انتهي اليوم بسرعه وطبعا مخلاش من طلبات فارس لشهد كل شويه باسباب مختلفه وهي نوعا ما كانت مستمتعه بكده ورجعت ع البيت بس وهي قدام الباب رجعت ف كلامها ومشيت ع مكان تاني
&&&&
ف البيت عند تسنيم كانت قاعده وبتتخانق مع ابنها
تسنيم : يابني اتهد بقي
علي : إنتي غريبه أوي ياساتر
تسنيم بغضب : انا غريبه يا قليل الأدب ما انا معرفتش اربي
علي : طب كويس انك عارفه.  وسابها وجري ع تحت وهي بتجري وراه
تسنيم بغضب : ماشي يا حيوان هو انت هتبات تحت ما انت هتطلع
علي من ع السلم: مش طاالع.  وجري ع تحت
تسنيم : حيوان.  وقعدت وهدي اتصلت عليها
تسنيم : ازيك يا ماما
هدي : مش وقت سلامات عملتي اي ف إللي قولتلك عليه
تسنيم : اهو بحاول أوصل لحاجه
هدي : متحاوليش إنتي لازم توصلي
تسنيم بشك : هو ف اي يا ماما
هدي : ف ان البت دي جابت اخرها معايا ولازم اخلص منها والا هقتلها بنفسي متتصليش عليا غير لم تلاقي اللي قولتلك عليه.  وقفلت ف وشها
تسنيم : يا تري عملتي اي يا شهد عشان توصليها للحاله دي !؟
&&&&&
وصلوا ع البيت بس زي الأغراب دخلوا وهو قرب منها
هاشم : جودي انا اسف بقي ارجوكي انا مش قادر اعيش من غيرك
جودي بسخرية : إللي عملته فيها اديك بتدوقه بس الفرق أن مفيش فضيحه حصلت
هاشم : جودي دي حاجه كانت ف الماضي يعني مينفعش تحاسبيني عليها
جودي : مكنتش احاسبك عليها لو مكنتش مأثره معانا دلوقتي ياريتها كانت انتهت زمان بس دي رجعت تاني وظهرت قدامي
هاشم : انا كنت شب طايش مكنش ف دماغي حاجه
جودي : وادينا بندفع تمن طيشك دلوقتي ابعد عني يا هاشم
وسابته ودخلت اوضتها وهو قعد مكانه ضايع مش عارف يعمل ايه رن جرس الباب وراح يفتح واتصدم
هاشم بصدمه : إنتي
شهد بجمود : مش هتقولي ادخلي ولا اي مش إحنا كنا احباء بردو وعشاق
&&&&&&&
بااااس كفايه لحد كده
تفتكروا هيحصل اي
توقعاتكم
#Nemo