نصيبك تحب مجنونه (زواج ام دراسه الجزء الثاني)

البارت الحادي عشر

نصيبك تحب مجنونه
(زواج ام دراسه الجزء الثاني)
الحلقه الحاديه عشر
★★★★★★★★★★★★
فارس بضيق : خلصي بقي ولا عاجبك وقفتك ف الشارع والرايح والجاي يبصوا عليكي
شهد : اظن ملكش دخل ف كده انا حره
فارس بغضب : اركبي يا شهد
شهد بعصبية : مش متزفته .. روح انت
جيداء : معلش يا شهد وقفتك ف الشارع مش حلوه وبعدين يا ستي ماانا معاكي ف نفس العربية
شهد : .....
جيداء : معلش يا شهد تعالي ع نفسك
شهد بضيق : حاضر يا جيداء حاضر. وركبت معاهم بهدوء وصمت وسط نظرات فارس ليها وهي متجاهلها تماما وبتحاول تكون هاديه وتخفي التوتر إللي ظهر عليها فجأه
&&&&&&&
ادم بجدية : انا هخش ف الكلام ع طول .. هدي إللي قالتلك أن شهد بنت . وسكت وغمض عينه بوجع أن شهد مش اختي ؟؟؟؟؟
سكت مهاب وبص لادم بسكات
ادم بغضب : رد عليا يا مهاب
مهاب بحزن : ايوه يا ادم
ادم : وأنت اي اللي ثبتلك كده
مهاب : لان هدي كان معاها دليل وأنا شوفته
ادم : واي كان دليلها
مهاب : اسألها هي السؤال ده مش أنا يا ادم
ادم : بس انت عارف
مهاب : وانت متعرفش .. دي حاجه خاصه بيكم انتوا مش انا
قام ادم من مكانه بضيق وطلع من الكافيه كله وهو حاسس بخنقه معقول شهد مش اخته طب لو مش اخته ابوه مقلش لحد ليه ؟؟ معقول اتبناها .. بس لا الورق بتاعها بيقول انها بنت هند ياااارب الصبر والبصيره من عندك
مشي ادم ع بيته يمكن يرتاح بس اللي قرره ان محدش لازم يعرف الحقيقة غير لم يتأكد منها اتصل بجنه واعتذر انه مش هيقدر يروح ليها وهي تقبلت الوضع بس من جواها قلقانه
&&&&&&&&&&&
تسنيم وهي بتقعد جنب مامتها : متخافيش عليه ابنك عندي
هدي : والله الواد ده هيشلني معرفش بيحبها ع اي
تسنيم بسخريه : مرايه الحب عميا بقي .. بس انتي عملتي ايه خلتيها تسيب البيت
هدي: ولا حاجه لعبت ع الوتر الحساس مش اكتر
تسنيم بفضول : إللي هو؟؟
هدي : لا ده بتاعي أنا بس ف الوقت المناسب هقولك
تسنيم : حاسه أنك مخبيه حاجه كبيره يا دودو
هدي : مش كل حاجه ينفع تتقال
تسنيم : ده احنا ف الهوا سوا
هدي بسخرية : انتي لا هبله لا عبيطه .. لانك لحد دلوقتي متعرفيش اي حاجه .. ف سؤال واحد عايزه اسأله ليكي . انا بكره شهد وعائلتها كلها لسبب قديم .. إنتي بتكرهيهم ليه
تسنيم بغموض : لسبب قديم
هدي : اللي هو ؟؟
تسنيم بسخريه ؛ لا ده بتاعي أنا ف الوقت المناسب هقولك .. مش كل حاجه ينفع تتقال .. سلام يا مامتي
وقامت من مكانها ومشيت وسط نظرات هدي الغاضبه
هدي : ماشي يا بنت هدي .. ماشي يا تسنيم هقول اي ماانتي من نفس النسل بس أكيد هعرف سبب كرهك الغير مبرر
&&&&&&
وصل فارس عند بيت جيداء ونزلت هي وشهد
جيداء باستغراب : انتي ساكنه هنا ؟
شهد : لا بس هاخد تاكسي
نزل فارس من العربيه عشان يشوف ف اي : لي أن شاء الله
شهد : اعتقد حريه شخصيه
جيداء : حريه اي يا شهد .. اقعدي مع فارس هيوصلك
شهد : لا شكرا كفايه لحد هنا والبيت مش بعيد قريب
فارس : أنا مش هاكل منك حته حضرتك .. فلو سمحت اركبي
جيداء : خلاص بقي يا شهد ولو قرب منك اعملي فيه زي ما عملتي مع الراجل واتوصي بقي
ابتسمت بهدوء وهزت راسها وركبت وجيداء غمزت لفارس وضحكت وهو شتمها ف سره وركب جنب شهد
فارس : خسرتي حاجه بقى
شهد : بص بقي عشان انا أصلا مش طايقه الهدوم إللي عليا من الصبح
فارس : ده ليه أن شاء الله
شهد باندفاع : إزاي تكدبني وتصدق المتخلف الثاني ده .. لو انا عايزه اعمل حركات حضرتك كنت عملت مش محتاجه امثل بس هو فعلا قليل الأدب وكان محتاج يتربي
فارس بهدوء : خلصتي كلامك .. ممكن افهم بقي مين اللي قال اني كدبتك
شهد : اسلوبك وطريقتك إللي كلمتني بيها قدامه انا سكت بس عشان انا ف شغل وبعدين ده كان محتاج تربيه من اول جديد يحمد ربنا اني كنت مش فاضيه ليه اصلا
فارس : اولا انا مش محتاج ابرر أفعالي بس معلش .. لو علي كدبتك انا مكدبتكيش لأن شكله لوحده كان كافي وغير كده لو فعلا كان بيتكلم صدق كان ايه جابه لمكتبك .. ثاني حاجه عشان انا متأكد انك مش كده .. البنت إللي تدافع عن واحده غريبه وهي متعرفهاش وتكون عايزه ترجعها لاهلها من غير ما تفكر في العواقب اكيد مش كده
سكتت وهي بتسمع كلامه باستغراب أول مره حد فعلا تحس انه مش بيمثل ف كلامه معاها ولا انه بيقولها اي كلمه عشان تهدي وخلاص اول مره تشوف حد واثق فيها بالطريقة دي!
مشي فارس بالعربيه من غير ما يتكلم تاني وهي بصت ليه باسف واتكلمت بهدوء
شهد باعتذار : اسفه
فارس : بجد ولا كلام
شهد : علي فكره انا مش متعوده اعتذر لحد ها
فارس بضيق : ايه لازمه اسفك بقي بعد الكلام ده
شهد بضيق : ما قولنا اسفين بقي الله
فارس : هقبل اسفك بشرط
ضيقت عينها بترقب لشرطه واتكلم وهو بيشوف رده فعلها : نبقي أصحاب ايه رايك
شهد : اول حاجه ركز في الطريق لأني مش عايزه اعمل جناح ليا ف المستشفي بقي .. ثاني حاجه ليه انا؟؟
وقف العربية خالص وهو بيبصلها : ليه إنتي ايه؟؟
شهد : ليه انا إللي انت عايز تصاحبها بالذات ؟؟ .. ف كتير اكيد عايزين يكلموك
فارس بتنهيده : مش عارف .. كل اللي عارفه اني عايز اننا نبقي اصحاب
شهد : اجابه مش مقنعه يابشمهندش
فارس : لأن لو قولتلك اي اجابه تانيه هبقي كداب لأن انا حقيقي مش عارف
شهد بابتسامة : وانا موافقه .. بس هتستحمل
فارس : اسف؟؟
شهد : اصل اللي بيصاحبني بيتجنن
فارس بضحك : لا متخافيش انا مجنون لوحدي اصلا
شهد : يبقي علي خيرة الله .. اتحرك بقي عشان هتأخر كده
فارس : من اولها كده .. لا فكك من الصحوبيه ديه
شهد : مش بمزاجك وقالت بلهجه امر مضحكه اتحرك يا استاذ
فارس بضحك : حاضر يا هانم
ومشي وهو مبسوط انهم بقوا أصحاب يمكن يقدر واحده واحده يفهم هي فيها ايه لان عارف ان وراها سر وسر كبير كمان بس بهدوء هيقدر يفهم ده .
شعور غريب جواها من موافقتها للحظه خطر علي بالها انها ترفض بس وافقت وافقت علي صداقه وهي عارفه من جواها انها مش مجرد صداقه عاديه وأنها حاجه تانيه هي مش عايزه تفسرها ولا تفهمها لأنها مش مستعده تعيد نفس التجربه من جديد مش هتقبل بحد جديد في حياتها لأنها مش هتقبل تتوجع من جديد حتي لو هتقضي علي قلبها قطع تفكيرها صوت الفون وهو بيرن وكأن كارثه حصلت لقت المكالمه من جنه إللي خلا قلقها يزيد
شهد وهي بترد بقلق : في ايه يا جنه مالك ؟؟
جودي ببكاء : شهد انا جودي مش جنه .. شهد هاشم اتحبس مرات عمك حبسته .. ارجوكي ساعديه يخرج يا شهد
شهد بغضب : إنتي بتقولي ايه .. وهو ايه إللي خلاه يروح هناك من اصله
جودي : هو راح عشان ينتقم منها عشان حاسس انها السبب ف كل ده .. بالله عليكي ساعديه يا شهد .. ارجوكي
جنه بعد ما اخدت الفون: شهد أنا اسفه بس انتي مش شايفه شكلها دي منهاره .. بس متاخديش خطوه من غير ما تبلغي اد.. الو شهد شــــهـــد
ولكن شهد قفلت بغضب وفارس بيبص ليها باستغراب وقلق
فارس بقلق : في اي يا شهد
شهد بحده : اطلع على العنوان ده بسرعه
وقالت علي العنوان وهو مشي وهو مش فاهم حاجه وحاول يفهم منها بس موصلش لاجابه لانها مكنتش مركزه معاه من اصله
&&&&&&
كان قاعد علي اللاب بتاعه وهو بيشوف شغله بتمعن وصوت فونه جنبه بيزعجه لحد ما شاف ان جنه رنت عليه اكتر من مره إللي خلاه يرن عليها بسرعه
جنه بغضب : نفسي ارن عليك من اول مره ترد
ادم بحده : في ايه يا جنه وبتكلميني كده ليه
جنه : شهد يا ادم
ادم بقلق : مالها شهد .. ف ايه
جنه : هاشم راح لهدي عشان يتخانق معاه لبسته قضيه اعتداء وجودي كلمت شهد وزمان شهد راحت ليها وانت عارف شهد مجنونه
ادم بغضب : وهي جابت رقمها منين
جنه بحرج : كلمتها من عندي
ادم : يالله منك يا جنه يعني انتي متعرفيش شهد يعني إزاي تقوليها علي حاجه زي دي وجايه تكلمين دلوقتي اقفلي يا جنه اقفلي
جنه : انا رايحه ليها ف الطريق اهو سلام
وقفلت معاه وهو شتم ف سره : كانت ناقصه يا جنه ناقصه هي انك تيجي انتي كمان يااارب
وقام بسرعه من مكانه وسعديه شافته
سعديه بخوف : ف ايه يا ادم .. اختك فيها حاجه
ادم بهدوء مصطنع ؛ مفيش حاجه يا ماما متقلقيش دي حاجه ف الشغل بعد اذنك عشان الحقها
ونزل بسرعه قبل ما يسمع كلمه تانيه وهو بيدعي انه يلحق شهد قبل ما تعمل حاجة ف هدي أو العكس
&&&&&&&
وصلت العربية وهي نزلت منها بسرعه وهو طلع وراها مش عارف لي بس طلع معاها وهي خبطت ع الباب جامد لحد ما فتحت زقتها جامد ودخلت  بسرعه تبص حواليها
شهد : هي فين
تسنيم بغضب : إنتي داخله مغاره ولفت نظرها فارس ومين ده كمان واحد جديد
ضربتها قلم جامد لدرجه وقعت ع الارض
شهد بصوت كفحيح الافاعي : إنتي محتاجه تربيه من اول وجديد ظاهر عليكي كده
طلعت هدي من الأوضه بغضب : إنتي اي إللي جابك هنا يا حيوانه
شهد بغضب : اللي حبستيه تطلعيه يا هدي
هدي بسخريه : هو يخصك ف حاجه
شهد بتحدي : اه يخصني يا هدي
هدي : لي ولا اشتقتيله
شهد : قولي انك خايفه يعترف عليكي قدام ابنك وساعتها الله اعلم اي اللي هيحصل
هدي بغضب : أنا مفيش حاجه بتقف قصادي يا بنت هند وانتي عارفه ده كويس وزي ما دخلته ف السجن اقدر ادخل الف غيره
شهد بعصبية : وانا مش ماشيه من هنا يا هدي غير لما تطلعيه والا قسما بالله هعمل تصرف تندمي عليه طول حياتك
هدي : وهتعملي ايه أن شاء الله .. ايه هتصرخي ف وشي ولا هتمدي ايدك عليا
شهد: لا هعمل كده.
ومسكت سكينه كانت قريبه منها ومسكت تسنيم من شعرها وحطت السكينه علي رقبتها وفارس وهدي بيبصوا عليها بصدمه
هدي بصراخ : انتي اتجننتي .. ابعدي عنها
شهد بغضب : اقسم بالله انا ما فارق معايا حاجه ومش هيهمني سجن مش سجن طلعي إللي حبستيه
تسنيم : ابعدي عني ي مجنونه
شهد : أنتوا لسه شفتوا جنان .. قولي لامك تتنازل عن المحضر وإلا تقول عليكي يا رحمان يا رحيم
فارس : اهدي يا شهد مش كده .. نزلي السكينه ديه
بس شهد ولا اكنها سمعت حاجه منه او بالأصح هي فعلا مش واخده بالها منه
هدي ببرود مصطنع : مش هتقدري تعمليها .. إنتي اضعف من انك تعملي كده
شهد : دي شهد القديمه فاكرها لو إنتي فاكرها فاانا نسيتها .. معاكي خمس ثواني يا تمسكي تليفونك تتنازلي وإلا ورحمه امي لارحمك علي بنتك وتعرفي ان الله حق يلااا
دخل ادم وجنه بسرعه وهم بيبصوا علي المنظر بصدمه
ادم بقلق : شهد إنتي بتعملي ايه .. نزلي الزفته إللي ف ايدك دي
شهد : لا يا ادم مش هسمع كلامك المره ديه
جنه : شهد انتي مش قاتله قتله
شهد : هي السبب .. هي اللي وصلتنا لهنا يلا يا هدي هانم قررتي ايه
كل ده وتسنيم بتعيط جامد وبتبص ليهم يمكن ينقذوها بس محدش قادر يقرب لأنهم عارفين ان شهد ممكن فعلا تقتلها لأنها ف مش ف حالتها الطبيعية اما بالنسبه لفارس فهو مصدوم من إللي شايفه فعلا البنت دي غريبه وغريبه اوي كمان مش هي دي الهاديه المسالمه اللي كان بيشوفها
شهد : الوقت خلص وقرارك وصل
كاانت هتحرك السكينه علي رقبتها والكل بيصرخ باسمها وهدي صرخت
هدي : هتنازل هتنازل
ومسكت الفون بتاعها قدام الكل واتنازلت عن المحضر وشهد بعدت السكينه ورمت تسنيم ناحيتها وادم وجنه جريوا عليها وفارس انسحب بهدوء من الموقف
ادم بقلق : انتب كويسه .. شهد إنتي كويسه
شهد : انا كويسه .. متقلقش
جنه : ايه الجنان إللي إنتي عملتيه ده يا شهد .. دي كانت هتموت
شهد : تموت ميهمنيش
هدي بغضب : والله ما هسيبك ف حالك يا شهد .. وهوريكي إزاي ترفعي السكينه علي بنتي كويس
شهد بحده : والله إنتي محتاجه تتربي بس انا مش هرد عليكي .. اعلي ما ف خيلك اركبيه وصدقيني لو عملتي حاجه تاني إنتي إللي هتندمي مش انا وأنتي شوفتي وده اول تحذير يا هدي
وسابتهت ونزلت ووراها ادم وجنه وهم بيحاولوا يفهموا عملت كده ليه
ادم : إنتي ملقتيش غير الطريقه المجنونه ديه يا شهد
شهد : الناس دي لو اتعملت معاها بعقل هتخسر مش هتكسب لازم تتعامل بقله ادب
جنه : بس مشوفتيش وش تسنيم كانت هتموت
شهد : يلا ف ستين داهيه هي وامها
ضحكوا بهدوء وركبوا بس بدل ما يروحوا راحوا لجودي وهاشم إللي كان لسه واصل للبيت دخلوا جوا وهاشم اول ما شفهم وقف
شهد بعصبية : عايزه افهم عقلك كان فين وانت رايح ليها برجليك انت مجنون
هاشم بغضب : لانها تستاهل تموت .. إللي زي دي لعنه ع الارض
ادم بغضب : يعني انت إللي ملاك
هاشم : بس مش زيها .. أنا مش زيها ع الأقل انا كنت عايز فلوس وشاب طايش مش فاهم حاجه
جنه : بطل تقول الجمله المستفزه دي لانه عذر اقبح من ذنب
هاشم : ماشي انا معاكي بس بردو هي السبب بسببها انا حياتي كلها اتدمرت من ساعه ما قبلتها وقبلت الزفت إللي اسمه مهاب وانا حياتي كلها اسودت
شهد : تقوم تروح ليها بنفسك عشان تقضي عليك
هاشم : انا استاهل استاهل كل إللي يجري ليا لانه هيبقي عقاب من ربنا
شهد : بس للاسف وجودك مهم وبالذات في الفترة دي
ادم باستغراب : اشمعنا يا شهد
شهد بابتسامة خبيثه : لاننا هنعمل فوضي
&&&&&&
نامت ف حضنه وهي بتعيط من الخوف
صالح بضيق : ميه مره قولتلك ابعدي عن امك ومشاكلها بس ازاي تسمعي كلامي
تسنيم : يعني كنت عايزني اعرف ان امي ف مشكله ومروحش ليها
صالح بحده : وانتي راجل عشان تروحيلها
تسنيم بغضب : صالح متكلمنيش بالطريقه ديه
صالح : اني طريقه انتي مش نافع معاكي غير أن الواحد يمد ايده عليكي
شهقت باستنكار : عايز تمد ايدك عليا
صالح : واكسرك كمان مادام غبيه
تسنيم : انا مش غبيه
صالح : امال إللي عملتيه ده اسه ايه ها ... نزلتي وقولتي رايحه اقعد مع امي وأنتي كنتي لسه راجعه من عندها وقولت ماشي خليها يمكن عايزه تقولها حاجه نسيت تقول عليها المره إللي فاتت نبهتك كام مره انا متدخليش ف حاجه
تسنيم : ده كان هيعتدي علي امي
صالح : وحطل ايه محصلش حاجه امك بلغت البوليس وجم خدوه من قبل ماانتي تيجي .. وكنتي هتبقي ضحيه النهارده لولا ستر ربنا
تسنيم : شهد مكنتش هتعملها
صالح : وانتي مين قالك تعرفي هي جواها ايه من ناحيتك .. هي حاجه ومش هعيد تاني يااحنا لامك
تسنيم بصدمه : قصدك ايه
صالح : اللي فهمتيه يا تسنيم لأني مش هقبل ان ابني يكون يتيم عشان غبائك ف ياحنا يا امك والكوره في ملعبك يا بنت الناس .. عشان كده يبقي عداني العيب وزيادة واي رد فعل هاخده بعد كده متلوميش غير نفسك عليه.. اه واعرفي انه متوقف عليه ابنك كمان
تسنيم : هتحرمني من ابني
صالح : لو مش هتقدري تربيه صح وهتربيه بطريقتك دي يبقي اه هحرمك منه لأني مش هقبل انه يكون نسخه من طباعك فكري وشوفي هتعملي ايه
وبعد عنها وقام من مكانه برا وهي بتبص للفراغ بدهشة من اللي سمعته معقول هيتخلي عنها بالسهوله ديه معقول هتتقلب اللعبه عليها لا والف لا مش هتقبل ان ده يحصل
تسنيم بغل : ماشي يا شهد انا تخلي صالح يقارني بينه وبين اهلي ويخليني زي التلميذه الصغيرة بسببك والله ما هسيبك ف حالك وبكره تشوفي
&&&&&&&&
ادم بحده : انتي اتجننتي يا شهد
شهد : ده العقل بعينه ياادم
جودي : بشمهندس ادم معاه حق ده جنان
جنه : بالعكس إحنا هنلعب بس بنفس طريقتهم
شهد لجنه : بالظبط كده .. إحنا بنلعب بنفس الأسلوب بس مع شويه قواعد من عندنا
هاشم : بس بالطريقة دي مستحيله
شهد بسخريه : مفيش مستحيل يا هاشم .. الناس دي معندهاش مستحيل معايا ولا مش معايا
وحطت ايده ف الناس وجنه حطت ايدها وجودي وبعدين هاشم وادم بصلهم بضيق وبعدين اتنفس بعمق وحط ايده معاهم
شهد بضحكه خببثه : كده اللعب ابتدأ يا عيله عمي والعين بالعين والسن بالسن والبادي اظلم
ومشيوا من عند جودي وهاشم مع وعد بالاتصال وكل واحد يقول أخبار للثاني
شهد : يوم كان صعب من اوله
جنه : فعلا اليوم كله مكركب علي بعضه
بصت شهد لادم لقته بيبص لجنه وجنه مش بتبص ليه حته وحست ان ف حاجه بينهم
شهد : احم طب انا هستناك ف العربية هاتي المفاتيح
واخدت المفاتيح ومشيت عشان تسيب مجال يتصالحوا سوا
ادم باسف واضح : انا اسف علي طريقتي معاكي النهارده
جنه بحزن : لا عادي وانت عملت حاجه
ادم : جنه انا فعلا اسف ارجوكي متعاملنيش كده
جنه ببكاء : انت زعقتلي يا ادم عشان كنت خايفه على شهد وعلي جودي .. انت كلمتني باسلوب وحش اوي
ادم : حقك عليا بس انا كنت قلقان مره واحده تقولي ان شهد رايحه لهدي برجلها عشان تحرر واحد هو سبب تعاستها لا وفوق ده إنتي إللي قولتي ليها بنفسك وأنتي عارفه ايه ممكن يحصل
جنه : صدقني مكنتش مركزه وانا عمري ما هضر شهد وانت عارف كده عشان كده اتعصبت لما مردتش عليا من اول مره عشان كنت خايفه عليها
ادم : عارف ومقدر ده بس سامحيني الضغط جامد عليا اوي اليومين دول
جنه : مالك يا ادم .. المفروض تيجي تتكلم معايا انا هفهمك
ادم ف نفسه : اتكلم اقول ايه بس اذا كان انا نفسي مش مصدق اللي عرفته
جنه : ادم انت كويس
ادم : اه كويس .. بجد متزعليش مني يا جنه لو سمحت ولو مره زعلتك اضربيني
جنه بابتسامة : مش هتقولي تعالي اشتكي ليا انا اكننا اصحاب والجو ده
ادم : لا ده جو قديم مبياكلش عيش ده .. ده بتاع الناس المنحنحه انما احنا بنحب الجد
ضحكت بهدوء وهو ابتسم ليها ؛ خلاص مش زعلانه
جنه : ايوه مش زعلانه .. سلام بقي عشان كده مش هروح
ادم : لما توصلي كلميني باي
جنه : سلام. 
مشيت لعربيتها وادم راح لعربيته ولقي شهد قاعده مكانه بصلها بسخرية وهي قابلته بابتسامة بارده وقعد مكانها
شهد وهي بتشغل العربية : اربط حزامك بقي
ملحقش يسأل عن السبب لأنها شرحتله بسرعتها إللي مشيت بيها ولا اكنها ف سباق مش ماشيه ف شوارع عامه وبعد شويه كانوا داخلين البيت بهدوء وهم بيتسحبوا ودخلوا اوضه شهد
ادم : مش عايزين ماما تعرف حاجه عن إللي حصل عشان متقلقش
شهد : انا فعلا كنت هقولك كده
ادم : مش عايزه تقولي حاجه
شهد بارتباك: حاجه ايه
ادم : يعني اي حاجه .. عشان حاسس انك مخبيه حاجه من ساعه ما كنا مع هاشم وجودي
شهد : لا بتتوهم يا حبيبي .. روح نام يابني متقرفناش
ادم : ماااشي بكره نعرف .. الا مين إللي كان موجود واحنا عند هدي حاسس اني شوفته قبل كده
افتكرت شهد فارس وانه هو اللي وصلها وافتكرت لما شافها وهي رافعه السكينه علي تسنيم غمضت عينها باحراج واضح وهي بتفكر ياتري رأيه ايه دلوقتي اكيد بيقول عليها مجنونه
شهد : ده بشمهندس فارس بن انكل شريف
ادم : شريف مين
شهد : شريف شريف الشرقاوي يا ادم
ادم بصدمه : نعم بتهزري
شهد : اكيد مبهزرش يا بارد وعشان متسألش عرفته ازاي بشمهندس فارس مديري ف الشركه وقابلت انكل شريف صدفه وعرفت ساعتها انه ابنه وعازمنا عنده يوم ع الغدا
ادم : كل ده ومتقوليش
شهد : هو ف وقت ده احنا بنطلع من حاجه بندخل ف الثانية مبنكملش .. امشي بقي عايزه انام
ادم : حاضر يا بلوه بس كلمنا مخلصش تصبحي ع خير
شهد : وانت مش من اهله يا غلس
وسابها ومشي وهي نامت ع السرير بهدومها وهي مقرره جواها قرار مش هتتراجع عنه
&&&&&&&&&
ف صباح يوم جديد قدام البنك بالتحديد كانت سانده على العربيه وحاطه نضاره شمس ورجل على رجل وواقفه ببرود مش مهتميه بنظرات إللي حواليها لحد ما شافت مرادها
_ابراهــــــيم
بص مكان الصوت واتفاجئ أنه لقي شهد واقفه
ابراهيم : شهد بتعملي ايه هنا من الصبح كده
شهد : جايه اسالك سؤال
ابراهيم : اتفضلي
شهد : انت لسه مصمم علي اننا نرجع نتجوز
ابراهيم ببريق من الامل : ايوه طبعا
شهد بابتسامة عريضة : تمام وانا موافقه
★★★★★★★
تفتكروا هيحصل ايه ؟؟؟
اي الخطه إللي خططت ليها شهد والكل؟؟؟؟
هل ممكن فعلا تتحول الامور من الصداقه لحب ولا كل دي اواهم من عقل الاثنين؟؟
كلام مهاب صح ولا مجرد كلام مش اكتر ؟؟
توقعاتكم
#Nemo