Before Tie the Knot

~ Before tie the knot ~ 13

ချင်းမိုင် International Airport ကို ညနေ ၄ လောက်တွင် ရောက်ရှိကြပြီးချင်း Saint booking တင်ထားရာ hotel ကို တိုက်ရိုက် ဆက်သွားကြသည်။

Saint အတွက်တော့ ချင်းမိုင် မြို့လေးကို ရောက်ရောက်ချင်း ဘာမှမသိတဲ့ နွေးထွေးမှုလေးကို ခံစားရသလို တစ်ဖက်တွင်လဲ အေးစက်တည်ငြိမ်နေသော Mr.Perth ကြောင့် အထီးကျန်နေပြန်သည်။

" ဒီမှာ သော့ ၂ချောင်းပါရှင့်.. P' တို့ ၂ယောက်လုံး ဒီ Nong လေးက ဆက် လမ်းပြ ခေါ်သွားပါလိမ့်မယ်ရှင့်.. ကောင်းသောနေ့လေး ဖြစ်ပါစေရှင့် "

Hotel က Saint ခမ်းခမ်းနားနား lunxry ပုံစံမဟုတ်၊ အတွင်းပိုင်းအလှဆင်ပုံက အနည်းငယ် ကျေးလက်ပုံစံမျိုးပေါက်အောင် ရိုးရိုးရှင်းရှင်းလေးနှင့် တည်ဆောက်ထားပုံရသည်။ Perth နှင့် Saint က ကံကောင်းစွာပင် ဘေးချင်းကပ်အခန်းရ၏။ အခန်းရှေ့ရောက်တော့

" မင်း.. နားလိုက်အုန်း...ကိုယ်လဲ နားချင်နေသေးတယ်.. ညနေ ၅ နာရီ ၆နာရီကျမှ ညနေစာထွက်စားကြတာပေါ့.. ကိုယ် ဖုန်းဆက်လိုက်မယ်.. ဟုတ်ပြီလား.. "

" krup... Mr.Perth အရမ်းပင်ပန်းနေလဲ Saint ဘာသာ ညစာပြင်ဆင်ခဲ့ပေးရမလား "

" ရပါတယ်ကွာ.. မင်းကလဲ.. "

Perth က Saint ခေါင်းကဆံပင် အုပ်အုပ်လေးကို သူ့လက်နဲ့ခါရမ်းလိုက်ပြီး တချက်ပြုံးပြကာ အခန်းထဲကို ဝင်သွားသည်။ Saint မှာအခန်းထဲ မဝင်နိုင်သေးပဲ ကိုယ့်ခေါင်းကို ကိုယ်ပြန်ကိုင်ရင်း

အင်း.. ကြာရင်မလွယ်ဘူး..

_._._._._._._._._._._._._._._._._._._._._

" ~ Phi... ~ Phi... "

အင်း ဒီအသံ

" Phi ~ Phi .. ထပါအုန်း "

( Mr.perth.. Mr.Perth )

Saint အသံပြန်ထူးပေမဲ့ နှုတ်ခမ်းတွေက ကော်ကပ်ထားသလို ဆွဲခွာမရ။

" ကျွန်တော့် အမှားတွေပါ.. ဒါတွေအကုန်လုံး.. ကျွန်တော့အမှားတွေပါ.. "

( ဟင့်အင်း.. Mr.Perth အမှား မဟုတ်ဘူး.. )

" P' ရယ်.. မျက်လုံးဖွင့်ကြည့်ပါအုန်း. P' "

( မငိုပါနဲ့ Mr.Perth.. မငိုပါနဲ့တော့ )

Saint နှုတ်ခမ်းတွေ မျက်လုံးတွေ ဘယ်လောက် ကြိုးစားကြိုစား ဖွင့်ဟမလာသလို၊ ခန္တာကိုယ် တခုလုံးလဲ လှုပ်မရ။