Perth နှင့် Saint အလုပ်တွဲလုပ်လာ သည်မှာ ဒီနေ့ဆိုရင် ၂ပတ်မြောက်နေ့။
" မင်း... ဒီစနေ နေ့တဝက် အလုပ်ပြီးရင် ကိုယ့် ကွန်ဒိုခန်း လိုက်ခဲ့ပေးပါလား "
" ဟုတ်.... ဟင် "
Saint တစ်ယောက် ယောင်ပြီးခေါင်းညိမ့်
လိုက်ပြီးမှ အံဩကာ Perth ကို မျက်လုံးလေး
ပြူးပြီး လှမ်းကြည့်လိုက်သော်လည်း Perth က တည်တည်ငြိမ်ငြိမ်ပင် laptop ကြည့် အလုပ်လုပ်နေ၏။
" ဟို.. ဘာဖြစ်လို့လဲ Mr.Perth ခင်ဗျာ "
" O.T ( overtime ) လေ "
အလုပ်ရှိသေးလဲ ရုံးမှာ ဆက်လုပ်လို့ ရတာကိုး
Saint မေးချင်ပေမဲ့ မမေးရဲခဲ့။
" ဟုတ်ကဲ့ "
_._._._._._._._._._._
ရုံးကန်တင်း
သောကြာနေ့
" P' ကောင်မလေး ချောချော ငယ်ငယ်လေး ရှာလေ နော် "
Mean က P'Chen လက်မောင်းကို ဆွဲရမ်းပြီး ပူဆာနေသော်လည်း
" နေစမ်းပါ.. ဝန်ထမ်းခန့်တာ မင်းသမီးရွေးနေတာ မဟုတ်ဘူး... ဖယ်စမ်းကွာ.. ထမင်းစား ရတာ မလွတ်မလပ် "
" Ai'Saint ပြောပေးလေကွာ.. ငါတို့ ရုံးကြီးက choompoo လို စွာတေးလန်တွေနဲ့ ဘယ်လောက်တောင် ကျက်သရေ ယုတ်နေလဲ ဆိုတာ "
" ခစ်.. "
Saint ထမင်းစားရင်း တချက်ခွိ လိုက်မိသည်။
တကယ်တန်း Mean ပြောတာလဲ မမှား။ Saint တို့ ရုံးချုပ်တွေ ယောကျာ်းလေး ဝန်ထမ်းဦးရေသည် မိန်းကလေးဦးရေထက် ပိုများနေရသည့်အထဲ ရှိတဲ့ မိန်းကလေး တော်တော်များများကလဲ Chompoo လို ဆက်ဆက်ထိ မခံ စွာတေးလန်တွေသာ။ အခု Saint နေရာ vacancy တွေ အသစ်တစ်ယောက် ထပ်ခန့်ရန် လိုလာတော့ Mean က P'Chen ကို အခုလိုပူဆာနေရခြင်း ဖြစ်သည်။
" လုပ်ပါ P'Chen ရယ်... နော်နော်... "
" ငါ့အပူကပ်ရမှာ မဟုတ်ဘူးကွ... နောက်ဆုံး ဆုံးဖြတ်ချက်က HR ဌာနက ပြောမှာ.. ငါက first interview ပဲ ကိုင်ရမှာကွ "
" သိတယ်လေ.. အာ့ကြောင့် ချောချောလေးတွေ စကားတင် ပါအောင် ရွေးပါဆို..န န.နော် "
".... "
P'Chen က မသိချင်ယောင်ဆောင်ပြီးသာ ထမင်းဆက်စားနေသည်။
YOU ARE READING
Before Tie the Knot
Romanceမျှော်လင့်ချက်တွေ ဝေးနေဆဲ ဖစ်တဲ့ Love By Chance Season 2 ကြီး မျှော်ရင်း PerthSaint ဇာတ်လမ်းလေး စီးမျှော်လိုက်ကြရအောင်လား 🖤❤
