مهمة في القوات الخاصة

الفصل السادس

*خرج سيف من العربه فرأي رجل يصوب باتجاهه بسلاح غريب فأطلق هذا الرجل من سلاحه إبرة مسممه فاصيب سيف وسقط ارضا اما تيا عندما لاحظت تأخر سيف فخرجت لتراه*
تيا بصراخ:سييف...سيف فوق إنت كويس رد عليا يا سيف ... وبعدين إيه البتاعه دي
*أخذت تيا الابره و رمتها علي الارض وامسكت هاتف سيف*
تيا وهي تبكي:اووف بقا بيفتح إزاي دا ممكن يكون باسم سيف.. لا برضو.... محمد هو باسم محمد... الحمد لله فتح
*وحاولت الاتصال ب عمر ولكن لم يرد وإسماعيل هاتفه مغلق واياد هاتفه مغلق واتصلت بوالدت سيف ردت أخيرا*
*************************
سميرة:رد يا يوسف تليفوني بيرن... يا يوسف إنت يازفت
يوسف:نعم يا ماما فيه إيه
سميرة:كنت بتعمل أي بنادي عليك من بدرى
يوسف:أنا رديت لما قولتي يازفت علي فكره وبعدين أنا قاعد ف اوضتي كنت بذاكر كالعاده
سميرة:والله بتذاكر روح رد علي تليفوني يا كداب يازباله
يوسف:الله يسامحك علي فكرة
سميرة بحده:رد ع التليفون
يوسف:حاااضر.... آلو يا سيف
تيا ببكاء:حضرتك قريب سيف صح
يوسف بقلق:أيوة أنا يوسف أخوه إنتي تيا صح
تيا:الحقنا يا يوسف لو سمحت
يوسف:اهدي بس وفهميني إيه إللي حصل ولا أنتوا فين... آلو... آلو.. ياتيا.. أوف الخط قطع
************************
تيا:آلو... الوووو.. مفيش شبكه
*اضطرت إلي أن تقود السيارة لأقرب مستشفي*
تيا ببكاء وهي تقود السياره:يارب يبقي كويس وميحصلهوش حاجة يااارب
************************
سميرة:مين يا يوسف
يوسف:أنا نازل يا ماما دلوقتي وهبقي أفهمك لما ارجع..يارب استرها
*انطلق يوسف إلي فيلا عمر*
عمر:أياد قوم افتح الباب
أياد:طب ومعزة إللي بيخبط دلوقتي م أنا قايم افتح الباب غير لما تديني الشاحن اشحن تليفوني مهو مش هيفضل فاصل كده كتير
عمر:يابني إنت تعرف إللي بيخبط دا أصلا وبعدين أنا بحب ازلك بوس رجلي وافتح الباب وبعد كده ابقي أفكر اديك الشاحن
اياد:المفروض إن أنا الضيف وإنت الخدام يبقي إنت إللي تفتح
عمر وهو في طريقه إللي الباب:دا إنت من كتر قعدتك هنا افتكرت إن أنا الضيف
يوسف:إيه ساعة علشان تفتحوا.... حد معاه رقم تيا
اياد:ياعم سلم الأول داخل علينا حامي كده ليه
يوسف:أخلص إنت وهو حد معاه رقم تيا
اياد وعمر: لا
اياد:وإحنا هيبقي معانا رقمها ليه يعني
يوسف:يووه بقا انا ماشي
عمر:طب فهمنا على الأقل نيجي معاك
يوسف:تيا اتصلت بيا من تليفون سيف وكانت بتصرخ وفجأة الخط قطع ممكن يكون حصلهم حاجه
اياد:هما كانوا رايحين فين
يوسف:المفروض كانوا راجعين من الشغل
عمر:طب احنا هنقف نرغي يلا احنا جايين معاك
************************
*في المستشفى*
تيا ببكاء:رد بقا يا اسماعيل بيه .... الو... انا تيا... سيف في مستشفى###تعالي بسرعه لو سمحت
*وبعد مرور بعض الوقت كان إسماعيل في المستشفى التي وصفتها له تيا*
إسماعيل:فين سيف يا تيا
تيا ببكاء:الدكتور بيكشف عليه أتأخر اوووي
إسماعيل:اهدي كده واحكيلي إيه إللي حصل
تيا:العربيه عطلت ف نص الطريق وسيف نزل يشوفها واتاخر وأنا نزلت اشوفه لقيته مرمي علي الارض وف كتفه إبرة شيلتها و رمتها وبعدها جبتوا علي المستشفى
اسماعيل:طب آنتي كويسة محدش حاول يأذيكي
تيا:لا
إسماعيل:طب اهدي كده وبطلي عياط
*خرج الطبيب فذهبت له تيا مسرعه ووراها إسماعيل*
تيا:خير يا دكتور سيف كويس
الطبيب:هو جه ال مستشفي ف الوقت المناسب لأنو لو كان أتأخر عن كده كان ممكن السم ينتشر ف جسمه ويموت
تيا بصدمه:سم !!!
الدكتور:إحنا خلاص لحقناه وهو دلوقتي كويس
تيا:ممكن ادخله
الطبيب:اه اتفضلي
إسماعيل:ادخليله إنتي يا تيا وأنا هكلم يوسف وسميرة اقولهم يجوا
تيا:حاضر
إسماعيل:آلو يا يوسف هات ماما وتعالي علي المستشفي.... سيف ف المستشفي..... خلاص إنت حر متجبهاش تعالي إنت وإحنا هنبقي نطمنها لما نروح......انت فين......... ماشي هاتهم معاك هما اصحابوا برضو..... سلام
*************************
تيا:سيف إنت كويس
سيف بتعب:متعيطيش أنا كويس *ومسح دموعها من علي وجهها بينما تيا أحست بالخجل الشديد*
سيف:هو إيه إللي حصل
تيا:أنا إللي بسألك إيه إللي حصل
سيف:مش عارف أنا شوفت واحد من بعيد شكله غريب ومخبي وشه وبعدها محستش بنفسي غير وأنا علي الارض
تيا:بااس أنا فهمت
سيف:فهمتي إيه
تيا:الابرة إللي اتحدفت عليك دي كانت مسممه ذي ما الدكتور قال وإللي حدفها عليك كان قاصد يأذيك أو يقتلك
سيف يتفكير:أو يقتلك آنتي
تيا:ليه
سيف:إللي رماها مكانش قاصدني وإلا كان رماها عليا أول م خرجت من العربيه لكن من الواضح إنه إستني لحد م تنزلي آنتي
تيا:طب ف الاخر رماها عليك ليه
سيف:علشان أنا شوفته
تيا:طب ليه يكون قاصدني أنا
سيف:علشان يضعفني زي م أنا ضعفت علي موت محمد.. هو عايز يقتلني وأنا عايش
تيا:مش فاهمة وهو لو عايز يأذيك ويخليك تضعف قتل محمد لكن يقتلني أنا ليه هو كده مش هياذيك
سيف:بالعكس لما أنا أحس إن كل الناس إللي بحبهم مش حواليا أنا كده هضعف.. فهمتي
تيا:لا برضو أنا داخلي إيه
سيف:غبييية
تيا:قولت إيه
سيف:تيا فاكرة الكلام إللي أنا قولتهولك دلوقتي
تيا:اه.. ليه
سيف:أنا عايزك تنسيه خالص كاني مقولتش حاجه خالص
تيا:ليه بس فهمني
سيف:إطلعي برا
تيا:بس
سيف:إطلعي برااا أنا عايز ارتاح
تيا:إستني بس طب فهمني طيب
سيف:هاتيلي أبويا أو يوسف ولا اقولك أنا عايز صحابي
تيا:هو اتجنن دا ولا إيه
************************
مجهول١:إنت غبي مش قولتلك أضرب علي تيا متضربش علي سيف
مجهول٢:هو إللي كان قدامي وبعدين أنا كنت مستنيها تنزل بس هو خد باله مني
مجهول١ بحده:وإنت تخليه ياخد باله منك ليه أصلا
مجهول٢:وهي فرقت إيه أصلا إن كانت جات فيه أو فيها هما الاتنين واحد
مجهول١:ياغبي هي لو ماتت هتريحنا متنساش إنها ذكيه وعرفت تسرق الملفات في سينا وذكائها دا هيضرنا جامد فهمت... المرة الجاية لو مجتش فيها هنتكشف خد بالك
مجهول٢:كلو هيبقي تمام
*************************
اياد:إيه يا عم م إنت زى القرد أهو أمال بيقولوا عليك تعبان ليه
عمر:شكلك بتعمل كده علشان تقلق حد عليك هااااااا أيوة بقا ياعم إحنا فاهمين
يوسف:أيوة قلقت وكانت بتعيط ابسط يا عم
سيف ببرود:خلصتوا
اياد:أنا عن نفسي خلصت إنت خلصت ياعمر
عمر:أنا كمان خلصت بس مش عارف يوسف خلص ولا لا
يوسف:أنا.....
سيف:باااس أنتوا مجانين
يوسف:ياعم مخلتنيش أكمل جملتي ليه اشمعنا هما قالوا
سيف:اطلعوا برا أنتوا كمان يلا أنا زهقت هو النهاردة يوم الغباء العالمي
اياد:ماشي يا صاحبي بس إفتكر إن إحنا جينا وقت الشده علشان تلاقينا وقت الضيق
يوسف بهمس:علي فكره وقت الشده هو وقت الضيق
اياد:اه صحيح
إسماعيل:عايز أتكلم مع سيف شويه لوحدنا
اياد بصوت منخفض سمعه يوسف:الحاج بيطردنا بشياكه
يوسف:طب يلا نطلع بالزوق بدل م يطردنا من غير شياكه
إسماعيل:عامل إيه دلوقتي
سيف:كويس... أنا هخرج النهاردة
إسماعيل:اه تقدر تخرج النهارده ودلوقتي كمان
سيف:هي تيا روحت لوحدها
إسماعيل:اه روحت وبعدين المكان مش بعيد.... سيبك من الحوارات دي المهم إنت شوفت إللي ضربك دا
سيف:كان مخبي وشه
إسماعيل:تعرف تمييز السلاح اللي ضربك بيه لو شوفته
سيف:اه طبعا
إسماعيل:كويس آوى كدا.... يلا علشان نمشي من هنا ولا إنت حبيت المستشفى
سيف:لا طبعا يلا نروح
*************************
سميرة:هو الواد يوسف أتأخر كده ليه... استر يارب
*سمعت صوت طرق الباب فذهبت مسرعه لتفتح الباب*
سميرة:يالهووي مالك يا سيف فيك إيه
سيف:أنا كويس يا ماما مفيش حاجه
سميرة ببكاء:كويس إزاي بس يا بني إنت مش شايف نفسك
إسماعيل:خش يا سيف أستريح... بعدين يا سميرة مش وقته الكلام ده أنا داخل أنام
يوسف:تعالي يا سوسو أنا هحكيلك متعيطيش بس تعالي دا حصل حاجات كتير آوي
*وحكي لها كل ما حدث*
*******************
*كان سيف امام منزل تيا ويستند علي عربيته ينتظر تيا ليذهبوا إلي عملهم*
سيف:اتأخرتي
تيا:أنا لا أبدا إنت إللي بتيجي بدرى
سيف:مش عايز التأخير دا تآني أنا واقف بقالي كتير
*كانت تيا ستتحدث ولكنها أحست بسيف يمسك يدها ويدفعها علي الحائط بقوة وبعدها بثانية كانت بجانبها الابرة التي اصيب بها سيف من قبل*
سيف:تعالي يا تيا متقفيش كدا
*حاول سيف أن يسحب تيا خلفه إلي باب عمارتها ولكنها كانت واقفه بصدمه واخذت الابرة وذهبت مع سيف*
سيف:خليكي هنا وأنا هشوف إيه إللي بيحصل برا
*كاد سيف ان يخرج من العمارة ولكنه لاحظ تيا تفحص الابرة*
سيف بغضب:يعني دا وقته لعب ارمي البتاعه إللي ف أيدك دي إحنا ف إيه ولا ف إيه
تيا:Made in America
.
.
.
.
يتبع