مهمة في القوات الخاصة

الفصل الرابع عشر

*في منزل تيا*
تيا:إزيك يا حاجة
سامية:هاا فكرتي في الموضوع اللي قولتلك عليه
تيا:اللي تشوفيه يا ماما عن اذنك
سامية:تبقي موافقه... شغل بنات بقي
يارا:هااا وافقت صح صح صح يا ماما هاا يا ماما
سامية:ايوة وافقت اسكتي بقي
يارا:سكت اهو
*******************************
*في المستشفى*
سيف:حازم عامل إيه يا دكتور
الدكتور:هو محتاج يستريح هنا في المستشفي شوية وبعد كده يقدر يخرج
سيف:يعني مينفعش يخرج بكرة
الدكتور:الرصاصه جت في ضهره يعني مش سهله وهو محتاج راحه دلوقتي
سيف:طيب اقدر ادخله
الدكتور:اه اتفضل بس ياريت متطولش
سيف:ماشي
*ثم توجه سيف الي غرفه حازم وطرق علي الباب ليأذن له حازم*
حازم:ادخل
سيف:عامل إيه يا حازم دلوقتي
حازم:يابني عادي يعني دي رصاصه وهي أول مرة يعني
سيف:المهم مصدر الرصاصه
حازم:انا المقصود بيها يا سيف بسبب شريط الكاميرات خليهم معاك انت محدش هيعرف انهم معاك
سيف:اكيد طبعا هيبقوا معايا بس السؤال مين اللي يعرف انهم معاك غيرى
حازم:مش وقته الكلام دا هنا يا سيف روح دلوقتي وابقي تعالي بكرة علشان عايز اروح
سيف:يابني انا هبات معاك النهاردة وبعدين الدكتور قال مينفعش تخرج بكرة
حازم:يابني امشي بقا عايز انام
سيف:خلاص يا عم انا غلطان
حازم:يلا يلا مع السلامه
سيف:ذوق آوى بسم الله ماشاء الله عليك
حازم:يلا غور بقي
سيف:ياعم هغور
حازم:ياااه كان دوشة صدعني... انام انا بقي
*ثم دخل شخص ملثم وبدأ يقترب من حازم بهدوء وبدأ بنزع الغطاء  عن حازم وفي هذه اللحظه التفت حازم ليمسك يده ويضربه ثم ضربه اوقعته أرضا وكاد ان يلتقت السلاح لكن ضربه حازم بسرعه بسلاحه في ذراعه لكنه حاول إمساك المسدس مره اخري فإضطر حازم لقتله قبل أن يقتله هو وهنا تجمع الناس في الغرفه بعد سماع صوت المسدس*
الدكتور: في ايه يا حازم ومين دا
حازم: دا واحد كان عايز يقتلني
الدكتور:طب انت كويس
حازم: الحمد لله جت سليمه
الدكتور: تحب اطلب البوليس
حازم: لا اطلبلي سيف
الدكتور: اللي تشوفه
*******************************
*في قريه مجهوله في الصعيد*
الفلاح:انت بتعمل إيه يا جدع انت الحقوني يا أهل الكفر الحقوني يااا ناس
*ثم اطلق هذا الشخص من مسدسه الرصاص وقتل الفلاح*
*******************************
سيف:إيه اللي حصل يا حازم
حازم:وصلت لصاحب العربية
سيف:يا بني المستشفي مقلوبة فهمني إيه اللي حصل
حازم:يلا انا مش هقعد هنا تاني
سيف:يلا بس هنروح فين
حازم:هنروح نشوف صاحب العربية يمكن نوصل لحاجه
سيف:انا اشتغلت علي الموضوع دا امبارح وعرفت مكانه
حازم:طب يلا
*ثم انطلقوا بالسيارة معا*
حازم:هي دي العربية يا سيف
سيف:ايوة هي دي النمرة بتاعتها
حازم:طب يلا نشوفه دا شكله جواها بس نايم
سيف بصدمة:لا يا حازم دا اتقتل اتقتل ياااا حازم
حازم:ياااارب.. لا اله الا الله
سيف:دا كان الخيط الوحيد للقضية يا حازم
حازم:وحد الله يا سيف مش كده
سيف:لا اله الا الله
*******************************
مجهول١:نفذت كل اللي قولتلك عليه
مجهول٢:طبعا يا فندم دا إحنا تلاميذك
مجهول١:هههه كده تمام آوى
*******************************
*في صباح اليوم التالي وتحديدا في مطار القاهرة*
سيف:اياااد
إياد:سيييف وحشتني
سيف:عمر  عامل إيه واحشني ياراجل
عمر:وانت كمان والله يا عم سيف
إياد:طب هنقف نرغي كتير يلا انا جعاان
سيف:اه صحيح انا عازمكوا اخر الاسبوع على...
إياد:توقعت
عمر:وانا كمان توقعت
سيف:طب سيبوني اكمل كلامي
إياد:يا عم هتخطب تيا معروفه
عمر:اه باينة خالص
سيف:والله!! طب يلا علشان نروح
عمر:يلا
*******************************
*بعد مرور عدة ايام*
سامية:يلا يا تيا يا حبيبتي علشان تجهزي
تيا:اجهز اعمل إيه يعني
ندي:نعم!
تيا:انتي مسمعتيش بجد
ندي:يابنتي انتي عايزة تشليني
يارا:استني يا ندي انتي.. بصي يا تيا كده الفستان دا
تيا:ايوة يعني اعمله إيه؟
يارا:البسيه
تيا:لا مش هلبس فساتين انا
سامية:انتي اتجننتي اومال هتلبسي إيه
تيا:هلبس تيشريت وبنطلون جينز
ندي:انتي اتجننتي يا بنتي انتي عايزة تموتيني ناقصه عمر
تيا:عايزة إيه يعني
سامية:يابنتي الناس قربوا يوصلوا حرام عليكي
تيا:يووه يا ماما حاضر
يارا:توتي معلش ممكن طلب صغير
تيا:إيه
يارا:ممكن تحطي ميك اب بس خفيف خالص والله
تيا:إيه دا لا طبعا كده كتير آوى
سامية:حرام عليكي يا بنتي متوجعيش قلبي
تيا:لا يعني لا أنا أصلا حلوة من غير ميك اب
سامية:مهو مش بمزاجك علي فكره
تيا:بالعافيه يعني يا ماما!
سامية:ايوة بالعافيه
تيا:حاااضر
*ثم قامت سامية بتجهيز البيت قبل الاستعداد لخطوبة ابنتها وبعد فترة من الزمن سمعوا جرس الباب*
سامية:منور يا سيف يابني اتفضل
سيف:اعرفك ياماما بطنط س...
سميرة:سامية!!
.
.
.
.
.
.
.
يتبع