مهمة في القوات الخاصة

الفصل الثامن

اياد:عمر... أنا حضرت الشنط ورايح المطار دلوقتي وإنت ابقي حصلني علي هناك
عمر:للدرجادي ملهوف علي السفر في حد يروح المطار قبل ميعاد الطيارة بخمس ساعات
اياد:عايز الحق أتصور مع برج إيفل
عمر:تتصور مع إيه يا عنيا
اياد:برررج إيفل
عمر:هو برج إيفل دا علي حد علمي كان في فرنسا واعتقد إن إحنا مسافرين أمريكا
اياد:خلاص نخلي الطيارة تلف يمين كده توديني فرنسا وترجع توديك أمريكا
عمر:روح نام يا اياد وربنا ما إحنا مسافرين
اياد:خلاص يا عم هاجي معاك وامرى لله
*************************
تيا:إحنا قدام المصنع أهو مادخلناش ليه
سيف:خايف لنتكشف
تيا:الخوف هو إللي هيكشفنا
سيف:طب يلا ندخل
تيا:يلا
*في غرفة مدير المصنع*
سيف:Hi
مدير المصنع: ...Hi Mr
سيف:My name is Saif. and you
مدير المصنع:Sherif
سيف:انت عربي صح
شريف:ايوه انا عربي.. اتفضلوا
تيا:احنا تبع محمية فيها حيوانات مفترسة وكنا عايزين نستورد من مصنع حضرتك بعد ماعرفنا أن المصنع دا سعره كويس ومنتجاته كويسه
سيف:وحابين اننا نشوف الحاجات وهي بتتصنع علشان نطمن اكتر بنفسنا
شريف:احنا مصنعنا من المصانع المشهورة ولازم يكون عندكوا ثقة فينا قبل ما تستوردو
تيا:احنا طبعا واثقين في المصنع بس حابين نتأكد
شريف:أسف يا فندم بس كل العملاء إللي عندنا بيشتروا علي طول محدش بيدخل ولا هيدخل مكان التصنيع المفروض حضرتك تبقي واثق فينا قبل ماتجيلنا ولو روحت أي مصنع تآني مش هيوافقوا يدخلوك مكان التصنيع
سيف بشك:إحنا المحمية بتاعتنا محمية كبيرة ولازم نتأكد من المكان إللي إحنا بناخد منه واعتقد إن إللي مش بيوافق دا بيبقي خايف من حاجه
شريف:طب ممكن اعرف إسم محميتكوا الكبيرة دي
سيف:هتعرف وقت البيع والتسليم عن اذنك
*وبعدما رحل سيف وتيا رن تليفون شريف*
شريف:الو.. أيوة يا خالد... اه لسه ماشيين أنا أول ما شوفتهم عرفتهم طبعا زي ما إنت قولتلي....ميغيبوش عن عينك لحظة إنت فاهم
************************
*كانت يارا جالسة وحدها في الجامعه*
يارا:أخص عليا خلصت السندويتش إما أقوم أجيب واحد غيرو
يوسف:الكتاب نشف
يارا بصراخ:خضتني.. ثانيه واحدة إنت ليك عين تيجي تآني
يوسف:بطمن علي الكتاب
يارا:غور من وشي
يوسف:مش هغور أنا الجامعه دي لينا كلنا واقعد في الحتة إللي عايزها
يارا بغيظ:تصدق معاك حق أنا إللي هقوم
يوسف:إستني بس يابت تعالي يا مجنونه طب أنا إسمي يوسف آنتي إسمك إييه
*************************
تيا: مخدتش بالك ان هو مصري و الشحنات دي بتيجي علي مصر الموضوع دا غريب فعلا
سيف: ما دا شككني فيه اكتر... إيه دا.. تيا ارجعي علي الفندق فورا ومتجيش ورايا وأنا جاي علي طول متجيش ورايا يا تيا فاهمة
تيا:في إيه يا سيف فهمني
سيف:ارجعي بقولك
*ورحل سيف من امامها*
تيا في نفسها:يعني هو شك إن الراجل دا واخد الشحنة إللي معاه مكان تآني.. يبقي هي دي الشحنة إللي بتتسمم.. بس أنا مش هينفع اسيبو لوحده لازم أروح معاه
*ذهبت تيا وراء سيف إلي أن وصلوا لمخزن شبه مهجور ولسوء حظها لاحظها سيف*
سيف بهمس:آنتي إيه إللي جابك هنا مش قولت متجيش ورايا
تيا:مكنش ينفع اسيبك لوحدك كان لازم أساعدك
سيف وهو يضغط علي أسنانه:تيا إرجعي الفندق
تيا:قولت لا أنا داخله جوا معاك إحنا جايين مع بعض مش علشان كل واحد يروح لوحدو
سيف:خلاص بس متتصرفيش من دماغك.. بصي أنا هكلم دلوقتي عمر واياد علشان منبقاش لوحدنا لو احتجناهم
تيا:ماشي
سيف:أيوة يا عمر وصلتوا ولا إيه.. طب زي ما اتفقنا هبعتلك المكان إللي أنا فيه وإنت تيجي علشان احتمال احتاجك... ماشي سلام
تيا:هندخل دلوقتي
سيف:اه هندخل بس من الباب الخلفي عشان محدش يلاحظ
تيا:طب يلا جهز سلاحك
سيف:يلا
*ذهب سيف إلي الباب الخلفي ووراه تيا وفتح الباب بهدوء وتسللوا إلي المخزن*
تيا:إيه دا دا مفيش حد
سيف:أكيد في مكان تآني جوا المخزن مستخبيين فيه
*كان ينظر لهم من خلف باب غرفه داخل المخزن بحقد وكره*
سيف:بصي كده علي الصناديق إللي هناك دي
تيا:دول كتير آوى
سيف:تعالي نشوف إيه إللي فيها
تيا:سيف إستني.. بص كده علي الباب المقفول دا
سيف:اه شوفته وخدت بالي إن دا الباب الوحيد إللي هنا
تيا:تعالي نشوف فيه إيه
سيف:لا إسمعي الكلام
تيا:سيف إحنا مش هنخسر حاجة لو روحنا شوفنا فيه إيه
سيف:لا هنخسر كتير إحنا مش مستعدين لأى مفاجأه إحنا جايين نأخد معلومات وبس تعالي ورايا نشوف إيه إللي في الصناديق
*أتجه سيف إلي الصناديق بينما تيا اتجهت إلي الباب وما إن فتحته حتي صرخت بصوت عالي فسحبها شخص من وراء الباب بسرعه واغلق الباب بينما سيف عندما استمع لصراخ تيا ذهب إلي الباب مسرعا*
سيف و هو يطرق الباب بحده:تيااا يا تياااا
*حاول سيف إن يكسر الباب وما إن كسره حتي رأى شخص ملثم يكتم فم تيا بيده ليمنعها من الصراخ فقام سيف برفع مسدسه نحو هذا الشخص في نفس اللحظه التي رفع فيها هذا الشخص مسدسه علي تيا*
سيف:سيبها.. خلي كلامك معايا
مجهول٢:لما أخد حقي وانتقم علي إللي عملتوا فيا هبقي اسيبها
سيف:خد حقك مني أنا قدامك أهو بس سيبها
مجهول٢:تبقي بتحلم دا هي السبب في كل حاجه وحشه حصلتلي في حياتي وإنت كمان ولو سيبتها هسيبها ميتة
سيف بحده:وهو إيه إللي إحنا عملناه
مجهول٢:توء توء متعليش صوتك دا أنا ممكن اقتلها قدام عينك ومتستعجلش هتعرف في الوقت المناسب و قريب آوى كمان
*وكاد إن يضرب تيا بمسدسه ولكن سيف رفع يده لتخرج الرصاص في الحائط وسحب تيا خلفه وقام بضرب الشخص الملثم*
سيف:تيا إطلعي برا امشي من هنا
تيا:مينفعش اسيبك لوحدك
مجهول٢:برضو مش هتعرف أنا مين
*بعدما قال هذه الكلمات استمعو إلي صوت رصاص في الخارج فسحب سيف تيا واختباؤ خلف الصناديق بينما مجهول٢ استغل انشغالهم و استطاع إن يهرب*
سيف:أنا بس إللي هطلع أضرب عليهم نار متتحركيش من هنا وعمر زمانوا جاي هو ومعاه رجاله هيساعدونا
تيا:متخافش عليا أنا بعرف أضرب نار كويس
سيف:إللي بقوله تنفذيه يا تيا مفهووم
*لم تستمع تيا لكلامه كالعادة وبدأت باطلاق النار بحرافيه ودقه*
تيا:متقتلش حد يا سيف
سيف:ماشي
*ثم جاء أن يضرب مرة أخري ولكن هذه المرة اصيب في صدره*
تيا:سييف إنت كويس
سيف:إتصلي بعمر واياد خليهم يجوا بسرعه
*في هذه اللحظه دخل عمر ومعه رجال بدأو باطلاق النار ولكن عمر كان يتفادي الرصاص بحرافيه بينما اياد أتجه إلي سيف مسرعا*
اياد:قوم معايا يا سيف نروح المستشفي
سيف:أنا كويس مفيش حاجه روح ساعد عمر بس
اياد:عمر خلص عليهم خلاص وهيطلب الشرطة
عمر:سيف إنت كويس إيه إللي عمل فيك كده
سيف:اطلب الشرطه ومتمشيش من غير ما تتأكد إنهم اتحبسوا وأنا هبقي أساعدك لما ابقي كويس
تيا ببكاء:سيبك من كل الكلام دا دلوقتي أهم حاجه تبقي كويس
سيف:متعيطيش أنا كويس
عمر:متخافش وسيب كل حاجه عليا أهم حاجه تبقي كويس... يلا نسنده يا اياد و نوديه المستشفي
سيف:لا خليك أنت واعمل إللي قولتلك عليه
اياد:أنا هبقي مع سيف أنا وتيا يا عمر.. يلا معايا يا سيف
سيف:محدش يسندني أنا هعرف أقوم لوحدي
تيا:خلينا نساعدك يا سيف علشان خاطري
سيف وهو يقف:أنا كويس مفيش حاجه
*تقدم سيف بعض الخطوات ثم وقع مغشيا عليه*
تيا بصراخ:سيييف
اياد:عمرر تعالي شيلوا معايا
*عمر و اياد حملوا سيف وتوجهوا إلي المستشفي*
تيا:help we need help
اياد:we need doctor
*ثم جاء بعض الممرضات وقاموا بحمل سيف علي الترولي واتجهو به إلي غرفه العمليات*
تيا ببكاء:أنا مش مطمنة الرصاصه كانت قريبه من القلب
اياد بحزن:اهدي هو هيبقي كويس
عمر:إن شاء الله هيبقي كويس
*في نفس اللحظة خرجت ممرضه بسرعه ثم عادت باكياس دم ولكن اياد أوقفها*
اياد:What happend
الممرضه: The situation is very critical
*ودخلت الممرضه بسرعه وعاد اليهم اياد بأسي*
عمر:كنت بتقول للممرضة إيه
اياد:كنت بسألها علي حاله سيف
تيا بسرعة:قالتلك إيه
اياد:قالت إن حالته حرجه جدا
تيا ببكاء:يعني إيه
عمر:اهدي بس إن شاء الله مش هيبقي فيه حاجه.. هو الدكتور إللي بيعملوا العملية كويس
اياد:لما سألت قالولي إنه أشطر دكتور عندهم و مصرى
*وبعد مرور خمس ساعات من الانتظار امام غرفه العمليات خرج الطبيب وعلي وجهه معالم الاسي والحزن*
تيا:خير يا دكتور سيف كويس
*نظر لها الطبيب بحزن ثم قال*
الطبيب:للأسف.......................
.
.
.
.
يتبع