مهمة في القوات الخاصة

الفصل الخامس عشر

سامية: منور يا سيف يابني اتفضل
سيف: اعرفك ياماما بطنط س...
سميرة: سامية!!
سامية: إزيك يا سميرة يا حبيبتي وحشتيني
سميرة بدموع: ياااه يا سامية كده تبعدي كل دا
سامية: اتفضلي الأول و تعالي نتكلم جوا
اسماعيل: إزيك يا سامية هانم
سامية: الحمد لله يا اسماعيل بيه اتفضل
سيف: هو انتو....
إسماعيل: بلاش كتر كلام بدل ما اغير رأيي
إياد وعمر: طب واحنا كمان يا طنط نتفضل بردو ولا إيه
سامية: ايوة طبعا يا حبايبي اتفضلوا بس هو انتو مين؟
سيف: دايما تكسفوني كده.. دول اصحابي يا طنط ودا يوسف اخويا
سامية: يوسف!! ياااه يابني كبرت آوى انت بقيت عامل زي الزعافة كده ليه
يوسف بضحك: شكرا يا طنط ربنا يخليكي
سامية: اتفضلوا يا حبايبي اتفضلوا
*في غرفة تيا*
يارا: شكلهم كده وصلوا
ندي: طب يلا نخرج
ساميه: يلا يا بنتي انتي مستنيه ايه
تيا: حاضر يا ماما
*وخرجت تيا من غرفتها وعندما رآها سيف انبهر لجمالها الفائق*
سيف: تجنني!!
تيا بإبتسامه: شكرا
سميره: تعالي يا تيا يا حببتي بسم الله ماشاء الله عليكي قمر
تيا: شكرا يا طنط
ساميه: مش عايزه تشوفي يارا يا سميرة
سميره: هي فين حببتي يارا نفسي اشوفها آوى
ساميه: تعالي يا يارا سلمي علي طنط سميره
يارا: ازي حضرتك يا طنط
سميره: يااااه يا بنتي كبرتي اوي عن زمان
يوسف: إيه دا! هي دي تبقي اختك يا تيا
يارا: هو انت إيه اللي جابك هنا اصلا!!
يوسف: هو انا مقولتلكيش اصل انا ابقي اخو العريس
يارا: ايييه!! بقولك إيه يا تيا انا مش موافقه علي الجوازه دي
تيا: تصدقي وانا كمان
سيف: إيه يا يارا خليكي محضر خير
يارا: لا طول ما البني ادم السمج دا هنا
يوسف: بقولك إيه متغلطيش بدل ما اجيبك من شعرك
يارا: انت اتجننت انت ازاي تكلمني كده اصلا
سيف: اسكت انت كمان يا وش المصايب
ساميه: في ايه يا ولاد انتوا هتتخانقوا ولا إيه
سيف: لا طبعا نتخانق ايه دا احنا زي السمنه علي العسل اهو
إياد: طعمها وحش
عمر: هي إيه
إياد: السمنه علي العسل
عمر: انت دوقتها قبل كده
إياد: لا
عمر: يبقي تسكت خالص
إياد: حاضر
سميره: يلا يا ولاد اقعدوا واقفين ليه وانتي يا تيا يا حببتي تعالي اقعدي جمبي هنا
تيا: حاضر يا طنط
اسماعيل: نتكلم بقي في اللي احنا جايين علشانه احنا طبعا مش هنلاقي احسن منكم علشان نناسبكم وسيف بلغني بموافقتك وعلشان كده جينا النهاردة علي امل اننا نعمل خطوبة ونلبس الدبل
سامية: واحنا كمان طبعا نتشرف بيكم وعايزين نتجمع ونبقي عيلة واحدة من تاني
اسماعيل: يبقي علي بركة الله
*وزعت تيا الشربات عليهم وزغرطت ساميه وسميره وقاموا بتلبيس الدبل*
ساميه: يلا يا تيا خدي خطيبك وروحوا البلكونه يلا
تيا: ليه بس.. انا عايزه اقعد معاكوا
سامية: اسمعي الكلام يا تيا
اسماعيل: هههههه انتي مشكله والله يا تيا
تيا: دا انا حتي عايزه اقعد مع حضرتك يا سياده اللواء
اسماعيل: لا يا حببتي هنا مفيش لواء هنا في بابا.. شايف يا سيف اتعلم
سيف: الحق عليا اني بقولك يا بابا عشان بحبك
اسماعيل: انت تخرس خالص
سيف: حاضر
*ثم قام سيف بسحب تيا من يدها*
سيف: يلا بقي يا بنتي تعالي
تيا: طيب طيب
*ثم اتجهوا الي البلكونة*
تيا: شايف يا سيف الرومانسيه اللي يوسف ويارا فيها
سيف: رومانسيه ايه دول من ساعت ما شافوا بعض وهما بيتخانقوا
تيا: ما هي دي الرومانسية الحقيقية
سيف: والله انتي مش فاهمة حاجة
تيا: سيف هي مامتي ومامتك يعرفوا بعض ازاي
سيف: مش مامتي ومامتك بس دي العيلة كلها طلعوا يعرفوا بعض
تيا: ما دا اللي مجنني ولازم اعرفه
سيف: سيبك انتي بس تعرفي النهاردة كان يوم حلو آوى
تيا: اه فعلا كان حلو آوى بس..
سيف: بس إيه؟
تيا: سيف هو عمر واياد رجعوا من السفر امتي
سيف: تقريبا كده من يومين
تيا: غريبة!
سيف: إيه اللي غريب في كده
تيا: هما مش قالوا انهم هيطلعوا بعدينا في طيارة تاني يوم الصبح وكمان وانا بنزل الركاب لاحظت ان كان فيه أماكن فاضية في الطيارة مع ان إياد قالنا ان الطيارة مفيهاش غير مكانين بس
سيف: قصدك إيه
تيا: مش قصدي بس انا بقولك انهم محجزوش في طيارة تاني يوم الصبح زي إياد ما قال
سيف: انتي بتقولي إيه؟
تيا: سيف هو مش من يومين بردو كان معاد تسليم شحنة السلاح اللي اسماعيل بيه قال عليها
سيف بحده: لا بقي حاسبي علي كلامك يا تيا الموضوع زاد معاكي آوى ومتنسيش انهم اصحابي علي فكره انا كان ممكن اتهم ندي صاحبتك انا كمان
تيا: مفيش حاجه تثبت اي تهمة علي ندي
سيف: اومال قدمت استقالتها ليه وطلعت تجرى بعد ما محمد اتقتل ومكان الشغل اتحرق
تيا: إيه الكلام العبيط اللي انت بتقوله دا
سيف: لا يا ماما هي دي الحقيقة دي كأنها كانت بتهرب من مصيبه عملتها
تيا: طبعا ما انت مشوفتش برود الأعصاب اللي كان فيه استاذ عمر صاحبك لما اتقال انك موت
سيف: علي فكره عمر من صغره وهو مبيحبش يبين حزنه لحد
تيا باستهزاء: اقنعتني آوى الصراحه
سيف: ياا اياااد يااا عمرر تعالوا
اياد: إيه يا سيف مالك
سيف: انتو اتاخرتو ليه وانتو جايين من السفر
عمر: هههههه طبعا ما انت مشوفتش إياد كان ملهوف علي القاعده هناك ازاي
إياد: ياعم سيف دي مرة في العمر بلاش اتفسح يعني دا انا حتي معرفتش اتفسح كويس
سيف: واتفسحتو ازاي بقي هناك
عمر: هو فيه إيه يابني مالك
سيف: مفيش حاجه يا عمر.... استني هرد علي التليفون
إياد: مين
سيف: يابني انا لسه مطلعتش الموبايل اصلا استني... الو.... ايوة انا مين معايا.... لا لا مستحيل... حضرتك متأكد من الموضوع دا... تمام تمام شكرا لحضرتك.. مع السلامة
تيا:في إيه يا سيف
سيف: بقولك ايه يا عمر العصابه اللي انا قولتلك سلمهم للبوليس سلمتهم ولا لأ
عمر: ايوه يا سيف انا كلمت واحد في الشرطه هناك وقولتله علي المكان لحد ما هو جه وانا مشيت علطول عشان اشوفك
سيف: متقبضش عليهم يا عمر
إياد: مين اللي قالك كدة
سيف: فاعل خير
عمر: انت بتشك فيا يا سيف
سيف: مقصدش طبعا يا عمر بس الموضوع ينرفز يعني
عمر: وانا زي ماقولتك انا معرفش حاجه انا كلمت ظابط ولما جه كان معاه اتنين ظباط والعصابه كانت كتير واكيد قدروا عليهم
تيا: معاك رقم الظابط دا
عمر: معايا لو عايزاه خديه... مع السلامه يا سيادة المقدم
*وبعدها رحل عمر ونظر إياد لسيف مطولا ثم ذهب خلف عمر فتنهد سيف ووضع يده علي مقدمه رأسه بحزن*
تيا: سيف... سيف انت زعلان مني
سيف: عايزه ايه
تيا: خلاص بقي يا سيف متزعلش مني انت عارف ان مكنش قصدي وبعدين انت عمرك ما زعلت مني اصلا
سيف: بس الموضوع دا زاد آوى انتي ممكن كمان شوية تشكي فيا وتشكي في مامتك
تيا: خلاص بقي يا سيفو متبقاش رخم
سيف: علي فكره لورين كانت بتقولها احلي
تيا: كده طب خليها تنفعك
سيف بهزار: استني يا بنتي بهزر والله طب اقولك تشكي ف مين... ف بابا
تيا: هههههه لا دا يتخاف منه بس
******************************
*في صباح اليوم التالي*
تيا: حضرتك طلبتني يا فندم
اسماعيل: أجهزى علشان تستلمي الشحنة الجديدة وبعدها هنوزعها علي الدول العربية اللي جمبينا
تيا: يا فندم بلاش نتسرع في خطوة زى دي
اسماعيل: وانا سبق وقولتلك كلام من غير دليل مش هيفيد لو عندك دليل علي كلامك قدميه غير كده مقدرش اعملك حاجة
تيا: تمام همشي معاك للآخر ولو طلع اللي في دماغي صح هنحط نفسنا في مشاكل كبيرة آوى احنا مش قدها
اسماعيل: ولو طلع غلط هيبقي تعطيل لمصالحنا والمهام اللي ورانا
تيا: تمام يا فندم عن اذنك
حازم: الحق يا فندم
اسماعيل: في إيه يا حازم ايه اللي حصل
حازم: في سطو علي مدرسة
*******************************
المدير: طب سيب العيال الصغيرين يخرجوا هما ملهمش دعوة وانا والمدرسين هنفضل هنا
الرجل: تؤ تؤ انسي الرهاين بيفرقوا معانا كتير وخصوصا في الحالات اللي زى دي
المدير: لو عايز اي حاجه هنفذهالك بس خلي العيال يروحوا
الرجل: طلعوا العيال العيال بس سامعني
*خرجوا جميع الأطفال من المدرسه فيما عدا طفل حاول في وسط الأطفال ان ياخذ محفظة هذا الرجل وبالفعل أخذها وبعدها خرج مع أصدقائه من المدرسه دون أن يلاحظه احد*
الرجل: الو يا باشا... تمام هنبدأ التفجير من دلوقتي
*ثم زرع القنبلة في المدرسة وخرج هو وعصابته في تخفي وبعدها بثواني انفجرت المدرسة ومن بداخلها وبعد مرور دقائق وصلت تيا برفقة سيف وحازم*
تيا بصدمة: ملحقنهمش يا سيف ملحقنهمش
سيف: خلاص يا تيا اهدي وخلينا نفكر بهدوء
*سمعت تيا صوت طفل صغير يشدها من ثيابها ويقول*
الطفل: طنط طنط انا عايز اقولك علي حاجه مهمة
تيا: انت لسه هنا ليه يا حبيبي فين ماما
الطفل: بصي كده يا طنط المحفظة دي بتاعت الراجل اللي سرق المدرسة بتاعتنا
سيف: طب هاتها كده يا حبيبي
الطفل: لا مش دلوقتي.. امم طيب بشرط
سيف: يابني هاتها اخلص بقي
تيا: استني انت يا سيف دلوقتي....قولي يا حبيبي عايز إيه وانا اعملهولك علي طول
الطفل: انا عايز لبس زي بتاعك انتي وعمو دا
تيا: من عنيا يا حبيبي بس انت خدت المحفظة دي ازاي
الطفل: انا شوفت اصحابي وهما بيخرجوا من المدرسة فاستخبيت في وسطهم وخدتها من غير ما حد ياخد باله
تيا: ومخوفتش؟
الطفل: لا أنا كدا كنت بجيب حق بابا كمان علشان بابا كان بيلبس زيك كده ومات وهو كان بيحارب الناس الشريرة ودول كانو شريرين وانا لما اكبر هبقي زي بابا
تيا: يا حبيبي! ... بس متعملش كدة تاني انت متعرفش كانوا ممكن يعملوا فيك إيه
سيف: هات المحفظة بقي يا بني
الطفل: لا أنا مش هديهالك انت علشان انت رخم انا هديها لطنط علشان حلوة وانا بحبها... اتفضلي يا طنط
تيا: شكرا ياروح قلب طنط
الطفل: إيه دا مامي هناك اهي سلام بقي يا طنط علشان هروح لمامي
تيا: سلام يا حبيبي
سيف: إيه مالك من ساعت ماشوفتي الواد وانتي عمالة تقوليله يا حبيبي اهدي شوية
تيا: هههههههه انت بتغير من طفل صغير
سيف: طب اتلمي هاا
حازم: سيف
سيف: إيه يا حازم كنت فين
حازم: كنت بشوف المكان وبحاول اوصلهم لكن معرفتش
سيف: احنا لقينا دليل.. محفظة اللي فجر المدرسة
حازم: تمام اوي كده هنعرف نوصله
سيف: طب يلا مينفعش نتكلم هنا
حازم: يلا
*******************************
سامية: نورتي يا نوال يا حبيبتي
نوال: منور بيكي يا سامية يا ختي والله انا اول ما عرفت ان تيا اتخطبت قولت لازم اجيب البت ريم واجي اباركلها بنفسي واقضي معاكو كام يوم
سامية: تنوري يا حبيبتي طبعا دا البت تيا لو عرفت هتطير من الفرحه احسن هي بتحب ريم آوى والله
نوال: مش بنت خالتها وفي مقام اختها
سامية: ربنا يخليهم لبعض يا حبيبتي
نوال: اومال فين تيا يا سامية مشفتهاش من ساعت ما جيت ؟
سامية: زمانها علي وصول دلوقتي... تلاقيها هي اللي بتخبط علي الباب... تعالي يا يارا افتحي لاختك
يارا: حاضر يا ماما.... تعالي يا تيا دا في مفاجأة مستنياكي جوا
تيا: بجد!.. مين بقي
ريم: انا يا توتااااا
تيا: ريييييم وحشاني اوى اوى بقالي زمن يا شيخه مشوفتكيش
ريم: وانتى كمان وحشاني خالص يا توتا كده تتخطبي ومتكلمنيش يا جزمه
تيا: معلش يا بنتي كنت مشغولة والله وبعدين المفروض تيجي منك انتي
ريم: ليه بشم علي ضهر ايدي
نوال: إيه يا تيا مش هتسلمي عليا ولا إيه
تيا بابتسامه: لا طبعا ودي تيجي... عاملة إيه يا خالتو وحشتيني اوى
نوال: الحمد لله يا حبيبت خالتو الف مبروك يا عروسة
تيا: الله يبارك فيكي يا خالتو
يارا: يلا يا ريم نقعد في اوضة تيا ونسهر مع بعض للصبح
ريم: دا هيبقي يوم عسل يلا بينا
تيا: يلا
*******************************
سيف: إيه يا عمر انت واياد لسه زعلانين مني بردو
عمر: مكنش العشم يا صاحبي
سيف: والله ما كان قصدي انتو فهمتنوني غلط
إياد: ولا صح بقي مش فارقة
سيف: ما خلاص بقي يا اياد قلبك ابيض
إياد: ولا اسود بقي مش فارقه
عمر: يا بني بطل عبط بقي
اياد: انت مشوفتش عمر حالته كانت عاملة ازاي دا كان هينتحر دا كان بيبكي بدل الدموع دم من قهرته يا عيني
عمر: سيبك منه دا اهبل
سيف: انا بقول كده بردو.. خلاص يعني مش زعلانين
اياد: يا بني يعني لو مكناش نزعل منك هنزعل من مين... بتتقال كده ولا انا بفتي
عمر: بتفتي تقريبآ
سيف: تقريبا!!
عمر: خلاص يا عم سيف مش زعلانين
سيف: يعني خلاص صافيه لبن
اياد: تصدق فكرتني عمر فين اللبن اللي كان في التلاجه
سيف: هههههه والله يا اياد انت ملكش حل
*******************************
*استيقظت تيا من نومها فوجدت نافذة غرفتها مفتوحه و علي التسريحه الخاصه بها ورقه معلقه عليها فقرات تيا الرساله وكان مضمونها*
(الحرب بدأت وحقي هاخده)
.
.
.
.
.
.
يتبع

هااا شكيتوا ف مين؟؟