مهمة في القوات الخاصة

الفصل الخامس

.....قولت مفيش نزول من البيت يعني مفيش نزول من البيت والشغل دا هتسيبيه نهائي
تيا:ليه كدا بس يا ماما آنتي عارفة قد إيه أنا بحب شغلي ومستحيل اسيبه
سامية:من أسبوع كان محمد زميلك ويا عالم بكرة هيبقي مين
تيا:خايفه عليا يا ماما طب سبتيني من الاول ادخل الكليه دي ليه
سامية:آنتي نسيتي آنتي عملتي موال ونكدتي عليا علشان تدخلي
تيا:يا ماما أنا هعرف احمي نفسي كويس
ساميه:والله يعني زميلك مكنش بيعرف يحمي نفسه
تيا:طب أروح النهارده بس
ساميه:المكان لسه مبقاش أمان هناك علشان اسيبك
تيا:ماما الموضوع دا فات عليه آكتر من أسبوع يعني خلاص مفيش خطر هناك وكمان النهاردة فيه اجتماع مهم جدا
سامية:هتحضري الاجتماع بس وتيجي علي طول فهماني يا تيا
تيا:حاضر يا ماما
******************
*في صاله الاجتماعات*
إسماعيل:إحنا للأسف خسرنا فرد مهم جدا وكان سبب من الاسباب إللي خلتنا نكسب في سينا لازم كلنا نقف مع بعض وناخد حق محمد أنا كنت متأكد إن فيه مناوشات هتحصل علشان كده أديتكوا اجازة علشان نستعد إحنا كمان لو حصل هجوم وميبقاش فيه ضحايا كتير.. يلا كل واحد يروح يشوف شغله
*غادر جميعهم غرفة الاجتماعات عدا ندي*
إسماعيل:إيه يا ندي مخرجتيش ليه
ندي:أنا عايزة أقدم استقالتي
*في هذا الوقت كانت تيا ستخرج من الباب ولكنها عندما سمعت طلب ندي تسمرت مكانها من الصدمة*
إسماعيل:إنتي متأكده من قرارك
ندي وهي تنظر ورأها لتنصدم عندما رات تيا:أيوة يا فندم
إسماعيل:سيبي استقالتك علي مكتبي و اتفضلي
ندي:يعني حضرتك وافقت
إسماعيل:لو متأكده من قرارك ومصممه عليه خلاص اعتبريها اتقبلت
ندي:عن اذن حضرتك
إسماعيل:اتفضلي
*ألتفتت ندي لتخرج لكنها لم تجد تيا فادركت أنها غاضبه منها بشده*
ندي:سيف مشوفتش تيا
سيف:لسه خارجة
*هرولت ندي من امامه مسرعة عندما رأت تيا من بعيد*
ندي:تيا إستني يا تيا
تيا:نعم عايزة إيه
ندي:آنتي زعلآنه
تيا بسخرية:لا أبدا ازعل من إيه هو فيه حاجه تزعل.... صاحبتي الوحيده قدمت استقالتها عارفة ليه علشان خايفة
ندي:أنا مش خايفه من حاجه بس الطبيعي إن كان هيجي يوم واسيب الشغل وبابا هو إللي أصر إني اسيبه خصوصا بعد إللي حصل
تيا:وخلاكي تدخلي الكليه دي ليه وتشتغلي الشغل دا ليه أصلا
ندي بحزن:مش يمكن لو مكنتش قدمت استقالتي يجي يوم وتزعلي عليا زي ما سيف زعل علي محمد أعز صحابه
تيا:ومن أمتي وإحنا بنخاف من الموت وطالما بتخافي آوى كده دخلتي الكليه دي ليه أصلا
ندي:تيا خلاص دا قرار نهائي والقرار دا مش بأيدي
تيا:خلاص يا ندي بس متقطعيش التواصل بنا
ندي:دا آنتي هتزهقي مني
تيا بحزن:هتوحشيني يا حيوانة
ندي:وانتي آكتر يا كلبه
تيا:علي فكره ماما كمان عايزاني اسيب الشغل
ندي:آنتي كماااان أمال عماله تعاندي معايا ليه من الصبح وإنتي كده كده هتسيبيه
تيا:مين قالك إن أنا هسيبيه
ندي:مش آنتي إللي لسه قايله وبعدين آنتي بقالك أسبوع مبتجيش فعلا
تيا:أولا أنا قولت إن ماما عايزاني اسيب الشغل لكن مقولتش إني هسيبه فعلا ثانيا بقا ودا الاهم طول الاسبوع دا كنت بقنع ماما إني أروح وهي مكنتش موافقه وشكل كده الموضوع هيطول لكن أنا مستحيل اسيب الشغل
ندي:متقلقيش أنا هتصرف
تيا:إزاي
ندي:لا بقا سيبي الموضوع ده عليا روحي آنتي دلوقتي وأنا هروح أجيب حاجات واروح
تيا:ماشي يا حبيبتي سلام
ندي:سلام
*******************
ساميه:آنتي جيتي يا تيا تعالي يا حبيبتي عندنا ضيوف
تيا في نفسها:ضيوف! إيه إللي جاب الضيوف دول دلوقتي أنا عايزة أكلم ماما في موضوع الشغل
ساميه:اخلصي يا بت تعالي
تيا:حاااضر يا ماما جاايه...... إيه دا إنت إيه إللي جابك هنا
يارا:عيب يا تيا اتلمي
سامية:سيف يا حبيبتي هيوصلك كل يوم هيجيبك ويوديكي الشغل دا إذا كنتي عايزة تروحي الشغل
تيا:نعمممم! يوصلني بصفته إيه
ساميه:خلاص خليكي قاعده وإنتي عارفه كويس إني مش هعمل حاجه تاذيكي أو تضرك
تيا:يا ماما أنا هعرف اخلي بالي من نفسي كويس
سيف بحده:أسكتي بقا علي فكره محمد كان بيعرف يخلي باله من نفسه الواحد مش ناقص يخسر حد تآني بسبب عنادك بكرة تكوني جاهزة بدرى مفهوم
تيا:.....
سيف:مفهوووم
نظرت تيا لوالدتها ثم إلي سيف وقالت:م مفهوم
*غادر سيف وذهب إلي أياد وعمر*
أياد:خلاص بقا يا سيف إنت كل يوم تيجي تقعد نفس قعدتك دي ومتتكلمش اتغيرت آوى يا صحبي مبقتش سيف إللي نعرفه
عمر:ربنا يرحمه يا سيف هو ف مكان دلوقتي أحسن مننا
سيف:نقصنا فرد ياترى هنفضل ننقص كده لحد أمتي
اياد:لا إله إلا الله إحنا هنفضل مع بعض وف ضهر بعض مش هننقص تآني يا صحبي
عمر:متفتكرش إن إحنا مزعلناش.. موته كسرنا يا سيف
سيف:علشان كان بطبيعته بيهزر وعمره مازعل حد افتكرتوني بهزر لما قولتلكوا مات
أياد:هتفضل كده لحد أمتي لا بتتكلم ولا بتهزر
سيف:لما حق محمد يرجع
عمر:وإنت عارف هتجيب حقه منين أو من مين
سيف:حقه هيرجع وهتشوف يا عمر أنا همشي
اياد:ليه بس خليك قاعد معانا
سيف:تصبحوا على خير
******************
*في صباح اليوم التالي*
سيف:بكرة تجهزى بدرى عن النهاردة شوية
تيا:أنا النهاردة جهزت بدري علي فكره إنت إللي مستعجل
سيف:بكرة تجهزى بدرري
تيا:سوق بسرعه علشان عايزة أروح
سيف:أهي العربيه عطلت إستني انزل أشوف فيه إيه
تيا:متتاخرش
*لاحظت تيا إن سيف تأخر فخرجت من العربيه لتنصدم بما رائت*
.
.
.
.
.
.
.
.
يتبع