*وبعد مرور خمس ساعات من الانتظار امام غرفه العمليات خرج الطبيب وعلي وجهه معالم الاسي والحزن*
تيا:خير يا دكتور سيف كويس
*نظر لها الطبيب بحزن ثم قال*
الطبيب:للأسف إحنا حاولنا ننقذ المريض بس إرادة ربنا فوق كل شئ... البقاء لله
*وقعت تيا علي الارض وبدأت تبكي بصدمة*
تيا بصراخ:لا لا أكيد دا كدب أكيد دا محصلش سيف مش هيسبني هو قالي كدة آنتو كدابين كلكو كدابين سيف لسه عايش مماتش متسبنيش يا سيف متسبنييش
اياد بحدة:إنت اتجننت إنت إزاي تقول علي سيف كده عديني عايز ادخله
الطبيب:مينفعش يا فندم حد يدخل
عمر بحده:آنتو مجانين اوعي كدة فين سيف ياا سيييف
الطبيب:مينفعش إللي آنتو بتعملوا ده يا فندم أنا مقدر موقفكم كويس
تيا ببكاء:يعني إيه يعني أنا مش هشوفه تآني يعني هو خلاص كده مشي وسابني
*ثم وقعت علي الارض مغشيا عليها*
اياد وعمر:تياااا
*************************
يارا:مامي يا مامااا يااا سمسمة
ساميه:عايزة إيه
يارا:مالك يا سمسمة زعلانه كده ليه
ساميه:قلقانة علي أختك دي حتي متصلتش وطمنتنا
يارا:هي مش المفروض هترجع بكرة
سامية:أيوة يا بنتي هي قالتي كدة
يارا:خلاص بقا يا ماما متقلقيش نفسك لو مجاتش بكرة هتصل علي ندي هي أكيد هتكون عارفة حاجة
سامية:ربنا يستر وتبقي بخير
يارا:يارب يا حبيبتي أنا نازلة رايحة الجامعه عايزة حاجة
سامية:عايزة سلامتك يا بنتي
*************************
*بعد مرور يومان*
عمر بحزن:إحنا لازم نمشي من هنا خلاص قعدتنا هنا ملهاش لازمة
اياد بغضب:نجيب حق سيف الأول بعد كده نبقي نفكر نرجع
عمر:انت مش شايف حالة تيا عاملة إزاي كل ما هتقعد هنا آكتر حالتها هتسوء آكتر دي من ساعتها وهي قاعده في الاوضه لكن هناك هتلاقي مامتها واختها وصاحبتها هيخففوا عنها
اياد:طب قوم خلينا نروح نشوفها
*ثم صعدوا إلي غرفة تيا وما إن فتحت تيا الباب حتي رأوها ممسكة بقميص سيف وتبكي*
اياد:تيا عايزينك تحت تقعدي معانا شوية في الكافيه
تيا:مش عايزة أروح في حتة
عمر:في كلام مهم عايزين نقولهولك
تيا:أنا عايزة أقعد لوحدي
اياد:تمام هنستناكي تحت سلام
*ذهب اياد وعمر إلي الكافيه و ذهبت تيا خلفهم*
عمر:بصي يا تيا أنا مقدر موقفك ومن حقك تزعلي علي سيف بس..
تيا:أصلا سيف مماتش آنتو مش مصدقني ليه
اياد:دا قضاء ربنا يا تيا ومينفعش نعترض عليه
تيا:بقولك سيف مماتش لأن الرصاصة مكنتش قريبة للقلب آوى كده يعني متسببش الوفاه
عمر:إحنا روحنا المستشفي متأخر وحتي لو سيف مماتش ولسه عايش زى ما بتقولي الدكتور هيكدب علينا ليه إيه مصلحته ف كدة
تيا:معرفش بس أكيد في حاجه وأنا هعرفها
اياد:تيا إحنا المفروض نبلغ أهله وأنا عايز أعرف آنتي رافضه ليه دول أهله والمفروض يعرفوا
تيا:إحنا مش هنتصل بيهم ونقولهم أوهام
عمر:أوهام!!
تيا:أيوة أوهام لما يكون لسه عايش وأنا متأكده من دا ونتصل بيهم ونقولهم إنه مات يبقي إحنا بنضحك عليهم
عمر:بصي في دكتور جاي دلوقتي وعايز يتكلم معاكي شوية
تيا:انت شايفني مجنونة صح
عمر:مش قصدي بس آنتي محتاجة تهدي أعصابك شوية
تيا:لا حيث كده بقا يبقي خليهولك الدكتور دا انت إللي محتاجه آكتر مني
عمر:أنا مش قصدي يعني... أهو وصل أهو
الطبيب:أهلا يا بشمهندس عمر ازيك يا آنسة تيا
عمر:طب نستأذن إحنا بقا.. يلا يا اياد
*ذهب معه اياد بصمت حتي ابتعدوا عن تيا قليلا*
اياد:انت اتجننت يا عمر إيه إللي انت هببتوا دا
عمر:اياد أنا مش قصدي حاجه هي نفسيتها تعبانة ومحتاجه تهدي شوية
اياد:انت بجد مش طبيعي *ثم رحل من امامه*
عمر:إستني بس يا اياد
*عند تيا*
الطبيب:بصي أنا مش عايزك تتعاملي معايا علي إني دكتور أنا عايزك تحكيلي
تيا:احكيلك إيه
الطبيب:ممكن افهم إيه إللي مخليكي متأكده إن سيف عايش
تيا:وإيه إللي يخليك متأكد إنه مات
الطبيب:علشان الدكتور هو إللي قال
تيا:دا كداب
الطبيب:وإيه مصلحته إنه يكدب
تيا:هعرف قريب
الطبيب:طب ممكن أعرف إيه اللي يثبت إن سيف لسه عايش
تيا:طول ما سيف عايش أنا حاسة بيه... عن إذنك
*************************
إسماعيل بحدة:دلوقتي فات سبع أيام علي سفر المقدم سيف والرائد تيا عايزاكوا تعرفولي مكانهم بالتحديد
خالد:يافندم التأخير شئ وارد
حازم:لا مش وراد دي تليفوناتهم مقفولة
إسماعيل: خالد عايزك تعرفلي مكانهم واتاخرو ليه وانت يا حازم عايزك تعرفلي الطيارات إللي جاية من أمريكا علي مصر أمتي وتجبلي اسامي الركاب إللي فيها
خالد وحازم:تمام يافندم
إسماعيل:اتفضلو
حازم:خالد انت ممكن تشوف موقعهم من علي الGps إللي قالك عليه سيف قبل ما يسافر
خالد بتوتر:ما أنا شوفته ومش محددلي حاجة
حازم:إزاي مش محددلك حاجة
خالد:أهو زي مابقولك كده يا حازم انت مش مصدقني ولا إيه
حازم:لا طبعا مصدقك بس هشوف أنا برضو
خالد:لا لا متشوفش حاجة أنا هبقي أجرب تآني نفذ انت إللي قالك عليه اللواء إسماعيل بس
حازم:ماشي
*************************
يارا:ندي متعرفيش تيا اتأخرت ليه
ندي:قولي السلام عليكم الأول
يارا:معلش يا ندي أصل أنا قلقانه عليها آوى وهي كانت المفروض ترجع إمبارح
ندي:طب اتصلت عليكي
يارا:لا خالص ولا مرة واحدة حتي
ندي:متخافيش يا يارا أنا هتصرف
يارا:هتعملي إيه
ندي:هتصل ب الرائد خالد زميلهم اكيد يعرف حاجه
يارا:ماشي يا ندي بس ابقي طمنيني
ندي:ماشي يا حبيبتي سلام
يارا:سلام
ندي بقلق:ياترى آنتي فين يا تيا
*ثم أخذت هاتفها واتصلت بخالد*
ندي:آلو إزيك يا خالد
خالد:كويس... وانتي
ندي:كويسة الحمد لله.. بقولك متعرفش تيا وسيف اتاخروا في السفر ليه
خالد:معرفش
ندي في نفسها:إيه الرخامه دي
خالد:سمعتيني
ندي:اه...طب متعرفش هما مسافرين فين أو هيرجعوا أمتي
خالد في نفسه:يارب ما يرجعوا أصلا
ندي:خاالد
خالد:سامعك وقولت لا
ندي:طب ممكن لو عرفت حاجه تقولي
خالد:إن شاء الله
ندي:سلام
*وعندما اغلقت مع خالد اتصلت ب يارا*
يارا:عرفتي حاجة يا ندي
ندي:لا للأسف هو ميعرفش حاجة
يارا:طب هنعمل إيه
ندي:آنتي فين
يارا:أنا في الجامعه
ندي:طب إستني أنا خمس دقايق واكون عندك
يارا:ليه هنروح فين
ندي:هفهمك لما اجيلك.. سلام
يوسف:ازيك يا يارا
*شهقت يارا بخضة ثم نظرت ورائها*
يوسف:إيه متنحة كدة ليه
يارا:انت عرفت إسمي ازاي
يوسف:والله إللي يسأل ميتوهش
يارا:إيه الجنان ده.. عن اذنك
يوسف:لا إستني مش كل مرة هسيبك تمشي
يارا:عايز مني إيه
يوسف:يعني نتكلم شوية فكي كدة
*وفي هذه اللحظه أعلن هاتف يارا عن اتصال جديد*
يارا:أنا مش فاضية للكلام.. عن اذنك... آلو يا ندي آنتي فين
ندي:أنا قدام البوابة آنتي إللي فين
يارا:طب إستني أنا شوفتك... ممكن أعرف بقا إحنا رايحين فين
ندي:رايحين عند اللواء إسماعيل هو أكيد عارف حاجة
يارا:طب يلا بسرعة
ندي:يلا
*************************
حازم:بقولك يا خالد بما إننا خلصنا شغل بدرى ما تيجي نتغدا برا
خالد:مليش نفس
حازم:إيه الرخامه و الغتاتة دي يا أخي
خالد:مقولت مليش نفس هي شغلانة
حازم:أحسن بردو أنا...
خالد:انت إيه.. حازم يا حااازم
حازم:اممممم
خالد:مالك عامل كدا ليه انت ياااابني
حازم:هي مش إللي جاية من بعيد دي ندي
خالد:اه... ااانا همشي بقي
حازم:غور بسرعة
خالد:دا انت ضايع خالص أنا ماشي
حازم:في داهية... آنسة ندي إستني
ندي:إزيك يا حازم
حازم:أنا تمام آوى.. إيه إللي جابك اقصد جاية هنا ليه قصدي يعني..
ندي:خلاص خلاص فهمتك أنا جاية أقابل اللواء إسماعيل أنا ويارا أخت تيا
حازم:أنا أقدر أساعدك
ندي:شكرا
يارا:جربي يا ندي أكيد يعرف حاجه
حازم:اه أنا أكيد أعرف حاجة
ندي:تعرف سيف و تيا اتاخروا في السفرية دي ليه
حازم:هي دي كانت مهمة خالد إنه يعرف اتاخروا ليه دا حتي اللواء إسماعيل مضايق إنهم اتاخروا وقلقان عليهم
ندي:ثانية واحدة انت قولت إن دي مهمة خالد
حازم:اه ليه
ندي:لا مفيش حاجة
يارا:لا فيه مش آنتي قولتي إن..
ندي:يارااا.. خلاص يلا نمشي
حازم:مش هتقابلي اللواء إسماعيل
ندي:لا خلاص يا حازم شكرا بس لو عرفت أي جديد ابقي قولي
حازم:من عنيا
ندي:عن اذنك
حازم:اتفضلي
يارا:أنا عايزة افهم فيه إيه ليه خالد قالك إنه ميعرفش حاجة
ندي:أكيد لسه معرفش حاجة فعلا بلاش نكبر المواضيع
يارا:طب دلوقتي هنعمل إيه في تيا
ندي:متقوليش لطنط سامية حاجة
يارا:طب لو سألتني
ندي:قوليلها هتتأخر شوية كمان أو حاولي تهربي منها يا يارا مش هتغلبي يعني وأنا لو عرفت حاجة هقولك
يارا:يارب تيجي بالسلامه
*************************
*كانت تبكي في غرفتها كالعادة وهي تفكر بكلام الطبيب وما دليلها أن سيف مازال علي قيد الحياة*
تيا ببكاء:ياترى يا سيف انت لسه عايش ولا سبتني زي ما كلهم بيقولوا ياترى ياسيف سبتني في وقت أنا محتجالك فيه وياترى السلسله دي آخر حاجة سيبتهالي
*ثم نظرت إلي السلسلة بصدمة*
تيا:الساعة
.
.
.
.
.
.
.
.
.
يتبع
أنت تقرأ
مهمة في القوات الخاصة
Actionبنت أبوها اتقتل لأسباب محدش يعرفها قررت تدخل كليه الشرطة وتدافع عن وطنها و هتقابل مشاكل كتير وفي وسط المشاكل دي هيبقي في حد دايما بيساعدها.. لكن مش كل حاجه نهايتها حلوة . . . ومن هنا تبدأ حكايتها
