*في المستشفى*
سيف:إيه اللي حصل يا حازم
حازم:انا زيي زيك اول ماسمعت الخبر بلغتك علي طول
تيا:فين الحرس اللي كانوا هنا
حازم:اتصابوا وفي المستشفى معادا واحد مكانش موجود ساعت الانفجار اصلا
تيا:ودا كان فين دا كمان! ... هاتوه
حازم:تعااالا..
الحارس:والله ما عملت حاجه يا بيه انا برئ يا بيه
تيا:متخافش
الحارس:انا كده خوفت اكتر والله.. هو انتي بتشتغلي في الشرطة اصلك لابسه ميرى
سيف بحده:فيه إيه ما تظبط كده
تيا:خلاص يا سيف سيبه... قولي بقي الانفجار دا حصل امتي؟
الحارس:تقريبا من ساعه كده
تيا:اممم طب مكنش فيه حاجه غربيه من قبلها
الحارس:معتقدش بس انا لاحظت إن فيه اتنين دخلوا المستشفي اكنهم مجانين ومخلونيش حتي افتشهم بحجة ان مراته تعبانة جدا ولازم يلحقها ومراته قعدت تصرخ لحد ما لمت عليها الدور الأرضي كله وبعدها انا روحت اجيب فطار ولما رجعت لقيت المستشفي كانت انفجرت
سيف:دا استهتار ازاي حاجة زى كده تحصل في مستشفي من أكبر مستشفيات مصر
تيا:هو ملهوش ذنب يا سيف احنا هنسيب المتهم الحقيقي و نمسك دا
الحارس:معلش بس كنت عايز اسالك سؤال
تيا:احنا هنا علشان نسأل مش نتسئل... اتفضل
الحارس:هو فيه ظابطة كده زى ما فيه ظابط عادي يعني
تيا:ظابطة!!
سيف:كلمة كمان وهاخدك اجوبك علي السؤال دا في مكتبي
الحارس:لا خلاص انا اسف والله
تيا:معني كده ان الناس دول كمان ماتوا في الحادث
حازم:فجروا نفسهم يعني
تيا:بس إيه الهدف من ورا دا
حازم:متنسيش ان عدد الوفيات كبير آوى
تيا:ربنا يستر اما نشوف اللواء اسماعيل هيمسك مين القضية
سيف:فتش المكان كويس آوى يا حازم ولو لقيت أي حاجه ابقي قولي
حازم:تمام.. عن اذنكوا
تيا:سيف
سيف:نعم
تيا:هو مش اللواء اسماعيل قال ان خالد وحازم هيشتغلوا معانا
سيف:مش مرتاحلك عايزة إيه
تيا:مفيش بس انا عايزة اسأل خالد بقي كان فين ساعت الانفجار
سيف:انتي اتجننتي صح انتي بتشكي في خالد
تيا:وليه لأ
سيف:انا مش هرد عليكي انا هتصل بخالد قدام عينك
تيا:اتصل....هااا رد عليك
سيف:اااا تليفونه مقفول
تيا بضحكة انتصار:كدة تمام آوى
سيف:تياااا
تيا:اووف خلاص
*******************************
*كانت تجلس في كافتيريا الجامعه تنتظر صديقتها*
يوسف:يعني قاعده لوحدك
يارا:انا قولتلك تقعد!
يوسف:ما اقعد عادي يعني هو حرام
يارا:ياربي علي الاستفزاز اللي علي الصبح دا
يوسف:خلاص خلاص متنرفزيش نفسك المهم الكتاب عامل إيه نشف ولا لسه
يارا:وانت مالك انت يا بارد
يوسف:قهوة اللي معاكي دي ياااه انا نقطة ضعفي القهوة
يارا:حيث كده بقي اتفضلها خالص
*ثم سكبت علي قميصه القهوة*
يوسف:سخنااااااااه يا مجنونة
يارا:ابقي طمني علي القميص زي ما اطمنت علي الكتاب
يوسف:منك لله يا بعيده يححححح
*******************************
*في مكتب اسماعيل*
اسماعيل:اللي هيمسك قضيه تفجير المستشفي سيف ولو محتاج مساعده حازم وخالد وتيا معاك واه صحيح استعدوا علشان معاد تسليم الشحنة الجديده قرب
تيا:تاااني
اسماعيل:وانتي اللي هتستلميها يا تيا
خالد:انا ممكن استلمها انا يا فندم
تيا بهمس:شوفت علشان تبقي تصدقني
سيف:طب ما انتي كنتي هتستلميها أشك فيكي انا بقي دلوقتي
اسماعيل:المهمة دي كبيرة وتيا هي اللي قدها
تيا:دي شهادة اعتز بيها يا فندم
حازم:اه صحيح كان فيه قدام المستشفي محل وكان فيه كاميرات رصدت الحادث كله
اسماعيل:كده كويس آوى تابع الكاميرات دي كويس انت وسيف
حازم:تحت امرك يا فندم
اسماعيل:تقدروا تتفضلوا دلوقتي
*******************************
مجهول٢:يا باشا انا عرفت مين اللي مسك القضية
مجهول١:ما أنا عارف سيف
مجهول٢:عرفت ازاي؟؟
مجهول١:مش شغلك
مجهول٢:بس سيف مش سهل
مجهول١ بحده:انا لما بمشي في طريق مش بسيب دليل ورايا مش زيكوا يا اغبية مشغل عندي ناس اغبية
مجهول٢:طب نجهز العملية الجديده
مجهول١:مش بقولك غبي يابني الدنيا لسه حامية هناك مش عايزين نغلط اي غلطة تودينا في داهية
مجهول٢:تمام يا باشا
*******************************
سيف:ارجع كده تآني يا حازم.... بص كده نمرة العربية اللي وصلت الناس دول باينه دا غير أن الست دي مكنتش تعبانه ولا حاجه اول مانزلت من العربية يعني كانت بتمثل
حازم:طب خدت بالك من اللي واقف بعيد دا كأنه بيراقبهم
سيف:تصدق صح بس دا مش باينه ملامحه اصلا!!
حازم:طب هنعمل إيه؟
سيف:خد أرقام العربية دي وانا جايلك تاني
*ثم ذهب سيف ليبحث عن تيا فهي لم تكن بمكتبها*
سيف:ودي هتكون فين دي كمان انا كنت حاسس ان اختفائها دا ورا مصيبة... إيه دا إيه دا ياااا مجنونة استني
تيا بخضه:انت إيه اللي جابك هنا
سيف:انتي كنتي بتهببي إيه عندك
تيا:كنت بتمشي مكنتش بعمل حاجه
سيف:واللي بيتمشي بيتمشي جمب شحنة السلاح
تيا:مكنتش بجربه علي فكره
سيف:هههههه اومال إيه اللي في ايدك دا
تيا:هااا
سيف:هي مش دي الشحنه اللي انتي شاكة فيها برضو
تيا:اااه لا امم اه هي
سيف:انتي اتجننتي تخيلي كده كان كلامك صح كان هيجرالك إيه دلوقتي
تيا:يجرالي حاجه احسن ما يحصل لجيش كامل
سيف:وانتي مستغنيه عن نفسك آوى كده بايعه نفسك كده عادي
تيا:اه عادي
سيف:طب مفكرتيش فيا
تيا:اه صحيح خد جرب انت
سيف:سيبي الي في ايدك دا وتعالي نتفاهم احسن
تيا:هجرب طلقه واحده بس
سيف:اوعي كده هاتيه
تيا:هاتو بقولك بدل ما اكسرك
سيف:هههههه تكسريني... طب إيه رأيك فيا
تيا:عادي يعني متقدرش تعملي حاجه
سيف:غبية... تيا انتي رافضاني فعلا
تيا:اه
سيف:كدابه
تيا: انا كدابه يا سيف!
سيف:طب قولي الحقيقه
تيا:هفكر
سيف:انتي مجهزة قرارك اصلا وانا واثق إنه هيعجبني
تيا:والله وجايب منين الثقه دي كلها
سيف:من قلبي
تيا:سيف والله هسيبك وامشي
سيف:طب تعرفي ان يوم الخميس اللي جاي دا احسن يوم في حياتي
تيا:قولتلك مش موافقه
سيف:طب تخيلي كدا كنت موت واحنا مسافرين كنتي هتعملي إيه
تيا: كنت هعمل عزا
سيف:اللي يشوفك وانتي بتتكلمي دلوقتي ميشوفكيش وانتي بتعيطي عليا
تيا:سييييف
سيف:بموت في عصبيتك.... استني متمشيش.... تعالي هنا...... انتي اتكسفتي ولا إيه..... الله يخربيتك شورتك المهببة يا اياد
حازم: إيه دا انا بتكلم نفسك ولا إيه
سيف:سبني في حالي يا حازم والنبي
حازم:طب مش ماشي ولا إيه
سيف: تمام انا جاي اهو.... بقولك ايه يا حازم خلي شريط الكاميرات دا معاك انا واثق فيك
حازم: طب ما نسيبه في المكتب
سيف:لا دا لو اتسرق هتبقي كارثه دا المفتاح الوحيد للقضية
حازم:ومين هيقدر يسرقه
سيف:مش عارف بس مش مطمن
حازم:ماشي يا سيف وبكره ان شاء الله هنبقي نوصل لصاحب العربيه
سيف: تمام
*صوت طلقه اخترقت جسد وارتطم بالارض*
سيف:حاااازم
.
.
.
.
.
.
.
يتبع
أنت تقرأ
مهمة في القوات الخاصة
Açãoبنت أبوها اتقتل لأسباب محدش يعرفها قررت تدخل كليه الشرطة وتدافع عن وطنها و هتقابل مشاكل كتير وفي وسط المشاكل دي هيبقي في حد دايما بيساعدها.. لكن مش كل حاجه نهايتها حلوة . . . ومن هنا تبدأ حكايتها
