You

walo

"drunk in love" 

umiikot ang paligid

ako'y naguguluhan

para bang ang daming anino na sumasayaw-sayaw

tapos ako'y bigla mong inakbayan

nginitian mo ako at hinawi ko ang buhok mo at pinagmasdan ka na lamang 

ang ganda mo talaga.

ngumiti ka ulit at hinatak ako sa gitna ng mausok at madilim na pub at sumayaw-sayaw at umikot ikot

ang ganda mo talaga. 

hindi kumukupas ang hiwaga 

hindi mawawala ang pagkahanga 

napaka-ganda mo talaga

na kahit sa umiikot-ikot ang aking ulo at ako'y nahihilo 

ikaw pa rin ang pinakamaganda sa paningin ko 

(kahit malabo) 

sumasayaw at gumigiling ka pa rin sa gitna ng club na pinuntahan 

nginingitian mo pa rin ako na para bang wala nang hanggan 

kaya't ikaw ay minabuti kong hinila sa tabi 

pero nahila ka rin ng iyong katabi 

at kumislap sa malabong ilaw ng klab ang iyong singsing 

na puno ng diyamante at napaalala sa akin

na ikaw ay hindi na akin at nasa iba ka na pala

hinila ka ng iyong asawa at ngumiti sa akin

nagpaalam na kayo'y uuwi na at nagpasalamat 

nginitian ko siya at kinamayan din 

 pinanood ko kayong umuwi na at napaupo sa isang tabi

umorder ng isa pang bote ng whiskey 

at aking napagtantong 

pareho pala tayong lasing sa pag-ibig 

ikaw sa iyong minamahal

at ako naman sa taong may mahal nang iba

na kahit masakit ay magpapakatanga 

dahil mahal pa rin kita. 

isang tungga. 

tumagal ang gabi. malalim pa ang gabi. hindi pa tapos ang gabi.

mahal pa rin pala kita. 

hindi ata ito nawala. 

tungga ulit.