ومازلت أحبك

الرابع (خطر)

صباح يوم جديد
فى مبنى المخابرات
نجيب : حذيفه الفريق اللى هتتعامل معاه هيجى دلوقتى
حذيفه : تمام يا افندم
بعد مدة الباب خبط
نجيب: اتفضلوا
هدير وايمن: ازيك يا سيادة اللواء
حذيفه بصلهم لقى واحدة شعرها اصفر وقصير ووشها ابيض جدا وسايبه شعرها
حذيفه  : هما دول
نجيب : احم النقيب هدير والنقيب ايمن دا الرائد حذيفه
هدير وايمن : ازيك يا سيادة الرائد
حذيفه : بخير
نجيب: تمام انا عايز المهمه دى تنتهى باى طريقه عايز اسماء الشركات ومجالاتهم
حذيفه: تمام يا افندم
نجيب : اتفضلوا
حذيفه اخدهم وراح المكتب عندة عشان يجهزوا خطه
حذيفه: هتعملوا اى
هدير: انا هحاول اجمع معلومات
حذيفه : ازاى
هديرببساطه : هعمل انى بشرب مخدرات وهوصل لديلر منهم واحاول ادخل بينهم ولانى هكون غنيه هيبقى دخولى سهل
حذيفه: عالعموم بلاش الثقه الزايدة دى
ايمن : وانا هدور عالشركات اللى ظهرت فجأه لان ظهور شركه فجأه بدون اى مقدمات بيثبت ان فى دعم غير واضح ليهم
حذيفه : تمام مهله اسبوع وهنبقى على اتصال
هدير: وحضرتك هتعمل اى
حذيفه: انا هشوف التحقيقات اللى اتعملت مع اللى اتمسكوا وهشوفهم
هدير: تمام
حذيفه : اتفضلوا
خرجت هدير وايمن
ايمن : اى دة انا كنت حاسس ان ده تحقيق
هدير: مش سهل انك تشتغل مع حذيفه النجار بس شكلها هتبقى عمليه جامدة
ايمن : طيب يختى شكلك ناويه على نيه سودا
هدير زاحت شعرها لورا واتكلمت بتكبر : شكلى كدا ههههه
ايمن بغيظ: ايام سودا وربنا
*****""""""""""""""*
عند عائشه وشروق
شروق بتعب : زهقت ومش لاقيين اى شغل اى القرف دة
عائشه بحزن: تعالى نرتاح شوى
فى نفس اللحظه تلفون شروق رن
شروق : دى حلا
شروق: ازيك يا قمر
حلا: بخير عملتوا اى
شروق بحزن: مش لقيين اى حاجه خالص
حلا: طب روحوا ارتاحوا وبكرة دورو تانى
شروق : هنشوف كام مكان وبعديها نروح
حلا: تمام ابقى طمنينى عليكوا وسلميلى على شوشو
شروق : حاضر يا حب سلام
حلا: سلام
**********"
عند حلا كانت فالمكتب عند اخوها
حمزة: مالهم صحابك
حلا بحزن : بيدوروا على شغل ومش لقيين
حمزة فكر شوى وبعد كدا اتكلم : خليهم يجوا الشركه وانا هشفلهم شغل
حلا بفرحه : بتتكلم جد
حمزة : اهزر لى يعنى شكلهم كويسين ومحترمين وانا محتاج
حلا قاطعته و طلعت تجرى عليه وحضنته : انت بجد احسن اخ فالدنيا انا هكلمهم حالا دول هيفرحوا جدا
حمزة بضحك: طب اكمل كلامى
حلا: لا انا خت المفيد هههه
******************
فى بيت عائشه
رنا قاعدة وشاردة
زينب: مالك يا حبيبتى زعلانه كدا لى
رنا : فى موضوع عايزة اقلهولك يا تيتا
زينب : فى اى يا بنتى قلقتينى
رنا : المعفن اللى اسمه مازن
زينب: ماله دة
رنا : شفته قاعد فى كافيه مع واحدة
زينب باستغراب: تلاقيها زميله ليه ولا حاجه
رنا : لا يا تيتا قاعدتهم بتقول غير كدا وكمان كان ماسك ايديها
زينب بتوتر: نهار اسود اختك لو عرفت ممكن تموت فيها
رنا بسرعه: لا يا تيتا منقدرش نقلها الا لما نتأكد
زينب: طب هنعمل اى
رنا بشرود : مش عارفه مش عارفه بس لازم نخليها تسيبه باى طريقه
****************
عند شروق وعائشه
عائشه : انا خايفه اوى
شروق مسكت ايديها : متخفيش ان شاء الله هيشغلونا
راحوا الشركه وانبهروا بجمالها وروعه تصميمها ووصلوا عند مكتب حمزة
شرق : السلام عليكم
السكرتيرة : وعليكم السلام اتقضلى
شروق : ممكن تقولى للاستاذ حمزة ان شروق وعائشه برة
السكرتيرة : اه هو عطينى خبر اتفضلوا
ودخلوا
حلا طلعت تجرى عليهم : اخرتوا لى كدا
عائشه بتوتر: معلش النواصلات وكدا
حمزة ببسمه : اتفضلوا اقعدوا
حلا : تشربوا اى
شروق : ولا حاجه
عائشه بخجل: استاذ حمزة حلا قالتلنا انك ممكن تشغلنا هنا عندك
حمزة وهو باصص على شروق : اه بصوا انا عايز سكرتيرة ليا ومساعدة لمدير الشئون القانونيه
عائشه لاحظت بصته على شروق وحست ان هو معجب بيها من لما كانوا فالجامعه فحست ان فعلا ممكن يكون معجب بيها ويريح صحبتها من التعب اللى عايشاه فاتكلمت بسرعه : تمام انا مش كتيرة الكلام على عكس شروق يعنى مبعرفش اتعامل مع الناس زى شروق فاعتقد ان شروق هتنفع اكتر تكون سكرتيرة حضرتك وانا هكون مساعدة مدير الشئون
حمزة بفرحه : اى رايك يا انسه شروق
شروق بخجل : مفيش مشكله
حمزة : تمام انا هجيب العقود عشان تمضوا عليها
حلا بفرحه : كدا قلبى اطمن
عائشه ببسمه : شكرا يا حلا بجد مش عارفه اشكرك ازاى
حلا : بس يا بت متقليش كدا انتوا اخواتى وبعدين اصلا حمزة اول ما عرف انكوا بتدوروا على شغل هو اللى اقترح
شروق : شكلهم انسان محترم وطيب زيك
حلا بغمزة: بتعاكسى
شروق بسرعه: لا والله
حلا : باااس انا كنت بهزر
****************
عند مازن
سهير: يا مازن انا زهقت هتخلص منها امته
مازن : هانت يا حبيبتى الصبر بس وكل حاجه هتتعدل
سهير: طب انا عايزة اخرج
مازن : تحبى تخرجى فين
سهير: اى مكان
مازن: تمام يلا نروح نتغدى فى مطعم السوشى اللى قريب من هنا
سهير بفرحه : يلا
************""""""
فالشركه
حمزة: كدا تمام
عائشه: شكرا لحضرتك
حمزة : ولا شكر ولا حاجه اعتبرينى زى اخوكى واى حاجه محتجاها انا جنبكوا وبص على شروق
عائشه: بجد شكرا
وخرجوا من المكتب
عائشه : اى يا بنتى القط كل لسانك ولا اى
شروق ببسمه : لا بس مبسوطه
عائشه بخبث؛ مبسوطه من اى بالظبط
شروق بشرود : انى سكرتيرته
عائشه : بتقولى اى
شروق : ها بقول مبسوطه ان اننا لقينا شغل
عائشه : الحمد الله بس استاذ حمزة شكله محترم جدا
شروق بهيام: وحلو جدا
عائشه بغمزة : هااااا واى تانى
شروق: اى مفيش يلا بقه نلحق نروح
*********************
عند حذيفه
قاعد ماسك ملفات المتهمين اللى اتمسكوا فقواضى الاسلحه والمخدرات بس للاسف مش قادر يوصل لخيط واحد
حذيفه : يا ولاد الكلب لعبينها صح بس على مين دا انا حذيفه النجار ومبقاش من عيله النجار لو مجبتكوش
تلفونه رن
حذبف: الو
نوال: ازيك يا حبيبى
حذيفه : بخير يا ماما انتى عامله اى
نوال بحزن: نفسى اشوفك حرام عليك هو انا موحشتكش
حذيفه  : ازاى يا ست الكل اكيد واحشتينى طبعا بس مشغول شوى
نوال: طب تعال اتعشى معانا انهاردة عشان خاطرى ما ترفض
حذيفه: هحاول يا امى حاضر
نوال بفرحه : خلاص هستناك مش هاكل الل لما تيجى
حذيفه: ربنا يسهل يا ماما
****************
عند فيلا النجار
رشا: ها يا ماما قالك اى
نوال : هيجى ان شاء الله
رشا : طب ويا سمينا
نوال : لازم يشوفها يا رشا يمكن قلبه يحن
رشا: ربنا يستر انا هروح اقلهم عالعشا واخليهم يعملوا الاكل اللى حذيفه بيحبه
نوال: ماشى يا حبيبتى روحى
******************"*
بعد مرور كام ساعه وجاءالمسا ء
نوال: وحشتنى اوى يا حبيبى
حذيفه ببسمه : وانتى اكتر يا ست الكل
رشا نزلت وهى شايله ياسمينا : ازيك يا حذيفه
حذيفه بص عليها وعلى بنته : بخير ولف وشه عالطول
حازم : اخيرا افتكرتنا
حذيفه: ظروف الشغل بقه
نوال : روحى يا رشا خليهم يجهزوا العشا ونزلى ياسمبنا تلعب عالارض
رشا فعلا سابت البنت ومشت والبنت حبت لحد ما وصلت عند باباها ومسكت رجله وهو كان بيتكلم مع حازم ومخدش باله غير لما مسكت رجله بص تحته لقاها فضل باصص عليها وفى نفس الوقت كانت نوال وحازم اتسحبوا ومشوا هو بص حواليه ملقاش حد فاضطر يشلها واول ما شلها البنت ضحكتله فضل باصص عليها ولاحظ انها شبه مامتها جدا بس اول ما افتكر مامتها سابها عالارض والبنت عيطت بس هو ما اهتمش بعياطها وسابها ومشى
كانت رشا ونوال متابعين من بعيد
رشا بحزن : دا سابها ومشى
نوال بدموع : لا اله الا الله يارب حنن قلبه عليها يارب متخليهاش يتيمه الاب والام
رشا : انا هروحلها
*********""""""""""
حذيفه خرج وركب العربيه ومشى بيها ومش عارف هيروح فين ودار بالعربيه يمكن النيران اللى شبت فقلبه تتطفى وحنينه لميس يتقتل
****************
عند عائشه
مازن: تعالى نخرج
عائشه : بجد يا مازن هتخرجنى
مازن: اه يا حبيبتى اجهزى وانا هستناكى
عائشه بفرحه : هوا
بعد مدة جهزت وخرجوا وراحوا قعدوا عالنيل
مازن : عيشه انا عايزك فموضوع
عائشه : اى
مازن : بصى انتى عارفه انى بعمل اللى اقدر عليه عشان نتجوز لانى بصراحه مش قادر استنه اكتر من كدا
عائشه ببسمه : عارفه
مازن : طلع ورقه وقالها بصى انا عايزك تمضى عالوصل دة عشان هجيب بيه العفش ومتخفيش انا هسددة عالطول بس عشان نتجوز عالطول
عائشه بتوتر: بس انا يعنى خلينا براحتنا نجهزها براحتنا وكدا
مازن بحزن  مصطنع : انتى مش واثقه فيا ولا مش عايزانا نتجمع تحت سقف واحد
عائشه بسرعه: لا طبعا واثقه فيك بس يعنى
مازن قاطعها : من غير بس امضى ومتخفيش
عائشه بخوف : ماشى
وخدت الوصل ومضت على وثيقه دمارها
مازن بخبث : تمام يا حبيبتى
كان فى واحد متابعهم من بعيد وما كان سوا ذاك الذى ستقع فى عشقه ليزيقها من الالم الوان

صباح يوم جديد
مرت عدة ايام من بعد مازن مرة بعد الاخرى عن عائشه وبدايه اعجاب حمزة وشروق ببعض وخزن عائشه الدائم وحذيفه دافن نفسه فى شغله
 

فى مبنى المخابرات فاجتماع
حذيفه : وصلتوا لاى
ايمن : فى كام شركه قدرت اوصل ليهم ان هما ظهروا فجأه بدون اى بدايه صغيرة وكمان كان معمول ليهم تهرب ضريبى والملف اللى قدامك فى اسمائهم

حذيفه : تمام وانتى يا هدير
هدير : قدرت اوصل لديلر بس الغريب ان هو بس اللى بيبيع البضاعه ومسيطر على المناطق كلها بس طبعا مقدرتش اوصل ليه
حذيفه : امال عرفتى عنه ازاى
هدير بخبث: ليا مصادر عالعموم انا وصلت للمنطقه الموجود فيها وطبعا لقيتها مترشقه عيون ليه فى كل حته
حذيفه : تمام انا قريت التحقيقات ومحدش قال حاجه فانا هعملهم زيارة حلوة وانت يا ايمن خليك ورا الشركات دى وحاول تشغل حد فالشركات دى محتاجين حد يكون جواهم
هدير: انا فى شركه ممكن ادخلها
حذيفه : يبقى تمام جدا
هدير وايمن : تمام من بكرة هنتحرك
********************
فالجامعه
حلا : يا بنتى مالك بس
عائشه بحزن : مفيش حاجه صدقينى انا بخير
شروق : طب مازن مزعلك
عائشه بدموع : مازن مازن مختفى بقاله كذا يوم ومش قادرة اوصله
حلا : مش فاهمه يعنى اى
عائشه : مش عارف معلش يا بنات انا تعبانه ممكن يا حلا تروحينى وانتى يا شروق اعتذريلى من استاذ حمزة انى مش هحضر اليوم لانى تعبانه جدا
شروق : سلامتك يا حبيبتى ابقى طمنينى عليكى
حلا: يلا
وركبوا وروحوا حلا وعائشه وشروق راحت الشغل
****************