ومازلت أحبك

الحادى عشر

صباح يوم جديد
عائشه فالمطبخ هى ورشا بيحضروا الفطار
عائشه بضحك : أما انا بقه عليا شويه فول وطعميه إنما اى هتاكلوا صوابعكوا وراهم
رشا بضحك: لما نشوف يا خوفى تطلعى بق فالاخرة
عائشه بفخر مدت ايديها بلقمه فى بق رشا وربعت ايديا : ها
رشا بإعجاب: واو يا بت تحفه تحفه
عائشه يتفاخر: مبحبش اتكلم عن نفسى كتير
حازم من برة: يلا يا رشا
رشا بضحك؛ حاضر يا حبيبى جيه
بدؤا يطلعوا الاكل
نوال : اى الروايح الحلوة دى
رشا : اسكتى يا ماما عيشه عامله شويه فول وفلافل إنما اى عجب
حذيفه: صباح الخير
الجميع: صباح النور
حذيفه : القهوة يا دادا
عائشه: انا مجهزاها هجبهالك حالا
حازم : اتعلمى شايفه من قبل ما يقول مجهزاله القهوة
نوال لبسمه: بس يا ولا
عائشه ببسمه : اتفضل القهوة
حذيفه بصلها ونزل عينه عالطول: شكرا
نوال: هتتغدوا باى يا ولاد
حازم : اى رأيكوا نعمل حفله باربكيوووووو
رشا بفرحه: ياريت نفسى فى كفته اللى بتعملها يا حذيفه والنبى
حذيفه لبسمه: ماشى
نوال: هكلم حمزة وحلا يجوا بالمرة
حذيفه : انا كلمته يا ماما وزمانهم على وصول اصلا
حازم: تسلم ايدك يا عيشه بجد شويه فول من الكتاب المقدس
عائشه: بالهنا والشفا
اتكلموا كتير وعائشه بتحاولى تقرب من حذيفه بشتى الطرق
.........
رنا: بقلك يا تيتا متيجى نخرج نتفسح شوى
زينب : نروح فين يا ست رنا
رنا : اها نتمشى حتى لو عالكورتيش
زينب: ما انتى عارفه أن انا بتحرك بالعافيه
رنا : تعالى بس وملكيش دعوة وانا هخليكى تجرى
زينب بضحك: يخرب عقلك يارنا
رنا: هكلم البت شروق تيجى معانا
.........................
عند فيلا النجار
حذيفه بيجهز العدة بتاع الشوى
نوال : روحى ساعديه
عائشه بتوتر: بس هو
نوال : قلتلك اى خليكى وراه هيرفض مرة والتانيه والعاشرة بس انتى اصبرى اللى يصبر ينول
عائشه بتوتر: حاضر
راحت عند حذيفه وبتقدم رجل وتأخر رجل : محتاج مساعدة
حذيفه : لا شكرا
عائشه وقفت وبتبص عليه ومتوترة : طب اجبلك حاجه او
حذيفه بصلها كتير: ممكن تصبعى الكفته تعرفى
عائشه بفرحه: طبعا انت ناسى انى كنت شغاله فمطعم
وبدأت تعمل فالكفته وهو بيولع الفحم
حذيفه: خلصتى
عائشه: اه اتفضل
ووقفت جنبيه تحت إشراف نوال من بعيد
حازم : والله يا ماما انتى مخك دة نار
نوال بضحك: بس لأخلي نارة تولع فيك
حازم : على اى الطيب احسن
ياسمينا: هروح عند مامى
نوال: لا يا حبيبتى استنى دورك جى
حلا: والله عائشه طيبه وتستاهل الخير كله بس لو أبيه يديها فرصه
حمزة : ان شاء الله خير شكل عيشه مبتيأسش
حلا بضحك: عيشه دا انا مستعجبه أنها صابرة وبتحاول يبنى عيشه دى بتقول لليأس ابوس ايدك متسبنيش هههههههه
رشا: بس هى عايزة تعمل عيله فعشان كدا صابرة وبتحاول
حمزة : هههههه بس حذيفه شكل مسخرة وهو واقف ومش قادر يمشيها
الكل: ههههههههه
عائشه: هو لو انت مضايق انا ممكن امشى

حذيفه بسرعه: لا  قصدى عادى خليكى
عائشه بفرحه: عملت اى فالقضيه اللى كنت ماسكها
حذيفه: والله لحد دلوقتى الأمور متعقدة ومتتداخله
حتى اللى معايا مش عارفين يوصلوا لمعلومات
عائشه بغيظ: اللى معاك البنت اللى معاك اسمها اى غدير لدير
حذيفه بصلها كتير: هدير
عائشه : هدير اه ودى اى اللى يشغلها الشغله دى.
حذيفه: عادى يعنى
عائشه قعدت تخلط احاديث مع حذيفه
لحد ما جت ياسمينا
ياسمينا : ابحينى
عائشه بضحك: تعالى ابحك يا ستك
ياسمينا : بحبك
عائشه وهى بتبوسها: وانا بمموت فيكى
ياسمينا : بس انتى بتحبى بابى اكتر
عائشه بصدمه : اى اللى بتقوليه دة
ياسمينا بوعل: انتى سبتينى وواقفه مع بابى وانتى يا بابى
حذيفه : انا اى
ياسمين: بتحب مامى
عائشه بصت لحذيفه وهو باصصلها ومستنيه رد منه 
عائشه بزعل :تعالى يا اسو نجهز الاطباق والسفرة
حذيفه بتوتر: حطى طبقين زيادة
عائشه باستغراب: لمين
حذيفه: لهدير وأيمن هيتغدوا معانا.
عائشه بغيظ: هدير ررررر
حذيفه بدون وعى ابتسم : ايوة