ومازلت أحبك

الرابع والعشرون

عائشه بوجع : انا موافقه
حذيف بصدمه: موافقه على اى
عائشه : نطلق يا حذيفه
حذيفه بغضب: انتى بتقولى اى
عائشه بتحاول تكتم دموعها: اللى سمعته انا مش قادرة اتخطى الموضوع
حذيفه: كداااااابه
عائشه بوجع بتحاول متبينش ضعفها ولادموعها: لا مش بكدب يا حذيفه انا قررت نتطلق القرار دة فمصلحه الكل
حذيفه: مصلحه مين
عائشه : مصلحتكوا كلكوا وانت كمان
حذيفه بسخريه: مصلحتى انتى شايفه مصلحتى انى ابعد عنك
عائشه: ايوة انا اسفه لكل اللى عشتوة بسببى
سامى: اه معندكش حجه هى بنفسها طلبت الطلاق
حذيفه: بس انا مش هطلقك يا عيشه
عائشه راحت لعندة ومسكت ايدة: عارفه يا حذيفه انك بتحبنى عارفه انك مش هتقدر تعيش من غيرى ولاانا هقدر اعيش من غيرك بس بابا مش هيسكت بابا سكت عشرين سنه وراجع زى الصقر المجروح محدش لى ذنب فكل اللى بيحصل ارجوك يا حذيفه كفايه لحد كدا انا مش هقدر اكمل وانا بلومكوا على فقدان امى وانتو تلومونى على دمار شركتوكوا
حذيفه : محدش ه
قاطعته عائشه: لا هتلومونى وانا هلومكوا مش هنقدر نكمل ارجوك يا حذيفه ارجوك هنرحم بعض ونرحم اللى حوالينا
حذيفه ولاول مرة دموعه بتنزل: مش هقدر
عائشه بدموع : لا هتقدر عشان خاطر الكل عمرنا ما هنعيش مبسوطين طول ما هما زعلانين وان كنت عندك مش السبب بس عندهم هكون السبب
نوال: سامحينا يا بنتى انا عارفه اننا جينا عليكى بس صدقينى غصب عننا
حذيفه : هنسافر ونبعد
عائشه : انا خسرت اهلى لما اخترتك وانت هتخسر اهلك لو اخترتنى ولاانت هتقدر تعيش ولاانا هقدر
حذيفه ارجوك طلقنى ارجوك
حذيفه : انا اسف
عائشه ببسمه مكسورة : مسمحاك
حذيفه: انتى طالق
وكأن ذاك البرق والرعد بالخارج اخترق جسدها ووصل الى قلبها لينشطر لنصفين لما يكن الطلاق منصفا لاحد فقد كان الجميع يذفون الدموع ذفا على ذاك العشق الذى صمد كثيرا لينهار اخيرا
حذيفه خرج وعائشه طلعت تلبس
عائشه: ايوة يابابا
مهران : ايوة
عائشه: حذيفه طلقنى نفذ وعدك
مهران بفرحه: برافو يا عيشه انتى انقذتيهم تعالى هبعتلك السواق
عائشه : تمام
قفلت التليفون عمرى ما هسامحكوا عمرى
عائشه اخدت تمارا ونازله
ياسمين: ماما
عائشه وقفت وقلبها واجعها مش عارفه تقول اى لبنت قلبها
ياسمينا : رايحه فين يا ماما رايحه عند تيتا من غيرى
عائشه بدموع: عارف يا ياسمين انا بحبك اد اى
ياسمين: ايوة بتحبينى كتير
عائشه بدموع: انا لازم امشى
ياسمينا: خدينى معاكى
عائشه: مينفعش امال مين هيخلى بالوا من ديدو ويلاعبه
ياسمينا بدموع: مامى انتى هتيجى عالطول مش كدا
عائشه بدموع اخدتها فى حضنها وكانها بتحطها جوة قلبها : عايزاكى تعرفى انى بحبك اد الدنيا دى كلها وهكلمك عالطول وهنخرج كمان اى رايك
ياسمينا : ماشى يا مامى
عائشه خرجت وحذيفه كان بره ودموعه نازله راحت لعنده : مع السلامه
حذيفه بسخريه: بتودعينى
عائشه بتمسح دموعه : لا مش بودعك عشان انت هنا وشاورت على قلبها
البواب: فى  عربيه برة السواق بيقول عايزك يا ست هانم
عائشه ؛ حاضر
حذيفه اخد تمارا وحضنها وبيشم ريحتها : خلى بالك من نفسك
خرجت وكأنها اخذت قلبه معها
..............
عند مهران
مهران: اطلقوا
رنا بوجع: اى
زينب: مش هو دة اللى انتو عايزينه
مهران: ايوة
زينب: حرام عليك بنتك شافت كتير وحذيفه ميستلهش اللى بتعمله فيهم دة
مهران: وانا مكنتش استاهل اللى عملوة فيا
شهاب: بس الامور مكنتش تتحل كدا يا عمى
رنا : انا خارجه الجنينه
شهاب خرج وراها : زعلانه يعنى
رنا ساكته
شهاب: مش هو دة اللى انتى كنتى عايزاه
رنا بدموع: لا انا كنت غضبانه ومخنوقه وموجوعه بس انا عارفه هى بتحبه اد اى وهو كمان بيحبها
انا بحب حذيفه كانه اخ ليا بس كنت موجوعه
شهاب : اللى حصل حصل
عائشه وصلت وقفت قدام فيلا تشبه القصر والحراس ماليين المكان دخلت جوة
زينب : تعالى يا حبيبتى تعالى يا بنتى
عائشخ رمت نفسها فى حضن زينب وبقت تبكى بالصوت العالى
رنا اخدت تمارا وحاطه ايديها على بقها تكتم شهقات بكائها الصامت
عائشه: اااااه يا ستى ااااااه هموت من الوجع والقهرة
زينب بدموع: لا يا عمرى متبكيش انتى عملتى الصح ولاانتى هتقدرى ولا هو هيقدر استحملى استحملى يا بنتى
مهران واقف بعيد وبيبلع غصه فى قلبها بالم
شهاب: اهدى يا عيشه
عائشه بدموع: موجوعه يا شهاب كسروا قلبى ابويا رجع عشان يكسر قلبى
شهاب بحزن : نصيبك ومحدش عارف الخير فين
عائشه سابتهم وطلعت اوضتها
مر يومين
مهران : ممكن نتكلم
عائشه ولم تنسى انه ابيها: اتفضل
مهران : انا عارف انى وجعتك ووجعتك اوى بس عمر وجعك ما هيكون قد وجعى مراتى الحامل حب عمرى ماتت قدام عينى بسبب قله حيلتى كسرت قلبك عمرها ما هتكون قد كسرتى وانا ببوس ايديهم عشان يدونى الفلوس انقذ مراتى وعمرها ما هتكون قد كسرتى وانا شايفه خرج من السجن لا وكمان الملف يتلغى من النيابه ولا كأن شئ كان انا عارف انك موجوعه بس من حقى ادقهم نفس الكاس اللى شربت منه حظهم انك متجوزه ابنهم صدقينى لو مكنتيش صدقينى كنت همحى اسم النجار من عالدنيا
لم تستطع تحمل تلك الكلمات : تمام يابابا انا عملت اللى انت عايزة ياريت تنفذ اللى قلت عليه
مهران: انا فعلا انهاردة رجعت ليهم التعاقدات اللى اتلغت انماالاسهم اللى اخدتها لما عرضوا اسهم الشركه للبيع دى هتفضل ليا انا مش عايز ايرداتها بس هحتفظ بيها
عائشه : تمام عن اذنك عايزة انام
مهران: اتفضلى
...............
حازم : تمام يا احمد سلام
حمزة: ماله
حازم : الشركات رجعت العقود تانى بس الاسهم مرجعتش بس مش عايز ايردات 
حمزة ببسمه: الحمدالله مش مشكله بس غريب
نوال : اهم حاجه ان الشركات رجعت تعاملكوا
حمدى : شدوا حيلكم بقه ورجعوها زى ما كانت
حمزة: عن اذنكوا هشوف حذيفه
خرج عند حذيفه : حذيفه ممكن نتكلم
حذيفه : اتفضل
حمزة: انا مكنش ليا حق ادخل ومكنتش عايز ازيد همومك بس اللى حصل هو اللى كان لازم يحصل
حذيفه بسخريه: عارف يا حمزة عارف
حمزة: طب لى عامل كدا متحملش حد الذنب
حذيفه: لا انا مش محمل حد الءنب انا بس واحد خسر روحه فبيحاول يستوعب
حمزة؛ معلش يا حذيفه انا عارف ان مش وقته بس احنا لازم نرجع الشركه عشان نشوف الدنيا رايحه فين هو رجع التعاقدات بس مرجعش الاسهم
حذيفه بغيظ: لازم يرجعها هنعمل المستحيل عشان ناخدها وانا وانت والزمن يا مهران
حمزة بخوف: انت ناوى على اى
حذيفه: مش على خير
حمزة: لا يا حذيفه خلينا فحالنا انتى مش متخيل المعلومات اللى عرفناها عنه
حذيفه : اى اللى عرفتوه
حمزة : راجل مصرى اتجوز بنت رجل اعمال امريكى قدر يعمل كيان لنفسه قبل ما يتجوز ولما اتجوز زاد نفوذه الفيلا اللى اخدها هنا كلها حراسه والكل عامله حساب حتى فامريكا بينافس اكبر رجال الاعمال ومحدش يقدر يقرب منه
...............
مر اسبوع بدأت الشركه ترجع زى ما كانت او نقدر نقول كدا
عند عائشه
شروق: عامله اى
عائشه : بخير يا حبيبتى انتى عامله اى وحلا عامله اى
شروق: كانت هتيجى بس
عائشه ببسمه: حصل خير ياسمينا عامله اى
شروق: وحشتيها كل يوم بتسال عنك
عائشه بحزن: بكرة تنسى زى ما كله هينسى
شروق: وانتى هتنسى
عائشه : يمكن انسى هو عامل اى
شروق: اهو بيحاول يبقى كويس عشان يقدر يكمل بيفضل فالشركه من الصبح لليل وبيرجع يلاعب ياسمينا شوى وينام
عائشه: ربنا يعينه المهم عامله اى فالحمل
شروق: اهو ماشى الحال
عائشه: تعالى نخرج بقالى كتير عايز اشم هو
شروق : تعالى نروح اى كافيه نشم هوا واهو تغيير حو
عائشه : هلبس تمارا والبس وانزل
شروق: هستناكى عند ستى تحت
........................
نوال : معلش يا رشا مزودين الحمل عليكى
رشا: اى الكلام اللى بتقوليه دة يا ماما متنسيش ان انا اللى مربيه ياسمينا
سامى: انا كلمت شهد هتيجى تقعد معاكوا تخلى بالها من ياسمين
رشا: مكنش لى لزوم انا موجودة
سامي: له عشان خاطر ولادك برضك
........................
فالكافيه
عائشه وشروق قاعدين
شروق: حاضر يا ماما جيه
عائشه: فى حاجه ولااى
شروق: ماما وبابا اتخانقوا معلش يا حبيبتى مضطرة امشى
عائشه ببسمه: اتفضلى ياروحى وسلميلى على طنط كتير
شروق: يوصل با حبيبتى
بعد مدة عائشه قاعدة بتلاعب بنتها وفجأه سمعت صراخ عبى المكان اخدت بنتها فى حضنها ولقت ناس داخله بمسدسات مسكت  تلفونها بتطلب حذيفه
عائشه بخوف لما لقتهم جايين ناحيتها
عائشه بصراخ: عايزين اى
عند حذيفه
قاعد فالاجتماع تلفونه رن يأسمها
حذيفه بحنين : عيشه الو وكأن السماء امطرت عليه حجارة حينما سمع صراخها بأسم ابنتها
عائشه بصراخ: تماراااااااااااااااااااااا
حذيفه بخوف: فى اى عيشه ردى عليا
عائشه بخفوت: الحقنى يا حذيفه
حمزة: فى اى
حذيفه بخوف: بنتى
حازم : مالها انطق فى اى
حذيفه: معرفش هى بتصرخ وصوتها اختفى
حمزة بقلق: كانت هى وشروق سوا انا هكلم شروق
واتحرك الكل لما عرفوا مكانها
وصل حذيفه عالمكان كانت الشرطه ماليه المكان
عائشه بانهيار: انا عايزة بنتى بنتى يا بابا
مهران: اهدى يا حبيبتى
حذيفه من بعيد: عيشه
لم تكن تعبأ بان كل شئ انتهى ذهبت اليه لترتمى بين احضانه : بنتى يا حذيفه اخدوا بنتى
حذيفه بخوف: مين وبيمشى ايده على وشها مكان ماضربوها
شهاب: تعالى يا عيشه عشان تحكى اللى حصل
حذيفه ماسك ايديها
عائشه: معرفش معرفش حاجه هما دخلوا واخدوا بنتى من جوة حضنى وضربونى
مهران اخدها فى حضنه: هجبهالك يا بنتى هجبهالك
عائشه بدموع: ارجوكوا هاتولى بنتى
ظابط: شهاب بيه
شهاب: نعم
الظابط : لقينا دى
شهاب مسك الورقه ووشه اتقلب
حذيفه : فى اى
شهاب عطاه الورقه
عائشه : انتوبتبصوا لبعض كدا لى فيها اى الورقه دى
حذيفه : اهدى مفيهاش حاجه
عائشه بخوف: بنتى فين يا حذيفه ومسكت هدومه بنتى فين
حذيفه : ابن زهير
عائشه بصراخ : لاااااااا بنتى لاااااااااا
مهران : مين دة
شهاب : هحكى لحضرتك......
مهران مسك التليفون وطلب : همام تعالى حالا عالمكان دة
لم تمر سوى دقائق حتى يتعبى المكان بالحراس
مهران : تغطسوا وتطلعوا بابن ال..... دة وتجيبولى حفيدتى سامعين
همام : امرك يا باشا يلا
ايمن : فى اى اى اللى حصل
هدير: فرغتوا الكاميرات
شهاب: اه بس كانوا متلثمين
هدير؛ مكنتش اعرف ان زهير عندة ابن
شهاب: المهم حاليا لازم اشوف زهير دة لازم
حذيفه : انا عايز اشوف الكلب دة
ايمن : متقلقش سيادة اللوا بيحقق معاه لما عرف اللى حصل خير متقلقش
مهران : يلا يا عيشه نروح
حمزة : متقلقيش ان شاء الله ترجع
مر يوم ومفيش اى جديد الكل مستنى اى خبر وحذيفه بيدور فكل الاماكن مع ايمن وهدير وكمان همام ورجالته بيدور.
رنا بفرحه: عرفوا المكان يا عيشه
عائشه بفرحه: بجد
رنا: اه شهاب كلمنى ورايحين يشوفوها زهير قالهم على مكانه
زينب: يارب يارب سترك يارب
مرت كام ساعه وسمعت صوت عربيه نزلت جرى ظنا انها ابنتها لم تكن تعلم انها نهايه ابنتها فتحت الباب لقت حذيفه واقف وفايدة فستان مليان دم
عائشه بخوف: فين بنتى