ومازلت أحبك

الفصل الثانى

حذيفه بفرحه: بجد دا احلى خبر سمعته
ميس: بس انا مش عايزة البيبى دة
حذيفه: قصدك اى مش فاهم
ميس بتوتر: انا مكنتش عايزة بيبى دلوقت يعنى لسه بدرى والعمر قدامنا طويل نأجل الموضوع دة
حذيفه بغضب؛انتى شكلك اتجننتى انتى عايزة تنزلى البيبى
ميس بخوف : انا مش عايزة اطفال دلوقتى خلينا عايشين سوا من غير اطفال نستمتع بالحياه
حذيفه بغضب: الطفل دة مش هينزل يا ميس ولو نزل يبقى استحملى عقابى
ميس بخوف : قصدك اى
حذيفه : اللى فهمتيه صح يا ميس
ميس: لا مستحيل انت متقدرش تعمل كدا انت بتحبنى متقدرش تستغنى عنى
حذيفه : انا عرفتك وانتى اتصرفى براحتك
باااااااك
حذيفه : مسح دمعه من عنيه سامحينى يا حب حياتى سامحينى
******************
حمزة روح البيت وقابل حلا
حلا: عامل اى يا وحش
حمزة بحزن: بخير
حلا: مالك يا حبيبى
حمزة : زعلان على حذيفه
حلا: ماله حذيفه
حمزة: مش عايز يطلع من الماضى وبنته محتجاه والكل محتاجه وهو مش سأل فحد
حلا : للاسف هى مشت بس خدت روحه وقلبه وعقله معاها اللى بيحب بجد مبينساش بسهوله وهو عشقها
حمزة : عارف عارف
حلا خبطت على رجله : معلش مسيرة هيرجع للى بيحبوة ولبنته
حمزة بحزن: امته بس انا واحشنى صحبى
حلا بحزن : الصبر الصبر بس
**************##*##*****
حذيفه راح ملهى ليلى وقاعد بيشرب جت ليه واحدة
البنت بدلع حطت ايديها على ضهرة: ممكن اقعد
حذيفه بصصلها: اقعدى
البنت بدلال قربت منه : تحب نشرب هنا ولا فى بيتك
حذيفه من دون اى كلام قام وشدها وجرها وراه وخدها البيت
******************
عند عائشه روحت من المطعم وقابلت مازن خطيبها تحت البيت
مازن : عامله اى
عائشه : بخير انت عامل اى
مازن : محتاج فلوس يا عيشه
عائشه بحزن: طب انا الفلوس مش معايا خالص
مازن بحزن مصطنع : انا بصرف كل اللى معايا عالشقه اللى جبتها ومحتاج كتير عشان اجهزها
عائشه : طب انا هستلف من المدير بكرة واديهملك
مازن بفرحه : بجد
عائشه ببسمه : ان شاء الله
مازن: طب انا هستنى الفلوس بكرة ماشى
عائشه بحزن : تمام
وسابته وطلعت البيت
زينب: حمدالله عالسلامه يا حبيبتى
عائشه : الله يسلمك يا نينا امال فين رنا
زينب: بتجهز العشا
رنا : حمدالله عالسلامه يلا عالعشا بقه
قعدوا عالاكل عائشه طلعت الفلوس وعطت منها لكل واحد
رنا : اى دول
عائشه : دول فلوس الجمعيه خدى دول وهاتى بيهم اللى انتى عايزاه
رنا : بس انا مش عايزة حاجه يا حبيبتى خليهم ليكى
عائشه : رنا انا قلت هتاخديهم يعنى هتاخديهم بطلى عند بقه
زينب: طب رنا هتجيب حاجات ليها انا لى
عائشه : هتجيبى الدوا اللى ناقصك كله
زينب : بس انا معنديش حاجه ناقصه
عائشه : تيتا انا عارفه ان اغلب الدوا بتاعك خلص ومش راضيه تقولى فمتزعلنيش منك بقه
رنا : ربنا يخليكى لينا يا عمرى وقامت حضتنتها
زينب : ربنا ما يحرمكوا من بعض ولا يحرمنى منكوا
عائشه ورنا : ولا منك
**********************
عند شروق
عادل : فينك يا هانم اخرتى ليه
شروق بخوف : كان عندى شغل كتير فالمطعم انهاردة واخرت انا اسفه يا بابا
عادل بقرف : وهيدوكى فلوس عالوقت الزيادة دة ولا هيضحكوا عليكى
شروق : لا هيدونى
عادل : احسن عشان انا محتاج شويه حاجه الشهر دة
شروق : بس انا كنت محتاجه الفلوس يا بابا عشان الكليه هجيب كتب لسه مجبتهاش
عادل بغضب: انتى عايزة اى بقلك اى انا ساكت انك بتكملى تعليمك انما لو هتعملى كدا يبقى انسى تعليمك دة
شروق بدموع : خلاص خلاص هعمل اللى انت عايزة
الام : حرام عليك دى بنتك لى بتعمل كدا
عادل : بقلك اى انتى التانيه اكتمى احسن ودينى اربيكوا انتوا الاتنين من جديد
شروق بخوف : خلاص خلاص يا امى انا هدبر امورى وسابتهم ودخلت تبكى لانيستها الوحيدة ورنت على عائشه
شروق بدموع : الو
عائشه : مالك يا حبيبتى
شروق : تعبانه يا عيشه وزهقت من كل حاجه امته ارتاح بس
عائشه: استهدى بالله بس واحكيلى
شروق : قصت لها كل شئ
عائشه بحزن : معلش يا حبيبتى ممكن يكون محتاج الفلوس فى حاجه مهمه
شروق بضحك ودموع فى عنيها: انتى بتكدبى عليا ولا على مين انا وانتى عارفين كويس عايز الفلوس لى عشان يصرفها على الرقصات اللى بيقابلهم انا اتعب وابهدل وهو يصرفهم على المعفنين دول انا تعبت لى يارب لى انا ريحنى بقه
عائشه: بس متقليش كدا اللهم لا اعتراض ربنا اكيد شايلك فرحه هتعوضك بس انتى اصبرى بس
شروق : لامته يا عيشه لامته
عائشه بحزن : قريب باذن الله
شروق غيرت الموضوع : عملتى اى مع المعدول
عائشه بحزن : تخيلى لقيته مستنينى تحت البيت وحتى مقليش اخرتى لى
شروق بحزن : انا خايفه يكون بيلعب بيكى
عائشه : لا انا عارفه انه بيحبينى
شروق بعصبيه: لما بيحبك لى مبيحسسكيش بلامان لى مش بيكون جنبك لما تحتاجيه لى كل دة لى جاف معاكى لى الفراغ اللى جواكى موجود دايما لى مش سعيدة لى يا عيشه اللى بيحب بيسعد ويفرح انما هو لا انتى بتعملى كل حاجه عشان ميحسش بالعجز بس انتى بتعجزى نفسك بنفسك
عائشه بحزن : انتى مش فاهمه هو بيحبينى بس بيكابر يعنى بيقول الراجل مينفعش مشاعرة تظهر بيعتبرها ضعف
شروق بحزن على صديقتها : اتمنى يكون كلامك صادق
عائشه بهروب من الكلام : سلام عشان هنام اقابلك بكرة
شروق : ماشى سلام
******************
صباح يوم جديد
حذيفه قام دخل الحمام وخرج : اسمك اى
البنت : مريهان يا باشا
حذيفه : خدى الفلوس دى وسيبى رقمك
مريهان : تمام يا باشا
فى نفس الوقت التليفون رن
حذيفه : ازيك يا حمزة
حمزة : اهلا يا باشا
مريهان : الرقم اهو
حمزة بغضب: يا اخى اتقى الله ارحم نفسك من اللى بتعمله دة ربنا شايفك
حذيفه لنفاذ صبر: خلصت محاضرتك ولا لسه
حمزة: يا حذيفه ميس عمرها ما هتكون فرحانه باللى بتعمله دة
حذيفه بنفاذ صبر: ملكش دعوة انت متصل لى
حمزةبحزن: تعال الشركه فى ورق محتاج امضتك
حذيفه : ماشى سلام
قفل معاه وكانت مريهان طالعه من الحمام راح عندها مسكها من شعرها لما اكون بتكلم فالتليفون تقعدى زى الكلبه خرسا سامعه
مريهان بخوف : حاضر سيب شعرى
حذيفه زاحها وسابها ومشى وراح عند حمزة
*****************
فالجامعه فالمحاضرة قاعدين مستنيين الدكتور
حلا ملاحظه سكوت عائشه وشروق : وحدوووووه مالكوا يا جماعه
شروق : ولا حاجه
عائشه : معلش يا حبيبتى راسى مصدعه شوى
حلا : هعمل نفسى مصدقاكوا
وراهم قاعدين بنتين
منار: هتعملى اى
نور: هطلع غيظى كله انهاردة وهخلى اللى ما يشترى يتفرج عليهم
منار : طلعيهم من دماغك
نور: انا نور المهدى محدش يبقى احسن منى ابدا
منار : يا بنتى انتى بتقولى نور المهدى هما مش احسن منك بحاجه دول ناس غلابه يا دوبك الحاجه اللى ناجحين فيها الدراسه طلعيهم من دماغك
نور: بقلك اى اطلعى من نفوخى خلينا انفذ اللى انا ناويه عليه
منار سابتها ومشت : براحتك
بعد انتهاء المحاضرة الكل لسه هيمشى
نور بصوت عالى : استنوا
الدكتور : خير يا نور
نور ببكاء زائف : الخاتم السلوتير بتاعى مش لقياه
الدكتور : يعنى اى
نور: خلعته وحطيته فالشنطه ومش لقياه
الدكتور : يمكن نستيه بالبيت
نور : لا انا جيت بيه
عائشه : استغفر الله يعنى الحكايه ناقصه وش
شروق : تستاهل
حلا : فرحانه فيها
نور غمزت لشاب
الشاب: انا شفت اللى خده
الدكتور: مين
الشاب: عائشه يا دكتور انا شفتها هى وشروق وحلا كانوا بيفتحوا الشنطه
عائشه بصدمه : انت بتقول اى
شروق : انت اتجننت ازاى تقول كدا احنا اصلا مكناش جنبها
حلا: انت عارف بتقول على مين الكلام دة
الدكتور: انت متأكد
الشاب : ايوة
نور: انا هدور فالشنط بتاعتهم ومشكت شنطه عائشه ولقت الخاتم اهو يا حراميه
عائشه ببكاء : والله ما اخدت حاجه
الدكتور بحزن : اتفضلوا انتوا الاربعه وانت كمان على اوضه العميد
حلا: حضرتك مصدق
الدكتور: اسف يا حلا وخدهم وراح عند العميد
الدكتور اخدهم وراحوا عند العميد
العميد : ممكن افهم اللى حصل
الدكتور ......
#####$$$$$$$$
عند حمزة
حذيفه : كدا فى حاجه تانى
حمزة : من غير ما يبصله لا تقدر تتفضل
حذيفه : طب انا عايز شاى
حمزة : روح اشربه عند حازم
حذيفه: لا انا هشربه عند صاحبى
حمزة: والله لسه فاكر انى صحبك
حذيفه : اعذرنى يا حمزة
حمزة: انا نفسى افهم هتستفاد اى من اللى بتعمله دة كل اللى بتعمله بيغضب ربنا وصدقنى عمرك ما هتكون سعيد فى حياتك
حذيفه : يمكن بعاقب نفسى
حمزة بنفاذ ثبر: انتى لى مش مقتنع ان دة قضاء وقدر بتحصل كتير
حذيفه بحزن: بس انا اجبرتها لو مكنتش اجبرتها مكنش دة كله حصل
حمزة : يا حذيفه
قطع كلامه رن هاتفه
حمزة: الو
حلا بدموع : الحقنى يا حمزة
حمزة بقلق: فى اى يا حلا بتعيطى ل
حلا: تعال عالكليه بسرعه
حمزة: انا جى حالا
قفل السكه
حذيفه بقلق : فى اى
حمزة وهو بياخد مفاتيحه : معرفش حلا عايزانى فالكليه وبتعيط
خذيفه : طب انا جى معاك
****""""""""""""""""
فالكليه
العميد : يعنى مش ناويين تعترفوا
عائشه بدموع : والله حضرتك احنا ما اخدنا حاجه
نور: قالوا للحرامى احلف
حلا بغضب: احترمى نفسك يا بنى ادمه انتى
نور: اناانتى اتجننتى ازاى تكلمينى كدا انتى متعرفيش بتكلمى مين
حلا: لا انتو اللى متعرفوش انتوا بتتهموا مين وانا هعرفكوا كلكوا انا ابقى مين
العميد بغيظ: بنت مين يعنى
وفجأه الباب اتفتح
حمزة بغضب : بنت محمد النجار
الكل اتصدم من الاتنين اللى دخلوا فجأه
العميد بتوتر : حمزة باشا احنا مكناش
حلا بغضب : مكنتوش اى بعنى لو مكنتش من عيله النجار كنت هتعملوا اى
حذيفه : اهدى يا حلا ممكن نفهم فى اى
حلا: اهدى اى يا حذيفه الهانم نور المهدى عايزة تمشى الدنيا على مزاجها وبتتهمنى انا واصحابى باننا سرقنا خاتمها السلوتيرمتعرفش ان بأشارة منى اجيب طقم الماظ
حمزة وحذيفه بصلوا على الاتنين التانيين واتصدموا انهم نفس البنتين اللى قابلوهم فالمطعم
نور بتوتر: احنا لقينا الخاتم فشنطه عائشه
حلا بصراخ : اخرسى خالص عيشه عمرها ما تفكر مجرد تفكير تعمل كدا انا عارفه كويس انتى لى عملتى كدا
حمزة : اهدى يا حلا خلاص هنحل الموضوع
العميد : احنا بنكرر اسفنا مرة تانى واللى انتوا عايزينه هنعمله
عائشه بتوتر: مش عايزين حاجه بس احنا هنمشى ومسكت ايد شروق ولسه هتشدها
شروق : بس انا عايزه
الكل بص عليها
عائشه ؛ لا يا شروق خلينا نمشى
شروق : لا زى ما اتهمتنا قدام الكل هتعتذرلنا قدام الكل
حلا : وانا مع شروق
**********