ومازلت أحبك

الثامن (اعجاب)

**********
عند عائشه حذيفه اخدهم وراحوا مول اشتروا طلباتهم اللى كانوا عايزينها
حذيفه تلفونه رن بص لعائشه : خليكوا هنا وشوى وراجع
عائشه هزت راسها باموافقه ووقفت وبتلعب هى وياسمينا
فى ناحيه تانى
منار : اوف يا نور كل دة ومش لاقيه حاجه تعجبك انا تعبت من اللف يا نور رجلى وجعتنى
نور : مهو مفيش حاجه عجبانى محدش منزل جديد
منار: ياماما مهو عشان انتى كل شهر بتعملى شوبنج فمش حاسه بالجديد انما لو تبقى زى الطبيعيين وكل كام شهر تشترى حاجه هتحسى ان كل حاجه جديدة
نور: انتى عايزة نور المهدى تعمل شوبينج كل كام شهر نو واى
منار بنفاذ صبر؛ الكلام معاكى ولا هيقدم ولا هياخر
نور: تعالى بس نشوف المحل اللى هنا ولفت وشها اى دة
منار: فى اى
نوربخبث: مش دى البت اللى اسمها عيشه
مناربصت: اة هى غريبه دى بتعمل اى
نور بمكر: تعالى معايا نعرف بتعمل اى هنا
منار : لا يانور بلاش تعملى حاجه خلينا نمشى وبلاش فضايح حرام عليكى
نور : خليكى انتى وراحت عند عائشه
نور بغيظ: ازيك يا اسمك اى
عائشه بصتلها : اسمى عيشه
نور : اه وبتعملى اى بقه فالمكان دة اكيد بدورى على شغل اه صح منتى بطلتى تيجى الكليه الا صح بيقولوا انك كنتى كاتبه وصل امانه على نفسك وخطيبك يا حرام سابك عشانه ومين دى اوعى تكونى خطفاها وبتشحتى بيها نو نو نو
عائشه حست بخنقه : اعتقد دى حياتى محدش يدخل فيها وشئ ميخصكيش انا بعمل اى او بروح فين
نور : الحق عليا انا كنت هعرض عليكى تيجى تشتغلى عندنا بالبيت وهخلى بابى يديكى مرتب حلو
منار بضيقه: نور كفايه كدا اى اللى بتقليه دا
نور: ملكيش دعوة انتى انا اعرف اتكلم كويس مع الاشكال دى.
كل دة تحت نظرات وعيون حذيفه اللى سمع كل حاجه والدم بيغلى من جواه وعايز يروح يقلع رقبت نور
عائشه ببسمه : شكرا لعرضك بس انا مش عايزة اشتغل لانى اتجوزت ورفعت ايديها اللى فيها الدبله
نور بضحك : ههههههه اكيد اتجوزتى واحد قد جدك عشان يصرف عليكى وعلى اختك وجدتك محدش يرضى ياخد واحدة رد سجون

هنا حذيفه اتدخل وراح حط ايدة على كتف عيشه وضمها ليه
حذيفه : يلا يا حبيبتى
نور بصدمه : انت وحبيبتى مش انت الرائد حذيفه النجار قريب حلا
حذيفه بغيظ : اه وعيشه بتكون مراتى انا الراجل الكبير اللى اتجوزتو اى رايك
نور بغيظ: مراتك
حذيفه : اه وعلى فكرة انا هتغاطى عن الكلام اللى قلتيه لان عارف مراتى قلبها طيب انما لو عليا ممكن افصل راسك عن جسمك فحذارى اسمعك او المحك معديه من جنبيها فااااااهمه
نور بتوتر: فااااهمه
منار بتوتر: مبروك يا عيشه واحم متزعليش من نور
عائشه ببسمه : الله يبارك فيكى
حذيفه مسك ايدها : يلا يا حبيبتى واخدها ومشى
ونور باصه عليهم وبطلع شرار
عائشه بتوتر : شكرا
حذيفه بصلها : العفو عايزين تروحو فين
عائشه بتوتر:لو ينفع نروح الملاهى
حذيفه بصدمه  : نعم
عائشه بسرعه: يعنى ياسمينا هتنبسط وكدا بليزززز
حذيفه ببسمه من طفولتهار: ماشى
راحوا الملاهى وقضوا باقى اليوم وكانوا فرحانين وحذيفه د بيراقب عيشه وبنته وفرحان لفرحته وعيشه كانت زى طفله صغيرة وبتلعب
حذيفه قاعد لقى بنته بتعيط وعيشه شايلها وجيه
حذيفه بقلق: فى اى
عائشه : عايزة اللعبه اللى هناك دى وانا يعنى بخاف من الميه (اللعبه عبارة عن مكان بتركب فيه وبيدور فالميه)
حذيفه لقى بنته بتعيط فملقاش مفر : طب تعالوا وانا هركب معاكوا
عائشه : بس انا يعنى
حذيفه مسك ايدها : تعالى ومتخفيش
اخدها وركبوا اللعبه وعائشه خايفه وشايله ياسمينا اللى فرحانه جدا واول ما اللعبه بدأت تلف مسكت فى حذيفه وقربت منه جامد حذيفه بصلها كانت مغمضه عنيها تاه فملامحها وهى فتحت عيونها لما حست بانفاسه بتلفح وشها وتقابلت مع عنيه تاهوا مع بعض ومحسوش باى حاجه وفاقوا لما جه عليهم مايه عيشه بعدت وبتعدل طرحتها انا اسفه
حذيفخ: حصل خير
وروحوا وعائشه مكسوفه منه وقاعدة بتأنب نفسها على اللى حصل
عائشه لنفسها: انا اى اللى عملته دة يفكرنى اى بس كنت فرحانه وانا قريبه منه قلبى كان بيدق جامد كنت عايزة افضل قريبه منه اى دة اى اللى بقوله دة بتقولى اى على فكرة دا جوزك اتكلمت بصوت عالى بااااس بقه
حذيفه كان داخل المطبخ وسمعها وهى بتقول كدا
حذيفه باستغراب: انتى كويسه
عائشه بتوتر؛ ها لا اه ايوة هو انت كنت عايز حاجه
حذيفه: لا انا كنت جاى اشرب
عائشه : اه ومشت ورجعت هو انا ينفع اطلب منك طلب
حذيفه : اه
عائشه : ينفع اروح الكليه هجيب شويه ملازم وحاجات
حذيفه : حلا تجبلك اللى انتى عايزاه
عائشه : حلا تعبانه ومش بتروح وشروق مش فاضيه
حذيفه بتنهيدة : ماشى هوديكى الصبح بس ياسم
عائشه قاطعته : هنوديها عند طنط نوال انا مش هأخر
حذيفه : ماشى
عائشه : تصبح على خير
حذيفه : وانتى من اهله وفضل باصص عليها لحد ما اختفت من قدامه وبيكلم نفسه اى الاحساس دة مكنتش عايزها تمشى كنت عايزة تفضل جنبى وافتكر اللى حصل انهاردة كله وابتسم ابتسامه جانبيه ومشى
***********************
صباح يوم جديد
عائشه جهزت وجهزت ياسمينا وحضرت فطار وراحت تخبط على باب حذيفه بس مردش عليها فتحت الباب لقته لسه نايم قربت منه وبدأت تشوف ملامحوا وتايه فيه وبتهمس : حذيفه حذيفه قام فجأه وشدها عليه
حذيفه : انتى
عائشه بتوتر : انا كنت جايه اصحيك يعنى عشان هو
حذيفه : خلاص قمت اهدى
عائشه بتوتر: ممكن تبعد شوى لو سمحت
حذيفه ساب ايدها وهى طلعت تجرى من الاوضه وهو دخل اخد حمامه ولبس وخرج وقعد عالفطار وبياكل وهى قاعدة بتأكل ياسمينا ومش قادرة تبصله
حذيفه حس بتوترها  : يلا بينا
عائشه : يلا يا ياسو
حذيفه باستغراب: ياسو
عائشه ببسمه : اه ياسمينا دلعها ياسو ورفعت ياسمينا لفوق وهى عجبها الاسم مش كدا
ياسمينا : ضحكت انا ياسو 
حذيفه ابتسم لبنته وبدأ يحس بالحب ناحيتها ونزلوا
وهما فالعربيه
حذيفه: عرفتى ان حمزة هيروح يخطب شروق انهاردة
عائشه بتنهيدة : اه ربنا يستر
حذيفه باستغراب : لى فى اى
عائشه بحزن: بابا شروق انسان مش كويس خايفه يعمل حاجه او يبوظ الموضوع
حذيفه : هيبوظ سعادته بنته
عائشه : هو يبوظ سعادة اى حد عشان خاطر الفلوس وشروق بتشتغل وبتجبله فلوس ولو اتجوزت مش هيجيلوا فلوس اتنهدت تنهيدة طويله شروق طيبه اوى بس حظها وحش وهى بتحب حمزة بدعى ربنا ان الموضوع ينتهى بسلام
حذيفه : خير ان شاء الله هتروحى
عائشه بسرعه : طبعا وهو باصلها فتراجعت عن الكلام يعنى بعد اذنك هى ملهاش غيرى وانا حابه اكون مغاها
حذيفه : هز راسه بالموافقه ووصلوا عند نوال وعطوها ياسمينا وراحوا الجامعه
حذيفه: لما تخلصى رنى عليا هاجى اخدك
عائشه : ملوش لزوم انا هروح وحدى
حذيفه : مبحبش اكرر الكلام مرتين
عائشه بغيظ : حاضر وسابته ونزلت
وهو راح على شغله
***************************
فالمخابرات
حذيفه : تمام انا عايز كل تحركات الناس اللى وصلتلهم هدير وكمان انت يا ايمن خليك وراهم وحاول توصل لاى معلومات اكيد هيكون فى شحنه نازله قريب
ايمن : حاضر يا افندم
حذيفه : لازم نوصلهم لازم
هدير: تمام انا هراقب الاشخاص دى واى تفاصيل هكلم حضرتك
حذيفه : تمام
**********************
فى مكان اخر
زهير: لازم ناخد احتياطنا كوبس السحنه  كبيرة
ماجد: تمام ان شاء الله وربنا يستر
زهير: فى اقرب وقت لازم تتوزع فاهم
ماجد:فاهم انا هتفق  مع علوانى ونتفق على مكان التسليم
زهير: تمام روح انت دلوقت
ماجد: تمام سلام
*****************
المساء
حلا : اى الجمر دة ابغى اعاكسك بس استحى اكمنك اخويا وكدا
حمزة بضحك: عليكى شويه الفاظ يودوا فداهيه
حلا : مهى الفاظى دى اللى وقعتك ولااى
حمزة بغيظ: امشى يا بت امشى
حلا: متزقش طا
حمزة: لا اله الا الله طا اى طا دى
حلا: متشغلش بالك شروق هتبقى تفهمك قاموسى
عند حذيفه
حذيفه بيتكلم فالتليفون مع حمدى
حذيفه : خليه يا عمى يدور ويرسم ويخطط بس مش هينول حاجه
حمدى بتعب: يا ولدى انا خايف عليك من غضب جدك شهد عتاكل بعقله حلاوة هى وعمتك
حذيفه: عرفه انى مش هتجوز شهد لو السما انطبقت على الارض
حمدى: لي يا ولدى طيب
حذيفه: لانى اتجوزت خلاص
حمدى بصدمه: بتقول اى يا ولدى انت واعى للى عتحكيه
حذيفه: ايوة يا عمى
حمدى بخوف: جدك لو عرف هيقوم الدنيا معيقعدهاش واصل
حذيفه: انت متحكيش حاجه لحد ما انا اللى هاجى واقله
حمدى : ربنا يستر عليك يا ولدى ودير بالك على حالك
حذيفه: تسلملى يا عمى على فكرة يا عمى حمزة هيخطب انهاردة
حمدى بفرحه: جد يا ولدى
حذيفه: ايوة
حمدى بحزن: ربنا يتمم على خير باركله عنى كان نفسى اكون معاه
حذيفه: خير يا عمى كل حاجه هتتصلح وعد منى
حمدى افتكر اللى فات

حمدى فلاش باك
سامى: دلوق يا واد ولدى ابوك الله يرحمه هو وامك ومبقاش ليكوا حدا بالقاهرة فانتو هترجعوا انت واختك تعيشوا معانا هنا
حمزة: بس يا جدى هناك شغلى وشركتنا وحياتنا واختى كمان حيلتها هناك منقدرش نسيب هناك ونرجع
سامى بغضب: انا معخدش رايك انا بأمرك
حمزة بهدوء: امرك على عينى وراسى بس انا مش هقدر انفذة انا هكمل فالشركه اللى بابا وعمى اسسوها
سامى: بتقول اى
حمدى : مبيقلش حاجه يا والدى اهدى بس
حمزة: لا يا عمى انا بقول بقول انى مش هقدر اسيب حياتى وشفلى وارجع
سامى بغضب: عتعصى امرى
حمزة: انا مش شايف ان انا بعصى اوامرك انت بتجبرنى على حاجه انا مش عايزها
سامى بغضب: خلاص روح عيش هناك بس اختك هضلها هون معانا
حمزة بغضب: مستحيل اسيبها لو انطبقت السما عالارض
سامى بصوت عالى: له مش هتروح معاك
حلا اتكلمت : اسفه يا جدى بس انا من لما عيونى فتحت كان حمزة قدامى مقدرش ابعد عنه سامحنى بس انا هكون فالمكان اللى اخويا هيكون فيه
سامى بغضب: خلاص يا ولاد حسان هتخرجوا من الباب دة ومهترجعوش تانى عليه
حمزة بحزن: قصدك اى يا جدى
سامى: قصدى اللى يعصى اوامرى ميبقاش منى
حمدى : اهدى يا بوى هما معيقصدوش
سامى: يقصدوا او ميقصدوش انا قلت اللى عندى وهما احرار
حمزة بحزن بص لعمه ولجدة وكلم اخته: لمى حاجتنا يا حلا هنمشى
حمدى: اهدى يا ولدى
سامى بغضب: اتركهم يا حمدى من اليوم معدش لينا بيهم صله
بااااااك
حمدى بتنهيدة: اه يا بوى اه
حذيفه: كل حاجه هتبقى تمام يا عمى وباذن الله الامور كلها هتتصلح
حمدى بخوف: والله يا ولدى ما باين ربنا يسترها
##########