و هو يطلب قهوته الباردة من النادل، عيناه وقعت على صديقه قديم الجالس على طاولة صغيرة تحت الأضواء الخافته؛ فأخذ قهوته و ذهب ليجلس معه على نفس طاولته،و قال فجأة بدون سابق إنذار و هو يسحب كرسيه ليجلس عليه، مما ادى لإرتعاب صديقن بسبب قطعه للصمت المحيط بهم:
-فينك يا عم، مش باين ليه؟
=مشغول
-مشغول في ايه؟
= *اكتفى بالابتسام إليه و لم يرد عليه *
-طب ايه اخبارك؟
=الحمدلله زى كل يوم مفيش جديد، بصحى اكل اشرب انام
-اومال فين اللي 'مشغول' دة؟
=مشغول جوا دماغي
-نعم؟ ازاى يعني!
=حاسس ان في 'روك ميوزك' شغالة جوا دماغي و مش بتقف، و في لاعب 'درامز' مش راضي يسيب العصاية من ايده، حاسس كأنهم بيضغطوا على اعصابي؛
دة غير الفرح و العزا اللي شاغلين في وقت واحد جوا دماغي
-ازاى يعني في فرح و عزا جوا دماغك! يعني ايه؟
=في فرح بيحتفل بمستقبلني و ملئه الشغف و عزا بيتحصر على الماضي اللي راح و الخيبات الكتيرة، و انا متشتت في نص بسبب الزغاريط الممزوجة بالصويت!
-ايه يابني كل دة؟ اومال لما تكبر شوية و مسؤوليات تكتر هتعمل ايه!
=انا من دلوقتي حاسس بالمسؤوليات دي و شايل همها
-ازاي و انت بتقول ان كلك شغف و مستقبلك عامل فرح؟
=زي أهل العريس و العروسة لما يختلفوا و يدوا بعض بالجزم و برضو يصمموا انهم هيعملوا فرح، و العريس و العروسة يفرحوا شوية في الفرح و اول مايروحوا يتخانقوا مع بعض
-أنا مش فاهم حاجة؟
=يعني انا بوهم نفسي بالعافية ان مستقبلي هيبقى كويس و اني هفرح مع ان كل الأدلة بتقول عكس كدا!
-يابني، سيبك من المستقبل و الماضي و خليك في الحاضر و بص لروحك شوية
=و هى فين روحي؟ كانت ضحية لأفعال ناس اتخدعت فيها و اتسلبت مني بسبب الكتمان، كأن دخان السجاير بينزل يحرق روحي بدل صدري لغاية ما غلبها السواد و اتفتت!
-أنا همشي، واضح ان مفيش منك فايدة، سلام
=ماهو لو كان في مني فايدة لسة، كنت هتفضل تاخدها الأول و بعدين تمشي!
تمت
vote plz
أنت تقرأ
كوكب ستاربكس
Truyện Ngắnدفئها يحتضني، ورائحتها تنعش رئتاى، و عندما ارتشفها تشعرني بالثمل دون تدخل اى كحوليات؛ فالكفايين وحده يستطيع أن يتولى أمري و يجعلتي في مزاج جيد. خاصة عندما اكون وسط أناس يشبهونني و يستمعون إلي نفس الموسيقى التي تفرضها علينا المقهى، و نراقب بعضنا البع...
