للكاتبه: ود الباشا
ايلاف: ماما الله يخليج بس سمعيني خليني احاجيج
ام ايلاف: سمعيني وحطي كلامي ترجيه بذنج
فكره الشغل اطلعيها من راسج علما خطيبج تتحسن ضروفه وتتزوجون وترتاحين
ايلاف: ماما الله عليج لا تسوين هيج انتي تعرفين كلش زين مرتضئ اني ماطيقه وبابا الله يرحمه جبرني عليه
وشغل لازم اشتغل شوفي حال بيبي ماعدنه فلوس حتئ نشتريلها علاج ورسل تحتاج مدرسين
وانتي ضهرج انكسر اتسوين بهل خبز للناس وكلشي ممحصله
ام ايلاف: بنتي افهميني اني شلووون اخليج تشتغلين بلبيووت وانتي صغيره والف ابن حرام اكو وعينه عليج
ايلاف: ماما مو هاي خاله ام علي تشتغل اكول الها ادورلي علئ شغله وياها
ام ايلاف: لا تجيبين نفسج لام علي مره چبيره اني لو بيه حيل جان طلعت وشتغلت بس الوكت اخذ حيلي ومابقه بيه
ونفترض اني قبلت ولكيتي شغل شحجي شكوول لخطيبج لعمج لبن عمج
ايلاف: ماما صارلي سنتين مخطووبه وهوه حتئ متعب نفسه ولگه شغل حاير بلگهاوي ولعب وعمي اجه فديوم شافنه عايشين ميتين
ام ايلاف: الله كريم رروحي شوفي بيبيتج ممحتاجه شي
ايلاف: صار رحت لغرفه بيبي جانت نايمه
رجعت لغرفتي التفكير كاتلني ماعرف شسوي
احس بروحي متقيده
لا اكدر اعاند ماما واروح اشتغل ونرتاح ولا اكدر اكعد واسكت واشوفهم هلشكل
اجتي رسل كعدت يمي باوعتلها والدمعه بطرف عيني
رسل: شبيج حبيبتي خليها علئ الله لا تقهرين نفسج
ايلاف: شوف حالنه عمي اذا انروحله ميباوع بوجهنه صار سنتين ونص ميعرف بينه ميتين عايشين
رسل: كلشي ينحل والله بس لا تقهرين نفسج
ايلاف: شلون مانقهر واني اشووف بيبي مريضه ومنكدر نشتريلها العلاج وماما ضهرها انكسر بهل خبز
لازم اشتغل اني رسل
رسل: شنو تشتغلين ايلاف مرتضئ شلون يقبل مفكرتي بهل سالفه
ايلاف: هوه وينه اشو بس اسمه خطيبي شفتي فديوم اجه كال شمحتاجين ممحتاجين ويعرف بينه بس نسوان
اني باجر اروح لخاله ام علي ادورلي علئ شغله مستحييل اشوف بيبي وماما ديتاذون واني ابقه كاعده مجتفه ايدي
رسل: الله كريم حبيبتي الله يفرجها
ايلاف: كمت رحت يم بيبي سويتلها عشه
فدوه للگمر اني
الجده: فدوه لعيونج بنيتي
شبيها امج متعصبه
ايلاف: لا مابيها شي يلا بيبي كومي اگلي لگمه
كامت بيبي تاكل واني اباوع عليها متكدر تكعد من وجع مفاصلها ورجليها
خلصت ورجعت نامت اني هم طلعت غسلت الامواعين وعزلت المطبخ ورحت كعدت بلكراج
أنت تقرأ
الخلل بيه
Romanceمرات الخلل بينه نتاذه من نفسنه من خطواتنه الخطيناها بدون حساب الخلل يكون من عدنه مو من احد ثاني لازم نحاسب نفسنه قبل لا نحاسب الغير ما حلل احد ياخذ قصصي بدون ذكر اسمي (ذمه)
