للكاتبه: ود الباشا
لاتحزن بعد وتبچي على الراح
وعوف ادموع عينك لا تبديهه
ووگف على الجرح لاتصرخ وياه
وراح اكتب قصيدة والك اهديهَ
مدينة الم روحي لاتظــن ترتاح
وانه ابن المدينة وتيهت بيه
يل عندك جرح وتگلي مجروح
انه جروحي فاضت وين اودّيه
ايلاف: نزلت الدرج بلكوه صارت گبالي مرته وبنته غفران
غفران: ارتاحيتي فاخت دودتج يا گلبه يا خرابه بيوووت
ام ضياء: ليش تحركين دمج وتحجين ويا وحده ساااقطه كلامج مراح يهز منها شعره
بس تحركين بدمج
غفران: يييمه شنو احرك بدمي شوووفيها حتئ الاسود نازعته وهوه كالوووها حظ الگحااا...... كاااعد
ايلاف: همه يحجون واني مره اباوع منا ومره منا صووت الزلم صار عالي واخاف اجااوب وتصير سالفه اكبر اجتي مرت عمي بقت تباوع عليه وعيونها يردن يطلعن
ام يوسف: عيني ام ضياء فدوه لعينج اخذي زلمتج هسه لا يتعاركون وتصير مصيبه وكتلج والله غفران مردها لبيتها واخذيها حجاايه مني
ايلاف: حجت حجايتها الاخيره وهيه تباوع عليه صفح المشكله مو اهنا احس جسمي كام يرجف من الاعصاب بقيت افوور بداخلي وماكدر احجي تقربت مني غفران وخلت اصبعها بوجهي
غفران: كنالج طلعي من حياتنه بس مطلعتي وفوكها گلبتيها علئ راسنه انتي اختاريتي طريقج وتعررفين كلش زين هذه الطريق راح يدمر حياة عائله كامله
صدكيني راح اخلييج تبجين دم وراح اشوفج منو غفران احسبج مثل الزباله اوخرج من طريقي
ايلاف: هيه تحجي واني مصدوومه فاكه حلگي واباوع عليها شبيها هاي من كل عقلها
عافتني وراحت هيه وامها ومرت عمي غمتي وراحت وراهن احس نفسي ارريد انفجر جسمي ديرجف اعصاابي تلفت كعدت علئ الدرج واسمع كلامهم
عمي تعب هلكد ما يكوول اليوسف اسكت وهذاك يشوف سلمان يحجي هوه هم يرده الحجاايه بالف
اجتي ياسمين وكفت يمي
ياسمين: ياربي شووكت تخلص هل طلاابه هسه هوه طليقها شلوون تجيي حتئ بعدها العده مخلصانه
ايلاف: علمود شنو جايين
ياسمين: هنيالي جايين يباركولج علئ زواجج
بس بغير طريقه.
ايلاف: تالي راح نبقئ هل شكل يوميه سالفه
وعرگه وطلابه
ياسمين: الله كريم تنحل ان شالله شفتي يوسف وبابا وحتئ سيف مسكتو لأن مالهم حق يحجون مو علئ ذمته طلگها بس همه ميحسوون عبالك غصب
ايلاف: خلي يرجعها والله مالي علاقه بيها بس خليهم يچفوني شرهم تعبت اني
ياسمين: غبييه انتي لو شنو اررجع واكلج فكرري ايلاف مالج غير يوسف لا دكولين امي
امج مره چبيره ياريت لو تحير بنفسها
أنت تقرأ
الخلل بيه
Romansaمرات الخلل بينه نتاذه من نفسنه من خطواتنه الخطيناها بدون حساب الخلل يكون من عدنه مو من احد ثاني لازم نحاسب نفسنه قبل لا نحاسب الغير ما حلل احد ياخذ قصصي بدون ذكر اسمي (ذمه)
